ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՄԵԾԱՄՈՐ ՀԱՄԱՅՆՔԻ ԱՎԱԳԱՆԻ

Ո Ր Ո Շ ՈՒ Մ

13 ՀՈԿՏԵՄԲԵՐԻ 2023 թվականի N 179-Ն

Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 5-րդ կետով, «Նորմատիվ իրավական ակտերի մասին» Հայաստանի Հանրապետության օրենքի 33-րդ հոդվածի 1-ին մասի 1-ին կետով և հիմք ընդունելով համայնքի ղեկավարի առաջարկությունը

1. Հայաստանի Հանրապետության Արմավիրի մարզի Մեծամոր համայնքի ավագանու 2022 թվականի դեկտեմբերի 16-ի «Հայաստանի Հանրապետության Արմավիրի մարզի Մեծամոր համայնքի 2023 թվականի բյուջեն հաստատելու մասին» N 270-Ն որոշման մեջ կատարել հետևյալ փոփոխությունը.

1) Վարչական բյուջեի պահուստային ֆոնդը ավելացնել 19545․0 հազար ՀՀ դրամով և այն ուղղել ֆոնդային բյուջե։

2) Եկամտային մասով․

ա) Այլ եկամուտներ տողն ավելացնել 644․8 հազար ՀՀ դրամով (տող 1393)։

3) Ծախսային մասով․

1) 01-1-1 (Օրենսդիր և գործադիր մարմիններ) նախահաշվի

4112 (Պարգևատրումներ, դրամական խրախուսումներ և հատուկ վճարներ) հոդվածից պակասեցնել 19545․0 հազար ՀՀ դրամ։

2) 04-2-4 (Ոռոգում) նախահաշվի

5113 (Շենքերի և շինությունների կապիտալ վերանորոգում) հոդվածին ավելացնել 11500․0 հազար ՀՀ դրամ։

3) 04-3-2 (Նավթամթերք և բնական գազ) նախահաշվի

5113 (Շենքերի և շինությունների կապիտալ վերանորոգում) հոդվածին ավելացնել 1200․0 հազար ՀՀ դրամ,

5134 (Նախագծահետազոտական ծախսեր) հոդվածին ավելացնել 2185․0 հազար ՀՀ դրամ:

4) 04-5-1 (Ճանապարհային տրանսպորտ) նախահաշվի

5134 (Նախագծահետազոտական ծախսեր) հոդվածին ավելացնել 1250․0․0 հազար ՀՀ դրամ։

5) 06-3-1 (Ջրամատակարարում) նախահաշվի

5113 (Շենքների և շինությունների կապիտալ վերանորոգում) հոդվածին ավելացնել 2000․0 հազար ՀՀ դրամ։

6) 08-2-3 (Մշակույթի տներ, ակումբներ, կենտրոններ) նախահաշվի

5134 (Նախագծահետազոտական ծախսեր) հոդվածին ավելացնել 920․0․0 հազար ՀՀ դրամ։

7) 09-01-01 (նախադպրոցական կրթություն) նախահաշվի

5134 (Նախագծահետազոտական ծախսեր) հոդվածին ավելացնել 490․0 հազար ՀՀ դրամ:

8) 09-5-1 (Արտադպրոցական դաստիարակություն) նախահաշվի

4637 (ընթացիկ դրամաշնորհներ պետական և համայնքների ոչ առևտրային կազմակերպություններին) հոդվածին ավելացնել 644․8 հազար ՀՀ դրամ։

2․ Սույն որոշումն ուժի մեջ է մտնում պաշտոնական հրապարակման օրվան հաջորդող օրը:

Համայնքի ղեկավար`

Վ. Խաչատրյան

13.10.2023 թ.

ՀԻՄՆԱՎՈՐՈՒՄ

ՀՀ Արմավիրի մարզի Մեծամոր համայնքի 2023 թվականի բյուջեի փոփոխության

Հայաստանի Հանրապետության Մեծամոր համայնքի ավագանու 2022 թվականի դեկտեմբերի 16-ի թիվ 270-Ն որոշման մեջ կատարելու փոփոխությունը պայմանավորված է «Տեղական ինքնակառավարման մասին» Հայաստանի Հանրապետության օրենքի 16-րդ հոդվածի առաջին մասի 3-րդ կետի պահանջով և դրա անհրաժեշտությունը կայանում է նրանում, որ այն ուղղված է Մեծամոր համայնքի զարգացմանը նպաստելուն՝ բյուջետային համակարգի միասնականությունն ապահովող բյուջետային գործընթացի կազմակերպման համաձայնեցված սկզբունքների, բյուջետային դասակարգման, հաշվառման և հաշվետվության միասնական մեթոդաբանության հիման վրա:

Բյուջեի եկամտային մասում փոփոխությունը պայմանավորված է կամավոր ատեստավորում անցած մանկավարժ աշխատակցին լրավճար տրամադրելու համար, որի ֆինանսավորումը կատարվում է պետության կողմից։

Օրենսդիր և գործադիր մարմիններ նախահաշվի պարգևատրումներ, դրամական խրախուսումներ և հատուկ վճարներ հոդվածի պակասեցումն անհրաժեշտ է այլ կապիտալ ծրագրեր իրականացնելու համար։

Ոռոգում նախահաշվի շենքերի և շինությունների կապիտալ վերանորոգում հոդվածին ավելացումն անհրաժեշտ է խորքային հորերի կապիտալ վերանորոգման համար։

Նավթամթերք և բնական գազ նախահաշվի շենքերի և շինությունների կապիտալ վերանորոգում հոդվածին ավելացումն անհրաժեշտ է Ջանֆիդա բնակավայրի գազաֆիկացման աշխատանքների գումարը վճարելու համար։ Իսկ նախագծահետազոտական ծախսեր հոդվածին ավելացումն անհրաժեշտ է Մեծամոր համայնքի բնակավայրի գազաֆիկացման աշխատանքների նախագծերի փորձաքննության ծառայությունների ձեռքբերման համար։

Ճանապարհային տրանսպորտ նախահաշվի նախագծահետազոտական ծախսեր հոդվածին ավելացումն անհրաժեշտ է Մրգաշատ բնակավայրի 9-րդ փողոցի ճանապարհի ասֆալտապատման աշխատանքների նախագծերի փորձաքննության ծառայությունների ձեռքբերման համար։

Ջրամատակարարում նախահաշվի շենքերի և շինությունների կապիտալ վերանորոգում հոդվածին ավելացումն անհրաժեշտ է խմելու ջրի ջրամատակարարման աշխատանքների հեղինակային հսկողության ծառայությունների ձեռքբերման համար։

Մշակույթի տներ, ակումբներ, կենտրոններ նախահաշվի նախագծահետազոտական ծախսեր հոդվածին ավելացումն անհրաժեշտ է Ալաշկերտ և Մրգաշատ բնակավայրերի մշակույթի տների վերանորոգման աշխատանքների նախագծերի փորձաքննության ծառայությունների ձեռքբերման համար։

Նախադպրոցական կրթություն նախահաշվի նախագծահետազոտական ծախսեր հոդվածի ավելացումն անհրաժեշտ է Երասխահուն բնակավայրի մանկապարտեզի կառուցման աշխատանքների նախագծի փաստաթղթերի փորձաքննության ծառայությունների ձեռքբերման համար։

Արտադպրոցական դաստիարակություն նախահաշվի ընթացիկ դրամաշնորհներ պետական և համայնքային ոչ առևտրային կազմակերպություններին հոդվածի ավելացումն անհրաժեշտ է «Շառլ Ազնավուրի անվան արվեստի դպրոց» համայնքային ոչ առևտրային կազմակերպությանը դրամաշնորհ հատկացնելու համար։

Համայնքի ղեկավար`

Վ. Խաչատրյան

Հատվածներ 1-3, 6

Պաշտոնական հրապարակման օրը՝ 23 հոկտեմբերի 2023 թվական: