ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

3 մարտի 2016 թվականի N 202-Ն

ՄԱՔՍԱՅԻՆ ՏԱՐԱԾՔՈՒՄ, ՆԵՐՔԻՆ ՍՊԱՌՄԱՆ ՀԱՄԱՐ ԵՎ ՄԱՔՍԱՅԻՆ ՏԱՐԱԾՔԻՑ ԴՈՒՐՍ ԱՊՐԱՆՔՆԵՐԻ ՎԵՐԱՄՇԱԿՄԱՆ ԹՈՒՅԼՏՎՈՒԹՅԱՆ ՏՐԱՄԱԴՐՄԱՆ ԿԱՐԳԸ, ՁԵՎԸ, ԼՐԱՑՄԱՆ ԿԱՐԳԸ, ՎԵՐԱՄՇԱԿՄԱՆ ԹՈՒՅԼՏՎՈՒԹՅԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՄ ԼՐԱՑՈՒՄՆԵՐ ԿԱՏԱՐԵԼՈՒ, ՉԵՂԱՐԿԵԼՈՒ, ՎԵՐԱՄՇԱԿՄԱՆ ԹՈՒՅԼՏՎՈՒԹՅԱՆ ՓԱՍՏԱԹՂԹԻ ԳՈՐԾՈՂՈՒԹՅՈՒՆԸ ԿԱՍԵՑՆԵԼՈՒ ԵՎ ՎԵՐՍԿՍԵԼՈՒ ԿԱՐԳԸ ՍԱՀՄԱՆԵԼՈՒ ՄԱՍԻՆ

(վերնագիրը խմբ. 11.08.23 N 1352-Ն)

Հիմք ընդունելով «Մաքսային կարգավորման մասին» Հայաստանի Հանրապետության օրենքի 116-րդ հոդվածի 4-րդ մասը, 126-րդ հոդվածի 4-րդ մասը և 135-րդ հոդվածի 4-րդ մասը՝ Հայաստանի Հանրապետության կառավարությունը որոշում է.

(նախաբանը լրաց. 10.08.17 N 981-Ն, խմբ. 11.08.23 N 1352-Ն)

1. Սահմանել`

1) մաքսային տարածքում և ներքին սպառման համար ապրանքների վերամշակման թույլտվության տրամադրման կարգը, ձևը, լրացման կարգը, վերամշակման թույլտվության մեջ փոփոխություններ կամ լրացումներ կատարելու, չեղարկելու, վերամշակման թույլտվության փաստաթղթի գործողությունը կասեցնելու և վերսկսելու կարգը՝ համաձայն N 1 հավելվածի․

2) մաքսային տարածքից դուրս ապրանքների վերամշակման թույլտվության տրամադրման կարգը, ձևը, լրացման կարգը, վերամշակման թույլտվության մեջ փոփոխություններ կամ լրացումներ կատարելու, չեղարկելու, վերամշակման թույլտվության փաստաթղթի գործողությունը կասեցնելու և վերսկսելու կարգը՝ համաձայն N 2 հավելվածի։

3) (ենթակետն ուժը կորցրել է 11.08.23 N 1352-Ն)

4) (ենթակետն ուժը կորցրել է 11.08.23 N 1352-Ն)

(1-ին կետը լրաց. 10.08.17 N 981-Ն, խմբ., փոփ. 11.08.23 N 1352-Ն)

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Հայաստանի Հանրապետության վարչապետ	Հ. Աբրահամյան
2016 թ. մարտի 10 Երևան

Հավելված N 1 ՀՀ կառավարության 2016 թվականի մարտի 3-ի N 202-Ն որոշման

ՄԱՔՍԱՅԻՆ ՏԱՐԱԾՔՈՒՄ ԵՎ ՆԵՐՔԻՆ ՍՊԱՌՄԱՆ ՀԱՄԱՐ ԱՊՐԱՆՔՆԵՐԻ ՎԵՐԱՄՇԱԿՄԱՆ ԹՈՒՅԼՏՎՈՒԹՅԱՆ ՏՐԱՄԱԴՐՄԱՆ ԿԱՐԳԸ, ՁԵՎԸ, ԼՐԱՑՄԱՆ ԿԱՐԳԸ, ՎԵՐԱՄՇԱԿՄԱՆ ԹՈՒՅԼՏՎՈՒԹՅԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՄ ԼՐԱՑՈՒՄՆԵՐ ԿԱՏԱՐԵԼՈՒ, ՉԵՂԱՐԿԵԼՈՒ, ՎԵՐԱՄՇԱԿՄԱՆ ԹՈՒՅԼՏՎՈՒԹՅԱՆ ՓԱՍՏԱԹՂԹԻ ԳՈՐԾՈՂՈՒԹՅՈՒՆԸ ԿԱՍԵՑՆԵԼՈՒ ԵՎ ՎԵՐՍԿՍԵԼՈՒ ԿԱՐԳԸ

(վերնագիրը խմբ. 11.08.23 N 1352-Ն)

1. Սույն կարգի դրույթներով կարգավորվում են «Վերամշակում` մաքսային տարածքում» և «Վերամշակում` ներքին սպառման համար» մաքսային ընթացակարգերով ներմուծվող ապրանքների ձևակերպման համար վերամշակման թույլտվությունների տրամադրման, թույլտվությունների լրացման, դրանցում փոփոխություններ կամ լրացումներ կատարելու, դրանց չեղարկման, գործողության կասեցման և վերսկսման հետ կապված հարաբերությունները։

2. «Վերամշակում` մաքսային տարածքում» մաքսային ընթացակարգի շրջանակներում մաքսային տարածքում ապրանքների վերամշակման թույլտվություն կամ «Վերամշակում` ներքին սպառման համար» մաքսային ընթացակարգի շրջանակներում ներքին սպառման համար ապրանքների վերամշակման թույլտվություն (այսուհետ` թույլտվություն) ստանալու նպատակով «Մաքսային կարգավորման մասին» օրենքի (այսուհետ՝ օրենք) 117-րդ հոդվածի 1-ին մասով կամ 136-րդ հոդվածի 1-ին մասով սահմանված անձը (այսուհետ` հայտատու) մաքսային մարմին է ներկայացնում պատշաճ վավերացված և ստորագրված դիմում՝ մաքսային մարմինների միասնական ավտոմատացված տեղեկատվական համակարգի (այսուհետ՝ համակարգ) միջոցով, իսկ մինչև համակարգում համապատասխան փոփոխությունների գործարկումը՝ էլեկտրոնային եղանակով՝ դրանում ներառելով օրենքի 117-րդ հոդվածով կամ 136-րդ հոդվածով սահմանված տեղեկությունները և կցելով նույն հոդվածներով սահմանված փաստաթղթերը: Անհաղթահարելի ուժի ազդեցության առկայության դեպքերում դիմումը կարող է ներկայացվել նաև թղթային եղանակով:

3. Օրենքի 117-րդ հոդվածով կամ 136-րդ հոդվածով նախատեսված և սույն կարգի 2-րդ կետում նշված դիմումի հետ միասին հայտատուի կողմից ներկայացվում են՝

1) ներմուծվող ապրանքների վերամշակումից հետո ստացվելիք արդյունքի, ինչպես նաև վերամշակումից գոյացած թափոնների, մնացորդների և կորուստների նվազագույն չափաքանակների հաշվարկը կամ ստանդարտ չափաքանակների հիման վրա լրացված հաշվարկը՝ սույն կարգի N 1 ձևին համապատասխան.

2) պատվիրատուի և վերամշակողի (արտադրողի) միջև ծառայությունների մատուցման (աշխատանքների կատարման) պայմանագրերի պատճենները և վերամշակման արդյունքում ստացվող ապրանքների արտահանման պայմանագրերի պատճենները, եթե վերամշակման արդյունքում ստացված ապրանքներն արտահանվում են պատվիրատուին կամ պատվիրատուի կողմից նախանշված այլ անձին.

3) մատակարարման պայմանագրի կամ հաշիվ-ապրանքագրի պատճենը և վերամշակման արդյունքում ստացվող ապրանքների արտահանման պայմանագրերի պատճենները, եթե վերամշակման արդյունքում ստացված ապրանքներն արտահանվում են համաձայն ստորագրված արտահանման պայմանագրերի.

4) արտաքին տնտեսական գործարքի կատարումը հավաստող փաստաթղթերի կամ արտաքին տնտեսական գործարքից դուրս` ապրանքների տիրապետման, օգտագործման և (կամ) տնօրինման իրավունքը հավաստող փաստաթղթերի մասին տեղեկություններ` ներքին սպառման համար ապրանքների վերամշակման դեպքում.

5) Հայաստանի Հանրապետության էկոնոմիկայի նախարարության կողմից տրամադրված պետական վերահսկողության ակտը՝ Եվրասիական տնտեսական հանձնաժողովի կոլեգիայի 2015 թվականի ապրիլի 21-ի N 30 որոշման 2-րդ հավելվածի 2․9-րդ և 2․10-րդ բաժիններում ընդգրկված ապրանքների համար։

4. «Վերամշակում` մաքսային տարածքում» և «Վերամշակում` ներքին սպառման համար» մաքսային ընթացակարգերով ներմուծվող որոշ ապրանքների վերամշակումից հետո ստացվելիք արդյունքի նվազագույն չափաքանակը (ելքի նորման) այն քանակն է, որը գոյանում է ըստ արտադրական պրոցեսի վերամշակման համար ներմուծվող որոշակի քանակությամբ օտարերկրյա ապրանքների վերամշակման արդյունքում` բնաիրային կամ արժեքային չափի միավորներով և (կամ) տոկոսային արտահայտությամբ:

5. «Վերամշակում` մաքսային տարածքում» և «Վերամշակում` ներքին սպառման համար» մաքսային ընթացակարգերով ներմուծվող օտարերկրյա ապրանքների վերամշակումից հետո ստացվելիք թափոնների ու մնացորդների չափաքանակն այն քանակությունն է, որը գոյանում է արտադրական պրոցեսի արդյունքում և սույն կարգի 4-րդ կետում նշված վերամշակումից հետո ստացվելիք արդյունքի նվազագույն չափաքանակ չի համարվում:

6. Մնացորդ է համարվում սույն կարգի 5-րդ կետով սահմանված` վերամշակումից հետո ստացվելիք արդյունքի նվազագույն չափաքանակ չհանդիսացող` վերամշակումից գոյացած հումքի և նյութերի այն քանակությունը, որը դասվում է հումքի, նյութերի հետ նույն ԱՏԳ ԱԱ ծածկագրին և չի կորցրել իր սկզբնական սպառողական հատկությունները:

7. Թափոն է համարվում վերամշակումից գոյացած հումքի, նյութերի այն քանակությունը, որը կորցրել է իր սկզբնական սպառողական հատկությունները և հնարավոր չէ օգտագործել որպես հումք` նմանատիպ կամ այլ արտադրական գործընթացում:

8. Կորուստ է համարվում ապրանքների վերամշակման արտադրական գործընթացի արդյունքում գոյացած և (կամ) չվերականգնվող (անվերադարձելի) հումքի, նյութերի այն քանակությունը, որը կորցրել է իր սկզբնական հատկությունները: Կորուստ են համարվում նաև բնական կորուստները:

9. Ներմուծվող ապրանքների վերամշակումից հետո ստացվելիք արդյունքի, ինչպես նաև վերամշակումից գոյացած թափոնների, մնացորդների և կորուստների նվազագույն չափաքանակները հաշվարկվում են հետևյալ եղանակներից որևէ մեկով`

1) պատվիրատուի և վերամշակողի (արտադրողի) միջև ստորագրված պայմանագրով ամրագրված վերամշակման նվազագույն արդյունքի և (կամ) վերամշակումից գոյացած թափոնների, մնացորդների և կորուստների չափաքանակով, ընդ որում՝ պայմանագրում պետք է պարունակվեն ապրանքների հստակ նույնականացումն ապահովող անհրաժեշտ տեղեկությունները (արտադրանքի պատվերներ, տեխնոլոգիական գործընթացներ).

2) վերամշակողի (արտադրողի) կողմից տվյալ արտադրանքի արտադրության համար հաստատված ազգային ստանդարտների, միջազգային ստանդարտների, եվրոպական ստանդարտների, միջպետական ստանդարտների, տեխնիկական փաստաթղթերի պահանջներին համապատասխան հաշվարկված վերամշակման նվազագույն արդյունքի և (կամ) վերամշակումից գոյացած թափոնների, մնացորդների և կորուստների չափաքանակով.

3) գիտահետազոտական կազմակերպությունների կազմում գտնվող փորձարկման լաբորատորիաների կամ հավատարմագրման մասին Հայաստանի Հանրապետության օրենսդրությամբ սահմանված կարգով հավատարմագրված փորձարկման լաբորատորիաների (այսուհետ` լաբորատորիա) կողմից հաստատված վերամշակման նվազագույն արդյունքի, ինչպես նաև վերամշակումից գոյացած թափոնների, մնացորդների և կորուստների չափաքանակով:

10. Հայտատուի կողմից ներկայացված՝ վերամշակման նվազագույն արդյունքի, ինչպես նաև վերամշակումից գոյացած թափոնների, մնացորդների և կորուստների՝ լաբորատորիաների կողմից հաստատված չափաքանակները բավարար հիմք են մաքսային մարմնի համար՝ վերամշակման թույլտվության տրամադրման նպատակով:

11. Թույլտվություն ստանալու նպատակով հայտատուն կարող է դիմել մաքսային մարմին մատակարարման կամ ծառայությունների մատուցման (աշխատանքների կատարման) պայմանագրի ստորագրման պահից:

12. Հայտատուն Հայաստանի Հանրապետության օրենքով սահմանված կարգով պատասխանատվություն է կրում իր ներկայացրած փաստաթղթերի և տեղեկությունների ամբողջականության և արժանահավատության համար:

13. Օրենքի 117-րդ հոդվածի 6-րդ և 7-րդ կամ օրենքի 136-րդ հոդվածի 5-րդ մասերով սահմանված ժամկետներում մաքսային մարմնի կողմից համակարգի միջոցով, իսկ մինչև համակարգում համապատասխան փոփոխությունների գործարկումը՝ էլեկտրոնային եղանակով, դիմումի ուսումնասիրության արդյունքներով տրամադրվում է թույլտվություն՝ համաձայն սույն կարգի N 2 ձևի: Անհաղթահարելի ուժի ազդեցության առկայության դեպքում թույլտվությունը կարող է տրամադրվել թղթային եղանակով։

14. Վերամշակման թույլտվությունները լրացվում են հետևյալ կարգով՝

1) թույլտվության գրանցման համարի՝

ա․ առաջին բաղադրիչի ներքո լրացվում է թույլտվության գրանցման հերթական համարը,

բ․ 2-րդ բաղադրիչի ներքո լրացվում է այն մաքսային մարմնի ծածկագիրը, որը տրամադրում է թույլտվությունը,

գ․ 3-րդ բաղադրիչի ներքո լրացվում է «Վերամշակում՝ մաքսային տարածքում» մաքսային ընթացակարգի ծածկագիրը՝ մաքսային տարածքում վերամշակման թույլտվությունների դեպքում կամ «Վերամշակում՝ ներքին սպառման համար» մաքսային ընթացակարգի ծածկագիրը՝ ներքին սպառման համար վերամշակման թույլտվությունների դեպքում,

դ․ 4-րդ բաղադրիչը լրացվում է թույլտվության մեջ փոփոխությունների իրականացման դեպքում՝ նշելով նախորդ թույլտվության հերթական համարը․

2) թույլտվության՝ «Վերամշակման արդյունքների վերաբերյալ տեղեկություններ» դաշտի 2-րդ, 4-ից 6-րդ, 8-ից 10-րդ, 12-ից 14-րդ, 16-ից 18-րդ և 20-ից 21-րդ սյունակներում նշվում են ապրանքների անվանումները, քանակներն ու արժեքները կամ արժեքային միջակայքերը ըստ առևտրային փաստաթղթերի, իսկ 3-րդ, 7-րդ, 11-րդ, 15-րդ և 19-րդ սյունակներում ապրանքների ծածկագրերը լրացվում են 10 նիշի մակարդակով․

3) թույլտվության՝ «Օտարերկրյա ապրանքների՝ համարժեք փոխարինման մասին տեղեկություններ» դաշտի 2-րդ սյունակում լրացվում է մաքսային մարմնի կողմից տրամադրված համարժեք ապրանքներով փոխարինման թույլտվության համարը, 3-րդ, 4-րդ և 5-րդ սյունակներում՝ համարժեք ապրանքների անվանումը, քանակը և ԱՏԳ ԱԱ ծածկագիրը՝ 10 նիշի մակարդակով․

4) թույլտվության՝ «այլ տեղեկություններ» դաշտի՝

ա․ 1-ին մասում լրացվում են ապրանքների նույնականացման՝ հայտատուի կողմից առաջարկվող կամ մաքսային մարմնի կողմից սահմանված եղանակները՝ օրենքի 113-րդ կամ 132-րդ հոդվածներին համապատասխան,

բ․ 2-րդ մասում լրացվում է վերամշակման գործողությունների հակիրճ նկարագիրը՝ ըստ հայտատուի կողմից ներկայացված պայմանագրերի,

գ․ 3-րդ մասում լրացվում է ապրանքների վերամշակման ժամկետը,

դ․ 4-րդ մասը լրացվում է ապրանքների վերամշակման ժամկետների երկարաձգման դեպքում՝ նշելով երկարաձգված ժամկետները,

ե․ 5-րդ մասում լրացվում են վերամշակման գործողություններն անմիջականորեն իրականացնող անձի (անձանց) անվանումը կամ անունը, ազգանունը, հարկ վճարողի հաշվառման համարը (անհատ ձեռնարկատեր չհանդիսացող ֆիզիկական անձանց համար՝ առկայության դեպքում), վերամշակման գործունեության իրականացման վայրը, հեռախոսահամարը,

զ․ 6-րդ մասում լրացվում են վերամշակման նպատակով ապրանքների ներմուծման գործարքի համար հիմք հանդիսացող և թույլտվության լրացման պահին առկա՝ առևտրային բոլոր փաստաթղթերի ամսաթվերն ու համարները,

է․ 7-րդ մասում թափոնների՝ հետագա առևտրային նպատակներով օգտագործման մասին տեղեկատվությունը լրացվում է հայտարարատուի կողմից ներկայացված տեղեկատվության հիման վրա, որը հետագայում ենթակա է ճշգրտման,

ը․ 8-րդ մասում լրացվում են այն մաքսային մարմինների անվանումները, որտեղ նախատեսվում է կատարել ապրանքների ձևակերպումը «Վերամշակում՝ մաքսային տարածքում» կամ «Վերամշակում՝ ներքին սպառման համար» մաքսային ընթացակարգերով, ինչպես նաև այն մաքսային մարմինների անվանումները, որտեղ նախատեսվում է կատարել նշված մաքսային ընթացակարգերի ավարտին առնչվող գործառնությունները,

թ․ 9-րդ մասը լրացվում է մաքսային մարմնի կողմից լրացուցիչ նշումների իրականացման անհրաժեշտության առաջացման դեպքում։

15. Մաքսային մարմինը դիմումի ուսումնասիրության ժամանակ կարող է հայտատուից պահանջել ներկայացնել դիմումի մեջ ներառված տեղեկությունները հաստատող փաստաթղթերը՝ դրանք ներկայացված չլինելու դեպքում, կամ պահանջել ներկայացնել դիմումի մեջ ներառված տեղեկությունները հաստատող լրացուցիչ փաստաթղթեր և (կամ) տեղեկություններ՝ դրանք թերի ներկայացված լինելու դեպքում, որի պարագայում դիմումի ուսումնասիրության համար օրենքով նախատեսված ժամկետը կասեցվում է և վերսկսվում է սույն կարգի 16-րդ կետով սահմանված ժամկետում հայտատուի կողմից փաստաթղթերի և (կամ) տեղեկությունների ներկայացման կամ դրանց բացակայության վերաբերյալ տեղեկատվության ներկայացման օրվանից:

16. Հայտատուն սույն կարգի 15-րդ կետով նախատեսված փաստաթղթերը և (կամ) տեղեկությունները կամ դրանց բացակայության վերաբերյալ տեղեկատվությունը մաքսային մարմնին ներկայացնում է մաքսային մարմնի կողմից ծանուցումը ստանալու օրվանից 5 աշխատանքային օրվա ընթացքում։

17. Սույն կարգի 15-րդ և 16-րդ կետերով նախատեսված՝ ծանուցման, փաստաթղթերի կամ տեղեկությունների կամ լրացուցիչ փաստաթղթերի և տեղեկությունների բացակայության վերաբերյալ տեղեկատվության ներկայացումն իրականացվում են համակարգի միջոցով, իսկ մինչև համակարգում համապատասխան փոփոխությունների գործարկումը՝ էլեկտրոնային եղանակով, կամ անհաղթահարելի ուժի ազդեցության առկայության դեպքում՝ թղթային եղանակով։

18. Թույլտվություն ստանալու մասին դիմումը մաքսային մարմնի կողմից մերժվում է hայտատուի կողմից սույն կարգի 15-րդ կետով սահմանված փաստաթղթերը և (կամ) տեղեկությունները կամ դրանց բացակայության վերաբերյալ տեղեկատվությունը չներկայացնելու դեպքում, ինչպես նաև օրենքի 117-րդ հոդվածի 8-րդ կամ օրենքի 136-րդ հոդվածի 7-րդ մասերով և սույն կարգի 23-րդ կետով սահմանված հիմքերով:

19. Եթե հայտատուի կողմից սույն կարգի 3-րդ կետի 1-ին ենթակետում նշված հաշվարկում ներկայացված` վերամշակումից հետո ստացվելիք արդյունքի չափաքանակները չեն համապատասխանում օրենքի 115-րդ հոդվածի 3-րդ մասով կամ օրենքի 134-րդ հոդվածի 3-րդ մասով նախատեսված ստանդարտ չափաքանակներին կամ օրենքի 117-րդ հոդվածի 6-րդ մասին կամ 136-րդ հոդվածի 5-րդ մասին համապատասխան ստացված տեղեկատվությանը կամ համանման ապրանքների համար հաստատված և կիրառվող չափաքանակներին, ապա հայտատուի կողմից ներկայացված տվյալները մաքսային մարմնի կողմից կայացվող որոշմամբ կարող են ենթարկվել փորձաքննության:

20. Սույն կարգի 19-րդ կետով նախատեսված փորձաքննությունը կարող է իրականացվել մինչև թույլտվության տրամադրումը կամ թույլտվության տրամադրումից հետո՝ լաբորատորիաների կողմից:

21. Մինչև թույլտվության տրամադրումը փորձաքննության իրականացման ժամանակահատվածում թույլտվության ստացման համար ներկայացված դիմումի ուսումնասիրության համար օրենքով սահմանված ժամկետը կասեցվում է, իսկ վերսկսվում է՝ փորձաքննության արդյունքների վերաբերյալ հայտատուին ծանուցումից հետո՝ հայտատուի կողմից ներկայացված տեղեկատվության ստացման օրվանից։

22. Մինչև թույլտվության տրամադրումն իրականացված փորձաքննության արդյունքներով հայտատուի կողմից ներկայացված տեղեկությունների ճշգրտման անհրաժեշտության դեպքում մաքսային մարմինը դիմումի ուսումնասիրության համար օրենքով սահմանված ժամկետում այդ մասին ծանուցում է հայտատուին։

23. Հայտատուն սույն կարգի 22-րդ կետով նախատեսված ծանուցումը ստանալուց հետո 5 աշխատանքային օրվա ընթացքում մաքսային մարմնին տալիս է փորձաքննության արդյունքում ճշգրտված տվյալների հիման վրա թույլտվության ստացման մասին համաձայնություն կամ հրաժարվում է թույլտվությունը ստանալուց, որի դեպքում մաքսային մարմինը մերժում է թույլտվության տրամադրումը։

24. Փորձաքննության արդյունքում ճշգրտված տվյալների հիման վրա թույլտվության ստացման մասին համաձայնության տրամադրման դեպքում մաքսային մարմնի կողմից թույլտվությունները տրամադրվում են փորձաքննության արդյունքում ճշգրտված տվյալների հիման վրա։

25. Սույն կարգի 22-րդ և 23-րդ կետերով նախատեսված ծանուցումները կատարվում են համակարգի միջոցով, իսկ մինչև համակարգում համապատասխան փոփոխությունների գործարկումը՝ էլեկտրոնային եղանակով, կամ անհաղթահարելի ուժի ազդեցության առկայության դեպքում՝ թղթային եղանակով։

26. Թույլտվության տրամադրումից հետո իրականացված փորձաքննության արդյունքներով հայտատուի կողմից ներկայացված տեղեկությունների ճշգրտման անհրաժեշտության և օրենքի 119-րդ և 138-րդ հոդվածներով սահմանված հիմքերի առկայության դեպքում տրամադրված թույլտվությունը հետ է կանչվում։

27. Մաքսային մարմինը օրենքի 117-րդ հոդվածի 9-րդ մասով կամ օրենքի 136-րդ հոդվածի 8-րդ մասով սահմանված մերժումը՝ մերժման մասին համապատասխան որոշման կայացումից հետո 1 աշխատանքային օրվա ընթացքում ներկայացնում է հայտատուին։

28. Թույլտվության տրամադրման մերժումը հայտատուն կարող է բողոքարկել Հայաստանի Հանրապետության օրենքով սահմանված կարգով:

29. Թույլտվությունների մեջ փոփոխություններ կամ լրացումներ կատարվում են օրենքի 118-րդ կամ 137-րդ հոդվածներով սահմանված կարգով։

30. Թույլտվությունների մեջ փոփոխությունները կամ լրացումներն իրականացվում են նոր թույլտվությունների տրամադրման միջոցով՝ սույն կարգի N 2 ձևին համապատասխան՝ դրանցում ներառելով նախորդ թույլտվության համարը, բացառությամբ վերամշակման ժամկետների երկարաձգման դեպքերի, որոնց վերաբերյալ նշումները կատարվում են տրամադրված թույլտվության մեջ։

31. Թույլտվությունների հետկանչը (չեղարկումը) իրականացվում է օրենքի 119-րդ կամ 138-րդ հոդվածներով սահմանված կարգով։

32. Թույլտվությունների հետկանչի վերաբերյալ մաքսային մարմինը կայացնում է որոշում՝ սույն կարգի N 3 ձևին համապատասխան։

33. Թույլտվությունների գործողության կասեցումն իրականացվում է «Վերամշակում՝ մաքսային տարածքում» մաքսային ընթացակարգով ձևակերպված ապրանքները կամ այդպիսի ապրանքների վերամշակման արդյունքները՝ օրենսգրքի 173-րդ հոդվածին համապատասխան, «Մաքսային պահեստ» կամ «Ժամանակավոր ներմուծում» մաքսային ընթացակարգերով ձևակերպելով, իսկ «Վերամշակում՝ ներքին սպառման համար» մաքսային ընթացակարգով ձևակերպված ապրանքները կամ այդպիսի ապրանքների վերամշակման արդյունքները՝ «Մաքսային պահեստ» մաքսային ընթացակարգով ձևակերպելով։

34. Թույլտվությունների գործողության կասեցման նպատակով անձի կողմից սույն կարգի 33-րդ կետին համապատասխան ընտրված մաքսային ընթացակարգերով ձևակերպման նպատակով մաքսային հայտարարագրի ներկայացման հետ զուգահեռ՝ համակարգի միջոցով, իսկ մինչև համակարգում համապատասխան փոփոխությունների գործարկումը՝ էլեկտրոնային եղանակով, ներկայացվում է դիմում՝ թույլտվությունների գործողության կասեցման վերաբերյալ՝ սույն կարգի N 4 ձևին համապատասխան։ Թույլտվությունների գործողության կասեցման դիմումը անհաղթահարելի ուժի ազդեցության առկայության դեպքում կարող է ներկայացվել թղթային եղանակով։

35. Սույն կարգի 34-րդ կետում նշված դիմումի հետ միասին ներկայացվում են թույլտվությունների կասեցման անհրաժեշտությունը հիմնավորող տեղեկություններ, որոնք մաքսային մարմինն ուսումնասիրում է ընտրված մաքսային ընթացակարգով ապրանքների բացթողման համար օրենսգրքով սահմանված ժամկետներում։

36. Մաքսային մարմինը դիմումատուից կարող է պահանջել ներկայացված տեղեկությունները հիմնավորող փաստաթղթեր՝ օրենսգրքով սահմանված փաստաթղթերի և տեղեկությունների ստուգման շրջանակներում։

37. Սույն կարգի 33-րդ կետում նշված մաքսային ընթացակարգերով ապրանքների բացթողման մասին մաքսային մարմնի կողմից կայացված որոշումը միաժամանակ համարվում է նաև տրամադրված թույլտվությունների կասեցման մասին մաքսային մարմնի կողմից կայացված որոշում, իսկ ապրանքների բացթողման մերժումը՝ տրամադրված թույլտվությունների կասեցումը մերժելու մասին կայացված որոշում։

38. Մաքսային մարմինը տրամադրված թույլտվությունների կասեցումը մերժում է դիմումատուի կողմից դիմումի հետ միասին սույն կարգով սահմանված տեղեկությունները և (կամ) փաստաթղթերը չներկայացվելու դեպքում։

39. Կասեցված թույլտվությունների վերսկսման նպատակով թույլտվություն ստացած անձը մաքսային մարմնին համակարգի միջոցով, իսկ մինչև համակարգում համապատասխան փոփոխությունների գործարկումը՝ էլեկտրոնային եղանակով, ներկայացնում է ծանուցում՝ թույլտվության գործողության վերսկսման և կիրառված մաքսային ընթացակարգի գործողության ավարտի վերաբերյալ՝ սույն կարգի N 5 ձևին համապատասխան։ Թույլտվության գործողության վերսկսման մասին ծանուցումն անհաղթահարելի ուժի ազդեցության առկայության դեպքում կարող է ներկայացվել թղթային եղանակով։

40. Մաքսային մարմինը սույն կարգի 39-րդ կետում նշված ծանուցումը ստանալուց հետո երկու աշխատանքային օրվա ընթացքում սույն կարգի 39-րդ կետով նախատեսված եղանակներով գրանցում է այն, ավարտում է թույլտվության կասեցման նպատակով կիրառված մաքսային ընթացակարգի գործողությունը, որից հետո վերսկսվում է թույլտվության գործողությունը։

41. Սույն կարգի 40-րդ կետում նշված դեպքում թույլտվության կասեցման նպատակով կիրառված մաքսային ընթացակարգի գործողությունն ավարտելու նպատակով ներկայացված մաքսային հայտարարագրի «D» սյունակում նշվում են անձի կողմից սույն կարգի 39-րդ կետում նշված ծանուցման գրանցման ամսաթիվն ու համարը։

Ձև N 1

Հ Ա Շ Վ Ա Ր Կ

«ՎԵՐԱՄՇԱԿՈՒՄ` ՄԱՔՍԱՅԻՆ ՏԱՐԱԾՔՈՒՄ» ԵՎ «ՎԵՐԱՄՇԱԿՈՒՄ` ՆԵՐՔԻՆ ՍՊԱՌՄԱՆ ՀԱՄԱՐ» ՄԱՔՍԱՅԻՆ ԸՆԹԱՑԱԿԱՐԳԵՐՈՎ ՆԵՐՄՈՒԾՎՈՂ ԱՊՐԱՆՔՆԵՐԻ ՎԵՐԱՄՇԱԿՈՒՄԻՑ ՀԵՏՈ ՍՏԱՑՎԵԼԻՔ ՆՎԱԶԱԳՈՒՅՆ ԱՐԴՅՈՒՆՔԻ, ԻՆՉՊԵՍ ՆԱԵՎ ՎԵՐԱՄՇԱԿՈՒՄԻՑ ԳՈՅԱՑԱԾ ԹԱՓՈՆՆԵՐԻ, ՄՆԱՑՈՐԴՆԵՐԻ ԵՎ ԿՈՐՈՒՍՏՆԵՐԻ ՉԱՓԱՔԱՆԱԿՆԵՐԻ

NN ը/կ

Վերամշակման համար ներմուծվող օտարերկրյա ապրանքները

Վերամշակման արդյունքը

Վերամշակման արդյունքում գոյացած

թափոնները

կորուստները

մնացորդները

բնական

արտադրական

Անվա-նում

Ծած-կա-գիր

Քա-նակ

Արժեք կամ արժե-քային միջա-կայքը

Անվա-նում

Ծած-կա-գիր

Քա-նակ

Արժեք կամ արժե-քային միջա-կայքը

Անվա-նում

Ծած-կա-գիր

Քա-նակ

Արժեք կամ արժե-քային միջա-կայքը

Անվա-նում

Ծած-կա-գիր

Քա-նակ

Արժեք կամ արժե-քային միջա-կայքը

Անվա-նում

Ծած-կա-գիր

Քա-նակ

Արժեք կամ արժե-քային միջա-կայքը

Անվա-նում

Ծած-կա-գիր

Քա-նակ

Արժեք կամ արժե-քային միջա-կայքը

Դիմող

____________________ (ստորագրությունը)

_________________________ (անունը, հայրանունը, ազգանունը)

____ ______________ 20  թ.

Ձև N 2

ԱՊՐԱՆՔՆԵՐԻ ՎԵՐԱՄՇԱԿՄԱՆ ԹՈՒՅԼՏՎՈՒԹՅՈՒՆ N «1․_____________»/«2․_____________»/«3․_____________»«4․_____________»

1․ Տրվում է _____________________________________________________________________

(Վերամշակման թույլտվություն ստացած անձի անվանումը, հարկ վճարողի հաշվառման համարը, գտնվելու վայրը, անհատ ձեռնարկատեր չհանդիսացող ֆիզիկական

անձանց դեպքում՝ անունը, ազգանունը, հարկ վճարողի հաշվառման համարը՝ առկայության դեպքում)

_______________________________________________________________________________

(փոստային դասիչը, հեռախոսահամար, էլեկտրոնային փոստի հասցեն (առկայության դեպքում)

2. Վերամշակման արդյունքների մասին տեղեկություններ

NN ը/կ	Վերամշակման համար ներմուծվող օտարերկրյա ապրանքներ				Վերամշակման արդյունքը				Վերամշակման արդյունքում գոյացած
									թափոնները				արտադրական կորուստները				մնացորդները
1	2	3	4	5	6	7	8	9	10	11	12	13	14	15	16	17	18	19	20	21
	Անվա-նում	Ծածկա-գիր	Քա-նակ	Արժեք կամ արժեքային միջակայքը	Անվա-նում	Ծածկա-գիր	Քա-նակ	Արժեք կամ արժեքային միջակայքը	Անվա-նում	Ծածկա-գիր	Քա-նակ	Արժեք կամ արժեքային միջակայքը	Անվա-նում	Ծածկա-գիր	Քա-նակ	Արժեք կամ արժեքային միջակայքը	Անվա-նում	Ծածկա-գիր	Քա-նակ	Արժեք կամ արժեքային միջակայքը
1․
․․․ ․

3․ Օտարերկրյա ապրանքների՝ համարժեք փոխարինման մասին տեղեկություններ

1	2	3	4	5
N	Համարժեք ապրանքներով փոխարինման թույլտվության վերաբերյալ տեղեկություններ	Ապրանքի ծածկագիրը	Քանակը	Արժեքը կամ արժեքային միջակայքը

4․ Այլ տեղեկություններ

1) Ապրանքների վերամշակման արդյունքների նույնականացման եղանակը (եղանակները) ______________________________________________________________________________

2) Ապրանքների վերամշակման գործողությունների հակիրճ նկարագիրը ______________________________________________________________________________

3) Վերամշակման ժամկետները _____________________________________________________________

4) Վերամշակման երկարաձգման ժամկետը ______________________________________________________________________________

5) Վերամշակման գործողություններն անմիջականորեն իրականացնող անձը (անձինք) ________________________________________________________________________________________ __________________________________________

6) Պայմանագիրը կամ ցանկացած այլ փաստաթուղթ, որի համաձայն իրականացվում է վերամշակման նպատակով ապրանքների ներմուծումը (պայմանագրի կամ այլ փաստաթղթի համարը և ամսաթիվը, օտարերկրյա կազմակերպության անվանումը) կամ արտաքին տնտեսական գործարքից դուրս` ապրանքների տիրապետման, օգտագործման և (կամ) տնօրինման իրավունքը հավաստող փաստաթուղթ ________________________________________________________________________________________

7) Թափոնների՝ հետագա առևտրային նպատակներով օգտագործման հնարավորությունը ______________________________________________________________________________

8) Այն մաքսային մարմինների անվանումները, որտեղ նախատեսվում է կատարել ապրանքների ձևակերպումը մաքսային ընթացակարգով և ավարտել մաքսային ընթացակարգի գործողությունը ______________________________________________________________________________

9) Մաքսային մարմնի հատուկ նշումներ ______________________________________________________________________________

Մաքսային մարմնի պաշտոնատար անձ` _____________________________ (անունը, ազգանունը)

_________________________ (ստորագրությունը, ամիսը, ամսաթիվը)

Ձև N 3

ՈՐՈՇՈՒՄ N «____________»/«___________________»

                              (հերթական համար)      (մաքսային մարմնի ծածկագիր)

ՄԱՔՍԱՅԻՆ ՏԱՐԱԾՔՈՒՄ ՎԵՐԱՄՇԱԿՄԱՆ ԿԱՄ ՆԵՐՔԻՆ ՍՊԱՌՄԱՆ ՀԱՄԱՐ ՎԵՐԱՄՇԱԿՄԱՆ ԹՈՒՅԼՏՎՈՒԹՅՈՒՆՆԵՐԻ ՀԵՏԿԱՆՉԻ ՎԵՐԱԲԵՐՅԱԼ

1․ Հայտատուի մասին տեղեկություններ (անվանումը, հարկ վճարողի հաշվառման համարը, գտնվելու վայրը (անհատ ձեռնարկատեր չհանդիսացող ֆիզիկական անձանց դեպքում՝ անունը, ազգանունը, առկայության դեպքում՝ հարկ վճարողի հաշվառման համարը), փոստային դասիչը, հեռախոսահամար, էլեկտրոնային փոստի հասցեն (առկայության դեպքում) ________________________________________________________________________________________ ________________________________________________________________________________________

2. Հայտատուին տրամադրված թույլտվության համարն ու ամսաթիվը ________________________________________________________________________________________

3. Հայտատուին տրամադրված թույլտվության հետկանչի համար օրենքով սահմանված հիմքի նկարագրությունը ________________________________________________________________________________________ ________________________________________________________________________________________

4. «Վերամշակում՝ մաքսային տարածքում» մաքսային ընթացակարգի գործողությունն ավարտելու համար օրենքով նախատեսված վերջնաժամկետը ________________________________________________________________________________________

5. Ապրանքները «Բացթողում՝ ներքին սպառման համար» մաքսային ընթացակարգով ձևակերպելու համար օրենքով նախատեսված վերջնաժամկետը՝ «Մաքսային կարգավորման մասին» օրենքի 119-րդ հոդվածի 6-րդ կամ Օրենքի 138-րդ հոդվածի 5-րդ մասերով սահմանված դեպքերում ________________________________________________________________________________________ __________

6. Կից փաստաթղթերի քանակը, նկարագրերը ________________________________________________________________________________________ ________________________________________________________________________________________

Մաքսային մարմնի պաշտոնատար անձ` _____________________________ (անունը, ազգանունը)

_________________________ (ստորագրությունը, ամիսը, ամսաթիվը)

Ձև N 4

ԴԻՄՈՒՄ

ՄԱՔՍԱՅԻՆ ՏԱՐԱԾՔՈՒՄ ՎԵՐԱՄՇԱԿՄԱՆ ԿԱՄ ՆԵՐՔԻՆ ՍՊԱՌՄԱՆ ՀԱՄԱՐ ՎԵՐԱՄՇԱԿՄԱՆ ԹՈՒՅԼՏՎՈՒԹՅՈՒՆՆԵՐԻ ԳՈՐԾՈՂՈՒԹՅԱՆ ԿԱՍԵՑՄԱՆ ՎԵՐԱԲԵՐՅԱԼ

1․ Դիմումատուի մասին տեղեկություններ (անվանումը, հարկ վճարողի հաշվառման համարը, գտնվելու վայրը (անհատ ձեռնարկատեր չհանդիսացող ֆիզիկական անձանց դեպքում՝ անունը, ազգանունը, առկայության դեպքում՝ հարկ վճարողի հաշվառման համարը), փոստային դասիչը, հեռախոսահամար, էլեկտրոնային փոստի հասցեն (առկայության դեպքում) ________________________________________________________________________________________ ________________________________________________________________________________________

2. Դիմումատուին մաքսային մարմնի կողմից տրամադրված թույլտվության համարն ու ամսաթիվը ________________________________________________________________________________________

3. Տրամադրված վերամշակման թույլտվության գործողության կասեցման անհրաժեշտությունը հիմնավորող տեղեկությունները ________________________________________________________________________________________ ________________________________________________________________________________________

4. Տրամադրված վերամշակման թույլտվության գործողության կասեցման համար ընտրված մաքսային ընթացակարգի անվանումը՝ մաքսային տարածքում վերամշակման թույլտվությունների գործողության կասեցման դեպքում ________________________________________________________________________________________ ________

5. Տրամադրված վերամշակման թույլտվության գործողության կասեցման նախանշված ժամկետը ________________________________________________________________________________________

6. Կից փաստաթղթերի քանակը, նկարագրերը ________________________________________________________________________________________ ________________________________________________________________________________________

Դիմումատուի` _____________________________ (անվանումը)

___________________________________ (լիազորված անձի ստորագրությունը, ամիսը, ամսաթիվը)

Ձև N 5

ԾԱՆՈՒՑՈՒՄ

ՄԱՔՍԱՅԻՆ ՏԱՐԱԾՔՈՒՄ ԱՊՐԱՆՔՆԵՐԻ ՎԵՐԱՄՇԱԿՄԱՆ ԿԱՄ ՆԵՐՔԻՆ ՍՊԱՌՄԱՆ ՀԱՄԱՐ ԱՊՐԱՆՔՆԵՐԻ ՎԵՐԱՄՇԱԿՄԱՆ ԹՈՒՅԼՏՎՈՒԹՅՈՒՆՆԵՐԻ ԳՈՐԾՈՂՈՒԹՅԱՆ ՎԵՐՍԿՍՄԱՆ ԵՎ ԿԻՐԱՌՎԱԾ ՄԱՔՍԱՅԻՆ ԸՆԹԱՑԱԿԱՐԳԻ ԳՈՐԾՈՂՈՒԹՅԱՆ ԱՎԱՐՏԻ ՎԵՐԱԲԵՐՅԱԼ

1․ Վերամշակման թույլտվություն ստացած անձի մասին տեղեկություններ (անվանումը, հարկ վճարողի հաշվառման համարը, գտնվելու վայրը (անհատ ձեռնարկատեր չհանդիսացող ֆիզիկական անձանց դեպքում՝ անունը, ազգանունը, առկայության դեպքում՝ հարկ վճարողի հաշվառման համարը), փոստային դասիչը, հեռախոսահամար, էլեկտրոնային փոստի հասցեն (առկայության դեպքում) ________________________________________________________________________________________ ________________________________________________________________________________________

2. Մաքսային մարմնի կողմից տրամադրված վերամշակման թույլտվության համարն ու ամսաթիվը ________________________________________________________________________________________

3. Կասեցված վերամշակման թույլտվության գործողության վերսկսման համար նախատեսված սկզբնաժամկետը ________________________________________________________________________________________ ________________________________________________________________________________________

4. Տրամադրված վերամշակման թույլտվության գործողության կասեցման համար ընտրված մաքսային ընթացակարգով ձևակերպված ապրանքների մաքսային հայտարարագրի համարը ________________________________________________________________________________________

5. Կից փաստաթղթերի քանակը, նկարագրերը ________________________________________________________________________________________ ________________________________________________________________________________________

Հայտարարատուի` _____________________________ (անվանումը)

___________________________________ (լիազորված անձի ստորագրությունը, ամիսը, ամսաթիվը)

(հավելվածը փոփ. 10.08.17 N 981-Ն, խմբ. 11.08.23 N 1352-Ն)

Հավելված N 2 ՀՀ կառավարության 2016 թվականի մարտի 3-ի N 202-Ն որոշման

ՄԱՔՍԱՅԻՆ ՏԱՐԱԾՔԻՑ ԴՈՒՐՍ ԱՊՐԱՆՔՆԵՐԻ ՎԵՐԱՄՇԱԿՄԱՆ ԹՈՒՅԼՏՎՈՒԹՅԱՆ ՏՐԱՄԱԴՐՄԱՆ ԿԱՐԳԸ, ՁԵՎԸ, ԼՐԱՑՄԱՆ ԿԱՐԳԸ, ՎԵՐԱՄՇԱԿՄԱՆ ԹՈՒՅԼՏՎՈՒԹՅԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՄ ԼՐԱՑՈՒՄՆԵՐ ԿԱՏԱՐԵԼՈՒ, ՉԵՂԱՐԿԵԼՈՒ, ՎԵՐԱՄՇԱԿՄԱՆ ԹՈՒՅԼՏՎՈՒԹՅԱՆ ՓԱՍՏԱԹՂԹԻ ԳՈՐԾՈՂՈՒԹՅՈՒՆԸ ԿԱՍԵՑՆԵԼՈՒ ԵՎ ՎԵՐՍԿՍԵԼՈՒ ԿԱՐԳԸ

(վերնագիրը խմբ. 11.08.23 N 1352-Ն)

1. Սույն կարգի դրույթներով կարգավորվում են «Վերամշակում` մաքսային տարածքից դուրս» մաքսային ընթացակարգով արտահանվող ապրանքների ձևակերպման համար վերամշակման թույլտվությունների տրամադրման, թույլտվությունների լրացման, դրանցում փոփոխություններ կամ լրացումներ կատարելու, դրանց չեղարկման, գործողության կասեցման և վերսկսման հետ կապված հարաբերությունները։

2. «Վերամշակում` մաքսային տարածքից դուրս» մաքսային ընթացակարգի շրջանակներում մաքսային տարածքից դուրս ապրանքների վերամշակման թույլտվություն (այսուհետ` թույլտվություն) ստանալու նպատակով «Մաքսային կարգավորման մասին» օրենքի (այսուհետ՝ օրենք) 127-րդ հոդվածի 1-ին մասով սահմանված անձը (այսուհետ` հայտատու) մաքսային մարմին է ներկայացնում պատշաճ վավերացված և ստորագրված դիմում՝ համակարգի միջոցով, իսկ մինչև համակարգում համապատասխան փոփոխությունների գործարկումը՝ էլեկտրոնային եղանակով՝ դրանում ներառելով օրենքի 127-րդ հոդվածով սահմանված տեղեկությունները և կցելով նույն հոդվածով սահմանված փաստաթղթերը: Անհաղթահարելի ուժի ազդեցության առկայության դեպքում դիմումը կարող է ներկայացվել թղթային եղանակով:

3. Օրենքի 127-րդ հոդվածով նախատեսված և սույն կարգի 2-րդ կետում նշված դիմումի հետ միասին հայտատուի կողմից ներկայացվում են՝

1) արտահանվող ապրանքների վերամշակումից հետո ստացվելիք արդյունքի նվազագույն չափաքանակների հաշվարկը կամ ստանդարտ չափաքանակների հիման վրա լրացված հաշվարկը՝ սույն կարգի N 1 ձևին համապատասխան.

2) պատվիրատուի և կատարողի միջև ստորագրված պայմանագրի պատճենը, որը պետք է պարունակի դրույթ` վերամշակումից հետո ստացվելիք արդյունքի նվազագույն չափաքանակի վերաբերյալ և վերամշակման արդյունքում ստացվող ապրանքների ներմուծման պայմանագրերի պատճենները․

3) երաշխիքային սպասարկման ժամկետում գտնվող ապրանքների համար մատակարարի կողմից վերանորոգումը կամ փոխարինումը հավաստող փաստաթուղթը․

4) արտահանվող ապրանքների վերանորոգումն իրականացնող անձանց հետ ստորագրված պայմանագրի պատճենը և (կամ) մատակարարի (կատարողի) կողմից վերանորոգումն իրականացնելու վերաբերյալ գրավոր համաձայնությունը՝ երաշխիքային սպասարկման ժամկետն անցած ապրանքների համար.

5) Հայաստանի Հանրապետության էկոնոմիկայի նախարարության կողմից տրամադրված պետական վերահսկողության ակտը՝ Եվրասիական տնտեսական հանձնաժողովի կոլեգիայի 2015 թվականի ապրիլի 21-ի N 30 որոշման 2-րդ հավելվածի 2․9-րդ և 2․10-րդ բաժիններում ընդգրկված ապրանքների համար։

4. «Վերամշակում` մաքսային տարածքից դուրս» մաքսային ընթացակարգով արտահանվող որոշ ապրանքների վերամշակումից հետո ստացվելիք արդյունքի նվազագույն չափաքանակը (ելքի նորման) այն քանակն է, որը գոյանում է ըստ արտադրական պրոցեսի վերամշակման համար արտահանվող որոշակի քանակության ապրանքների վերամշակման արդյունքում` բնաիրային կամ արժեքային չափման միավորներով և (կամ) տոկոսային արտահայտությամբ:

5. Արտահանվող ապրանքների վերամշակումից հետո ստացվելիք արդյունքի նվազագույն չափաքանակները հաշվարկվում են հետևյալ եղանակներից որևէ մեկով`

1) պատվիրատուի և վերամշակողի (կատարողի) միջև ստորագրված պայմանագրով որոշված վերամշակման նվազագույն արդյունքի չափաքանակով, ընդ որում՝ պայմանագրում պետք է պարունակվեն ապրանքների հստակ նույնականացումն ապահովող տեղեկություններ (արտադրանքի պատվերներ, տեխնոլոգիական գործընթացներ).

2) վերամշակողի (կատարողի) կողմից հաստատված վերամշակման նվազագույն արդյունքի չափաքանակով.

3) գիտահետազոտական կազմակերպությունների կազմում գտնվող փորձարկման լաբորատորիաների կամ հավատարմագրման մասին Հայաստանի Հանրապետության օրենսդրությամբ սահմանված կարգով հավատարմագրված փորձարկման լաբորատորիաների (այսուհետ` լաբորատորիա) կողմից հաստատված վերամշակման նվազագույն արդյունքի չափաքանակով:

6. Հայտատուի կողմից ներկայացված՝ վերամշակման նվազագույն արդյունքի չափաքանակների՝ լաբորատորիաների կողմից հաստատված չափաքանակները բավարար հիմք են մաքսային մարմնի համար՝ վերամշակման թույլտվության տրամադրման նպատակով:

7. Թույլտվություն ստանալու նպատակով հայտատուն կարող է դիմել մաքսային մարմին մատակարարման կամ ծառայությունների մատուցման (աշխատանքների կատարման) պայմանագրի ստորագրման պահից:

8. Հայտատուն Հայաստանի Հանրապետության օրենքով սահմանված կարգով պատասխանատվություն է կրում իր ներկայացրած փաստաթղթերի և տեղեկությունների ամբողջականության և արժանահավատության համար:

9. Օրենքի 127-րդ հոդվածի 5-րդ, 6-րդ և 9-րդ մասերով սահմանված ժամկետներում մաքսային մարմնի կողմից դիմումի ուսումնասիրության արդյունքներով համակարգի միջոցով, իսկ մինչև համակարգում համապատասխան փոփոխությունների գործարկումը՝ էլեկտրոնային եղանակով տրամադրվում է թույլտվություն՝ համաձայն սույն կարգի N 2 ձևի: Անհաղթահարելի ուժի ազդեցության առկայության դեպքում թույլտվությունը կարող է տրամադրվել նաև թղթային եղանակով։

10. Վերամշակման թույլտվությունները լրացվում են հետևյալ կարգով՝

1) թույլտվության գրանցման համարի՝

ա․ 1-ին բաղադրիչի ներքո լրացվում է թույլտվության գրանցման հերթական համարը,

բ․ 2-րդ բաղադրիչի ներքո լրացվում է այն մաքսային մարմնի ծածկագիրը, որը տրամադրում է թույլտվությունը,

գ․ 3-րդ բաղադրիչի ներքո լրացվում է «Վերամշակում՝ մաքսային տարածքից դուրս» մաքսային ընթացակարգի ծածկագիրը,

դ․ 4-րդ բաղադրիչը լրացվում է թույլտվության մեջ փոփոխությունների իրականացման դեպքում՝ նշելով նախորդ թույլտվության հերթական համարը․

2) թույլտվության՝ «Վերամշակման արդյունքների վերաբերյալ տեղեկություններ» դաշտի 1-ին, 3-ից 5-րդ, 7-րդ և 8-րդ սյունակներում նշվում են ապրանքների անվանումները, քանակներն ու արժեքները կամ արժեքային միջակայքերը ըստ առևտրային փաստաթղթերի, իսկ 2-րդ և 6-րդ սյունակներում ապրանքների ծածկագրերը լրացվում են 10 նիշի մակարդակով․

3) թույլտվության՝ «Վերամշակման արդյունքներն օտարերկրյա ապրանքներով փոխարինման մասին տեղեկություններ» դաշտի 2-րդ սյունակում լրացվում է մաքսային մարմնի կողմից տրամադրված համարժեք ապրանքներով փոխարինման թույլտվության համարը, 3-րդ, 4-րդ և 5-րդ սյունակներում՝ համարժեք ապրանքների անվանումը, քանակը և ԱՏԳ ԱԱ ծածկագիրը՝ 10 նիշի մակարդակով.

4) թույլտվության՝ «այլ տեղեկություններ» դաշտի՝

ա․ 1-ին մասում լրացվում են ապրանքների նույնականացման` հայտատուի կողմից առաջարկվող կամ մաքսային մարմնի կողմից սահմանված եղանակները՝ օրենքի 124-րդ հոդվածին համապատասխան,

բ․ 2-րդ մասում լրացվում է վերամշակման գործողությունների հակիրճ նկարագիրը՝ ըստ հայտատուի կողմից ներկայացված պայմանագրերի,

գ․ 3-րդ մասում լրացվում է ապրանքների վերամշակման ժամկետը,

դ․ 4-րդ մասը լրացվում է ապրանքների վերամշակման ժամկետների երկարաձգման դեպքում՝ նշելով երկարաձգված ժամկետները,

ե․ 5-րդ մասում լրացվում են վերամշակման գործողություններն անմիջականորեն իրականացնող անձի (անձանց) անվանումը կամ անունը, ազգանունը, հարկ վճարողի հաշվառման համարը (անհատ ձեռնարկատեր չհանդիսացող ֆիզիկական անձանց համար՝ առկայության դեպքում), վերամշակման գործունեության իրականացման վայրը, հեռախոսահամարը,

զ․ 6-րդ մասում լրացվում են վերամշակման նպատակով ապրանքների արտահանման գործարքի համար հիմք հանդիսացող և թույլտվության լրացման պահին առկա առևտրային բոլոր փաստաթղթերի ամսաթվերն ու համարները,

է․ 7-րդ մասում լրացվում են այն մաքսային մարմինների անվանումները, որտեղ նախատեսվում է կատարել ապրանքների ձևակերպումը «Վերամշակում՝ մաքսային տարածքից դուրս» մաքսային ընթացակարգով, ինչպես նաև այն մաքսային մարմինների անվանումները, որտեղ նախատեսվում է կատարել նշված մաքսային ընթացակարգի ավարտին առնչվող գործառնությունները,

ը․ 7-րդ մասը լրացվում է մաքսային մարմնի կողմից լրացուցիչ նշումների իրականացման անհրաժեշտության առաջացման դեպքում։

11. Մաքսային մարմինը դիմումի ուսումնասիրության ժամանակ կարող է հայտատուից պահանջել ներկայացնել դիմումի մեջ ներառված տեղեկությունները հաստատող փաստաթղթերը՝ դրանք ներկայացված չլինելու դեպքում, կամ պահանջել ներկայացնել դիմումի մեջ ներառված տեղեկությունները հաստատող լրացուցիչ փաստաթղթեր և (կամ) տեղեկություններ՝ դրանք թերի ներկայացված լինելու դեպքում, որի պարագայում դիմումի ուսումնասիրության համար օրենքով նախատեսված ժամկետը կասեցվում է և վերսկսվում է սույն կարգի 12-րդ կետով սահմանված ժամկետում հայտատուի կողմից փաստաթղթերի և (կամ) տեղեկությունների ներկայացման կամ դրանց բացակայության վերաբերյալ տեղեկատվության ներկայացման օրվանից:

12. Հայտատուն սույն կարգի 11-րդ կետով նախատեսված փաստաթղթերը և (կամ) տեղեկությունները կամ դրանց բացակայության վերաբերյալ տեղեկատվությունը մաքսային մարմնին ներկայացնում է մաքսային մարմնի կողմից ծանուցումը ստանալու օրվանից 5 աշխատանքային օրվա ընթացքում։

13. Սույն կարգի 11-րդ և 12-րդ կետերով նախատեսված՝ ծանուցման, փաստաթղթերի կամ տեղեկությունների կամ լրացուցիչ փաստաթղթերի և տեղեկությունների բացակայության վերաբերյալ տեղեկատվության ներկայացումն իրականացվում են համակարգի միջոցով, իսկ մինչև համակարգում համապատասխան փոփոխությունների գործարկումը՝ էլեկտրոնային եղանակով, կամ անհաղթահարելի ուժի ազդեցության առկայության դեպքում՝ թղթային եղանակով։

14. Թույլտվություն ստանալու մասին դիմումը մաքսային մարմնի կողմից մերժվում է հայտատուի կողմից սույն կարգի 11-րդ կետով սահմանված փաստաթղթերը և (կամ) տեղեկությունները կամ դրանց բացակայության վերաբերյալ տեղեկատվությունը չներկայացնելու դեպքում, ինչպես նաև օրենքի 127-րդ հոդվածի 10-րդ մասով և սույն կարգի 19-րդ կետով նախատեսված հիմքերով:

15. Եթե հայտատուի կողմից սույն կարգի 3-րդ կետի 1-ին ենթակետում նշված հաշվարկում ներկայացված` վերամշակումից հետո ստացվելիք արդյունքի չափաքանակները չեն համապատասխանում օրենքի 125-րդ հոդվածի 3-րդ մասով նախատեսված ստանդարտ չափաքանակներին կամ օրենքի 127-րդ հոդվածի 6-րդ մասին համապատասխան ստացված տեղեկատվությանը կամ համանման ապրանքների համար հաստատված և կիրառվող չափաքանակներին, ապա հայտատուի կողմից ներկայացված տվյալները մաքսային մարմնի կողմից կայացվող որոշմամբ կարող են ենթարկվել փորձաքննության:

16. Սույն կարգի 15-րդ կետով նախատեսված փորձաքննությունը կարող է իրականացվել մինչև թույլտվության տրամադրումը կամ թույլտվության տրամադրումից հետո՝ լաբորատորիաների կողմից:

17. Մինչև թույլտվության տրամադրումը փորձաքննության իրականացման ժամանակահատվածում թույլտվության ստացման համար ներկայացված դիմումի ուսումնասիրության համար օրենքով սահմանված ժամկետը կասեցվում է, իսկ վերսկսվում է՝ փորձաքննության արդյունքների վերաբերյալ հայտատուին ծանուցումից հետո՝ հայտատուի կողմից ներկայացված տեղեկատվության ստացման օրվանից։

18. Մինչև թույլտվության տրամադրումն իրականացվող փորձաքննության արդյունքներով հայտատուի կողմից ներկայացված տեղեկությունների ճշգրտման անհրաժեշտության դեպքում մաքսային մարմինը դիմումի ուսումնասիրության համար օրենքով սահմանված ժամկետում այդ մասին ծանուցում է հայտատուին։

19. Հայտատուն սույն կարգի 18-րդ կետով նախատեսված ծանուցումը ստանալուց հետո 5 աշխատանքային օրվա ընթացքում մաքսային մարմնին տալիս է փորձաքննության արդյունքում ճշգրտված տվյալների հիման վրա թույլտվության ստացման մասին համաձայնություն կամ հրաժարվում է թույլտվությունը ստանալուց, որի դեպքում մաքսային մարմինը մերժում է թույլտվության տրամադրումը։

20. Փորձաքննության արդյունքում ճշգրտված տվյալների հիման վրա թույլտվության ստացման մասին համաձայնության տրամադրման դեպքում մաքսային մարմնի կողմից թույլտվությունները տրամադրվում են փորձաքննության արդյունքում ճշգրտված տվյալների հիման վրա։

21. Սույն կարգի 18-րդ և 19-րդ կետերով նախատեսված ծանուցումները կատարվում են համակարգի միջոցով, իսկ մինչև համակարգում համապատասխան փոփոխությունների գործարկումը՝ էլեկտրոնային եղանակով, կամ անհաղթահարելի ուժի ազդեցության առկայության դեպքում՝ թղթային եղանակով։

22. Թույլտվության տրամադրումից հետո իրականացվող փորձաքննության արդյունքներով հայտատուի կողմից ներկայացված տեղեկությունների ճշգրտման անհրաժեշտության և օրենքի 129-րդ հոդվածով նախատեսված հիմքերի առկայության դեպքում տրամադրված թույլտվությունը հետ է կանչվում։

23. Մաքսային մարմինը օրենքի 127-րդ հոդվածի 11-րդ մասով սահմանված մերժումը՝ մերժման մասին համապատասխան որոշման կայացումից հետո 1 աշխատանքային օրվա ընթացքում ներկայացնում է հայտատուին։

24. Թույլտվության տրամադրման մերժումը հայտատուն կարող է բողոքարկել Հայաստանի Հանրապետության օրենքով սահմանված կարգով:

25. Թույլտվությունների մեջ փոփոխություններ կամ լրացումներ կատարվում են օրենքի 128-րդ հոդվածով սահմանված կարգով։

26. Թույլտվությունների մեջ փոփոխությունները կամ լրացումներն իրականացվում են նոր թույլտվությունների տրամադրման միջոցով՝ սույն կարգի N 2 ձևին համապատասխան՝ դրանցում ներառելով նախորդ թույլտվության համարը, բացառությամբ վերամշակման ժամկետների երկարաձգման դեպքերի, որոնց վերաբերյալ նշումները կատարվում են տրամադրված թույլտվության մեջ։

27. Թույլտվությունների հետկանչը (չեղարկումը) իրականացվում է օրենքի 129-րդ հոդվածով սահմանված կարգով։

28. Թույլտվությունների հետկանչի վերաբերյալ մաքսային մարմինը կայացնում է որոշում՝ սույն կարգի N 3 ձևին համապատասխան։

29. Թույլտվությունների գործողության կասեցումն իրականացվում է հայտատուի կողմից սույն կարգի N 4 ձևին համապատասխան ներկայացվող դիմումի հիման վրա՝ դիմումատուի կողմից խնդրարկված ժամկետի հիման վրա, բայց ոչ ավելի, քան վերամշակման պայմանագրով սահմանված ապրանքների վերամշակման ժամկետը։

30. Սույն կարգի 29-րդ կետով նախատեսված դիմումը ներկայացվում է համակարգի միջոցով, իսկ մինչև համակարգում համապատասխան փոփոխությունների գործարկումը՝ էլեկտրոնային եղանակով, կամ անհաղթահարելի ուժի ազդեցության առկայության դեպքում՝ թղթային եղանակով, որի հետ միասին ներկայացվում են թույլտվությունների կասեցման անհրաժեշտությունը հիմնավորող տեղեկություններ կամ փաստաթղթեր։

31. Մաքսային մարմինը սույն կարգի 30-րդ կետով նախատեսված դիմումը և համապատասխան փաստաթղթերն ու տեղեկություններն ուսումնասիրում է 3 աշխատանքային օրվա ընթացքում։

32. Մաքսային մարմինը դիմումատուից կարող է պահանջել ներկայացնել հայտատուի կողմից ներկայացված տեղեկությունները հիմնավորող լրացուցիչ փաստաթղթեր, որի դեպքում սույն կարգի 31-րդ կետով սահմանված ժամկետը կասեցվում է և վերսկսվում է սույն կարգի 33-րդ կետով սահմանված ժամկետում փաստաթղթերի ներկայացման կամ լրացուցիչ փաստաթղթերի բացակայության վերաբերյալ տեղեկատվության ստացման օրվանից։

33. Հայտատուն սույն կարգի 32-րդ կետում նշված լրացուցիչ փաստաթղթերը ներկայացնում է հարցումը ստանալուց հետո 5 աշխատանքային օրվա ընթացքում։

34. Սույն կարգի 31-րդ կետում նշված ուսումնասիրության արդյունքներով մաքսային մարմնի կողմից կայացվում է թույլտվության գործողության կասեցման վերաբերյալ որոշում՝ սույն կարգի N 5 ձևին համապատասխան։

35. Մաքսային մարմինը տրամադրված թույլտվության կասեցումը մերժում է հայտատուի կողմից դիմումի հետ միասին սույն կարգով սահմանված տեղեկությունները և (կամ) փաստաթղթերը չներկայացվելու դեպքում։

36. Կասեցված թույլտվությունների վերսկսման նպատակով թույլտվություն ստացած անձը մաքսային մարմնին համակարգի միջոցով, իսկ մինչև համակարգում համապատասխան փոփոխությունների գործարկումը՝ էլեկտրոնային եղանակով, ներկայացնում է ծանուցում՝ թույլտվության գործողության վերսկսման վերաբերյալ՝ սույն կարգի N 6 ձևին համապատասխան։ Թույլտվության գործողության վերսկսման վերաբերյալ ծանուցումը կարող է ներկայացվել թղթային եղանակով՝ անհաղթահարելի ուժի ազդեցության առկայության դեպքում։

37. Մաքսային մարմինը սույն կարգի 36-րդ կետում նշված ծանուցումը ստանալուց հետո երկու աշխատանքային օրվա ընթացքում սույն կարգի 36-րդ կետում նշված եղանակներով գրանցում է այն, որից հետո վերսկսվում է թույլտվության գործողությունը։

Ձև N 1

ՀԱՇՎԱՐԿ

«ՎԵՐԱՄՇԱԿՈՒՄ` ՄԱՔՍԱՅԻՆ ՏԱՐԱԾՔԻՑ ԴՈՒՐՍ» ՄԱՔՍԱՅԻՆ ԸՆԹԱՑԱԿԱՐԳՈՎ ԱՐՏԱՀԱՆՎՈՂ ԱՊՐԱՆՔՆԵՐԻ ՎԵՐԱՄՇԱԿՈՒՄԻՑ ՀԵՏՈ ՍՏԱՑՎԵԼԻՔ ՆՎԱԶԱԳՈՒՅՆ ԱՐԴՅՈՒՆՔԻ ՉԱՓԱՔԱՆԱԿՆԵՐԻ

NN ը/կ	Վերամշակման համար արտահանվող ապրանքները				Վերամշակման արդյունքը
	Անվանումը	Ծածկագիրը	Քանակը	Արժեքը կամ արժեքային միջակայքը	Անվանում	Ծածկագիրը	Քանակը	Արժեքը կամ արժեքային միջակայքը

Դիմող

____________________ (ստորագրությունը)

_________________________ (անունը, հայրանունը, ազգանունը)

____ ______________ 20  թ.

Ձև N 2

ՄԱՔՍԱՅԻՆ ՏԱՐԱԾՔԻՑ ԴՈՒՐՍ ԱՊՐԱՆՔՆԵՐԻ ՎԵՐԱՄՇԱԿՄԱՆ

ԹՈՒՅԼՏՎՈՒԹՅՈՒՆ N «1․_____________»/«2․_____________»/«3․_____________»«4․_____________»

1․ Տրվում է _________________________________________________________________________

(Վերամշակման թույլտվություն ստացած անձի անվանումը, հարկ վճարողի հաշվառման համարը, գտնվելու

վայրը, անհատ ձեռնարկատեր չհանդիսացող ֆիզիկական անձանց դեպքում՝ անունը, ազգանունը, հարկ

վճարողի հաշվառման համարը՝ առկայության դեպքում)

___________________________________________________________________________________

(փոստային դասիչը, հեռախոսահամար, էլեկտրոնային փոստի հասցեն (առկայության դեպքում)

2. Վերամշակման արդյունքների մասին տեղեկություններ

NN ը/կ	Վերամշակման համար արտահանվող ապրանքները				Վերամշակման արդյունքը
	1	2	3	4	5	6	7	8
	Անվանումը	Ծածկագիրը	Քանակը	Արժեքը կամ արժեքային միջակայքը	Անվանում	Ծածկագիրը	Քանակը	Արժեքը կամ արժեքային միջակայքը
1
․․․

3. Վերամշակման արդյունքներն օտարերկրյա ապրանքներով փոխարինման մասին տեղեկություններ

1	2	3	4	5
NN ը/կ	Համարժեք ապրանքներով փոխարինման թույլտվության վերաբերյալ տեղեկություններ	Ապրանքի ծածկագիրը	Քանակը	Արժեքը կամ արժեքային միջակայքը

4․ Այլ տեղեկություններ

1) Ապրանքների վերամշակման արդյունքների նույնականացման եղանակը (եղանակները) ________________________________________________________________________________________ _________

2) Ապրանքների վերամշակման գործողությունների հակիրճ նկարագիրը ________________________________________________________________________________________ _________

3) Վերամշակման ժամկետները ________________________________________________________________________________________ _________

4) Վերամշակման երկարաձգման ժամկետը ________________________________________________________________________________________ _________

5) Վերամշակման գործողություններն անմիջականորեն իրականացնող անձը (անձինք) ________________________________________________________________________________________ ________________________________________________________________________________________ _________

6) Պայմանագիրը կամ ցանկացած այլ փաստաթուղթ, համաձայն որի իրականացվում է վերամշակման նպատակով ապրանքների արտահանումը (պայմանագրի կամ այլ փաստաթղթի համարը և ամսաթիվը, օտարերկրյա կազմակերպության անվանումը) կամ արտաքին տնտեսական գործարքից դուրս` ապրանքների տիրապետման, օգտագործման և (կամ) տնօրինման իրավունքը հավաստող փաստաթուղթ ________________________________________________________________________________________ ________________________________________________________________________________________ _________

7) Այն մաքսային մարմինների անվանումները, որտեղ նախատեսվում է կատարել ապրանքների ձևակերպումը մաքսային ընթացակարգով և ավարտել մաքսային ընթացակարգի գործողությունը ________________________________________________________________________________________ _________

8) Մաքսային մարմնի հատուկ նշումներ ________________________________________________________________________________________

Մաքսային մարմնի պաշտոնատար անձ` _____________________________ (անունը, ազգանունը)

_________________________ (ստորագրությունը, ամիսը, ամսաթիվը)

Ձև N 3

ՈՐՈՇՈՒՄ N «____________»/«___________________»

                              (հերթական համար)      (մաքսային մարմնի ծածկագիր)

ՄԱՔՍԱՅԻՆ ՏԱՐԱԾՔԻՑ ԴՈՒՐՍ ՎԵՐԱՄՇԱԿՄԱՆ ԹՈՒՅԼՏՎՈՒԹՅԱՆ ՀԵՏԿԱՆՉԻ ՎԵՐԱԲԵՐՅԱԼ

1․ Հայտատուի մասին տեղեկություններ (անվանումը, հարկ վճարողի հաշվառման համարը, գտնվելու վայրը (անհատ ձեռնարկատեր չհանդիսացող ֆիզիկական անձանց դեպքում՝ անունը, ազգանունը, առկայության դեպքում՝ հարկ վճարողի հաշվառման համարը), փոստային դասիչը, հեռախոսահամար, էլեկտրոնային փոստի հասցեն (առկայության դեպքում) ________________________________________________________________________________________ ________________________________________________________________________________________ _______________

2. Հայտատուին տրամադրված թույլտվության համարն ու ամսաթիվը ________________________________________________________________________________________ _____________

3. Հայտատուին տրամադրված թույլտվության հետկանչի համար օրենքով սահմանված հիմքի նկարագրությունը ________________________________________________________________________________________ ________________________________________________________________________________________ ___________

4. «Վերամշակում՝ մաքսային տարածքից դուրս» մաքսային ընթացակարգի գործողությունն ավարտելու համար օրենքով նախատեսված վերջնաժամկետը ________________________________________________________________________________________ ____________

5. Կից փաստաթղթերի քանակը, նկարագրերը ________________________________________________________________________________________ ________________________________________________________________________________________ ____________

Մաքսային մարմնի պաշտոնատար անձ` _____________________________ (անունը, ազգանունը)

_________________________ (ստորագրությունը, ամիսը, ամսաթիվը)

Ձև N 4

ԴԻՄՈՒՄ

ՄԱՔՍԱՅԻՆ ՏԱՐԱԾՔԻՑ ԴՈՒՐՍ ՎԵՐԱՄՇԱԿՄԱՆ ԹՈՒՅԼՏՎՈՒԹՅԱՆ ԳՈՐԾՈՂՈՒԹՅԱՆ ԿԱՍԵՑՄԱՆ ՎԵՐԱԲԵՐՅԱԼ

1․ Դիմումատուի մասին տեղեկություններ (անվանումը, հարկ վճարողի հաշվառման համարը, գտնվելու վայրը (անհատ ձեռնարկատեր չհանդիսացող ֆիզիկական անձանց դեպքում՝ անունը, ազգանունը, առկայության դեպքում՝ հարկ վճարողի հաշվառման համարը), փոստային դասիչը, հեռախոսահամար, էլեկտրոնային փոստի հասցեն (առկայության դեպքում) ________________________________________________________________________________________ ________________________________________________________________________________________ ____________

2. Դիմումատուին մաքսային մարմնի կողմից տրամադրված թույլտվության համարն ու ամսաթիվը ________________________________________________________________________________________ ____________

3. Տրամադրված վերամշակման թույլտվության գործողության կասեցման անհրաժեշտությունը հիմնավորող տեղեկությունները ________________________________________________________________________________________ ________________________________________________________________________________________ ____________

4. Տրամադրված վերամշակման թույլտվության գործողության կասեցման համար նախանշված ժամկետը ________________________________________________________________________________________ ____________

5. Կից փաստաթղթերի քանակը, նկարագրերը ________________________________________________________________________________________ ________________________________________________________________________________________ ____________

Դիմումատուի` _____________________________ (անվանումը)

___________________________________ (լիազորված անձի ստորագրությունը, ամիսը, ամսաթիվը)

Ձև N 5

ՈՐՈՇՈՒՄ N «____________»/«___________________»

                              (հերթական համար)      (մաքսային մարմնի ծածկագիր)

ՄԱՔՍԱՅԻՆ ՏԱՐԱԾՔԻՑ ԴՈՒՐՍ ՎԵՐԱՄՇԱԿՄԱՆ ԹՈՒՅԼՏՎՈՒԹՅԱՆ ԳՈՐԾՈՂՈՒԹՅԱՆ ԿԱՍԵՑՄԱՆ ՎԵՐԱԲԵՐՅԱԼ

1․ Դիմումատուի մասին տեղեկություններ (անվանումը, հարկ վճարողի հաշվառման համարը, գտնվելու վայրը (անհատ ձեռնարկատեր չհանդիսացող ֆիզիկական անձանց դեպքում՝ անունը, ազգանունը, առկայության դեպքում՝ հարկ վճարողի հաշվառման համարը), փոստային դասիչը, հեռախոսահամար, էլեկտրոնային փոստի հասցեն (առկայության դեպքում) ________________________________________________________________________________________ ________________________________________________________________________________________ ____________

2. Դիմումատուին մաքսային մարմնի կողմից տրամադրված թույլտվության համարն ու ամսաթիվը ________________________________________________________________________________________ ____________

3. Տրամադրված վերամշակման թույլտվության գործողության կասեցման անհրաժեշտությունը հիմնավորող տեղեկությունները ________________________________________________________________________________________ ________________________________________________________________________________________ ____________

4. Տրամադրված վերամշակման թույլտվության գործողության կասեցման ժամկետը ________________________________________________________________________________________ ____________

5. Կից փաստաթղթերի քանակը, նկարագրերը ________________________________________________________________________________________ ________________________________________________________________________________________

Մաքսային մարմնի պաշտոնատար անձ` _____________________________ (անունը, ազգանունը)

_________________________ (ստորագրությունը, ամիսը, ամսաթիվը)

Ձև N 6

ԾԱՆՈՒՑՈՒՄ

ՄԱՔՍԱՅԻՆ ՏԱՐԱԾՔԻՑ ԴՈՒՐՍ ԱՊՐԱՆՔՆԵՐԻ ՎԵՐԱՄՇԱԿՄԱՆ ԹՈՒՅԼՏՎՈՒԹՅԱՆ ԳՈՐԾՈՂՈՒԹՅԱՆ ՎԵՐՍԿՍՄԱՆ ՎԵՐԱԲԵՐՅԱԼ

1․ Վերամշակման թույլտվություն ստացած անձի մասին տեղեկություններ (անվանումը, հարկ վճարողի հաշվառման համարը, գտնվելու վայրը (անհատ ձեռնարկատեր չհանդիսացող ֆիզիկական անձանց դեպքում՝ անունը, ազգանունը, առկայության դեպքում՝ հարկ վճարողի հաշվառման համարը), փոստային դասիչը, հեռախոսահամար, էլեկտրոնային փոստի հասցեն (առկայության դեպքում) ________________________________________________________________________________________ ________________________________________________________________________________________

2. Մաքսային մարմնի կողմից տրամադրված վերամշակման թույլտվության համարն ու ամսաթիվը ________________________________________________________________________________________

3. Կասեցված վերամշակման թույլտվության գործողության վերսկսման համար նախատեսված սկզբնաժամկետը ________________________________________________________________________________________ ________________________________________________________________________________________ ___________

4. Կից փաստաթղթերի քանակը, նկարագրերը ________________________________________________________________________________________ ________________________________________________________________________________________ ___________

Հայտարարատուի` _____________________________ (անվանումը)

___________________________________ (լիազորված անձի ստորագրությունը, ամիսը, ամսաթիվը)

(հավելվածը փոփ. 10.08.17 N 981-Ն, խմբ. 11.08.23 N 1352-Ն)

Հավելված N 3 ՀՀ կառավարության 2016 թվականի մարտի 3-ի N 202-Ն որոշման

Կ Ա Ր Գ

«ՎԵՐԱՄՇԱԿՈՒՄ՝ ՄԱՔՍԱՅԻՆ ՏԱՐԱԾՔՈՒՄ» ՄԱՔՍԱՅԻՆ ԸՆԹԱՑԱԿԱՐԳՈՎ ՆԵՐՄՈՒԾՎՈՂ ԲՆԱԿԱՆ` ՄՇԱԿՎԱԾ ԿԱՄ ՉՄՇԱԿՎԱԾ, ԲԱՅՑ ՉՇՐՋԱՆԱԿՎԱԾ ԿԱՄ ՉԱՄՐԱՑՎԱԾ ԱԼՄԱՍՏՆԵՐԻ (ԱՏԳ ԱԱ ԾԱԾԿԱԳԻՐԸ` 710210000, 710221000, 710231000), ԹԱՆԿԱՐԺԵՔ ՄԵՏԱՂՆԵՐԻ ԵՎ ԹԱՆԿԱՐԺԵՔ ՔԱՐԵՐԻ ՉՄՇԱԿՎԱԾ ԹԱՆԿԱՐԺԵՔ ՄԵՏԱՂՆԵՐԻ, ՋԱՐԴՈՆԻ ԵՎ ԹԱՆԿԱՐԺԵՔ ՄԵՏԱՂՆԵՐԻ ԹԱՓՈՆՆԵՐԻ, ԹԱՆԿԱՐԺԵՔ ՄԵՏԱՂՆԵՐԻ ՀԱՆՔԱՔԱՐԻ ԵՎ ԹԱՆԿԱՐԺԵՔ ՄԵՏԱՂՆԵՐ ՊԱՐՈՒՆԱԿՈՂ ՀՈՒՄՔԱՅԻՆ ԱՊՐԱՆՔՆԵՐԻ ՄԱՔՍԱՅԻՆ ՁԵՎԱԿԵՐՊՄԱՆ ՀԱՄԱՐ ԹՈՒՅԼՏՎՈՒԹՅՈՒՆՆԵՐԻ ՍՏԱՑՄԱՆ

(հավելվածն ուժը կորցրել է 11.08.23 N 1352-Ն)

Հավելված N 4 ՀՀ կառավարության 2016 թվականի մարտի 3-ի N 202-Ն որոշման

Կ Ա Ր Գ

«ՎԵՐԱՄՇԱԿՈՒՄ՝ ՄԱՔՍԱՅԻՆ ՏԱՐԱԾՔԻՑ ԴՈՒՐՍ» ՄԱՔՍԱՅԻՆ ԸՆԹԱՑԱԿԱՐԳՈՎ ԱՐՏԱՀԱՆՎՈՂ ԲՆԱԿԱՆ` ՄՇԱԿՎԱԾ ԿԱՄ ՉՄՇԱԿՎԱԾ, ԲԱՅՑ ՉՇՐՋԱՆԱԿՎԱԾ ԿԱՄ ՉԱՄՐԱՑՎԱԾ ԱԼՄԱՍՏՆԵՐԻ (ԱՏԳ ԱԱ ԾԱԾԿԱԳԻՐԸ` 710210000, 710221000, 710231000), ԹԱՆԿԱՐԺԵՔ ՄԵՏԱՂՆԵՐԻ ԵՎ ԹԱՆԿԱՐԺԵՔ ՔԱՐԵՐԻ ՉՄՇԱԿՎԱԾ ԹԱՆԿԱՐԺԵՔ ՄԵՏԱՂՆԵՐԻ, ՋԱՐԴՈՆԻ ԵՎ ԹԱՆԿԱՐԺԵՔ ՄԵՏԱՂՆԵՐԻ ԹԱՓՈՆՆԵՐԻ, ԹԱՆԿԱՐԺԵՔ ՄԵՏԱՂՆԵՐԻ ՀԱՆՔԱՔԱՐԻ ԵՎ ԹԱՆԿԱՐԺԵՔ ՄԵՏԱՂՆԵՐ ՊԱՐՈՒՆԱԿՈՂ ՀՈՒՄՔԱՅԻՆ ԱՊՐԱՆՔՆԵՐԻ ՄԱՔՍԱՅԻՆ ՁԵՎԱԿԵՐՊՄԱՆ ՀԱՄԱՐ ԹՈՒՅԼՏՎՈՒԹՅՈՒՆՆԵՐԻ ՍՏԱՑՄԱՆ

(հավելվածն ուժը կորցրել է 11.08.23 N 1352-Ն)