ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

Ո Ր Ո Շ ՈՒ Մ

30 հունիսի 2017 թվականի

թիվ 79

քաղ. Մոսկվա

«Եվրասիական տնտեսական միության շրջանակներում տեղեկատվահաղորդակցական տեխնոլոգիաների և տեղեկատվական փոխգործակցության մասին» արձանագրության («Եվրասիական տնտեսական միության մասին» 2014 թվականի մայիսի 29-ի պայմանագրի թիվ 3 հավելված) 11-րդ կետին և Եվրասիական տնտեսական հանձնաժողովի խորհրդի՝ 2016 թվականի նոյեմբերի 3-ի թիվ 78 որոշմամբ հաստատված՝ Բժշկական կիրառության դեղամիջոցների գրանցման և փորձաքննության կանոններին (այսուհետ՝ Գրանցման կանոններ) համապատասխան՝ Եվրասիական տնտեսական հանձնաժողովի կոլեգիան որոշեց.

1. Հաստատել կից ներկայացվող՝ Բժշկական կիրառության դեղապատրաստուկների գրանցման և փորձաքննության իրականացման ժամանակ ներկայացվող էլեկտրոնային հայտերին և գրանցման դոսյեի փաստաթղթերին ներկայացվող պահանջները (այսուհետ՝ Պահանջներ)։

2. Սահմանել, որ Պահանջներով նախատեսված՝ էլեկտրոնային փաստաթղթերի կառուցվածքների տեխնիկական սխեմաների մշակումը և Եվրասիական տնտեսական միության (այսուհետ՝ Միություն) պաշտոնական կայքում հրապարակված՝ էլեկտրոնային փաստաթղթերի և տեղեկությունների կառուցվածքների ռեեստրում դրանց զետեղման ապահովումն իրականացվում են Եվրասիական տնտեսական հանձնաժողովի այն դեպարտամենտի կողմից, որի իրավասության շրջանակներում է Միության ինտեգրված տեղեկատվական համակարգի ստեղծմանն ու զարգացմանն ուղղված աշխատանքների համակարգումը:

3. Սահմանել, որ Գրանցման կանոնների համաձայն ընթացակարգերի կատարման ժամանակ Միության անդամ պետություններում էլեկտրոնային եղանակով փոխգործակցություն իրականացնելիս կիրառվում են Պահանջներով նախատեսված էլեկտրոնային փաստաթղթերը՝ էլեկտրոնային փաստաթղթերի և տեղեկությունների կառուցվածքների ռեեստրում պարունակվող՝ այդպիսի փաստաթղթերի կառուցվածքների տեխնիկական սխեմաներին համապատասխան։

4. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո:

(հավելվածը խմբ. ԵՏՀԿ 19.04.22 թիվ 67)

Պաշտոնական հրապարակման օրը՝ 22 հունիսի 2022 թվական: