ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ

ՇԻՐԱԿԻ ՄԱՐԶ

ԳՅՈՒՄՐԻ ՀԱՄԱՅՆՔԻ ԱՎԱԳԱՆԻ

Ո Ր Ո Շ ՈՒ Մ

«26» դեկտեմբերի 2022 թվականի N 266-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՇԻՐԱԿԻ ՄԱՐԶԻ ԳՅՈՒՄՐԻ ՀԱՄԱՅՆՔԻ 2023 ԹՎԱԿԱՆԻ ԲՅՈՒՋԵՆ ՀԱՍՏԱՏԵԼՈՒ ՄԱՍԻՆ

Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 5-րդ կետի, «Հայաստանի Հանրապետության բյուջետային համակարգի մասին» օրենքի 6-րդ հոդվածի 2-րդ մասի, 27-33-րդ հոդվածների դրույթներով, հիմք ընդունելով Հայաստանի Հանրապետության Շիրակի մարզի Գյումրի համայնքի ղեկավարի կողմից ներկայացված Գյումրի համայնքի 2023 թվականի բյուջեի նախագիծը և հաշվի առնելով 2022 թվականի դեկտեմբերի 21-ին կայացած հանրային բաց լսման և քննարկման արդյունքները՝ Հայաստանի Հանրապետության Շիրակի մարզի Գյումրի համայնքի ավագանին որոշում է.

1. Հաստատել Հայաստանի Հանրապետության Շիրակի մարզի Գյումրի համայնքի 2023 թվականի բյուջեն՝ համաձայն հավելվածի, ծախսերի և եկամուտների հետևյալ հաշվեկշռվածությամբ՝

1) եկամուտներ՝ 6 286 410 900 (վեց միլիարդ երկու հարյուր ութսունվեց միլիոն չորս հարյուր տաս հազար ինը հարյուր) Հայաստանի Հանրապետության դրամ,

2) ծախսեր՝ 6 858 170 400 (վեց միլիարդ ութ հարյուր հիսունութ միլիոն մեկ հարյուր յոթանասուն հազար չորս հարյուր) Հայաստանի Հանրապետության դրամ։

(1-ին կետը փոփ. 14.02.23 N 3-Ն, 12.04.23 N 60-Ն, 11.05.23 N 81-Ն, 12.09.23 N 158-Ն, 10.10.23 N 197-Ն)

2. Սահմանել որ՝

Հայաստանի Հանրապետության Շիրակի մարզի Գյումրի համայնքի ղեկավարը (այսուհետ՝ համայնքի ղեկավար) համայնքի 2023 թվականի բյուջեի կատարման ընթացքում կարող է կատարել վերաբաշխումներ բյուջեով հաստատված հատկացումների ընդհանուր գումարի 10%-ի սահմաններում, սույն որոշումով հաստատված ծախսերի գործառական դասակարգման առանձին խմբերի և ենթախմբերի, ինչպես նաև ենթախմբերի ներսում, այն պայմանով, որ թույլ չտրվի սույն որոշմամբ յուրաքանչյուր ենթախմբի գծով նախատեսված հատկացումների կրճատում ոչ ավել, քան 20%-ի չափով կամ ավելացում 35%-ից ավելի չափով:

3. Թույլատրել համայնքի ղեկավարին սույն որոշմամբ հաստատված հատկացումների սահմաններում.

1) Հայաստանի Հանրապետության Շիրակի մարզի համայնքի ավագանու մշտական գործող համապատասխան հանձնաժողովի ներկայացմամբ հաստատել սոցիալական ծրագրերով նախատեսված ծառայությունների և շահառուների ցանկն ու կազմակերպել վճարումների կատարումը,

2) բյուջետային ծախսերի տնտեսագիտական դասակարգման այլ ծախսերի (միջոցառումների կազմակերպում), նվիրատվությունների և սուբսիդիաների համար նախատեսված հոդվածներով հատկացումների վերծանումը և ծախսերի իրականացումը:

4. Սույն որոշումն ուժի մեջ է մտնում 2023 թվականի հունվարի 01-ից:

Հայաստանի Հանրապետության Շիրակի մարզի Գյումրի համայնքի ավագանի

Կողմ (21)

Դեմ (0)

Ձեռնպահ (0)

Վ. Սամսոնյան Գ. Մելիքյան L. Սանոյան Մ. Սահակյան Տ. Հովհաննիսյան Ա. Հովհաննիսյան Թ. Համբարձումյան Գ. Պասկևիչյան Ս. Հովհաննիսյան Հ. Ասատրյան Ս. Խուբեսարյան Վ. Մկրտչյան Ա. Բեյբուտյան Հ. Նիկողոսյան Ք. Հարությունյան Ա. Մաթևոսյան Զ. Միքայելյան Ե. Խանամիրյան Լ. Մուրադյան Ն. Միրզոյան Հ. Մարգարյան

Հայաստանի Հանրապետության Շիրակի մարզի Գյումրի համայնքի ղեկավար`	Վ. Սամսոնյան
ք. Գյումրի, «26» դեկտեմբերի 2022 թվական

Հավելված Հայաստանի Հանրապետության Շիրակի մարզի Գյումրի համայնքի ավագանու 2022 թ.-ի դեկտեմբերի 26-ի N 266 Ն որոշման» Հատվածներ 1-6

(հավելվածը խմբ. 12.04.23 N 60-Ն, 11.05.23 N 81-Ն, 28.06.23 N 111-Ն, 12.09.23 N 158-Ն, 10.10.23 N 197-Ն)

Պաշտոնական հրապարակման օրը՝ 30 դեկտեմբերի 2022 թվական: