ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԽՈՐՀՈՒՐԴ

Ո Ր Ո Շ ՈՒ Մ

14 դեկտեմբերի 2022 թվականի

թիվ 166

քաղ. Մոսկվա

«Գնումների կարգավորման կարգի մասին» արձանագրության («Եվրասիական տնտեսական միության մասին» 2014 թվականի մայիսի 29-ի պայմանագրի թիվ 25 հավելված) 33-րդ կետին համապատասխան՝ Եվրասիական տնտեսական հանձնաժողովի խորհուրդը որոշեց.

1. Եվրասիական տնտեսական հանձնաժողովի խորհրդի 2015 թվականի նոյեմբերի 23-ի թիվ 69 որոշմամբ հաստատված՝ Եվրասիական տնտեսական միության անդամ պետությունների կողմից պետական (մունիցիպալ) գնումների ոլորտում ազգային ռեժիմից բացառումներ սահմանելու վերաբերյալ ակտերի ընդունման մասին անդամ պետությունների ծանուցումները, այդ ակտերը վերացնելու հարցերով անդամ պետությունների դիմումները Եվրասիական տնտեսական հանձնաժողովի կողմից քննարկվելու, ինչպես նաև այդ ակտերը վերացնելու անհրաժեշտության վերաբերյալ Հանձնաժողովի կողմից որոշումների ընդունման կարգում կատարել փոփոխություններ՝ համաձայն հավելվածի։

2. Եվրասիական տնտեսական հանձնաժողովի կոլեգիային՝ մինչև 2022 թվականի դեկտեմբերի 30–ը Եվրասիական տնտեսական միության պաշտոնական կայքում տեղադրել Եվրասիական տնտեսական միության անդամ պետությունների կողմից մինչև պետական (մունիցիպալ) գնումն իրականացնելու ավարտը հնարավոր մատակարարների մասին տեղեկատվության գաղտնիությունը պահպանելու անհրաժեշտության հետ կապված՝ պետական (մունիցիպալ) գնումներ իրականացնելու առանձնահատկություններ, ապրանքների (աշխատանքների, ծառայությունների) առանձին տեսակների պետական (մունիցիպալ) գնումներ իրականացնելու առանձնահատկություններ, որոշակի հնարավոր մատակարարից կոնկրետ պետական (մունիցիպալ) գնում և ազգային ռեժիմից բացառումներ սահմանելու վերաբերյալ ակտերի ընդունման մասին անդամ պետությունների ծանուցումների ռեեստրը և ապահովել դրա վարումը։

3. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո՝ բացառությամբ փոփոխությունների (սույն որոշման հավելված) 1-ին կետի «ա» ենթակետի երրորդ պարբերության, 2-րդ, 7–րդ և 18-րդ կետերի։

Փոփոխությունների (սույն որոշման հավելված) 1-ին կետի «ա» ենթակետի երրորդ պարբերությունն ուժի մեջ է մտնում 2022 թվականի մարտի 31-ին ստորագրված՝ «Եվրասիական տնտեսական միության մասին» 2014 թվականի մայիսի 29-ի պայմանագրում փոփոխություններ կատարելու մասին» արձանագրությունն ուժի մեջ մտնելու օրվանից։

Փոփոխությունների (սույն որոշման հավելված) 2–րդ կետն ուժի մեջ է մտնում սույն որոշումն ուժի մեջ մտնելու օրվանից 60 օրացուցային օրը լրանալուց հետո։

Փոփոխությունների (սույն որոշման հավելված) 7–րդ և 18-րդ կետերն ուժի մեջ են մտնում Եվրասիական տնտեսական միության պաշտոնական կայքում սույն որոշման 2–րդ կետում նշված ռեեստրի տեղադրման օրվանից 60 օրացուցային օրը լրանալուց հետո։

Եվրասիական տնտեսական հանձնաժողովի խորհրդի անդամներ՝

Հայաստանի Հանրապետությունից՝	Բելառուսի Հանրապետությունից՝	Ղազախստանի Հանրապետությունից՝	Ղրղզստանի Հանրապետությունից՝	Ռուսաստանի Դաշնությունից՝
Մ. Գրիգորյան	Ի. Պետրիշենկո	Ս. Ժումանգարին	Ա. Կասիմալիև	Ա. Օվերչուկ

ՀԱՎԵԼՎԱԾ Եվրասիական տնտեսական հանձնաժողովի խորհրդի 2022 թվականի դեկտեմբերի 14-ի թիվ 166 որոշման

1. 3-րդ կետում՝

ա) առաջին նախադասությունում՝

«ինչպես նաև» բառերը հանել.

«Արձանագրության 32-րդ կետով և սույն կարգով սահմանված ժամկետների պահպանման ու օպերատիվության ապահովման նպատակներով ուղարկվում են պետական գնումների ոլորտում անդամ պետությունների լիազորված կարգավորող և (կամ) հսկող մարմիններ (այսուհետ՝ լիազորված մարմիններ)» բառերը փոխարինել «Արձանագրության 32-րդ կետի առաջին պարբերությամբ սահմանված ժամկետի պահպանման ու օպերատիվության ապահովման նպատակներով ուղարկվում են պետական գնումների ոլորտում անդամ պետությունների՝ կարգավորման և (կամ) հսկողության գործառույթներ իրականացնող մարմիններ (այսուհետ՝ լիազորված մարմիններ),» բառերով.

«թիվ 1 հավելվածով սահմանված ցանկի համաձայն էլեկտրոնային փոստի հասցեներով» բառերը փոխարինել «էլեկտրոնային փոստի հասցեներով, որոնց մասին տեղեկատվությունը տեղադրվում է Եվրասիական տնտեսական միության պաշտոնական կայքում» բառերով.

բ) երկրորդ նախադասությունը «նշված փաստաթղթերը» բառերից հետո լրացնել «անդամ պետությունների կառավարություններ,» բառերով։

2. 5-րդ կետն ուժը կորցրած ճանաչել:

3. 6-րդ կետի երկրորդ պարբերությունը շարադրել հետևյալ խմբագրությամբ՝

«ազգային ռեժիմից բացառում»՝ մեկ անդամ պետության կողմից, այդ անդամ պետության կառավարության կամ պետության ղեկավարի ակտին համապատասխան, այլ անդամ պետությունների տարածքներից ծագող ապրանքներին (աշխատանքներին, ծառայություններին), հնարավոր մատակարարներին և այդ ապրանքներն առաջարկող (աշխատանքները կատարող, ծառայությունները մատուցող)՝ այլ անդամ պետությունների մատակարարներին ազգային ռեժիմի չտրամադրում.»։

4. 8-րդ կետում՝

ա) «բ» ենթակետի երկրորդ պարբերությունը շարադրել հետևյալ խմբագրությամբ՝

«սույն կարգի 9–րդ կետով նախատեսված դեպքի բացառիկության հիմնավորումը, եթե ընդունվող ակտով սահմանվում են ազգային ռեժիմից բացառումներ (բացառությամբ Արձանագրության թիվ 3 հավելվածի 14–րդ կետին համապատասխան ընդունված՝ հնարավոր մատակարարից կոնկրետ պետական գնման մասին ակտի) կամ ապրանքների (աշխատանքների, ծառայությունների) առանձին տեսակների պետական գնումների իրականացման առանձնահատկություններ.».

բ) «գ» ենթակետը «կոնկրետ» բառից հետո լրացնել «պետական» բառով։

5. 9-րդ կետում՝

ա) «գ» ենթակետը «շրջակա միջավայրի» բառերից հետո լրացնել «, կենդանիների և բույսերի» բառերով.

բ) «դ» ենթակետում «կենդանիների և բույսերի,» բառերը հանել։

6. 13–րդ կետում «ենթակետերում նշված» բառերը փոխարինել «ենթակետերով նախատեսված» բառերով։

7. 17-րդ կետը շարադրել հետևյալ խմբագրությամբ՝

«17. Ակտի մասին ծանուցման վերաբերյալ տեղեկատվությունը, որը թիվ 3 հավելվածի համաձայն սահմանված ցանկով տեղեկություններ է պարունակում, ակտի մասին ծանուցումն ստացվելու օրվանից 15 աշխատանքային օրը չգերազանցող ժամկետում Հանձնաժողովի կողմից տեղադրվում է ակտերի մասին ծանուցումների ռեեստրում՝ Եվրասիական տնտեսական միության պաշտոնական կայքում։»։

8. 18–րդ կետում «32–րդ կետով» բառերը փոխարինել «32–րդ կետի երկրորդ և երրորդ պարբերություններով» բառերով։

9. 20-րդ կետում՝

ա) առաջին պարբերությունը շարադրել հետևյալ խմբագրությամբ՝

«20. Ակտը վերացնելու մասին դիմումը անդամ պետության կառավարության կամ լիազորված մարմնի կողմից միաժամանակ ուղարկվում է ակտն ընդունած անդամ պետության կառավարություն և այդ անդամ պետության լիազորված մարմին, ինչպես նաև Հանձնաժողով և ներառում է՝».

բ) «գ» ենթակետը շարադրել հետևյալ խմբագրությամբ՝

«գ) ակտը վերացնելու անհրաժեշտության վերաբերյալ անդամ պետության դիրքորոշման հիմնավորումը՝ նշելով՝

պետական գնումներին մասնակցության ժամանակ անդամ պետության անձանց՝ այդ ակտի ընդունման կապակցությամբ խախտված իրավունքները և օրինական շահերը.

այդ ակտի ընդունման հետևանքով անդամ պետության տնտեսության համար բացասական տնտեսական հետևանքները և (կամ) տնտեսության ճյուղին հասցված վնասը.»։

10. Լրացնել հետևյալ բովանդակությամբ 201 կետով՝

«201. Ակտը վերացնելու մասին դիմումն ստանալու դեպքում ակտն ընդունած անդամ պետության կառավարությունը կամ այդ անդամ պետության լիազորված մարմինն ակտը վերացնելու մասին դիմումն ստացվելու օրվան հաջորդող օրվանից 10 աշխատանքային օրը չգերազանցող ժամկետում ակտը վերացնելու մասին դիմումն ուղարկած անդամ պետության կառավարություն կամ այդ անդամ պետության լիազորված մարմին և այդ թվում՝ Հանձնաժողով է ուղարկում հետևյալ տեղեկատվությունը՝

ա) սույն կարգի թիվ 2 հավելվածով նախատեսված տեղեկությունները.

բ) անդամ պետության դիրքորոշումը՝ սույն կարգի 20–րդ կետի «գ» ենթակետով նախատեսված հիմնավորման առնչությամբ.

գ) ակտի ընդունման անհրաժեշտության հիմնավորումը՝ նշելով ազգային ռեժիմի տրամադրման անհնարինության մասին վկայող հանգամանքները։»։

11. 21-րդ կետում՝

ա) «ա» ենթակետի երկրորդ պարբերությունը շարադրել հետևյալ խմբագրությամբ՝

«սույն կարգի 20–րդ կետում նշված փաստաթղթերի (նյութերի) և տեղեկությունների առկայության առումով.».

բ) «բ» ենթակետի առաջին պարբերությունը շարադրել հետևյալ խմբագրությամբ՝

«բ) կատարում է սույն կարգի 20–րդ կետին համապատասխան ներկայացված փաստաթղթերի (նյութերի) և տեղեկությունների վերլուծություն, այդ թվում՝»։

12. 25-րդ կետում «7 օրացուցային օրը» բառերը փոխարինել «3 աշխատանքային օրը» բառերով:

13. 41–րդ կետում «, հաստատվում է Հանձնաժողովի կոլեգիայի անդամի կողմից» բառերը հանել։

14. 42–րդ կետը լրացնել «՝ Արձանագրության 33–րդ կետի առաջին պարբերությամբ սահմանված ժամկետում» բառերով։

15. 45–րդ կետում «առաջին և երկրորդ պարբերություններով» բառերը փոխարինել «առաջին պարբերությամբ» բառերով։

16. Նշված կարգի թիվ 1 հավելվածը հանել։

17. Նշված կարգի թիվ 2 հավելվածում՝

ա) 3–րդ կետը հանել.

բ) 4–րդ կետը շարադրել հետևյալ խմբագրությամբ՝

«4. Արտադրողները և ապրանքի արտադրության (աշխատանքի կատարման, ծառայության մատուցման) ծավալները*».

գ) 10–րդ կետը լրացնել ծանոթագրության «**» նշանով.

դ) «*» և «**» նշաններով ծանոթագրությունները շարադրել հետևյալ խմբագրությամբ՝

«*Ցուցանիշների վերաբերյալ տեղեկությունները ներկայացնելը պարտադիր է և իրականացվում է ընդհանուր առմամբ Եվրասիական տնտեսական միության անդամ պետության առնչությամբ՝ տեղեկատվության առկայության դեպքում՝ այդ անդամ պետության արտադրողների (ազգային տնտեսության ճյուղի) մասով։

**Ցուցանիշների վերաբերյալ տեղեկությունները ներկայացնելն իրականացվում է Եվրասիական տնտեսական միության անդամ պետության հայեցողությամբ, ընդհանուր առմամբ՝ այդ անդամ պետության առնչությամբ՝ տեղեկատվության առկայության դեպքում՝ այդ անդամ պետության արտադրողների (ազգային տնտեսության ճյուղի) մասով։».

ե) ծանոթագրության առաջին պարբերությունը լրացնել հետևյալ բովանդակությամբ նախադասությամբ՝

«Ապրանքների (աշխատանքների, ծառայությունների) վերաբերյալ այդ ցուցանիշները և տեղեկությունները (բնաիրային և դրամական արտահայտությամբ) ներկայացվում են ազգային դասակարգիչներին համապատասխան։»։

18. Լրացնել հետևյալ բովանդակությամբ թիվ 3 հավելվածով՝

«ՀԱՎԵԼՎԱԾ ԹԻՎ 3 Եվրասիական տնտեսական միության անդամ պետությունների կողմից պետական (մունիցիպալ) գնումների ոլորտում ազգային ռեժիմից բացառումներ սահմանելու վերաբերյալ ակտերի ընդունման մասին անդամ պետությունների ծանուցումները, այդ ակտերը վերացնելու հարցերով անդամ պետությունների դիմումները Եվրասիական տնտեսական հանձնաժողովի կողմից քննարկվելու, ինչպես նաև այդ ակտերը վերացնելու անհրաժեշտության վերաբերյալ Հանձնաժողովի կողմից որոշումների ընդունման կարգի

1. Եվրասիական տնտեսական միության անդամ պետության (այսուհետ՝ անդամ պետություն) ակտի նախագծի անվանումը, որի մասին ծանուցումն ստացվել է Եվրասիական տնտեսական հանձնաժողովում՝ «Գնումների կարգավորման կարգի մասին» արձանագրության («Եվրասիական տնտեսական միության մասին» 2014 թվականի մայիսի 29-ի թիվ 25 հավելված) 32–րդ կետին համապատասխան (այսուհետ՝ ակտի մասին ծանուցում), կամ այն դեպքում, երբ ակտն ընդունվել է՝ ակտի անվանումը և վավերապայմանները (կցելով ակտի նախագծի (ակտի) տեքստը պարունակող նիշքը)։

2. Անդամ պետության ակտի նախագծով նախատեսվող կարգավորման որակավորումը՝

մինչև պետական (մունիցիպալ) գնումն իրականացնելու ավարտը՝ հնարավոր մատակարարների մասին տեղեկատվության գաղտնիությունը պահպանելու անհրաժեշտության հետ կապված՝ պետական (մունիցիպալ) գնումներ իրականացնելու առանձնահատկություններ.

ապրանքների (աշխատանքների, ծառայությունների) առանձին տեսակների պետական (մունիցիպալ) գնումներ իրականացնելու առանձնահատկություններ.

որոշակի հնարավոր մատակարարից կոնկրետ պետական (մունիցիպալ) գնում.

ազգային ռեժիմից բացառումներ։

3. Անդամ պետության ակտի նախագծով նախատեսվող կարգավորման համառոտ բովանդակությունը։

4. «Գնումների կարգավորման կարգի մասին» արձանագրության («Եվրասիական տնտեսական միության մասին» 2014 թվականի մայիսի 29-ի թիվ 25 հավելված) և Եվրասիական տնտեսական հանձնաժողովի խորհրդի 2015 թվականի նոյեմբերի 23-ի թիվ 69 որոշմամբ հաստատված՝ Եվրասիական տնտեսական միության անդամ պետությունների կողմից պետական (մունիցիպալ) գնումների ոլորտում ազգային ռեժիմից բացառումներ սահմանելու վերաբերյալ ակտերի ընդունման մասին անդամ պետությունների ծանուցումները, այդ ակտերը վերացնելու հարցերով անդամ պետությունների դիմումները Եվրասիական տնտեսական հանձնաժողովի կողմից քննարկվելու, ինչպես նաև այդ ակտերը վերացնելու անհրաժեշտության վերաբերյալ Հանձնաժողովի կողմից որոշումների ընդունման կարգի դրույթներին ակտի մասին ծանուցման համապատասխանության կամ անհամապատասխանության վերաբերյալ տեղեկությունները։»։

Պաշտոնական հրապարակման օրը՝ 10 հոկտեմբերի 2023 թվական: