ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

Ո Ր Ո Շ ՈՒ Մ

«28» մարտի 2023 թվականի

թիվ 43

քաղ. Մոսկվա

«Սանիտարական, անասնաբուժասանիտարական և կարանտինային բուսասանիտարական միջոցառումների կիրառման մասին» արձանագրության («Եվրասիական տնտեսական միության մասին» 2014 թվականի մայիսի 29-ի պայմանագրի թիվ 12 հավելված) 23-րդ կետին համապատասխան՝ Եվրասիական տնտեսական հանձնաժողովի կոլեգիան որոշեց.

1. Հաստատել կից ներկայացվող՝ Եվրասիական տնտեսական միության մաքսային տարածք ներմուծվող և Եվրասիական տնտեսական միության մաքսային տարածքով տեղափոխվող՝ կարանտինային հսկողության վերցված արտադրանքի (կարանտինային հսկողության վերցված բեռների, կարանտինային հսկողության վերցված նյութերի, կարանտինային հսկողության վերցված ապրանքների) խմբաքանակների հետագծելիության կարգը (այսուհետ՝ Կարգ)։

2. Սույն որոշումն ուժի մեջ է մտնում դրա պաշտոնական հրապարակման օրվանից 12 ամիսը լրանալուց հետո՝ բացառությամբ Կարգի 20-րդ կետի, բայց ոչ շուտ, քան 2022 թվականի մարտի 31-ին ստորագրված՝ ««Եվրասիական տնտեսական միության մասին» 2014 թվականի մայիսի 29-ի պայմանագրում փոփոխություններ կատարելու մասին» արձանագրությունն ուժի մեջ մտնելու օրվանից։

Կարգի 20-րդ կետն ուժի մեջ է մտնում սույն որոշումն ուժի մեջ մտնելու օրվանից 12 ամիսը լրանալուց հետո։

Եվրասիական տնտեսական հանձնաժողովի կոլեգիայի նախագահ՝

Մ. Մյասնիկովիչ

ՀԱՍՏԱՏՎԱԾ Է Եվրասիական տնտեսական հանձնաժողովի կոլեգիայի 2023 թվականի մարտի 28-ի թիվ 43 որոշմամբ

1. Սույն կարգով սահմանվում է երրորդ երկրներից Եվրասիական տնտեսական միության (այսուհետ՝ Միություն) մաքսային տարածք ներմուծվող և Միության մաքսային տարածքով տեղափոխվող՝ հավելվածի ցանկին համապատասխան բուսասանիտարական բարձր ռիսկայնությամբ կարանտինային հսկողության վերցված արտադրանքի (կարանտինային հսկողության վերցված բեռների, կարանտինային հսկողության վերցված նյութերի, կարանտինային հսկողության վերցված ապրանքների) (այսուհետ՝ կարանտինային հսկողության վերցված արտադրանք) խմբաքանակների հետագծելիության ապահովելուն ուղղված գործողությունների հաջորդականությունը՝ կարանտինային բուսասանիտարական հսկողության (վերահսկողության) շրջանակներում՝ Միության մաքսային տարածքում կարանտինային բուսասանիտարական անվտանգությունն ապահովելու նպատակով։

2. Սույն կարգի գործողությունը տարածվում է՝

ա) Միության անդամ պետությունների՝ բույսերի կարանտինի ոլորտում լիազորված մարմինների (այսուհետ համապատասխանաբար՝ անդամ պետություններ, լիազորված մարմիններ) վրա․

բ) իրավաբանական անձանց և ֆիզիկական անձանց, այդ թվում՝ որպես անհատ ձեռնարկատերեր գրանցված, երրորդ երկրներից Միության մաքսային տարածք կարանտինային հսկողության վերցված արտադրանքի խմբաքանակների ներմուծում և Միության մաքսային տարածքով կարանտինային հսկողության վերցված արտադրանքի խմբաքանակների տեղափոխում իրականացնող անձանց վրա․

գ) իրավաբանական անձանց և ֆիզիկական անձանց, այդ թվում՝ որպես անհատ ձեռնարկատերեր գրանցված անձանց վրա, որոնց գործունեությունը կապված է կարանտինային հսկողության վերցված արտադրանքի արտադրության հետ։

3. Կարանտինային հսկողության վերցված ապրանքների խմբաքանակի հետագծելիությունն իրականացվում է մինչև Միության մաքսային տարածքում դրա նշանակման վայր հասնելը։

4. Սույն կարգի նպատակներով օգտագործվում են հասկացություններ, որոնք ունեն հետևյալ իմաստը.

