ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

24 սեպտեմբերի 2020 թվականի N 1564-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԵՎ ՎՐԱՍՏԱՆԻ ՊԵՏԱԿԱՆ ՍԱՀՄԱՆԻ ՍԱԴԱԽԼՈ-ԲԱԳՐԱՏԱՇԵՆ ԱՆՑՄԱՆ ԿԵՏԻ ՏԱՐԱԾՔՈՒՄ՝ ԴԵԲԵԴ ԳԵՏԻ ՎՐԱ ՆՈՐ ԿԱՄՐՋԻ ԿԱՌՈՒՑԱՊԱՏՄԱՆ ԳՈՐԾԸՆԹԱՑԸ ԿԱՆՈՆԱԿԱՐԳԵԼՈՒ ԵՎ ԿԱՄՐՋԻ ՆԱԽԱԳԾԱՆԱԽԱՀԱՇՎԱՅԻՆ ՓԱՍՏԱԹՂԹԵՐԻ ՀԱՏՈՒԿ ՀԱՄԱԼԻՐ ՓՈՐՁԱՔՆՆՈՒԹՅՈՒՆ ԻՐԱԿԱՆԱՑՆՈՂ ՄԻՋԳԵՐԱՏԵՍՉԱԿԱՆ ԺԱՄԱՆԱԿԱՎՈՐ ՓՈՐՁԱՔՆՆԱԿԱՆ ՀԱՆՁՆԱԺՈՂՈՎ ԵՎ ԸՆԴՈՒՆՈՂ ՀԱՆՁՆԱԺՈՂՈՎ ՍՏԵՂԾԵԼՈՒ ՈՒ ԴՐԱ ԱՆՀԱՏԱԿԱՆ ԿԱԶՄԸ ՀԱՍՏԱՏԵԼՈՒ ՄԱՍԻՆ

(վերնագիրը լրաց. 08.06.23 N 913-Ա)

Ղեկավարվելով Հայաստանի Հանրապետության կառավարության 2015 թվականի մարտի 19-ի N 596-Ն որոշման 1-ին հավելվածի 27-րդ կետի 5-րդ ենթակետի, 140-րդ կետի նույն որոշման 2-րդ հավելվածի 24-րդ կետի պահանջներով՝ Հայաստանի Հանրապետության կառավարությունը որոշում է.

(նախաբանը լրաց. 08.06.23 N 913-Ա)

1. Սահմանել, որ՝

1) Հայաստանի Հանրապետության և Վրաստանի պետական սահմանների միջև գտնվող Սադախլո-Բագրատաշեն անցման կետի տարածքում՝ Դեբեդ գետի վրա կառուցվող նոր կամուրջը (այսուհետ՝ կամուրջ) բարձրագույն ռիսկայնության աստիճանի՝ V կատեգորիայի օբյեկտ է.

2) կամրջի նախագծման ճարտարապետահատակագծային առաջադրանքը տրամադրվում է Հայաստանի Հանրապետության կառավարության 2015 թվականի մարտի 19ի N 596-Ն որոշմամբ սահմանված կարգով և գործում է 3 տարի ժամկետով.

3) կամրջի նախագծանախահաշվային փաստաթղթերը ենթակա են պետական և հատուկ համալիր փորձաքննության՝ Հայաստանի Հանրապետության կառավարության 2015 թվականի մարտի 19-ի N 596-Ն որոշմամբ սահմանված կարգով՝ հետևյալ ժամկետներում՝

ա. պետական համալիր փորձաքննությունը՝ սույն որոշման ուժի մեջ մտնելուց հետո առնվազն երկամսյա ժամկետում,

բ. հատուկ համալիր փորձաքննությունը՝ պետական համալիր փորձաքննությունն ավարտելուց և կամրջի նախագծային փաստաթղթերը սույն որոշմամբ ստեղծված միջգերատեսչական ժամանակավոր փորձաքննական հանձնաժողովին ներկայացնելու օրվանից եռամսյա ժամկետում: Միջգերատեսչական ժամանակավոր փորձաքննական հանձնաժողովի եզրակացությունը ներկայացվում է Հայաստանի Հանրապետության կառավարության քննարկմանը՝ հատուկ համալիր փորձաքննության եզրակացությունը հանձնաժողովի նախագահի և անդամների կողմից ստորագրելու օրվանից՝ երկամսյա ժամկետում.

4) կամրջի շինարարության թույլտվությունը տրամադրում է համապատասխան համայնքի ղեկավարը՝ Հայաստանի Հանրապետության կառավարության 2015 թվականի մարտի 19-ի N 596-Ն որոշմամբ սահմանված կարգով՝ 15-օրյա ժամկետում.

5) կամրջի շինարարական կապալի պայմանագրով կատարված աշխատանքի արդյունքը շահագործման է ընդունվում Հայաստանի Հանրապետության կառավարության և Վրաստանի կառավարության միջև 2014 թվականի դեկտեմբերի 24-ին ստորագրված՝ «Հայաստանի Հանրապետության և Վրաստանի պետական սահմանի «Սադախլո-Բագրատաշեն» անցման կետի տարածքում` Դեբեդ գետի վրա նոր կամրջի կառուցման վերաբերյալ» համաձայնագրով նախատեսված համատեղ հանձնաժողովի կողմից: Համատեղ հանձնաժողովի կողմից կամրջի շահագործման ընդունման ակտը հիմք է հանդիսանում կամրջի շահագործման հանձնման և վերջինիս նկատմամբ իրավունքների պետական գրանցման համար.

6) մինչև սույն որոշման 1-ին կետի 5-րդ ենթակետում նշված համատեղ հանձնաժողովի կողմից կամրջի շահագործման ընդունումը՝ կամրջի` Հայաստանի Հանրապետության տարածքում գտնվող հատվածն ընդունում է սույն որոշման 2-րդ կետի 2-րդ ենթակետով ստեղծված ընդունող հանձնաժողովը՝ ղեկավարվելով Հայաստանի Հանրապետության կառավարության 2015 թվականի մարտի 19-ի N 596-Ն որոշմամբ:

(1-ին կետը լրաց. 08.06.23 N 913-Ա)

2. Ստեղծել՝

1) Հայաստանի Հանրապետության և Վրաստանի պետական սահմանների միջև գտնվող Սադախլո-Բագրատաշեն անցման կետի տարածքում՝ Դեբեդ գետի վրա կառուցվող նոր կամրջի նախագծանախահաշվային փաստաթղթերի հատուկ համալիր փորձաքննություն իրականացնող միջգերատեսչական ժամանակավոր փորձաքննական հանձնաժողով և հաստատել դրա անհատական կազմը՝ համաձայն  N 1 հավելվածի.

2) Հայաստանի Հանրապետության և Վրաստանի պետական սահմանների միջև գտնվող Սադախլո-Բագրատաշեն անցման կետի տարածքում՝ Դեբեդ գետի վրա կառուցվող նոր կամրջի՝ Հայաստանի Հանրապետության տարածքում գտնվող հատվածն ընդունող հանձնաժողով և հաստատել դրա կազմը՝ համաձայն N 2 հավելվածի։

(2-րդ կետը լրաց. 08.06.23 N 913-Ա)

3. Հայաստանի Հանրապետության և Վրաստանի պետական սահմանների միջև գտնվող Սադախլո-Բագրատաշեն անցման կետի տարածքում՝ Դեբեդ գետի վրա կառուցվող նոր կամրջի նախագծանախահաշվային փաստաթղթերի պետական համալիր փորձաքննություն իրականացնող հանձնաժողովի նախագաhին՝ սույն որոշման 1-ին կետի 3-րդ ենթակետի «ա» պարբերության մեջ նշված ժամկետում իրականացնել կամրջի նախագծանախահաշվային փաստաթղթերի պետական համալիր փորձաքննություն:

4. Հայաստանի Հանրապետության և Վրաստանի պետական սահմանների միջև գտնվող Սադախլո-Բագրատաշեն անցման կետի տարածքում՝ Դեբեդ գետի վրա կառուցվող նոր կամրջի նախագծանախահաշվային փաստաթղթերի հատուկ համալիր փորձաքննություն իրականացնող միջգերատեսչական ժամանակավոր փորձաքննական հանձնաժողովի նախագահին՝ սույն որոշման 1-ին կետի 3-րդ ենթակետի «բ» պարբերության մեջ նշված ժամկետում իրականացնել կամրջի նախագծանախահաշվային փաստաթղթերի հատուկ համալիր փորձաքննություն և հանձնաժողովի եզրակացությունը ներկայացնել Հայաստանի Հանրապետության տարածքային կառավարման և ենթակառուցվածքների նախարարին:

5. Հայաստանի Հանրապետության տարածքային կառավարման և ենթակառուցվածքների նախարարին՝ կամրջի նախագծանախահաշվային փաստաթղթերի հատուկ համալիր փորձաքննության եզրակացությունը ստանալուց հետո երկամսյա ժամկետում եզրակացությունը ներկայացնել Հայաստանի Հանրապետության կառավարության քննարկմանը:

6. Առաջարկել Հայաստանի Հանրապետության Տավուշի մարզի Բագրատաշենի համայնքի ղեկավարին՝ սույն որոշման 1-ին կետի 4-րդ ենթակետում նշված ժամկետում Հայաստանի Հանրապետության կառավարության 2015 թվականի մարտի 19-ի N 596-Ն որոշմամբ սահմանված կարգով տրամադրել կամրջի շինարարության թույլտվություն:

Հայաստանի Հանրապետության վարչապետ

Ն. Փաշինյան

25.09.2020 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

N 1 Հավելված ՀՀ կառավարության 2020 թվականի սեպտեմբերի 24-ի N 1564-Ա որոշման

(գլխագիրը լրաց. 08.06.23 N 913-Ա)

Ա Ն Հ Ա Տ Ա Կ Ա Ն  Կ Ա Զ Մ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԵՎ ՎՐԱՍՏԱՆԻ ՊԵՏԱԿԱՆ ՍԱՀՄԱՆՆԵՐԻ ՄԻՋԵՎ ԳՏՆՎՈՂ ՍԱԴԱԽԼՈ-ԲԱԳՐԱՏԱՇԵՆ ԱՆՑՄԱՆ ԿԵՏԻ ՏԱՐԱԾՔՈՒՄ՝ ԴԵԲԵԴ ԳԵՏԻ ՎՐԱ ԿԱՌՈՒՑՎՈՂ ՆՈՐ ԿԱՄՐՋԻ ՆԱԽԱԳԾԱՆԱԽԱՀԱՇՎԱՅԻՆ ՓԱՍՏԱԹՂԹԵՐԻ ՀԱՏՈՒԿ ՀԱՄԱԼԻՐ ՓՈՐՁԱՔՆՆՈՒԹՅՈՒՆ ԻՐԱԿԱՆԱՑՆՈՂ ՄԻՋԳԵՐԱՏԵՍՉԱԿԱՆ ԺԱՄԱՆԱԿԱՎՈՐ ՓՈՐՁԱՔՆՆԱԿԱՆ ՀԱՆՁՆԱԺՈՂՈՎԻ

Ք. Ղալեչյան		- ՀՀ տարածքային կառավարման և ենթակառուցվածքների նախարարի տեղակալ, հանձնաժողովի նախագահ
Մ. Մարգարյան		- ՀՀ շրջակա միջավայրի նախարարության ֆինանսատնտեսական վարչության պետ, հանձնաժողովի անդամ
Ն. Մնոյան		- ՀՀ պետական եկամուտների կոմիտեի գործերի կառավարման վարչության շինարարական ծրագրերի համակարգման բաժնի պետ, հանձնաժողովի անդամ
Գ. Ծատուրյան		- ՀՀ քաղաքաշինության կոմիտեի շինարարության և գիտատեխնիկական նորմավորման վարչության շինարարության քաղաքականության և գնագոյացման մեթոդաբանության բաժնի պետ, հանձնաժողովի անդամ
Ժ. Մարգարյան		- Կադաստրի կոմիտեի գեոդեզիայի և քարտեզագրության վարչության գեոդեզիայի բաժնի գլխավոր մասնագետ, հանձնաժողովի անդամ
Ա. Մկրտչյան		- ՀՀ ազգային անվտանգության ծառայության աշխատակից, հանձնաժողովի անդամ
Մ. Մայիլյան		- ՀՀ ազգային անվտանգության ծառայության աշխատակից, հանձնաժողովի անդամ
Կ. Դաղբաշյան		- ՀՀ տարածքային կառավարման և ենթակառուցվածքների նախարարության ջրային կոմիտեի նախագահի տեղակալ, հանձնաժողովի անդամ
Զ. Խլղաթյան		- ՀՀ արտակարգ իրավիճակների նախարարության «Սեյսմիկ պաշտպանության տարածքային ծառայություն» պետական ոչ առևտրային կազմակերպության կառուցվածքների սեյսմակայունության վարչության պետ, հանձնաժողովի անդամ (համաձայնությամբ)
Հ. Հովհաննիսյան		- ՀՀ առողջապահության նախարարության «ՀՎԿ ազգային կենտրոն» պետական ոչ առևտրային կազմակերպության շրջակա միջավայրի հիգիենայի բաժնի պետի տեղակալ, հանձնաժողովի անդամ (համաձայնությամբ)
Ա. Սանոյան		- «Ճանապարհային դեպարտամենտ» պետական ոչ առևտրային կազմակերպության ճանապարհային ենթակառուցվածքների առաջատար ինժեներ, հանձնաժողովի անդամ (համաձայնությամբ)
Տ. Մուշեղյան		- ՀՀ Տավուշի մարզպետարանի քաղաքաշինության վարչության պետի պաշտոնակատար, հանձնաժողովի անդամ (համաձայնությամբ)
Ա. Մակյան		- ՀՀ Տավուշի մարզի Այրումի համայնքի ղեկավարի խորհրդական, հանձնաժողովի անդամ (համաձայնությամբ)

(հավելվածը խմբ. 04.02.21 N 113-Ա, 08.07.21 N 1109-Ա, լրաց. 08.06.23 N 913-Ա)

Հայաստանի Հանրապետության վարչապետի աշխատակազմի ղեկավար

Է. Աղաջանյան

Հավելված N 2 ՀՀ կառավարության 2020 թվականի  սեպտեմբերի 24-ի N 1564-Ա որոշման

Կ Ա Զ Մ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԵՎ ՎՐԱՍՏԱՆԻ ՊԵՏԱԿԱՆ ՍԱՀՄԱՆՆԵՐԻ ՄԻՋԵՎ ԳՏՆՎՈՂ ՍԱԴԱԽԼՈ-ԲԱԳՐԱՏԱՇԵՆ ԱՆՑՄԱՆ ԿԵՏԻ ՏԱՐԱԾՔՈՒՄ՝ ԴԵԲԵԴ ԳԵՏԻ ՎՐԱ ԿԱՌՈՒՑՎՈՂ ՆՈՐ ԿԱՄՐՋԻ՝ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔՈՒՄ ԳՏՆՎՈՂ ՀԱՏՎԱԾՆ ԸՆԴՈՒՆՈՂ ՀԱՆՁՆԱԺՈՂՈՎԻ

ՀՀ տարածքային կառավարման և ենթակառուցվածքների նախարարության ճանապարհային ոլորտի քաղաքականության վարչության պետ (հանձնաժողովի նախագահ)

ՀՀ ազգային անվտանգության ծառայության ներկայացուցիչ (հանձնաժողովի անդամ)

ՀՀ քաղաքաշինության, տեխնիկական և հրդեհային անվտանգության տեսչական մարմնի Տավուշի տարածքային բաժնի պետի տեղակալ (հանձնաժողովի անդամ)

ՀՀ պետական եկամուտների կոմիտեի գնումների կազմակերպման և վարչատնտեսական ապահովման վարչության շինարարական ծրագրերի համակարգման բաժնի պետ (հանձնաժողովի անդամ)

ՀՀ քաղաքաշինության կոմիտեի շինարարության և գիտատեխնիկական նորմավորման վարչության շինարարության քաղաքականության և գնագոյացման մեթոդաբանության բաժնի պետ (հանձնաժողովի անդամ)

ՀՀ Տավուշի մարզպետի աշխատակազմի քաղաքաշինության վարչության պետ (հանձնաժողովի անդամ)

ՀՀ արտակարգ իրավիճակների նախարարության «Սեյսմիկ պաշտպանության տարածքային ծառայություն» պետական ոչ առևտրային կազմակերպության տնօրեն (հանձնաժողովի անդամ, համաձայնությամբ)

«Սուսանգ Ինջինիրինգ Կո» ՍՊԸ և «Կորեա Կոնսալթնս ինթերնեյշնլ Կո» ՍՊԸ» համատեղ ձեռնարկության ներկայացուցիչ (տեխնիկական հսկող. հանձնաժողովի անդամ, համաձայնությամբ)

«Թունել Սադ Արիանա» փակ բաժնետիրական ընկերության ներկայացուցիչ (կապալառու. հանձնաժողովի անդամ, համաձայնությամբ)

(հավելվածը լրաց. 08.06.23 N 913-Ա)