«կարանտինային հսկողության վերցված արտադրանքի խմբաքանակի նույնականացման համար»՝ տառաթվային կամ թվային ծածկագիր, որը տրվում է կարանտինային հսկողության վերցված արտադրանքի յուրաքանչյուր խմբաքանակին այդպիսի խմբաքանակի ժամանման վայրում առաջնային կարանտինային բուսասանիտարական հսկողություն (վերահսկողություն) իրականացնող լիազորված մարմնի կողմից կամ արտահանող (վերարտահանող) երկրի լիազորված մարմնի կողմից՝ բուսասանիտարական սերտիֆիկատ ձևակերպելու ժամանակ.

«կարանտինային հսկողության վերցված արտադրանքի խմբաքանակի հետագծելիություն»՝ լիազորված մարմնի՝ տեղեկատվական համակարգի օգտագործմամբ կարանտինային հսկողության վերցված արտադրանքի խմբաքանակը և կարանտինային հսկողության վերցված արտադրանքի խմբաքանակի ծագման վայրը փաստաթղթերով նույնականացնելու, ինչպես նաև Միության մաքսային տարածքում այդպիսի խմբաքանակի ժամանման վայր հասնելը հաստատելու հնարավորություն․

«նույնականացման միջոցներ»՝ մակնշում, ստվերագծային ծածկագիր (շտրիխ կոդ), QR ծածկագիր, կապարակնիք և այլ միջոցներ, որոնք օգտագործվում են Միության մարմինների ակտերին համապատասխան և թույլ են տալիս նույնականացնել կարանտինային հսկողության վերցված արտադրանքի խմբաքանակը։

Սույն կարգում օգտագործվող մյուս հասկացությունները կիրառվում են «Եվրասիական տնտեսական միության մասին» 2014 թվականի մայիսի 29-ի պայմանագրով, Միության իրավունքը կազմող միջազգային պայմանագրերով ու ակտերով սահմանված իմաստներով:

5. Իրավաբանական անձինք և ֆիզիկական անձինք, այդ թվում՝ որպես անհատ ձեռնարկատերեր գրանցված, երրորդ երկրներից Միության մաքսային տարածք կարանտինային հսկողության վերցված արտադրանքի խմբաքանակի ներմուծում և Միության մաքսային տարածքով կարանտինային հսկողության վերցված արտադրանքի խմբաքանակի տեղափոխում իրականացնող անձինք կարանտինային բուսասանիտարական հսկողության (վերահսկողության) փաստաթղթերի ձևակերպումն ու հաշվառումն ապահովող լիազորված մարմնի տեղեկատվական համակարգի (այսուհետ՝ տեղեկատվական համակարգ) օգտագործմամբ իրենց անդամ պետության լիազորված մարմին են ներկայացնում հետևյալ տեղեկությունները.

ա) իրավաբանական անձի անվանումը, ֆիզիկական անձի, այդ թվում՝ որպես անհատ ձեռնարկատեր գրանցված անձի ազգանունը, անունը, հայրանունը (առկայության դեպքում)․

բ) գրանցման կամ հաշվառման (անհատական, նույնականացման) համարը․

գ) գտնվելու վայրի և գործունեության իրականացման վայրի հասցեները․

դ) խմբաքանակի ծավալը և կարանտինային հսկողության վերցված արտադրանքի տեսակը (ԵԱՏՄ ԱՏԳ ԱԱ ծածկագիր (ծածկագրեր))․

ե) կարանտինային հսկողության վերցված արտադրանքի խմբաքանակի արտադրության վայրի անվանումը և հասցեն (անհրաժեշտության դեպքում):

6. Կարանտինային հսկողության վերցված արտադրանքի արտադրության գործունեությամբ զբաղվող իրավաբանական անձինք և ֆիզիկական անձինք, այդ թվում՝ որպես անհատ ձեռնարկատերեր գրանցված անձինք տեղեկատվական համակարգի օգտագործմամբ իրենց անդամ պետության լիազորված մարմին են ներկայացնում հետևյալ տեղեկությունները՝

ա) իրավաբանական անձի անվանումը, ֆիզիկական անձի, այդ թվում՝ որպես անհատ ձեռնարկատեր գրանցված անձի ազգանունը, անունը, հայրանունը (առկայության դեպքում)․

բ) գրանցման կամ հաշվառման (անհատական, նույնականացման) համարը․

գ) գտնվելու վայրի և գործունեության իրականացման վայրի հասցեները․

դ)  ընթացիկ վեգետացիայի շրջանի ցանքատարածությունների կառուցվածքը․

ե)  մշակաբույսերի մասով բերքատվությունն ընթացիկ վեգետացիայի շրջանում.

զ)  սերմացուի և տնկանյութի արտադրության վայրը (ծագման երկիրը), սորտի անվանումը։

7. Սույն կարգի 5-րդ և 6-րդ կետերում նշված տեղեկությունները ներկայացնելը պարտադիր չէ, եթե այդպիսի տեղեկությունները պարունակվում են տեղեկատվական համակարգում:

8. Երրորդ երկրներից Միության մաքսային տարածք ներմուծվող և Միության մաքսային տարածքով տեղափոխվող կարանտինային հսկողության վերցված արտադրանքի խմբաքանակի հետագծելիությունն ապահովելու նպատակով լիազորված մարմինը տեղեկատվական համակարգ է մուտքագրում կարանտինային հսկողության վերցված արտադրանքի խմբաքանակի նկատմամբ անցկացված կարանտինային բուսասանիտարական միջոցառումների արդյունքները։

9. Երրորդ երկրներից Միության մաքսային տարածք կարանտինային հսկողության վերցված արտադրանքի խմբաքանակի ներմուծում և Միության մաքսային տարածքով կարանտինային հսկողության վերցված արտադրանքի խմբաքանակի տեղափոխում իրականացնող իրավաբանական անձինք և ֆիզիկական անձինք, այդ թվում՝ որպես անհատ ձեռնարկատերեր գրանցված անձինք կարանտինային հսկողության վերցված արտադրանքի խմբաքանակը ստանալու դեպքում տեղեկատվական համակարգի օգտագործմամբ անհապաղ տեղեկացնում են նշանակման վայրի անդամ պետության լիազորված մարմնին երրորդ երկրներից Միության մաքսային տարածք ներմուծվող և Միության մաքսային տարածքով տեղափոխվող՝ կարանտինային հսկողության վերցված արտադրանքի խմբաքանակի ժամանման վերաբերյալ։

10. Լիազորված մարմինը տեղեկատվական համակարգի օգտագործմամբ իրականացնում է՝

ա) սույն կարգի 5-րդ և 6-րդ կետերում նշված անձանց վերաբերյալ տեղեկատվության հավաքագրում, վերլուծություն, մշակում և պահպանում.

բ) կարանտինային հսկողության վերցված արտադրանքի խմբաքանակի նույնականացման համարների ցանկի ձևավորում և վարում։

11. Կարանտինային բուսասանիտարական հսկողություն (վերահսկողություն) իրականացնելիս լիազորված մարմնի պաշտոնատար անձն իրականացնում է կարանտինային հսկողության վերցված արտադրանքի խմբաքանակի նույնականացման համարի և նույնականացման միջոցների (եթե այդպիսիք կան) ստուգում՝ այդ խմբաքանակի վերաբերյալ ձևավորված տեղեկատվության համապատասխանության առումով: Նշված ստուգումն իրականացվում է տեղեկատվական համակարգի օգտագործմամբ և (կամ) թղթային կրիչի վրա բեռնված փաստաթղթերի ուսումնասիրությամբ:

12. Լիազորված մարմինը, իր անդամ պետության օրենսդրությանը համապատասխան, ապահովում է սույն կարգի 5-րդ և 6-րդ կետերում նշված անձանց համար հասանելիություն տեղեկատվական համակարգին՝ սույն կարգի 5-րդ, 6-րդ և 9-րդ կետերին համապատասխան տեղեկատվություն փոխանցելու նպատակով:

13. Կարանտինային հսկողության վերցված արտադրանքի խմբաքանակի հետագծելիությունն ապահովող տեղեկատվական համակարգում առկա տեղեկատվության հասանելիությունն իրականացվում է՝ հաշվի առնելով տեղեկություններին հասանելիություն ունեցող անձին նույնականացնելու հնարավորություն ընձեռող տվյալների անվտանգության ապահովմանն ուղղված պահանջները:

14. Անձնական, պետական, առևտրային, բանկային, հարկային կամ օրենքով պահպանվող այլ գաղտնիք համարվող տեղեկատվության և գաղտնի այլ տեղեկատվության հաշվառումը, համակարգումը, փոխակերպումը և պահպանումը, ինչպես նաև այդպիսի տեղեկատվության հետ այլ գործառնությունների կատարումն իրականացվում են անդամ պետությունների օրենսդրությանը համապատասխան:

15. Երրորդ երկրներից Միության մաքսային տարածք ներմուծվող՝ կարանտինային հսկողության վերցված արտադրանքի խմբաքանակը նույնականացվում է լիազորված մարմնի կողմից՝ Միության մաքսային սահմանի անցման կետերում առաջնային կարանտինային բուսասանիտարական հսկողություն (վերահսկողություն) իրականացնելիս դրան նույնականացման համար տրամադրելու և բուսասանիտարական սերտիֆիկատից և ապրանքաուղեկից փաստաթղթերից ու (կամ) նույնականացման միջոցներից տեղեկությունները տեղեկատվական համակարգ մուտքագրելու միջոցով:

16. Միության մաքսային տարածքով տեղափոխվող՝ կարանտինային հսկողության վերցված արտադրանքի խմբաքանակը նույնականացվում է այդ խմբաքանակի համար բուսասանիտարական սերտիֆիկատ տրամադրելիս։

17. Կարանտինային հսկողության վերցված արտադրանքի խմբաքանակը տեղեկատվական համակարգում գրանցվում է դրան նույնականացման համար տրամադրելու միջոցով (նշելով ամսաթիվը և ժամը)՝ հետևյալ սխեմայով՝

ХХ/ՕՕԱԱՏՏ/000000000,

որտեղ՝

ХХ-ն անդամ պետության 2 նիշ պարունակող տառային ծածկագիրն է (աշխարհի երկրների դասակարգչին համապատասխան)․

ՕՕԱԱՏՏ-ն տեղեկատվության գրանցման ամսաթիվն է (օրը, ամիսը, օրացուցային տարվա վերջին 2 թվանշանները)․

000000000-ն՝ գրանցման ժամանակ ձևավորվող 9 նիշ պարունակող հերթական համարն է (յուրաքանչյուր օրացուցային տարի համարակալումը սկսվում է 000000001-ից)։

18. Կարանտինային հսկողության վերցված արտադրանքի խմբաքանակը գրանցելիս տեղեկատվական համակարգում ձևավորվում են հետևյալ տեղեկությունները.

ա) կարանտինային հսկողության վերցված արտադրանքի խմբաքանակն ուղարկողի անվանումը և հասցեն՝ բուսասանիտարական սերտիֆիկատին և (կամ) տրանսպորտային (փոխադրման) փաստաթղթերին համապատասխան․

բ) կարանտինային հսկողության վերցված արտադրանքի խմբաքանակը ստացողի անվանումը և հասցեն՝ բուսասանիտարական սերտիֆիկատին և (կամ) տրանսպորտային (փոխադրման) փաստաթղթերին համապատասխան․

գ) տրանսպորտային (փոխադրման) փաստաթուղթը կազմելու ամսաթիվը և համարը (առկայության դեպքում)․

դ) Միության մաքսային տարածքում կարանտինային հսկողության վերցված արտադրանքի խմբաքանակի ժամանման վայրի մաքսային մարմնի ծածկագիրը (ներմուծվող՝ կարանտինային հսկողության վերցված արտադրանքի համար)․

ե) տրանսպորտային միջոցների համարը․

զ) բուսասանիտարական սերտիֆիկատի համարը, տրման ամսաթիվը և արտահանող (վերարտահանող) երկիրը, որի լիազորված մարմինը տվել է բուսասանիտարական սերտիֆիկատը.

է) կարանտինային հսկողության վերցված արտադրանքի անվանումը․

ը) կարանտինային հսկողության վերցված արտադրանքի ծածկագրերը՝ ԵԱՏՄ ԱՏԳ ԱԱ-ին համապատասխան.

թ) կարանտինային հսկողության վերցված արտադրանքի քանակը (կիլոգրամներով, հատերով և չափման այլ միավորներով)․

ժ) կարանտինային հսկողության վերցված արտադրանքի խմբաքանակի ծագման երկիրը և վայրը (առկայության դեպքում).

ժա) կարանտինային հսկողության վերցված արտադրանքի խմբաքանակի փաթեթվածքի վրա առկա մակնշումը․

ժբ) կարանտինային հսկողության վերցված արտադրանքի խմբաքանակի վարակազերծման մասին տեղեկատվությունը (առկայության դեպքում)․

ժգ) կարանտինային բուսասանիտարական հսկողության (վերահսկողության) արդյունքները (կարանտինային բուսասանիտարական հսկողության (վերահսկողության) ակտի, կարանտինային բուսասանիտարական փորձաքննության եզրակացության (առկայության դեպքում) համարը)․

ժդ) կարանտինային հսկողության վերցված արտադրանքի խմբաքանակն արտադրողի անվանումը (երրորդ երկրների համար՝ առկայության դեպքում):

19. Եթե կարանտինային հսկողության վերցված արտադրանքի խմբաքանակը, որին արդեն իսկ նույնականացման համար է տրվել, բաժանվում է, ապա վերարտահանող երկրի լիազորված մարմնի կողմից բուսասանիտարական սերտիֆիկատ տրամադրելիս կարանտինային հսկողության վերցված արտադրանքի խմբաքանակի յուրաքանչյուր մասի տրվում է նույնականացման նոր համար՝ հղում կատարելով նույնականացման նախորդ համարին։

20. Երրորդ երկրներից կարանտինային հսկողության վերցված արտադրանքի խմբաքանակ Միության մաքսային տարածք ներմուծելիս, եթե այդպիսի խմբաքանակի ժամանման վայրը գտնվում է մեկ անդամ պետության տարածքում, իսկ մաքսային ձևակերպման ավարտի վայրը՝ մեկ այլ անդամ պետության տարածքում, ինչպես նաև Միության մաքսային տարածքով կարանտինային հսկողության վերցված արտադրանքի խմբաքանակ տեղափոխելիս լիազորված մարմինները Միության ինտեգրացված տեղեկատվական համակարգի օգտագործմամբ ապահովում են սույն կարգի 18-րդ կետում նշված տեղեկությունների փոխանակումը։

21. Կարանտինային բուսասանիտարական հսկողության (վերահսկողության) շրջանակներում կարանտինային հսկողության վերցված արտադրանքի խմբաքանակի հետագծելիության նպատակով լիազորված մարմինները Միության մարմինների ակտերին և անդամ պետությունների օրենսդրությանը համապատասխան կազմակերպում են տեղեկատվական փոխգործակցություն պետական հսկողության (վերահսկողության) գործառույթներ իրականացնող մարմինների, ինչպես նաև իրենց անդամ պետության այլ մարմինների հետ, այդ թվում՝ անդամ պետություններում տրանսպորտային միջոցների տեղաշարժի առցանց մշտադիտարկման համակարգերի աշխատանքի շրջանակներում (առկայության դեպքում) տեղեկությունների փոխանակման հարցերով մարմինների հետ:

22. Տեղեկատվական համակարգում Միության մաքսային տարածքով տեղափոխվող կարանտինային հսկողության վերցված արտադրանքի խմբաքանակի հետագծելիության մասին տեղեկությունների բացակայության դեպքում, որի պատճառ կարող է հանդիսանալ կապի միջոցների (հեռահաղորդակցական ցանցերի և «Ինտերնետ» տեղեկատվական-հեռահաղորդակցական ցանցի) աշխատանքի տեխնիկական խափանումների, ընդհատումների, էլեկտրաէներգիայի անջատման հետևանքով առաջացած անսարքությունը, այդպիսի արտադրանքի խմբաքանակի տեղափոխման օրինականությունը հաստատվում է «Եվրասիական տնտեսական միության մաքսային սահմանին կարանտինային բուսասանիտարական հսկողության (վերահսկողության) իրականացման կարգի մասին» հիմնադրույթի և Մաքսային միության հանձնաժողովի 2010 թվականի հունիսի 18-ի թիվ 318 որոշմամբ հաստատված՝ «Եվրասիական տնտեսական միության մաքսային տարածքում կարանտինային բուսասանիտարական հսկողություն (վերահսկողություն) իրականացնելու կարգի մասին» հիմնադրույթի համաձայն ձևակերպված՝ կարանտինային բուսասանիտարական հսկողության (վերահսկողության) արդյունքներին համապատասխան։

ՀԱՎԵԼՎԱԾ Եվրասիական տնտեսական միության մաքսային տարածք ներմուծվող և Եվրասիական տնտեսական միության մաքսային տարածքով տեղափոխվող՝  կարանտինային հսկողության վերցված արտադրանքի (կարանտինային հսկողության վերցված բեռների, կարանտինային հսկողության վերցված նյութերի,  կարանտինային հսկողության վերցված ապրանքների) խմբաքանակների հետագծելիության կարգի

* Սույն Ցանկի օգտագործման նպատակներով անհրաժեշտ է առաջնորդվել ինչպես ԵԱՏՄ ԱՏԳ ԱԱ ծածկագրով, այնպես էլ արտադրանքի անվանմամբ

Պաշտոնական հրապարակման օրը՝ 11 հոկտեմբերի 2023 թվական: