ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ
ԽՈՐՀՈՒՐԴ
Ո Ր Ո Շ ՈՒ Մ
|
18 ապրիլի 2018 թվականի |
N 44 |
քաղ. Մոսկվա |
ՀԱՄԱՊԱՏԱՍԽԱՆՈՒԹՅԱՆ ԳՆԱՀԱՏՄԱՆ ՏԻՊԱՅԻՆ ԸՆԹԱՑԱԿԱՐԳԵՐԻ ՄԱՍԻՆ
«Եվրասիական տնտեսական միության շրջանակներում տեխնիկական կանոնակարգման մասին» արձանագրության («Եվրասիական տնտեսական միության մասին» 2014 թվականի մայիսի 29-ի պայմանագրի N 9 հավելված)
5-րդ կետին և Եվրասիական տնտեսական բարձրագույն խորհրդի 2014 թվականի դեկտեմբերի 23-ի N 98 որոշմամբ հաստատված՝ Եվրասիական տնտեսական հանձնաժողովի աշխատանքի կանոնակարգի N 1 հավելվածի 42-րդ կետին համապատասխան՝ Եվրասիական տնտեսական հանձնաժողովի խորհուրդը որոշեց.
1. Հաստատել կից ներկայացվող՝
համապատասխանության գնահատման տիպային սխեմաները.
նոր կորոնավիրուսային վարակի (COVID-19) տարածման հետ կապված ոչ բարենպաստ համաճարակաբանական իրավիճակի պայմաններում սերիական թողարկման արտադրանքի սերտիֆիկացման դեպքում կիրառվող ժամանակավոր միջոցները (այսուհետ՝ ժամանակավոր միջոցներ):
Եվրասիական տնտեսական միության անդամ պետություններում՝ ապրանքների արտաքին էլեկտրոնային առևտրի ոլորտում փորձնական նախագծի (փորձի) անցկացման շրջանակներում Եվրասիական տնտեսական միության (Մաքսային միության)՝ էլեկտրոնային առևտրի ապրանքների նկատմամբ տեխնիկական կանոնակարգերի պահանջների պահպանումը հաստատելու ժամանակավոր կարգը.
էլեկտրոնային առևտրի ապրանքի անվտանգության մասին հայտարարության ձևը։
(1-ին կետը խմբ. ԵՏՀԽ 23.12.20 թիվ 127, ԵՏՀԽ 15.06.22 թիվ 107)
2. Սահմանել, որ՝
ա) Եվրասիական տնտեսական միության տեխնիկական կանոնակարգերի նախագծերը, որոնց մասով Եվրասիական տնտեսական հանձնաժողովի խորհրդի 2012 թվականի հունիսի 20-ի N 48 որոշմամբ հաստատված՝ Եվրասիական տնտեսական միության տեխնիկական կանոնակարգերի մշակման, ընդունման, փոփոխությունների կատարման և չեղարկման կարգին համապատասխան` Եվրասիական տնտեսական միության անդամ պետություններում ներպետական համաձայնեցման ընթացակարգեր չեն սկսվել` մինչև սույն որոշումն ուժի մեջ մտնելու օրը, մշակվում են սույն որոշմամբ հաստատված համապատասխանության գնահատման տիպային ընթացակարգերի հիման վրա.
բ) Մաքսային միության հանձնաժողովի 2011 թվականի ապրիլի 7-ի N 621 որոշմամբ հաստատված «Մաքսային միության տեխնիկական կանոնակարգերի պահանջներին համապատասխանության գնահատման (հավաստման) տիպային ընթացակարգերը կիրառելու կարգի մասին» հիմնադրույթը կիրառվում է մինչև սույն որոշումն ուժի մեջ մտնելու օրն ընդունված՝ Եվրասիական տնտեսական միության (Մաքսային միության) տեխնիկական կանոնակարգերի պահանջներին տեխնիկական կանոնակարգման օբյեկտների համապատասխանության գնահատում անցկացնելիս՝ Եվրասիական տնտեսական միության (Մաքսային միության) նշված տեխնիկական կանոնակարգերում սահմանված դրույթներին չհակասող մասով՝ նախքան սույն որոշմամբ հաստատված համապատասխանության գնահատման տիպային ընթացակարգերի հիման վրա համապատասխանության գնահատման սահմանված ձևերին և ընթացակարգերին առնչվող փոփոխությունները դրանցում կատարելը։
3. Եվրասիական տնտեսական հանձնաժողովի կոլեգիային՝
ա) սույն որոշումն ուժի մեջ մտնելու օրվանից եռամսյա ժամկետում նախապատրաստել Եվրասիական տնտեսական հանձնաժողովի խորհրդի 2014 թվականի հոկտեմբերի 1-ի N 79 որոշմամբ հաստատված՝ Եվրասիական տնտեսական միության տեխնիկական կանոնակարգերի մշակման և Մաքսային միության տեխնիկական կանոնակարգերում փոփոխությունների կատարման ծրագրում փոփոխություններ կատարելու մասին Եվրասիական տնտեսական հանձնաժողովի խորհրդի որոշման նախագիծը՝ այնպիսի կետերով այն լրացնելու մասով, որոնցով նախատեսվում է Եվրասիական տնտեսական միության (Մաքսային միության) տեխնիկական կանոնակարգերում կատարել սույն որոշմամբ հաստատված համապատասխանության գնահատման տիպային ընթացակարգերի հիման վրա համապատասխանության գնահատման ձևերի և ընթացակարգերի (այդ թվում՝ հետազոտությունների (փորձարկումների) և չափումների գործընթացն ու արդյունքներն արձանագրելու եղանակների) սահմանմանն առնչվող փոփոխություններ.
բ) մինչև 2019 թվականի հունիսի 1-ը Եվրասիական տնտեսական հանձնաժողովի կոլեգիայի 2017 թվականի հունիսի 30-ի N 80 որոշման մեջ կատարել փոփոխություններ՝ արտադրանքի պետական գրանցման վկայականի գործողության ժամկետը սահմանելու և սույն որոշմամբ հաստատված՝ Արտադրանքի պետական գրանցման վկայականի ձևակերպման կանոնները սույն որոշմամբ հաստատված համապատասխանության գնահատման տիպային ընթացակարգերին համապատասխանեցնելու մասով՝ Եվրասիական տնտեսական միության տեխնիկական կանոնակարգի պահանջներին արտադրանքի համապատասխանությունը հավաստող՝ արտադրանքի պետական գրանցման վկայականի ձևակերպման մասով։
3.1. Եվրասիական տնտեսական միության անդամ պետություններին՝ ապահովել՝
ա) Եվրասիական տնտեսական միության (Մաքսային միության) տեխնիկական կանոնակարգերի պահանջներին սերիական թողարկման արտադրանքի սերտիֆիկացման ձևի մեջ համապատասխանության գնահատում անցկացնելիս ժամանակավոր միջոցների կիրառումը.
բ) Եվրասիական տնտեսական միության (Մաքսային միության) տեխնիկական կանոնակարգերի պահանջներին համապատասխանության այն սերտիֆիկատների մասին տեղեկությունների հավաքագրումը, որոնք տրվել են Եվրասիական տնտեսական միության՝ համապատասխանության գնահատման մարմինների միասնական ռեեստրում ներառված սերտիֆիկացման մարմինների կողմից ժամանակավոր միջոցների կիրառմամբ սերիական թողարկման արտադրանքի համար՝ սերտիֆիկացման մարմինների կտրվածքով նշված գործունեության մոնիթորինգի արդյունքները Եվրասիական տնտեսական միության անդամ պետությունների լիազորված մարմինների կողմից Եվրասիական տնտեսական հանձնաժողով եռամսյակային ներկայացմամբ, ինչպես նաև ձեռնարկված միջոցների մասին տեղեկությունների հավաքագրումը ժամանակավոր միջոցներ կիրառելիս համապատասխանության գնահատման ընթացակարգը խախտած սերտիֆիկացման մարմինների նկատմամբ.
գ) Եվրասիական տնտեսական միության (Մաքսային միության) տեխնիկական կանոնակարգերի պահանջներին ժամանակավոր միջոցների կիրառմամբ սերտիֆիկացված արտադրանքի համապատասխանության նկատմամբ պետական հսկողության (վերահսկողության) ուժեղացումը.
դ) հավատարմագրման և սերտիֆիկացման միջազգային համակարգերի շրջանակներում տրված փորձարկումների արձանագրությունների ճանաչման հնարավորության տրամադրումը՝ որպես Եվրասիական տնտեսական միության (Մաքսային միության) տեխնիկական կանոնակարգերի պահանջներին համապատասխանության գնահատման մասին փաստաթղթի տրամադրման համար հիմք՝ նոր կորոնավիրուսային վարակի (COVID-19) տարածման հետ կապված ոչ բարենպաստ համաճարակաբանական իրավիճակի պայմաններում առաջնահերթ նախագծերի իրագործման, նոր արտադրական գծերի կազմակերպման, ենթակառուցվածքային նախագծերի իրագործման համար անհրաժեշտ և Եվրասիական տնտեսական միության այլ անդամ պետությունների տարածքներում շրջանառության մեջ չդրվող տեխնիկապես բարդ արտադրանքի (այդ թվում՝ սերիական թողարկման արտադրանքի) համապատասխանության գնահատում անցկացնելիս.
ե) սույն որոշմամբ հաստատված Ժամանակավոր կարգի կիրառում.
զ) էլեկտրոնային առևտրի այն ապրանքների ցանկերի հաստատում, որոնց նկատմամբ կիրառվում է Եվրասիական տնտեսական միության անդամ պետություններում՝ ապրանքների արտաքին էլեկտրոնային առևտրի ոլորտում փորձնական նախագծի (փորձի) անցկացման շրջանակներում Եվրասիական տնտեսական միության (Մաքսային միության) տեխնիկական կանոնակարգերի՝ էլեկտրոնային առևտրի ապրանքների նկատմամբ պահանջների պահպանման մասով ծանուցման կարգը՝ Եվրասիական տնտեսական հանձնաժողովի խորհրդի 2021 թվականի ապրիլի 5-ի թիվ 7 կարգադրության 1-ին կետի «գ» ենթակետին համապատասխան.
է) Եվրասիական տնտեսական միության (Մաքսային միության) տեխնիկական կանոնակարգերի պահանջների պահպանման մասով ծանուցման կարգի կիրառման շրջանակներում էլեկտրոնային առևտրի ապրանքների անվտանգության մասին հայտարարության առկայության եռամսյակային մշտադիտարկման անցկացում:
(3.1-ին կետը լրաց. ԵՏՀԽ 23.12.20 թիվ 127, ԵՏՀԽ 21.01.22 թիվ 8, ԵՏՀԽ 15.06.22 թիվ 107)
3.2. Սահմանել, որ ժամանակավոր միջոցները գործում են Եվրասիական տնտեսական հանձնաժողովի խորհրդի 2020 թվականի դեկտեմբերի 23-ի «Եվրասիական տնտեսական հանձնաժողովի խորհրդի 2018 թվականի ապրիլի 18-ի թիվ 44 որոշման մեջ փոփոխություններ կատարելու մասին» թիվ 127 որոշումն ուժի մեջ մտնելու օրվանից 24 ամսվա ընթացքում:
Այն սերտիֆիկացված արտադրանքի պարբերական գնահատումը, որի համար ժամանակավոր միջոցների 2-րդ կետով նախատեսված պայմանները պահպանելիս տրվել են համապատասխանության սերտիֆիկատներ, պետք է անցկացվի արտադրության վիճակի վերլուծության կամ արտադրության վիճակի վերլուծության և հետազոտությունների (փորձարկումների) ու արտադրանքի նմուշների (փորձանմուշների) չափումների միջոցով՝ այն սահմանափակումները հանելու օրվանից 6 ամսվա ընթացքում առանց հեռավար գնահատումն օգտագործելու, որոնք ձեռնարկվել են նոր կորոնավիրուսային վարակի (COVID-19) տարածումը կանխելու նպատակով՝ ինչպես Եվրասիական տնտեսական միության այն անդամ պետությունում, որի տարածքում գործունեություն է իրականացնում սերտիֆիկացման մարմինը, այնպես էլ այն պետությունում, որի տարածքում է իրականացվում սերտիֆիկացված արտադրանքի պատրաստման (արտադրման) գործունեությունը:
Այն սերտիֆիկացված արտադրանքի պարբերական գնահատումը, որի համար տրվել են համապատասխանության սերտիֆիկատները, ժամանակավոր միջոցների 4-րդ կետով նախատեսված դեպքերում անցկացվում է համապատասխանության սերտիֆիկատը տրամադրելու օրվանից 12 ամսվա ընթացքում՝ արտադրության վիճակի վերլուծության կամ արտադրության վիճակի վերլուծության և հետազոտությունների (փորձարկումների) ու արտադրանքի նմուշների (փորձանմուշների) չափումների միջոցով: Ընդ որում, սերտիֆիկացման մարմնի կողմից հեռավար գնահատման կիրառումը սերտիֆիկացված արտադրանքի պարբերական գնահատում անցկացնելիս կախված է նոր կորոնավիրուսային վարակի (COVID-19) տարածման հետ կապված համաճարակաբանական իրավիճակի պայմաններից:
(3.2-րդ կետը լրաց. ԵՏՀԽ 23.12.20 թիվ 127, փոփ. ԵՏՀԽ 21.01.22 թիվ 8)
З3. Սահմանել, որ սույն որոշմամբ հաստատված Ժամանակավոր կարգը գործում է Եվրասիական տնտեսական միության անդամ պետությունների օրենսդրությամբ սահմանված՝ ապրանքների արտաքին էլեկտրոնային առևտրի ոլորտում փորձնական նախագծի (փորձի) անցկացման ժամանակահատվածում՝ Եվրասիական տնտեսական հանձնաժողովի խորհրդի 2021 թվականի ապրիլի 5-ի թիվ 7 կարգադրության 1-ին կետի «ա» ենթակետին համապատասխան։
(3.3-րդ կետը լրաց. ԵՏՀԽ 15.06.22 թիվ 107)
4. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո:
Եվրասիական տնտեսական հանձնաժողովի խորհրդի անդամներ՝
|
Հայաստանի Հանրապետությունից` |
Բելառուսի Հանրապետությունից՝ |
Ղազախստանի Հանրապետությունից՝ |
Ղրղզստանի Հանրապետությունից` |
Ռուսաստանի Դաշնությունից՝ |
|
|
|
|
|
|
|
Վ. Գաբրիելյան |
Վ. Մատյուշևսկի |
Ա. Մամին |
Ս. Մուկանբետով |
Ի. Շուվալով |
|
ՀԱՍՏԱՏՎԱԾ ԵՆ Եվրասիական տնտեսականհանձնաժողովի խորհրդի 2018 թվականի ապրիլի 18-ի թիվ 44 որոշմամբ |
Համապատասխանության գնահատման տիպային սխեմաները
I. Ընդհանուր դրույթներ
1. Սույն փաստաթուղթը մշակվել է «Եվրասիական տնտեսական միության շրջանակներում տեխնիկական կանոնակարգման մասին» արձանագրության («Եվրասիական տնտեսական միության մասին» 2014 թվականի մայիսի 29-ի պայմանագրի (այսուհետ՝ Պայմանագիր) թիվ 9 հավելված) 5-րդ կետի դրույթների իրագործման նպատակով, օգտագործվում է Եվրասիական տնտեսական միության տեխնիկական կանոնակարգերի (Մաքսային միության տեխնիկական կանոնակարգերի) (այսուհետ համապատասխանաբար՝ Միություն, տեխնիկական կանոնակարգեր) մշակման ու կիրառման ժամանակ և սահմանում է արտադրանքի կամ արտադրանքի ու արտադրանքին ներկայացվող պահանջների հետ կապված նախագծման (ներառյալ հետազննության), արտադրման, կառուցման, մոնտաժման, կարգաբերման, շահագործման, պահման, փոխադրման, իրացման և ուտիլիզացման գործընթացների (այսուհետ՝ արտադրանք)՝ տեխնիկական կանոնակարգերի պահանջներին համապատասխանության գնահատման տիպային սխեմաները։
2. Սույն փաստաթուղթը պարունակում է համապատասխանության հաստատման տիպային սխեմաները (սերտիֆիկացման տիպային սխեմաները և համապատասխանության հայտարարագրման տիպային սխեմաները) և պետական գրանցման տիպային սխեմաները։
3. Արտադրանքի համապատասխանության գնահատման ձևերը, սխեմաներն ու ընթացակարգերը սահմանվում են տեխնիկական կանոնակարգով՝ հաշվի առնելով սույն փաստաթուղթը։
4. Համապատասխանության գնահատման ձևերի ու սխեմաների ընտրությունն իրականացվում է՝ հաշվի առնելով վտանգավոր գործոնները և արտադրանքին բնորոշ ռիսկերի վերլուծության հիման վրա, ինչպես նաև հաշվի առնելով տեխնիկական կանոնակարգով սահմանված հայտատուների շրջանակը՝ համապատասխանության գնահատման ժամանակ։
5. Հաշվի առնելով արտադրանքի առանձնահատկությունները՝ տեխնիկական կանոնակարգերով կարող են սահմանվել համապատասխանության գնահատման՝ սույն փաստաթղթով նախատեսվածներից տարբերվող ձևեր, սխեմաներ և ընթացակարգեր։
6. Այն դեպքում, երբ արտադրանքի մասով նախկինում ընդունված տեխնիկական կանոնակարգերում սահմանվել են համապատասխանության գնահատման ձևերը, սխեմաներն ու ընթացակարգերը, մշակվող տեխնիկական կանոնակարգերում սահմանվում են այդ արտադրանքի համապատասխանության գնահատման նույնանման ձևեր, սխեմաներ ու ընթացակարգեր։
7. Հայտատուին համապատասխանության գնահատման՝ իր համար ընդունելի սխեմայի ընտրության իրավունք տրամադրելու նպատակով արտադրանքի որոշակի տեսակի համար տեխնիկական կանոնակարգում սահմանվում են համապատասխանության գնահատման մի քանի սխեմաներ։
8. Միության համապատասխանության գնահատման մարմինների միասնական ռեեստրում ներառված՝ Միության անդամ պետությունների (այսուհետ՝ անդամ պետություններ) արտադրանքի սերտիֆիկացման մի քանի հավատարմագրված մարմինների (այսուհետ՝ արտադրանքի սերտիֆիկացման մարմին) առկայության դեպքում տեխնիկական կանոնակարգի պահանջներին արտադրանքի համապատասխանության հաստատումը հայտատուի ընտրությամբ իրականացվում է հավատարմագրման պահանջվող բնագավառում գործող հավատարմագրում ունեցող՝ արտադրանքի սերտիֆիկացման ցանկացած մարմնում։
9. Եթե տիպային սխեմայով նախատեսված է արտադրանքի հետազոտություններ (փորձարկումներ) և չափումներ անցկացնել հավատարմագրված փորձարկման լաբորատորիայում (կենտրոնում), ապա արտադրանքի հետազոտություններ (փորձարկումներ) և (չափումներ) անցկացնելու համար հայտատուն կամ հայտատուի համաձայնությամբ՝ արտադրանքի սերտիֆիկացման մարմինն իրավունք ունի դիմելու հավատարմագրման պահանջվող բնագավառում գործող հավատարմագրում ունեցող՝ ցանկացած հավատարմագրված փորձարկման լաբորատորիա (կենտրոն)։
II. Սահմանումները
10. Սույն փաստաթղթի նպատակներով օգտագործվում են հասկացություններ, որոնք ունեն հետևյալ իմաստը՝
«հավատարմագրված փորձարկման լաբորատորիա (կենտրոն)»՝ անդամ պետության տարածքում դրա օրենսդրությանը համապատասխան գրանցված իրավաբանական անձ, որն իրականացնում է հետազոտություններ (փորձարկումներ) և չափումներ, պաշտոնապես ճանաչված է հավատարմագրման մարմնի կողմից և ներառված է Միության համապատասխանության գնահատման մարմինների միասնական ռեեստրում, կամ այդ իրավաբանական անձի՝ դրա անունից գործող կառուցվածքային ստորաբաժանումը.
«արտադրության վիճակի վերլուծություն»՝ համապատասխանության գնահատման տիպային սխեմայի տարր, որն այնպիսի գործողությունների ամբողջություն է, որոնք արտադրանքի սերտիֆիկացման մարմնի կողմից իրականացվում են սերտիֆիկացման ընթացքում հաստատվող (հաստատված)՝ տեխնիկական կանոնակարգի պահանջներին Միության մաքսային տարածքում շրջանառության մեջ դրվող արտադրանքի մշտական (կայուն) համապատասխանությունն ապահովելու համար անհրաժեշտ պայմանների առկայությունը արտադրողի մոտ որոշելու նպատակով.
«եզակի արտադրատեսակ»՝ հատավաճառ արտադրանքի առանձին նմուշը.
«ներմուծող»՝ անդամ պետության տարածքում՝ դրա օրենսդրությամբ սահմանված կարգով գրանցված իրավաբանական անձ կամ որպես անհատ ձեռնարկատեր գրանցված ֆիզիկական անձ, որն օտարերկրյա արտադրողի (վաճառողի) հետ կնքել է արտադրանքի փոխանցման արտաքին առևտրային պայմանագիր, այդ արտադրանքը շրջանառության մեջ է դնում և (կամ) այն իրացնում է Միության մաքսային տարածքում և պատասխանատվություն է կրում տեխնիկական կանոնակարգերի պահանջներին դրա համապատասխանության համար.
«կառավարման համակարգերի սերտիֆիկացման մարմին»՝ անդամ պետության տարածքում՝ դրա օրենսդրությամբ սահմանված կարգով գրանցված իրավաբանական անձ, որն այդ անդամ պետության ռեզիդենտ է և հավատարմագրման մարմնի կողմից հավատարմագրված է որպես կառավարման համակարգերի սերտիիֆիկացման գործունեություն իրականացնող մարմին.
«արտադրանքի խմբաքանակ»՝ ապրանքաուղեկից փաստաթղթին համապատասխան մեկ անվանում և նշագիր (առկայության դեպքում) ունեցող արտադրանքի միավորների ամբողջություն, որը հայտատուի կողմից ներկայացվել է համապատասխանության հաստատում անցկացնելու համար.
«սերտիֆիկացված արտադրանքի պարբերական գնահատում»՝ համապատասխանության կանոնավոր գնահատում (տեսչական հսկողություն), որն իրականացվում է արտադրանքի սերտիֆիկացման հավատարմագրված մարմնի կողմից՝ այդ արտադրանքի սերտիֆիկացման ընթացքում հաստատված՝ տեխնիկական կանոնակարգի պահանջներին սերտիֆիկացված արտադրանքի համապատասխանությունը որոշելու նպատակով.
«վաճառող»՝ անդամ պետության տարածքում՝ դրա օրենսդրությամբ սահմանված կարգով գրանցված իրավաբանական անձ կամ որպես անհատ ձեռնարկատեր գրանցված ֆիզիկական անձ, որն իրացնում է արտադրանքը պայմանագրերին համապատասխան և արտադրողը չէ.
«սերիական արտադրության արտադրանք»՝ ըստ միևնույն տեխնիկական փաստաթղթերի՝ միասնական տեխնոլոգիական գործընթացով արտադրվող և արտադրանքի միավորների հաջորդական շարքի կամ արտադրանքի՝ պարբերաբար կրկնվող խմբաքանակների տեսքով Միության մաքսային տարածքում շրջանառության մեջ դրվող արտադրանք.
«արտադրողի սեփական փորձարկման լաբորատորիա»՝ անդամ պետության տարածքում՝ դրա օրենսդրությանը համապատասխան գրանցված իրավաբանական անձ, որն իրականացնում է հետազոտություններ (փորձարկումներ) ու չափումներ և գտնվում է արտադրողի սեփականության ներքո, կամ այդ իրավաբանական անձի անունից գործող դրա կառուցվածքային ստորաբաժանումը.
«համապատասխանության գնահատման սխեմա»՝ այն ընթացակարգերի ամբողջությունը, որոնք իրականացվում են տեխնիկական կանոնակարգերի պահանջներին արտադրանքի համապատասխանության գնահատման այն աշխատանքների կատարման ժամանակ, որոնց արդյունքներն օգտագործվում են տեխնիկական կանոնակարգերի պահանջներին արտադրանքի համապատասխանության (անհամապատասխանության) վերաբերյալ որոշում ընդունելու համար.
«սերտիֆիկացման սխեմա»՝ այն գործողությունների ամբողջությունը, որոնց արդյունքները դիտարկվում են որպես տեխնիկական կանոնակարգերի պահանջներին արտադրանքի համապատասխանության ապացույցներ.
«ապրանքաուղեկից փաստաթղթեր»՝ արտադրանքի անվանացանկը և քանակը սահմանող փաստաթղթեր.
«արտադրողի մասնաճյուղ»՝ արտադրողի՝ իրավաբանական անձ չհանդիսացող առանձնացված ստորաբաժանում, որը տեղակայված է դրա գտնվելու վայրից դուրս և իրականացնում է նրա բոլոր գործառույթները կամ դրանց մի մասը.
«փորձագետ (փորձագետ-աուդիտոր)»՝ անդամ պետության օրենսդրությամբ սահմանված կարգով հաստատված՝ որոշակի բնագավառում արտադրանքի համապատասխանությունը հաստատելու համար գիտելիքներ և հմտություններ ունեցող ֆիզիկական անձ, որն արտադրանքի սերտիֆիկացման մարմնում իրականացնում է արտադրանքի համապատասխանության հաստատման գործունեություն։
Սույն փաստաթղթում օգտագործվող այլ հասկացություններ կիրառվում են «Եվրասիական տնտեսական միության շրջանակներում տեխնիկական կանոնակարգման մասին» արձանագրությամբ (Պայմանագրի թիվ 9 հավելված), «Համապատասխանության գնահատման մարմինների հավատարմագրման աշխատանքների արդյունքները ճանաչելու մասին» արձանագրությամբ (Պայմանագրի թիվ 11 հավելված) սահմանված իմաստներով։
III. Սերտիֆիկացման տիպային սխեմաները
11. Սերտիֆիկացման տիպային սխեմաները ներառում են հաջորդաբար կատարվող հետևյալ ընթացակարգերը, եթե այլ բան սահմանված չէ Միության մարմինների ակտերով՝
ա) հայտատուի կողմից արտադրանքի սերտիֆիկացման մարմին սերտիֆիկացման աշխատանքների անցկացման հայտ (այսուհետ՝ հայտ) ներկայացնելը, որում նշվում է սույն փաստաթղթի 13-րդ կետով նախատեսված տեղեկատվությունը՝ սույն փաստաթղթի 14-րդ կետում նշված փաստաթղթերի կցմամբ.
բ) արտադրանքի սերտիֆիկացման մարմնի կողմից հայտը և կցվող փաստաթղթերն ուսումնասիրելը, սերտիֆիկացման աշխատանքներ անցկացնելու կամ սերտիֆիկացման աշխատանքների անցկացումը մերժելու մասին որոշում ընդունելը և ընդունված որոշման մասին հայտատուին տեղեկացնելը (անմիջականորեն կամ պատվիրված փոստային առաքմամբ՝ ներդրվածքի մասին վերգրությամբ և հանձնման մասին ծանուցմամբ տեղեկատվություն ուղարկելու միջոցով).
գ) արտադրանքի սերտիֆիկացման մարմնի կողմից արտադրանքի նույնականացում իրականացնելը և (կամ) արտադրանքի նմուշներ (փորձանմուշներ) (արտադրանքի տիպային նմուշներ) (այսուհետ՝ արտադրանքի նմուշներ (փորձանմուշներ)) վերցնելը՝ դրանց հետազոտությունների (փորձարկումների) և չափումների անցկացման համար, եթե դա նախատեսված է սերտիֆիկացման սխեմայով.
դ) արտադրանքի սերտիֆիկացման մարմնի կողմից պայմանագրի հիման վրա (անհրաժեշտության դեպքում) հետազոտություններ (փորձարկումներ) և չափումներ անցկացնելու համար հավատարմագրված փորձարկման լաբորատորիայի (կենտրոնի) ներգրավումը՝ այն լաբորատորիաներից (կենտրոններից), որոնց հետ արտադրանքի սերտիֆիկացման մարմինը փոխգործակցում է՝ հետազոտություններ (փորձարկումներ) և չափումներ անցկացնելու համար (եթե հետազոտությունների (փորձարկումների) և չափումների անցկացումը նախատեսված է սերտիֆիկացման սխեմայով)։ Այն դեպքում, երբ հայտատուն որևէ պատճառով անհնար է համարում ներգրավված՝ հավատարմագրված փորձարկման լաբորատորիայում (կենտրոնում) հետազոտություններ (փորձարկումներ) և չափումներ անցկացնելը, նա պետք է այդ մասին տեղեկացնի արտադրանքի սերտիֆիկացման մարմնին (հիմնավորելով մերժման պատճառները)։ Այս դեպքում արտադրանքի սերտիֆիկացման մարմինը հետազոտություններ (փորձարկումներ) և չափումներ անցկացնելու համար ներգրավում է իր հետ փոխգործակցող այլ հավատարմագրված փորձարկման լաբորատորիա (կենտրոն).
ե) հավատարմագրված փորձարկման լաբորատորիայի (կենտրոնի) կողմից արտադրանքի վերցված նմուշների (փորձանմուշների) հետազոտություններ (փորձարկումներ) և չափումներ անցկացնելը, եթե դա նախատեսված է սերտիֆիկացման սխեմայով.
զ) արտադրանքի սերտիֆիկացման մարմնի կողմից արտադրանքի տիպի հետազոտություն անցկացնելը, եթե դա նախատեսված է սերտիֆիկացման սխեմայով.
է) արտադրանքի սերտիֆիկացման մարմնի կողմից արտադրանքի նախագծի հետազոտություն անցկացնելը, եթե դա նախատեսված է սերտիֆիկացման սխեմայով.
ը) արտադրանքի սերտիֆիկացման մարմնի կողմից արտադրության վիճակի վերլուծություն անցկացնելը, եթե դա նախատեսված է սերտիֆիկացման սխեմայով.
թ) արտադրանքի սերտիֆիկացման մարմնի կողմից արտադրանքի սերտիֆիկացման աշխատանքների ստացված արդյունքները վերլուծելը և տեխնիկական կանոնակարգի պահանջներին արտադրանքի համապատասխանության սերտիֆիկատ (այսուհետ՝ արտադրանքի համապատասխանության սերտիֆիկատ) տրամադրելու կամ դրա տրամադրումը մերժելու մասին որոշում ընդունելը.
ժ) արտադրանքի սերտիֆիկացման մարմնի կողմից արտադրանքի համապատասխանության սերտիֆիկատը ձևակերպելը և տրամադրելը.
ժա) արտադրանքի համապատասխանության՝ տրված սերտիֆիկատի վերաբերյալ տեղեկությունների մուտքագրումը տրված համապատասխանության սերտիֆիկատների և գրանցված համապատասխանության հայտարարագրերի միասնական ռեեստր.
ժբ) Եվրասիական տնտեսական հանձնաժողովի (այսուհետ՝ Հանձնաժողով) կողմից հաստատվող կարգով՝ Միության շուկայում արտադրանքի շրջանառության միասնական նշանով (այսուհետ՝ շրջանառության միասնական նշան) արտադրանքի մակնշման ապահովումը հայտատուի կողմից.
ժգ) արտադրանքի սերտիֆիկացման մարմնի կողմից սերտիֆիկացված արտադրանքի պարբերական գնահատում իրականացնելը, եթե դա նախատեսված է սերտիֆիկացման սխեմայով.
ժդ) արտադրանքի սերտիֆիկացման մարմնի կողմից արտադրանքի համապատասխանության՝ իր կողմից տրված սերտիֆիկատների գործողությունը կասեցնելը (վերականգնելը) կամ դադարեցնելը։
12. Սերտիֆիկացման աշխատանքներն իրականացվում են հայտատուի նախաձեռնությամբ՝ արտադրանքի սերտիֆիկացման մարմնի և հայտատուի միջև կնքված պայմանագրի հիման վրա։
13. Հայտի մեջ նշվում է հետևյալ տեղեկատվությունը՝
ա) արտադրանքի սերտիֆիկացման մարմնի լրիվ անվանումը, դրա գտնվելու վայրը (իրավաբանական անձի հասցեն).
բ) հայտատուի լրիվ անվանումը, դրա գտնվելու վայրը (իրավաբանական անձի հասցեն) և գործունեության իրականացման վայրի հասցեն (հասցեները) (եթե հասցեները տարբերվում են)՝ իրավաբական անձի համար, կամ ազգանունը, անունը և հայրանունը (առկայության դեպքում), բնակության վայրը և գործունեության իրականացման վայրի հասցեն (հասցեները) (եթե հասցեները տարբերվում են)՝ որպես անհատ ձեռնարկատեր գրանցված ֆիզիկական անձի համար, ինչպես նաև այն հայտատուի գրանցման կամ հաշվառման (անհատական, նույնականացման) համարը, որը, անդամ պետության օրենսդրությանը համապատասխան, տրվում է իրավաբանական անձի կամ որպես անհատ ձեռնարկատեր գրանցված ֆիզիկական անձի պետական գրանցման ժամանակ, բանկային վավերապայմանները, հեռախոսահամարը և էլեկտրոնային փոստի հասցեն.
գ) իրավաբանական անձի ղեկավարի կամ հայտատու կազմակերպության այն անձի պաշտոնը, ազգանունը, անունը և հայրանունը (առկայության դեպքում), որը, անդամ պետության օրենսդրությանը համապատասխան, լիազորված է հայտով (լիազորող փաստաթղթի անվանման ու վավերապայմանների նշմամբ) դիմելու արտադրանքի սերտիֆիկացման մարմին.
դ) արտադրողի լրիվ անվանումը, դրա գտնվելու վայրը (իրավաբանական անձի հասցեն) և արտադրանքի արտադրման գործունեություն իրականացնելու վայրի հասցեն (հասցեները) (եթե հասցեները տարբերվում են)՝ իրավաբանական անձի և արտադրանքն արտադրող դրա մասնաճյուղերի համար, կամ ազգանունը, անունը և հայրանունը (առկայության դեպքում), բնակության վայրը և արտադրանքի արտադրման գործունեություն իրականացնելու վայրի հասցեն (հասցեները) (եթե հասցեները տարբերվում են)՝ որպես անհատ ձեռնարկատեր գրանցված ֆիզիկական անձի համար.
ե) արտադրանքի մասին՝ դրա նույնականացումն ապահովող տեղեկություններ՝ ներառյալ
արտադրանքի անվանումը և նշագիրը (տեխնիկական կանոնակարգերով նախատեսված դեպքերում) և արտադրողի կողմից արտադրանքին տրված այլ պայմանական նշագիր (առկայության դեպքում).
արտադրանքի անվանումը (տեխնիկական կանոնակարգերով նախատեսված դեպքերում) (առկայության դեպքում).
արտադրանքի մասին՝ դրա նույնականացումն ապահովող այլ տեղեկություններ (առկայության դեպքում).
արտադրանքի ծածկագիրը (ծածկագրերը)՝ Եվրասիական տնտեսական միության արտաքին տնտեսական գործունեության միասնական ապրանքային անվանացանկին համապատասխան (այսուհետ՝ ԵԱՏՄ ԱՏԳ ԱԱ ծածկագրեր).
այն փաստաթղթի (փաստաթղթերի) նշագիրը և անվանումը, որին համապատասխան արտադրված է արտադրանքը (ստանդարտը, կազմակերպության ստանդարտը, տեխնիկական պայմանները կամ այլ փաստաթուղթ) (առկայության դեպքում).
սերտիֆիկացման օբյեկտի անվանումը (սերիական թողարկումը, խմբաքանակը կամ եզակի արտադրատեսակը)։ Սերիական թողարկման արտադրանքի համար կատարվում է «սերիական թողարկում» գրառումը։ Արտադրանքի խմբաքանակի համար նշվում է խմբաքանակի չափը, եզակի արտադրատեսակի համար՝ արտադրատեսակի գործարանային համարը (առկայության դեպքում): Գործարանային համարի բացակայության դեպքում կատարվում է «մեկ օրինակից» կամ «եզակի արտադրատեսակ» գրառումը.
պայմանագրի (մատակարարման պայմանագրի) և ապարանքաուղեկից այն փաստաթղթերի վավերապայմանները, որոնցով նույնականացվում է եզակի արտադրատեսակը կամ արտադրանքի խմբաքանակը, այդ թվում՝ դրա չափը (արտադրանքի խմբաքանակի և եզակի արտադրատեսակի համար).
զ) հայտատուի կողմից ընտրված սերտիֆիկացման սխեման.
է) այն տեխնիկական կանոնակարգի անվանումը, որի պահանջներին համապատասխանության մասով անցկացվում է սերտիֆիկացումը.
ը) այլ, այդ թվում՝ Միության սահմաններից դուրս գտնվող իրավաբանական անձանց, և անդամ պետությունների օրենսդրությանը համապատասխան որպես անհատ ձեռնարկատերեր գրանցված ֆիզիկական անձանց արտադրական հարթակներում (այսուհետ՝ արտադրական հարթակներ) իր անվան ներքո արտադրանքի արտադրման համար արտադրողի կողմից պատվեր տեղադրելու դեպքում՝ պատվերը կատարողի լրիվ անվանումը, նրա գտնվելու վայրը (իրավաբանական անձի հասցեն) և արտադրանքի արտադրման գործունեություն իրականացնելու վայրի հասցեն (հասցեները)։
14. Հայտին կից ներկայացվում են հետևյալ փաստաթղթերը՝
ա) սերիական արտադրության արտադրանքի համար՝
արտադրանքի տեխնիկական (նախագծային, և (կամ) կոնստրուկտորական, և (կամ) տեխնոլոգիական, և (կամ) շահագործման) փաստաթղթերի պատճենները.
միջազգային և տարածաշրջանային (միջպետական) ստանդարտների ցանկում ներառված ստանդարտների ցուցակը (դրանց նշագրերի և անվանումների, ինչպես նաև բաժինների (կետերի, ենթակետերի) նշմամբ, եթե տեխնիկական կանոնակարգի պահանջների կատարումը կարող է ապահովվել այդ ստանդարտների առանձին բաժինների (կետերի, ենթակետերի), այլ ոչ թե ընդհանուր առմամբ ստանդարտների կիրառմամբ), իսկ դրանց բացակայության դեպքում՝ կամավոր հիմունքներով կիրառման արդյունքում տեխնիկական կանոնակարգի պահանջների կատարումն ապահովող ազգային (պետական) ստանդարտների ցանկը (այսուհետ՝ ստանդարտների ցանկ) (հայտատուի կողմից դրանց կիրառման դեպքում).
տեխնիկական կանոնակարգի պահանջների կատարումը հաստատող՝ ընդունված տեխնիկական որոշումների և ռիսկերի գնահատման արդյունքների նկարագրությունը, եթե կամավոր հիմունքներով կիրառման արդյունքում տեխնիկական կանոնակարգի պահանջների կատարումն ապահովող ստանդարտները բացակայում են կամ չեն կիրառվել (անհրաժեշտության դեպքում).
այն փաստաթղթի (փաստաթղթերի) պատճենը, որին համապատասխան արտադրված է արտադրանքը (ստանդարտը, կազմակերպության ստանդարտը, տեխնիկական պայմանները կամ այլ փաստաթուղթ) (առկայության դեպքում).
կառավարման համակարգի համապատասխանության այն սերտիֆիկատի պատճենը, որի գործողությունը տարածվում է սերտիֆիկացվող արտադրանքի արտադրության վրա, որով հաստատվում է արտադրողի կողմից ներդրված կառավարման համակարգի համապատասխանությունը կառավարման համակարգին ներկայացվող՝ համապատասխան ստանդարտի պահանջներին և որը տրամադրվել է կառավարման համակարգերի սերտիֆիկացման մարմնի կողմից (այսուհետ՝ կառավարման համակարգի համապատասխանության սերտիֆիկատ) (սերտիֆիկացման սխեմայով նախատեսված դեպքերում).
կրիտիկական բաղադրամասերի, նյութերի, կոմպլեկտավորող արտադրատեսակների կամ արտադրատեսակի բաղադրիչ մասերի համապատասխանության սերտիֆիկատների պատճենները (առկայության դեպքում).
արտադրողի (այդ թվում՝ օտարերկրյա արտադրողի) հետ կնքված այն պայմանագրի պատճենը, որով նախատեսվում է տեխնիկական կանոնակարգի պահանջներին Միության մաքսային տարածք մատակարարվող արտադրանքի համապատասխանության ապահովումը և նշված պահանջներին այդ արտադրանքի անհամապատասխանության համար պատասխանատվությունը (արտադրողի կողմից լիազորված անձի համար)․
անդամ պետությունների օրենսդրությանը համապատասխան իրավաբանական անձի կամ որպես անհատ ձեռնարկատեր գրանցված ֆիզիկական անձի պետական գրանցման ժամանակ տրվող՝ հայտատուի գրանցման կամ հաշվառման (անհատական, նույնականացման) համարի մասին տեղեկություններ.
հայտատուի ընտրությամբ այլ փաստաթղթեր, որոնք ներկայացվել են որպես տեխնիկական կանոնակարգի պահանջներին արտադրատեսակի համապատասխանության ապացույց (առկայության դեպքում).
բ) արտադրանքի խմբաքանակի (եզակի արտադրատեսակի) համար՝
արտադրանքի տեխնիկական (նախագծային, և (կամ) կոնստրուկտորական, և (կամ) տեխնոլոգիական, և (կամ) շահագործման) փաստաթղթերի պատճենները (առկայության դեպքում).
այն փաստաթղթի (փաստաթղթերի) պատճենը, որին համապատասխան արտադրված է արտադրանքը (ստանդարտը, կազմակերպության ստանդարտը, տեխնիկական պայմանները կամ այլ փաստաթուղթ) (առկայության դեպքում).
պայմանագրի (մատակարարման պայմանագրի) պատճենը և ապարանքաուղեկից փաստաթղթերը, որոնցով նույնականացվում է եզակի արտադրատեսակը կամ արտադրանքի խմբաքանակը, այդ թվում՝ դրա չափը.
ստանդարտների ցանկում ներառված ստանդարտների ցուցակը (դրանց նշագրերի և անվանումների, ինչպես նաև բաժինների (կետերի, ենթակետերի) նշմամբ, եթե տեխնիկական կանոնակարգի պահանջների պահպանումը կարող է ապահովվել այդ ստանդարտների առանձին բաժինների (կետերի, ենթակետերի), այլ ոչ թե ընդհանուր առմամբ ստանդարտների կիրառմամբ) (հայտատուի կողմից դրանց կիրառման դեպքում).
տեխնիկական կանոնակարգի պահանջների կատարումը հաստատող՝ ընդունված տեխնիկական որոշումների և ռիսկերի գնահատման արդյունքների նկարագրությունը, եթե կամավոր հիմունքներով կիրառման արդյունքում տեխնիկական կանոնակարգի պահանջների կատարումն ապահովող ստանդարտները բացակայում են կամ չեն կիրառվել (անհրաժեշտության դեպքում).
անդամ պետությունների օրենսդրությանը համապատասխան՝ իրավաբանական անձի կամ որպես անհատ ձեռնարկատեր գրանցված ֆիզիկական անձի պետական գրանցման ժամանակ տրվող՝ հայտատուի գրանցման կամ հաշվառման (անհատական, նույնականացման) համարի մասին տեղեկություններ.
հայտատուի ընտրությամբ այլ փաստաթղթեր, որոնք ներկայացվել են որպես տեխնիկական կանոնակարգի պահանջներին արտադրատեսակի համապատասխանության ապացույց (առկայության դեպքում)։
15. Հայտին կից ներկայացվող և օտար լեզվով կազմված փաստաթղթերն ուղեկցվում են ռուսերեն թարգմանությամբ և (կամ) անդամ պետության օրենսդրության մեջ համապատասխան պահանջի առկայության դեպքում՝ այն անդամ պետության պետական լեզվով, որտեղ իրականացվում է արտադրանքի սերտիֆիկացումը։
Հայտին կից ներկայացվող փաստաթղթերի պատճենները վավերացվում են հայտատուի ստորագրությամբ և կնիքով (եթե այլ բան սահմանված չէ անդամ պետության օրենսդրությամբ)։
16. Սերտիֆիկացման 1ս սխեման կիրառվում է սերիական թողարկման արտադրանքի համար։
1ս սխեմայով սերտիֆիկացման դեպքում հայտատուն արտադրողն է (արտադրողի կողմից լիազորված անձը)։
Արտադրողը ձեռնարկում է բոլոր անհրաժեշտ միջոցները՝ ապահովելու համար արտադրության գործընթացի կայունությունը և տեխնիկական կանոնակարգի պահանջներին արտադրվող արտադրանքի համապատասխանությունը, ինչպես նաև իրականացնում է արտադրական հսկողությունը՝ սույն փաստաթղթի X բաժնին համապատասխան։
1ս սխեմայով սերտիֆիկացման դեպքում կատարվում են սույն կետով նախատեսված ընթացակարգերը։
Հայտատուն արտադրանքի սերտիֆիկացման մարմին է ներկայացնում հայտը՝ կցելով սույն փաստաթղթի 14-րդ կետի «ա» ենթակետով նախատեսված փաստաթղթերը։
Արտադրանքի սերտիֆիկացման մարմինն ուսումնասիրում և վերլուծում է հայտն ու կից ներկայացվող փաստաթղթերը, ընդունում է սերտիֆիկացում իրականացնելու վերաբերյալ որոշում և իր որոշման մասին գրավոր տեղեկացնում է հայտատուին՝ սույն փաստաթղթի V բաժնին համապատասխան։
Հայտատուն արտադրանքի սերտիֆիկացման մարմնի հետ կնքում է սերտիֆիկացման կամ սերտիֆիկացման, հետազոտությունների (փորձարկումների) և չափումների անցկացման պայմանագիր (նախկինում կնքված պայմանագրի բացակայության դեպքում)։
Արտադրանքի սերտիֆիկացման մարմինն իրականացնում է արտադրանքի նույնականացումը և դրա նմուշներ (փորձանմուշներ) վերցնելը՝ սույն փաստաթղթի VI բաժնին համապատասխան դրանց հետազոտությունները (փորձարկումները) և չափումներն անցկացնելու համար։
Արտադրանքի վերցված նմուշների (փորձանմուշների) հետազոտությունները (փորձարկումները) և չափումներն անցկացվում են հավատարմագրված փորձարկման լաբորատորիայում (կենտրոնում)՝ սույն փաստաթղթի VI բաժնին համապատասխան։
Արտադրանքի սերտիֆիկացման մարմինն իրականացնում է արտադրության վիճակի վերլուծություն՝ սույն փաստաթղթի IX բաժնին համապատասխան։
Արտադրանքի սերտիֆիկացման մարմինն իրականացնում է հայտատուի ներկայացրած փաստաթղթերի վերլուծության արդյունքների, արտադրանքի նմուշների (փորձանմուշների) հետազոտությունների (փորձարկումների) և չափումների արդյունքների և արտադրության վիճակի վերլուծության արդյունքների ամփոփում՝ սույն փաստաթղթի 72-րդ կետին համապատասխան։
Հայտատուի ներկայացրած փաստաթղթերի վերլուծության, արտադրանքի նմուշների (փորձանմուշների) հետազոտությունների (փորձարկումների) և չափումների ու արտադրության վիճակի վերլուծության դրական արդյունքների դեպքում արտադրանքի սերտիֆիկացման մարմինն ընդունում է արտադրանքի համապատասխանության սերտիֆիկատ տրամադրելու վերաբերյալ որոշում, ձևակերպում է արտադրանքի համապատասխանության սերտիֆիկատն ու այն տրամադրում է հայտատուին՝ սույն փաստաթղթի XI բաժնին համապատասխան։
Արտադրանքի սերտիֆիկացման մարմինն արտադրանքի համապատասխանության՝ տրված սերտիֆիկատի մասին տեղեկությունները մուտքագրում է տրված համապատասխանության սերտիֆիկատների ու գրանցված համապատասխանության հայտարարագրերի միասնական ռեեստր՝ սույն փաստաթղթի XVI բաժնին համապատասխան։
Հայտատուն ապահովում է արտադրանքի մակնշումը շրջանառության միասնական նշանով՝ Հանձնաժողովի կողմից սահմանվող կարգով։
Արտադրանքի սերտիֆիկացման մարմինը և հայտատուն իրականացնում են տեխնիկական կանոնակարգի պահանջներին արտադրանքի համապատասխանությունը հաստատող ապացուցողական նյութերի փաթեթի ձևավորումն ու պահպանումը՝ սույն փաստաթղթի XVII բաժնին համապատասխան։
Արտադրանքի սերտիֆիկացման մարմինը սերտիֆիկացված արտադրանքի պարբերական գնահատում է իրականացնում արտադրանքի համապատասխանության սերտիֆիկատի գործողութան ժամկետի ընթացքում՝ տարին մեկ անգամ, եթե այլ բան սահմանված չէ տեխնիկական կանոնակարգով, հավատարմագրված փորձարկման լաբորատորիայում (կենտրոնում) արտադրանքի նույնականացման, դրա նմուշների (փորձանմուշների) հետազոտությունների (փորձարկումների) ու չափումների և (կամ) արտադրության վիճակի վերլուծության միջոցով՝ սույն փաստաթղթի XIX բաժնին համապատասխան։
Այն դեպքում, երբ արտադրանքի համապատասխանության սերտիֆիկատի գործողության ժամկետն ավարտվում է, և այդ ապրանքի առնչությամբ հայտատուի կողմից հայտ է ներկայացվել արտադրանքի սերտիֆիկացման այն մարմին, որն անցկացրել է սերտիֆիկացված արտադրանքի պարբերական գնահատում, արտադրանքի սերտիֆիկացման տվյալ մարմինը սերտիֆիկացում անցկացնելիս հաշվի է առնում սերտիֆիկացված արտադրանքի վերջին պարբերական գնահատման դրական արդյունքները, եթե դրա անցկացման պահից անցել է 1 տարուց ոչ ավելի։
Սերտիֆիկացված արտադրանքի պարբերական գնահատման բացասական արդյունքների դեպքում արտադրանքի սերտիֆիկացման մարմինն ընդունում է հետևյալ որոշումներից որևէ մեկը՝
կասեցնել արտադրանքի համապատասխանության սերտիֆիկատի գործողությունը,
դադարեցնել արտադրանքի համապատասխանության սերտիֆիկատի գործողությունը։
Արտադրանքի սերտիֆիկացման մարմնի կողմից ընդունված որոշումը փաստաթղթավորվում է, և հայտատուն տեղեկացվում է դրա մասին։
Արտադրանքի սերտիֆիկացման մարմինն արտադրանքի համապատասխանության սերտիֆիկատի գործողության կասեցման կամ դադարեցման մասին տեղեկությունները մուտքագրում է տրված՝ համապատասխանության սերտիֆիկատների և գրանցված համապատասխանության հայտարարագրերի միասնական ռեեստր:
Արտադրանքի կառուցվածքում (կազմում) կամ դրա արտադրման տեխնոլոգիայում այնպիսի փոփոխություններ կատարելու դեպքում, որոնք կարող են ազդել տեխնիկական կանոնակարգի պահանջներին արտադրանքի համապատասխանության վրա, հայտատուն՝ նախքան այդպիսի փոփոխություններ կատարելը, այդ մասին գրավոր ծանուցում է արտադրանքի համապատասխանության սերտիֆիկատը տրամադրած՝ արտադրանքի սերտիֆիկացման մարմնին։ Նշված մարմինն ընդունում է որոշում՝ արտադրանքի լրացուցիչ հետազոտություններ (փորձարկումներ) ու չափումներ և (կամ) արտադրության վիճակի վերլուծություն անցկացնելու անհրաժեշտության վերաբերյալ։
17. Սերտիֆիկացման 2ս սխեման կիրառվում է սերիական թողարկման արտադրանքի համար՝ արտադրողի մոտ ներդրված կառավարման այնպիսի համակարգի առկայության դեպքում, որը սերտիֆիկացվել է կառավարման համակարգերի սերտիֆիկացման մարմնի կողմից։
2ս սխեմայով սերտիֆիկացման դեպքում հայտատուն արտադրողն է (արտադրողի կողմից լիազորված անձը)։
Արտադրողը ձեռնարկում է բոլոր անհրաժեշտ միջոցները՝ ապահովելու համար ներդրված և սերտիֆիկացված կառավարման համակարգի կայուն աշխատանքը և տեխնիկական կանոնակարգի պահանջներին համապատասխանող արտադրանքի արտադրման համար անհրաժեշտ արտադրության պայմանները, ինչպես նաև իրականացնում է արտադրական հսկողությունը՝ սույն փաստաթղթի X բաժնին համապատասխան։
2ս սխեմայով սերտիֆիկացման դեպքում կատարվում են սույն կետով նախատեսված ընթացակարգերը։
Հայտատուն արտադրանքի սերտիֆիկացման մարմին է ներկայացնում հայտը՝ կցելով սույն փաստաթղթի 14-րդ կետի «ա» ենթակետով նախատեսված փաստաթղթերը, այդ թվում՝ կառավարման համակարգի համապատասխանության սերտիֆիկատի պատճենները։
Սույն փաստաթղթի 13-րդ կետով նախատեսված տեղեկատվությունից բացի՝ հայտի մեջ նշվում են այն փաստաթղթի մասին տեղեկությունները, որի պահանջներին համապատասխանության մասով սերտիֆիկացվել է ներդրված կառավարման համակարգը։
Արտադրանքի սերտիֆիկացման մարմինն ուսումնասիրում և վերլուծում է հայտն ու կից ներկայացվող փաստաթղթերը, ընդունում է սերտիֆիկացում իրականացնելու վերաբերյալ որոշում և իր որոշման մասին գրավոր տեղեկացնում է հայտատուին՝ սույն փաստաթղթի V բաժնին համապատասխան։
Հայտատուն արտադրանքի սերտիֆիկացման մարմնի հետ կնքում է սերտիֆիկացման կամ սերտիֆիկացման, հետազոտությունների (փորձարկումների) և չափումների անցկացման պայմանագիր (նախկինում կնքված պայմանագրի բացակայության դեպքում)։
Արտադրանքի սերտիֆիկացման մարմինն իրականացնում է արտադրանքի նույնականացումը և դրա նմուշներ (փորձանմուշներ) վերցնելը՝ սույն փաստաթղթի VI բաժնին համապատասխան դրանց հետազոտությունները (փորձարկումները) և չափումներն անցկացնելու համար։
Արտադրանքի վերցված նմուշների (փորձանմուշների) հետազոտությունները (փորձարկումները) և չափումներն անցկացվում են հավատարմագրված փորձարկման լաբորատորիայում (կենտրոնում)՝ սույն փաստաթղթի VI բաժնին համապատասխան։
Արտադրանքի սերտիֆիկացման մարմինն իրականացնում է հայտատուի ներկայացրած փաստաթղթերի վերլուծության արդյունքների, արտադրանքի նմուշների (փորձանմուշների) հետազոտությունների (փորձարկումների) և չափումների արդյունքների ամփոփում՝ սույն փաստաթղթի 72-րդ կետին համապատասխան։
Հայտատուի ներկայացրած փաստաթղթերի վերլուծության, արտադրանքի նմուշների (փորձանմուշների) հետազոտությունների (փորձարկումների) և չափումների դրական արդյունքների դեպքում արտադրանքի սերտիֆիկացման մարմինն ընդունում է արտադրանքի համապատասխանության սերտիֆիկատ տրամադրելու վերաբերյալ որոշում, ձևակերպում է արտադրանքի համապատասխանության սերտիֆիկատն ու այն տրամադրում հայտատուին՝ սույն փաստաթղթի XI բաժնին համապատասխան։
Արտադրանքի սերտիֆիկացման մարմինն արտադրանքի համապատասխանության՝ տրված սերտիֆիկատի մասին տեղեկությունները մուտքագրում է տրված համապատասխանության սերտիֆիկատների ու գրանցված համապատասխանության հայտարարագրերի միասնական ռեեստր՝ սույն փաստաթղթի XVI բաժնին համապատասխան։
Հայտատուն ապահովում է արտադրանքի մակնշումը շրջանառության միասնական նշանով՝ Հանձնաժողովի կողմից սահմանվող կարգով։
Արտադրանքի սերտիֆիկացման մարմինը և հայտատուն իրականացնում են տեխնիկական կանոնակարգի պահանջներին արտադրանքի համապատասխանությունը հաստատող ապացուցողական նյութերի փաթեթի ձևավորումն ու պահպանումը՝ սույն փաստաթղթի XVII բաժնին համապատասխան։
Արտադրանքի սերտիֆիկացման մարմինը սերտիֆիկացված արտադրանքի պարբերական գնահատում է անցկացնում արտադրանքի համապատասխանության սերտիֆիկատի գործողութան ժամկետի ընթացքում՝ տարին մեկ անգամ, եթե այլ բան սահմանված չէ տեխնիկական կանոնակարգով, հավատարմագրված փորձարկման լաբորատորիայում (կենտրոնում) արտադրանքի նույնականացման, դրա նմուշների (փորձանմուշների) հետազոտությունների (փորձարկումների) ու չափումների միջոցով՝ սույն փաստաթղթի XIX բաժնին համապատասխան։
Այն դեպքում, երբ արտադրանքի համապատասխանության սերտիֆիկատի գործողության ժամկետն ավարտվում է, և այդ ապրանքի առնչությամբ հայտատուի կողմից հայտ է ներկայացվել արտադրանքի սերտիֆիկացման այն մարմին, որն իրականացրել է սերտիֆիկացված արտադրանքի պարբերական գնահատում, արտադրանքի սերտիֆիկացման այդ մարմինը սերտիֆիկացում իրականացնելիս հաշվի է առնում սերտիֆիկացված արտադրանքի վերջին պարբերական գնահատման դրական արդյունքները, եթե դրա իրականացման պահից անցել է 1 տարուց ոչ ավելի։
Սերտիֆիկացված արտադրանքի պարբերական գնահատման բացասական արդյունքների դեպքում արտադրանքի սերտիֆիկացման մարմինն ընդունում է հետևյալ որոշումներից որևէ մեկը՝
կասեցնել արտադրանքի համապատասխանության սերտիֆիկատի գործողությունը,
դադարեցնել արտադրանքի համապատասխանության սերտիֆիկատի գործողությունը։
Արտադրանքի սերտիֆիկացման մարմնի կողմից ընդունված որոշումը փաստաթղթավորվում է, և հայտատուն տեղեկացվում է դրա մասին։
Արտադրանքի սերտիֆիկացման մարմինն արտադրանքի համապատասխանության սերտիֆիկատի գործողության կասեցման կամ դադարեցման մասին տեղեկությունները մուտքագրում է տրված համապատասխանության սերտիֆիկատների և գրանցված համապատասխանության հայտարարագրերի միասնական ռեեստր:
Արտադրանքի կառուցվածքում (կազմում) կամ դրա արտադրման տեխնոլոգիայում այնպիսի փոփոխություններ կատարելու դեպքում, որոնք կարող են ազդել տեխնիկական կանոնակարգի պահանջներին արտադրանքի համապատասխանության վրա, հայտատուն՝ նախքան այդպիսի փոփոխություններ կատարելը, այդ մասին գրավոր ծանուցում է արտադրանքի համապատասխանության սերտիֆիկատը տրամադրած՝ արտադրանքի սերտիֆիկացման մարմնին։ Նշված մարմինն ընդունում է որոշում՝ արտադրանքի լրացուցիչ հետազոտություններ (փորձարկումներ) և չափումներ իրականացնելու անհրաժեշտության վերաբերյալ։
18. Սերտիֆիկացման Зս սխեման կիրառվում է արտադրանքի խմբաքանակի համար։
3ս սխեմայով սերտիֆիկացման դեպքում հայտատուն արտադրողն է (արտադրողի կողմից լիազորված անձը) կամ վաճառողը (ներմուծողը)։
3ս սխեմայով սերտիֆիկացման դեպքում կատարվում են սույն կետով նախատեսված ընթացակարգերը։
Հայտատուն արտադրանքի սերտիֆիկացման մարմին է ներկայացնում հայտը՝ կցելով սույն փաստաթղթի 14-րդ կետի «բ» ենթակետով նախատեսված փաստաթղթերը։
Սույն փաստաթղթի 13-րդ կետով նախատեսված տեղեկատվությունից բացի՝ հայտի մեջ նշվում են արտադրանքի խմբաքանակը նույնականակացնող հատկանիշները, այդ թվում՝ կազմը և չափը (խմբաքանակի կազմի մեջ մտնող արտադրանքի միավորների քանակը)։
Արտադրանքի սերտիֆիկացման մարմինն ուսումնասիրում և վերլուծում է հայտն ու կից ներկայացվող փաստաթղթերը, ընդունում է սերտիֆիկացում իրականացնելու վերաբերյալ որոշում և իր որոշման մասին գրավոր տեղեկացնում է հայտատուին՝ սույն փաստաթղթի V բաժնին համապատասխան։
Հայտատուն արտադրանքի սերտիֆիկացման մարմնի հետ կնքում է սերտիֆիկացման կամ սերտիֆիկացման, հետազոտությունների (փորձարկումների) և չափումների անցկացման պայմանագիր (նախկինում կնքված պայմանագրի բացակայության դեպքում)։
Արտադրանքի սերտիֆիկացման մարմինը հայտատուի ներկայությամբ անցկացնում է արտադրանքի խմբաքանակի նույնականացումը կամ արտադրանքի նմուշների (փորձանմուշների) նույնականացումը և խմբաքանակից արտադրանքի նմուշներ (փորձանմուշներ) վերցնելը՝ սույն փաստաթղթի VI բաժնին համապատասխան հետազոտություններ (փորձարկումներ) և չափումներ անցկացնելու համար (այն դեպքում, երբ տեխնիկական կանոնակարգով սահմանված չէ հետազոտությունների (փորձարկումների) և չափումների արդյունքները նույնանման արտադրանքի հետագա խմբաքանակների համար օգտագործելու հնարավորությունը)։
Արտադրանքի վերցված նմուշների (փորձանմուշների) հետազոտությունները (փորձարկումները) և չափումներն անցկացվում են հավատարմագրված փորձարկման լաբորատորիայում (կենտրոնում)՝ սույն փաստաթղթի VI բաժնին համապատասխան (այն դեպքում, երբ տեխնիկական կանոնակարգով սահմանված չէ արտադրանքի նմուշների (փորձանմուշների) հետազոտությունների (փորձարկումների) և չափումների արդյունքները նույնանման արտադրանքի հետագա խմբաքանակների համար օգտագործելու հնարավորությունը)։
Այն դեպքում, երբ տեխնիկական կանոնակարգով սահմանված է արտադրանքի նմուշների (փորձանմուշների) հետազոտությունների (փորձարկումների) և չափումների արդյունքները նույնանման արտադրանքի հետագա խմբաքանակների համար օգտագործելու հնարավորությունը, արտադրանքի սերտիֆիկացման մարմինն անցկացնում է արտադրանքի խմբաքանակի նույնականացումը՝ այն արտադրանքի նկատմամբ դրա նույնանմանությունը որոշելու համար, որի մասով նախկինում տրամադրվել է արտադրանքի համապատասխանության սերտիֆիկատը։ Եթե արտադրանքի սերտիֆիկացման մարմնի կողմից որոշվել է արտադրանքի խմբաքանակի նույնանմանությունն այն արտադրանքի նկատմամբ, որի մասով նախկինում տրամադրվել է արտադրանքի համապատասխանության սերտիֆիկատը, ապա խմբաքանակից արտադրանքի նմուշներ (փորձանմուշներ) վերցնելը, ինչպես նաև դրանց հետազոտությունները (փորձարկումները) և չափումները չեն անցկացվում։ Այս դեպքում արտադրանքի հետազոտությունների (փորձակումների) և չափումների օգտագործվող արձանագրության գործողության ժամկետը սահմանվում է տեխնիկական կանոնակարգով։
Արտադրանքի սերտիֆիկացման մարմինն անցկացնում է հայտատուի ներկայացրած փաստաթղթերի վերլուծության արդյունքների և արտադրանքի նմուշների (փորձանմուշների) հետազոտությունների (փորձարկումների) և չափումների արդյունքների ամփոփում՝ սույն փաստաթղթի 72-րդ կետին համապատասխան։
Հայտատուի ներկայացրած փաստաթղթերի վերլուծության, խմբաքանակից վերցված արտադրանքի նմուշների (փորձանմուշների) հետազոտությունների (փորձարկումների) և չափումների դրական արդյունքների դեպքում արտադրանքի սերտիֆիկացման մարմինն ընդունում է արտադրանքի համապատասխանության սերտիֆիկատ տրամադրելու վերաբերյալ որոշում, ձևակերպում է արտադրանքի համապատասխանության սերտիֆիկատն ու այն տրամադրում հայտատուին՝ սույն փաստաթղթի XI բաժնին համապատասխան։
Արտադրանքի սերտիֆիկացման մարմինն արտադրանքի համապատասխանության՝ տրված սերտիֆիկատի մասին տեղեկությունները մուտքագրում է տրված համապատասխանության սերտիֆիկատների ու գրանցված համապատասխանության հայտարարագրերի միասնական ռեեստր՝ սույն փաստաթղթի XVI բաժնին համապատասխան։
Հայտատուն ապահովում է արտադրանքի մակնշումը շրջանառության միասնական նշանով՝ Հանձնաժողովի կողմից սահմանվող կարգով։
Արտադրանքի սերտիֆիկացման մարմինը և հայտատուն իրականացնում են տեխնիկական կանոնակարգի պահանջներին արտադրանքի համապատասխանությունը հաստատող ապացուցողական նյութերի փաթեթի ձևավորումն ու պահպանումը՝ սույն փաստաթղթի XVII բաժնին համապատասխան։
19. Սերտիֆիկացման 4ս սխեման կիրառվում է եզակի արտադրատեսակի համար այն դեպքում, երբ այդ արտադրատեսակի համար հետազոտությունները (փորձարկումները) և չափումները քայքայիչ չեն։
4ս սխեմայով սերտիֆիկացման դեպքում հայտատուն արտադրողն է (արտադրողի կողմից լիազորված անձը) կամ վաճառողը (ներմուծողը)։
4ս սխեմայով սերտիֆիկացման դեպքում կատարվում են սույն կետով նախատեսված ընթացակարգերը։
Հայտատուն արտադրանքի սերտիֆիկացման մարմին է ներկայացնում հայտը՝ կցելով սույն փաստաթղթի 14-րդ կետի «բ» ենթակետով նախատեսված փաստաթղթերը։
Սույն փաստաթղթի 13-րդ կետով նախատեսված տեղեկատվությունից բացի՝ հայտի մեջ նշվում են եզակի արտադրատեսակը նույնականացնող հատկանիշները։
Արտադրանքի սերտիֆիկացման մարմինն ուսումնասիրում և վերլուծում է հայտն ու կից ներկայացվող փաստաթղթերը, ընդունում է սերտիֆիկացում անցկացնելու վերաբերյալ որոշում և իր որոշման մասին գրավոր տեղեկացնում է հայտատուին՝ սույն փաստաթղթի V բաժնին համապատասխան։
Հայտատուն արտադրանքի սերտիֆիկացման մարմնի հետ կնքում է սերտիֆիկացման կամ սերտիֆիկացման, հետազոտությունների (փորձարկումների) և չափումների անցկացման պայմանագիր (նախկինում կնքված պայմանագրի բացակայության դեպքում)։
Արտադրանքի սերտիֆիկացման մարմինն իրականացնում է եզակի արտադրատեսակի նույնականացում՝ սույն փաստաթղթի VI բաժնին համապատասխան հետազոտություններ, (փորձարկումներ) և չափումներ անցկացնելու համար։
Եզակի արտադրատեսակի հետազոտությունները (փորձարկումները) և չափումներն անցկացվում են հավատարմագրված փորձարկման լաբորատորիայում (կենտրոնում)՝ սույն փաստաթղթի VI բաժնին համապատասխան (այն դեպքում, երբ տեխնիկական կանոնակարգով սահմանված չէ եզակի արտադրատեսակի հետազոտությունների (փորձարկումների) և չափումների արդյունքները նույնանման արտադրանքի հետագա եզակի արտադրատեսակների համար օգտագործելու հնարավորությունը)։
Այն դեպքում, երբ տեխնիկական կանոնակարգով սահմանված է եզակի արտադրատեսակի հետազոտությունների (փորձարկումների) և չափումների արդյունքները նույնանման արտադրանքի հետագա եզակի արտադրատեսակների համար օգտագործելու հնարավորությունը, արտադրանքի սերտիֆիկացման մարմինն իրականացնում է եզակի արտադրատեսակի նույնականացումը՝ այն արտադրանքի նկատմամբ դրա նույնանմանությունը որոշելու համար, որի մասով նախկինում տրամադրվել է արտադրանքի համապատասխանության սերտիֆիկատ։ Եթե արտադրանքի սերտիֆիկացման մարմնի կողմից որոշվել է եզակի արտադրատեսակի նույնանմանությունն այն արտադրանքի հետ, որի համար նախկինում տրամադրվել է արտադրանքի համապատասխանության սերտիֆիկատ, ապա հետազոտություններ (փորձարկումներ) և չափումներ չեն անցկացվում։ Այս դեպքում արտադրանքի հետազոտությունների (փորձարկումների) և չափումների՝ օգտագործվող արձանագրության գործողության ժամկետը սահմանվում է տեխնիկական կանոնակարգով։
Արտադրանքի սերտիֆիկացման մարմինն անցկացնում է հայտատուի ներկայացրած փաստաթղթերի վերլուծության արդյունքների ու եզակի արտադրատեսակի հետազոտությունների (փորձարկումների) և չափումների արդյունքների ամփոփում՝ սույն փաստաթղթի 72-րդ կետին համապատասխան։
Հայտատուի ներկայացրած փաստաթղթերի վերլուծության, եզակի արտադրատեսակի հետազոտությունների (փորձարկումների) և չափումների դրական արդյունքների դեպքում արտադրանքի սերտիֆիկացման մարմինն ընդունում է արտադրանքի համապատասխանության սերտիֆիկատ տրամադրելու վերաբերյալ որոշում, ձևակերպում է արտադրանքի համապատասխանության սերտիֆիկատն ու այն տրամադրում հայտատուին՝ սույն փաստաթղթի XI բաժնին համապատասխան։
Արտադրանքի սերտիֆիկացման մարմինն արտադրանքի համապատասխանության՝ տրված սերտիֆիկատի մասին տեղեկությունները մուտքագրում է տրված համապատասխանության սերտիֆիկատների ու գրանցված համապատասխանության հայտարարագրերի միասնական ռեեստր՝ սույն փաստաթղթի XVI բաժնին համապատասխան։
Հայտատուն Հանձնաժողովի կողմից սահմանվող կարգով ապահովում է արտադրանքի մակնշումը շրջանառության միասնական նշանով ։
Արտադրանքի սերտիֆիկացման մարմինը և հայտատուն իրականացնում են տեխնիկական կանոնակարգի պահանջներին արտադրանքի համապատասխանությունը հաստատող ապացուցողական նյութերի փաթեթի ձևավորումն ու պահպանումը՝ սույն փաստաթղթի XVII բաժնին համապատասխան։
20. Սերտիֆիկացման 5ս սխեման կիրառվում է սերիական թողարկման արտադրանքի համար այն դեպքում, երբ ամբողջապես հնարավոր չէ կամ դժվար է հաստատել տեխնիկական կանոնակարգի պահանջներին համապատասխանությունը՝ պատրաստի արտադրանքի հետազոտություններ (փորձարկումներ) և չափումներ անցկացնելիս։
5ս սխեմայով սերտիֆիկացման դեպքում հայտատուն արտադրողն է (արտադրողի կողմից լիազորված անձը)։
Արտադրողը ձեռնարկում է բոլոր անհրաժեշտ միջոցները՝ ապահովելու համար արտադրության գործընթացի կայունությունը և տեխնիկական կանոնակարգի պահանջներին արտադրվող արտադրանքի համապատասխանությունը, ինչպես նաև իրականացնում է արտադրական հսկողությունը՝ սույն փաստաթղթի X բաժնին համապատասխան։
5ս սխեմայով սերտիֆիկացման դեպքում կատարվում են սույն կետով նախատեսված ընթացակարգերը։
Հայտատուն արտադրանքի սերտիֆիկացման մարմին է ներկայացնում հայտը՝ կցելով սույն փաստաթղթի 14-րդ կետի «ա» ենթակետով նախատեսված փաստաթղթերը։
Արտադրանքի սերտիֆիկացման մարմինն ուսումնասիրում և վերլուծում է հայտն ու կից ներկայացվող փաստաթղթերը, ընդունում է սերտիֆիկացում անցկացնելու վերաբերյալ որոշում և իր որոշման մասին գրավոր տեղեկացնում է հայտատուին՝ սույն փաստաթղթի V բաժնին համապատասխան։
Հայտատուն արտադրանքի սերտիֆիկացման մարմնի հետ կնքում է սերտիֆիկացման կամ սերտիֆիկացման և հետազոտությունների անցկացման պայմանագիր (նախկինում կնքված պայմանագրի բացակայության դեպքում)։
Արտադրանքի սերտիֆիկացման մարմինն անցկացնում է արտադրանքի նախագծի հետազոտություն՝ սույն փաստաթղթի VII բաժնին համապատասխան։
Արտադրանքի սերտիֆիկացման մարմինն անցկացնում է արտադրության վիճակի վերլուծություն՝ սույն փաստաթղթի IX բաժնին համապատասխան։
Արտադրանքի սերտիֆիկացման մարմինն անցկացնում է հայտատուի ներկայացրած փաստաթղթերի վերլուծության արդյունքների, արտադրանքի նախագծի հետազոտության արդյունքների և արտադրության վիճակի վերլուծության արդյունքների ամփոփում՝ սույն փաստաթղթի 72-րդ կետին համապատասխան։
Հայտատուի ներկայացրած փաստաթղթերի վերլուծության, արտադրանքի նախագծի հետազոտության և արտադրության վիճակի վերլուծության դրական արդյունքների դեպքում արտադրանքի սերտիֆիկացման մարմինն ընդունում է արտադրանքի համապատասխանության սերտիֆիկատ տրամադրելու վերաբերյալ որոշում, ձևակերպում է արտադրանքի համապատասխանության սերտիֆիկատն ու այն տրամադրում հայտատուին՝ սույն փաստաթղթի XI բաժնին համապատասխան։
Արտադրանքի սերտիֆիկացման մարմինն արտադրանքի համապատասխանության՝ տրված սերտիֆիկատի մասին տեղեկությունները մուտքագրում է տրված համապատասխանության սերտիֆիկատների ու գրանցված համապատասխանության հայտարարագրերի միասնական ռեեստր՝ սույն փաստաթղթի XVI բաժնին համապատասխան։
Հայտատուն ապահովում է արտադրանքի մակնշումը շրջանառության միասնական նշանով՝ Հանձնաժողովի կողմից սահմանվող կարգով։
Արտադրանքի սերտիֆիկացման մարմինը և հայտատուն իրականացնում են տեխնիկական կանոնակարգի պահանջներին արտադրանքի համապատասխանությունը հաստատող ապացուցողական նյութերի փաթեթի ձևավորումն ու պահպանումը` սույն փաստաթղթի XVII բաժնին համապատասխան։
Արտադրանքի սերտիֆիկացման մարմինը տարին մեկ անգամ, եթե այլ բան սահմանված չէ տեխնիկական կանոնակարգով, սերտիֆիկացված արտադրանքի պարբերական գնահատում է անցկացնում արտադրանքի համապատասխանության սերտիֆիկատի գործողութան ժամկետի ընթացքում՝ հավատարմագրված փորձարկման լաբորատորիայում (կենտրոնում) արտադրանքի նույնականացման, դրա նմուշների (փորձանմուշների) հետազոտությունների (փորձարկումների) ու չափումների միջոցով և (կամ) արտադրության վիճակի վերլուծության միջոցով՝ սույն փաստաթղթի XIX բաժնին համապատասխան։
Այն դեպքում, երբ արտադրանքի համապատասխանության սերտիֆիկատի գործողության ժամկետն ավարտվում է, և այդ ապրանքի առնչությամբ հայտատուի կողմից հայտ է ներկայացվել արտադրանքի սերտիֆիկացման այն մարմին, որն անցկացրել է սերտիֆիկացված արտադրանքի պարբերական գնահատում, արտադրանքի սերտիֆիկացման տվյալ մարմինը սերտիֆիկացում անցկացնելիս հաշվի է առնում սերտիֆիկացված արտադրանքի վերջին պարբերական գնահատման դրական արդյունքները, եթե դրա իրականացման պահից անցել է 1 տարուց ոչ ավելի։
Սերտիֆիկացված արտադրանքի պարբերական գնահատման բացասական արդյունքների դեպքում արտադրանքի սերտիֆիկացման մարմինն ընդունում է հետևյալ որոշումներից որևէ մեկը՝
կասեցնել արտադրանքի համապատասխանության սերտիֆիկատի գործողությունը,
դադարեցնել արտադրանքի համապատասխանության սերտիֆիկատի գործողությունը։
Արտադրանքի սերտիֆիկացման մարմնի կողմից ընդունված որոշումը փաստաթղթավորվում է, և հայտատուն տեղեկացվում է դրա մասին։
Արտադրանքի սերտիֆիկացման մարմինն արտադրանքի համապատասխանության սերտիֆիկատի գործողության կասեցման կամ դադարեցման մասին տեղեկությունները մուտքագրում է տրված համապատասխանության սերտիֆիկատների և գրանցված համապատասխանության հայտարարագրերի միասնական ռեեստր:
Արտադրանքի կառուցվածքում (կազմում) կամ դրա արտադրման տեխնոլոգիայում այնպիսի փոփոխություններ կատարելու դեպքում, որոնք կարող են ազդել տեխնիկական կանոնակարգի պահանջներին արտադրանքի համապատասխանության վրա, հայտատուն, նախքան այդպիսի փոփոխությունները կատարելը, այդ մասին գրավոր ծանուցում է արտադրանքի համապատասխանության սերտիֆիկատը տրամադրած՝ արտադրանքի սերտիֆիկացման մարմնին։ Նշված մարմինն ընդունում է որոշում՝ արտադրանքի լրացուցիչ հետազոտություններ (փորձարկումներ) ու չափումներ և (կամ) արտադրության վիճակի վերլուծություն անցկացնելու անհրաժեշտության վերաբերյալ։
21. Սերտիֆիկացման 6ս սխեման կիրառվում է սերիական թողարկման արտադրանքի համար, եթե անհնար է կամ դժվար է ամբողջապես հաստատել տեխնիկական կանոնակարգի պահանջներին համապատասխանությունը՝ պատրաստի արտադրանքի հետազոտություններ (փորձարկումներ) և չափումներ անցկացնելիս, ինչպես նաև արտադրողի մոտ կառավարման համակարգերի սերտիֆիկացման մարմնի կողմից սերտիֆիկացված՝ ներդրված կառավարման համակարգի առկայության դեպքում։
6ս սխեմայով սերտիֆիկացման դեպքում հայտատուն արտադրողն է (արտադրողի կողմից լիազորված անձը)։
Արտադրողը ձեռնարկում է բոլոր անհրաժեշտ միջոցները՝ ապահովելու ներդրված և սերտիֆիկացված կառավարման համակարգի կայուն աշխատանքը և տեխնիկական կանոնակարգի պահանջներին համապատասխանող արտադրանքի արտադրման համար անհրաժեշտ արտադրության պայմանները, ինչպես նաև իրականացնում է արտադրական հսկողությունը՝ սույն փաստաթղթի X բաժնին համապատասխան։
6ս սխեմայով սերտիֆիկացման դեպքում կատարվում են սույն կետով նախատեսված ընթացակարգերը։
Հայտատուն արտադրանքի սերտիֆիկացման մարմին է ներկայացնում հայտը՝ կցելով սույն փաստաթղթի 14-րդ կետի «ա» ենթակետով նախատեսված փաստաթղթերը, այդ թվում՝ կառավարման համակարգի համապատասխանության սերտիֆիկատի պատճենները։
Սույն փաստաթղթի 13-րդ կետով նախատեսված տեղեկատվությունից բացի` հայտի մեջ նշվում են այն փաստաթղթի մասին տեղեկությունները, որի պահանջներին համապատասխան ներդրվել է կառավարման համակարգը։
Արտադրանքի սերտիֆիկացման մարմինն ուսումնասիրում և վերլուծում է հայտն ու կից ներկայացվող փաստաթղթերը, ընդունում է սերտիֆիկացում անցկացնելու վերաբերյալ որոշում և իր որոշման մասին գրավոր տեղեկացնում է հայտատուին՝ սույն փաստաթղթի V բաժնին համապատասխան։
Հայտատուն արտադրանքի սերտիֆիկացման մարմնի հետ կնքում է սերտիֆիկացման կամ սերտիֆիկացման և հետազոտությունների անցկացման պայմանագիր (նախկինում կնքված պայմանագրի բացակայության դեպքում)։
Արտադրանքի սերտիֆիկացման մարմինն անցկացնում է արտադրանքի նախագծի հետազոտություն՝ սույն փաստաթղթի VII բաժնին համապատասխան։
Արտադրանքի սերտիֆիկացման մարմինն իրականացնում է հայտատուի ներկայացրած փաստաթղթերի վերլուծության արդյունքների և արտադրանքի նախագծի հետազոտության արդյունքների ամփոփում՝ սույն փաստաթղթի 72-րդ կետին համապատասխան։
Հայտատուի ներկայացրած փաստաթղթերի վերլուծության և արտադրանքի նախագծի հետազոտության դրական արդյունքների դեպքում արտադրանքի սերտիֆիկացման մարմինն ընդունում է արտադրանքի համապատասխանության սերտիֆիկատ տրամադրելու վերաբերյալ որոշում, ձևակերպում է արտադրանքի համապատասխանության սերտիֆիկատն ու այն տրամադրում հայտատուին՝ սույն փաստաթղթի XI բաժնին համապատասխան։
Արտադրանքի սերտիֆիկացման մարմինն արտադրանքի համապատասխանության՝ տրված սերտիֆիկատի մասին տեղեկությունները մուտքագրում է տրված համապատասխանության սերտիֆիկատների ու գրանցված համապատասխանության հայտարարագրերի միասնական ռեեստր՝ սույն փաստաթղթի XVI բաժնին համապատասխան։
Հայտատուն ապահովում է արտադրանքի մակնշումը շրջանառության միասնական նշանով՝ Հանձնաժողովի կողմից սահմանվող կարգով։
Արտադրանքի սերտիֆիկացման մարմինը և հայտատուն իրականացնում են տեխնիկական կանոնակարգի պահանջներին արտադրանքի համապատասխանությունը հաստատող ապացուցողական նյութերի փաթեթի ձևավորումն ու պահպանումը՝ սույն փաստաթղթի XVII բաժնին համապատասխան։
Արտադրանքի սերտիֆիկացման մարմինը տարին մեկ անգամ, եթե այլ բան սահմանված չէ տեխնիկական կանոնակարգով, սերտիֆիկացված արտադրանքի պարբերական գնահատում է անցկացնում արտադրանքի համապատասխանության սերտիֆիկատի գործողութան ժամկետի ընթացքում՝ հավատարմագրված փորձարկման լաբորատորիայում (կենտրոնում) արտադրանքի նույնականացման, դրա նմուշների (փորձանմուշների) հետազոտությունների (փորձարկումների) ու չափումների միջոցով՝ սույն փաստաթղթի XIX բաժնին համապատասխան։
Այն դեպքում, երբ արտադրանքի համապատասխանության սերտիֆիկատի գործողության ժամկետն ավարտվում է, և այդ ապրանքի առնչությամբ հայտատուի կողմից հայտ է ներկայացվել արտադրանքի սերտիֆիկացման այն մարմին, որն անցկացրել է սերտիֆիկացված արտադրանքի պարբերական գնահատում, արտադրանքի սերտիֆիկացման այդ մարմինը սերտիֆիկացում անցկացնելիս հաշվի է առնում սերտիֆիկացված արտադրանքի վերջին պարբերական գնահատման դրական արդյունքները, եթե դրա իրականացման պահից անցել է 1 տարուց ոչ ավելի։
Սերտիֆիկացված արտադրանքի պարբերական գնահատման բացասական արդյունքների դեպքում արտադրանքի սերտիֆիկացման մարմինն ընդունում է հետևյալ որոշումներից որևէ մեկը՝
կասեցնել արտադրանքի համապատասխանության սերտիֆիկատի գործողությունը,
դադարեցնել արտադրանքի համապատասխանության սերտիֆիկատի գործողությունը։
Արտադրանքի սերտիֆիկացման մարմնի կողմից ընդունված որոշումը փաստաթղթավորվում է, և հայտատուն տեղեկացվում է դրա մասին։
Արտադրանքի համապատասխանության սերտիֆիկատի գործողության կասեցման կամ դադարեցման մասին տեղեկությունները սերտիֆիկացման մարմնի կողմից մուտքագրվում են տրված համապատասխանության սերտիֆիկատների և գրանցված համապատասխանության հայտարարագրերի միասնական ռեեստր։
Արտադրանքի կառուցվածքում (կազմում) կամ դրա արտադրման տեխնոլոգիայում այնպիսի փոփոխություններ կատարելու դեպքում, որոնք կարող են ազդել տեխնիկական կանոնակարգի պահանջներին արտադրանքի համապատասխանության վրա, հայտատուն` նախքան այդպիսի փոփոխությունները կատարելը, այդ մասին գրավոր ծանուցում է արտադրանքի համապատասխանության սերտիֆիկատը տրամադրած՝ արտադրանքի սերտիֆիկացման մարմնին։ Նշված մարմինն ընդունում է որոշում՝ արտադրանքի լրացուցիչ հետազոտություններ (փորձարկումներ) և չափումներ անցկացնելու անհրաժեշտության վերաբերյալ։
22. Սերտիֆիկացման 7ս սխեման կիրառվում է սերիական արտադրություն սկսելու համար նախատեսված արտադրանքի նկատմամբ՝ արտադրանքի մոդիֆիկացիաների թողարկում ծրագրելու դեպքում։
7ս սխեմայով սերտիֆիկացման դեպքում հայտատուն արտադրողն է (արտադրողի կողմից լիազորված անձը)։
Արտադրողը ձեռնարկում է բոլոր անհրաժեշտ միջոցները՝ ապահովելու համար արտադրության գործընթացի կայունությունը և տեխնիկական կանոնակարգի պահանջներին արտադրվող արտադրանքի համապատասխանությունը, ինչպես նաև իրականացնում է արտադրական հսկողությունը՝ սույն փաստաթղթի X բաժնին համապատասխան։
7ս սխեմայով սերտիֆիկացման դեպքում կատարվում են սույն կետով նախատեսված ընթացակարգերը։
Հայտատուն արտադրանքի սերտիֆիկացման մարմին է ներկայացնում հայտը՝ կցելով սույն փաստաթղթի 14-րդ կետի «ա» ենթակետով նախատեսված փաստաթղթերը։
Արտադրանքի սերտիֆիկացման մարմինն ուսումնասիրում և վերլուծում է հայտն ու կից ներկայացվող փաստաթղթերը, ընդունում է սերտիֆիկացում անցկացնելու վերաբերյալ որոշում և իր որոշման մասին գրավոր տեղեկացնում է հայտատուին՝ սույն փաստաթղթի V բաժնին համապատասխան։
Հայտատուն արտադրանքի սերտիֆիկացման մարմնի հետ կնքում է սերտիֆիկացման կամ սերտիֆիկացման և հետազոտությունների (փորձարկումների) անցկացման պայմանագիր (նախկինում կնքված պայմանագրի բացակայության դեպքում)։
Արտադրանքի սերտիֆիկացման մարմինը սույն փաստաթղթի 61-րդ կետով նախատեսված եղանակներից մեկով անցկացնում է արտադրանքի տիպի հետազոտություն՝ սույն փաստաթղթի VIII բաժնին համապատասխան։
Արտադրանքի տիպի հետազոտության արդյունքները ձևակերպվում են եզրակացության մեջ, որտեղ արտադրանքի սերտիֆիկացման մարմինը ներկայացնում է տեխնիկական կանոնակարգով սահմանված պահանջներին արտադրատեսակի տիպի համապատասխանության վերաբերյալ իր գնահատականը, եթե այլ բան սահմանված չէ տեխնիկական կանոնակարգով։
Արտադրանքի սերտիֆիկացման մարմինն անցկացնում է արտադրության վիճակի վերլուծություն՝ սույն փաստաթղթի IX բաժնին համապատասխան։
Արտադրանքի սերտիֆիկացման մարմինն անցկացնում է հայտատուի ներկայացրած փաստաթղթերի վերլուծության արդյունքների, արտադրանքի տիպի հետազոտության արդյունքների և արտադրության վիճակի վերլուծության արդյունքների ամփոփում՝ սույն փաստաթղթի 72-րդ կետին համապատասխան։
Հայտատուի ներկայացրած փաստաթղթերի վերլուծության, արտադրանքի տիպի հետազոտության և արտադրության վիճակի վերլուծության դրական արդյունքների դեպքում արտադրանքի սերտիֆիկացման մարմինն ընդունում է արտադրանքի համապատասխանության սերտիֆիկատ տրամադրելու վերաբերյալ որոշում, ձևակերպում է արտադրանքի համապատասխանության սերտիֆիկատն ու այն տրամադրում հայտատուին՝ սույն փաստաթղթի XI բաժնին համապատասխան։
Արտադրանքի սերտիֆիկացման մարմինն արտադրանքի համապատասխանության՝ տրված սերտիֆիկատի մասին տեղեկությունները մուտքագրում է տրված համապատասխանության սերտիֆիկատների ու գրանցված համապատասխանության հայտարարագրերի միասնական ռեեստր՝ սույն փաստաթղթի XVI բաժնին համապատասխան։
Հայտատուն ապահովում է արտադրանքի մակնշումը շրջանառության միասնական նշանով՝ Հանձնաժողովի կողմից սահմանվող կարգով։
Արտադրանքի սերտիֆիկացման մարմինը և հայտատուն իրականացնում են տեխնիկական կանոնակարգի պահանջներին արտադրանքի համապատասխանությունը հաստատող ապացուցողական նյութերի փաթեթի ձևավորումն ու պահպանումը՝ սույն փաստաթղթի XVII բաժնին համապատասխան։
Արտադրանքի սերտիֆիկացման մարմինը տարին մեկ անգամ, եթե այլ բան սահմանված չէ տեխնիկական կանոնակարգով, սերտիֆիկացված արտադրանքի պարբերական գնահատում է անցկացնում արտադրանքի համապատասխանության սերտիֆիկատի գործողութան ժամկետի ընթացքում՝ հավատարմագրված փորձարկման լաբորատորիայում (կենտրոնում) արտադրանքի նույնականացման, դրա նմուշների (փորձանմուշների) հետազոտությունների (փորձարկումների) ու չափումների և (կամ) արտադրության վիճակի վերլուծության միջոցով՝ սույն փաստաթղթի XIX բաժնին համապատասխան։
Այն դեպքում, երբ արտադրանքի համապատասխանության սերտիֆիկատի գործողության ժամկետն ավարտվում է, և այդ ապրանքի առնչությամբ հայտատուի կողմից հայտ է ներկայացվել արտադրանքի սերտիֆիկացման այն մարմին, որն անցկացրել է սերտիֆիկացված արտադրանքի պարբերական գնահատում, արտադրանքի սերտիֆիկացման այդ մարմինը սերտիֆիկացում անցկացնելիս հաշվի է առնում սերտիֆիկացված արտադրանքի վերջին պարբերական գնահատման դրական արդյունքները, եթե դրա անցկացման պահից անցել է 1 տարուց ոչ ավելի։
Սերտիֆիկացված արտադրանքի պարբերական գնահատման բացասական արդյունքների դեպքում արտադրանքի սերտիֆիկացման մարմինն ընդունում է հետևյալ որոշումներից որևէ մեկը՝
կասեցնել արտադրանքի համապատասխանության սերտիֆիկատի գործողությունը,
դադարեցնել արտադրանքի համապատասխանության սերտիֆիկատի գործողությունը։
Արտադրանքի սերտիֆիկացման մարմնի կողմից ընդունված որոշումը փաստաթղթավորվում է, և հայտատուն տեղեկացվում է դրա մասին։
Արտադրանքի սերտիֆիկացման մարմինը արտադրանքի համապատասխանության սերտիֆիկատի գործողության կասեցման կամ դադարեցման մասին տեղեկությունները մուտքագրում է տրված համապատասխանության սերտիֆիկատների և գրանցված համապատասխանության հայտարարագրերի միասնական ռեեստր:
Արտադրանքի կառուցվածքում (կազմում) կամ դրա արտադրման տեխնոլոգիայում այնպիսի փոփոխություններ կատարելու դեպքում, որոնք կարող են ազդել տեխնիկական կանոնակարգի պահանջներին արտադրանքի համապատասխանության վրա, հայտատուն` նախքան այդպիսի փոփոխությունները կատարելը, այդ մասին գրավոր ծանուցում է արտադրանքի համապատասխանության սերտիֆիկատը տրամադրած՝ արտադրանքի սերտիֆիկացման մարմնին։ Նշված մարմինն ընդունում է որոշում՝ արտադրանքի լրացուցիչ հետազոտություններ (փորձարկումներ) և չափումներ և (կամ) արտադրության վիճակի վերլուծություն անցկացնելու անհրաժեշտության վերաբերյալ։
23. Սերտիֆիկացման 8ս սխեման կիրառվում է սերիական արտադրություն սկսելու համար նախատեսված արտադրանքի համար՝ արտադրանքի մոդիֆիկացիաների թողարկում պլանավորելու և արտադրողի մոտ կառավարման համակարգերի սերտիֆիկացման մարմնի կողմից սերտիֆիկացված՝ ներդրված կառավարման համակարգի առկայության դեպքում։
8ս սխեմայով սերտիֆիկացման դեպքում հայտատուն արտադրողն է (արտադրողի կողմից լիազորված անձը)։
Արտադրողը ձեռնարկում է բոլոր անհրաժեշտ միջոցները՝ ապահովելու համար ներդրված և սերտիֆիկացված կառավարման համակարգի կայուն աշխատանքը և տեխնիկական կանոնակարգի պահանջներին համապատասխանող արտադրանքի արտադրման համար անհրաժեշտ արտադրության պայմանները, ինչպես նաև իրականացնում է արտադրական հսկողությունը՝ սույն փաստաթղթի X բաժնին համապատասխան։
8ս սխեմայով սերտիֆիկացման դեպքում կատարվում են սույն կետով նախատեսված ընթացակարգերը։
Հայտատուն արտադրանքի սերտիֆիկացման մարմին է ներկայացնում հայտը՝ կցելով սույն փաստաթղթի 14-րդ կետի «ա» ենթակետով նախատեսված փաստաթղթերը, այդ թվում՝ կառավարման համակարգի համապատասխանության սերտիֆիկատի պատճենները։
Սույն փաստաթղթի 13-րդ կետով նախատեսված տեղեկատվությունից բացի` հայտի մեջ նշվում են այն փաստաթղթի մասին տեղեկությունները, որի պահանջներին համապատասխան, ներդրված է կառավարման համակարգը։
Արտադրանքի սերտիֆիկացման մարմինն ուսումնասիրում և վերլուծում է հայտն ու կից ներկայացվող փաստաթղթերը, ընդունում է սերտիֆիկացում անցկացնելու վերաբերյալ որոշում և իր որոշման մասին գրավոր տեղեկացնում է հայտատուին՝ սույն փաստաթղթի V բաժնին համապատասխան։
Հայտատուն արտադրանքի սերտիֆիկացման մարմնի հետ կնքում է սերտիֆիկացման կամ սերտիֆիկացման և հետազոտությունների (փորձարկումների) անցկացման պայմանագիր (նախկինում կնքված պայմանագրի բացակայության դեպքում)։
Արտադրանքի սերտիֆիկացման մարմինը սույն փաստաթղթի 61-րդ կետով նախատեսված եղանակներից մեկով անցկացնում է արտադրանքի տիպի հետազոտություն՝ սույն փաստաթղթի VIII բաժնին համապատասխան։
Արտադրանքի տիպի հետազոտության արդյունքները ձևակերպվում են եզրակացության մեջ, որտեղ արտադրանքի սերտիֆիկացման մարմինը ներկայացնում է տեխնիկական կանոնակարգով սահմանված պահանջներին արտադրանքի տիպի համապատասխանության վերաբերյալ իր գնահատականը, եթե այլ բան սահմանված չէ տեխնիկական կանոնակարգով։
Արտադրանքի սերտիֆիկացման մարմինն իրականացնում է հայտատուի ներկայացրած փաստաթղթերի վերլուծության արդյունքների և արտադրանքի տիպի հետազոտության արդյունքների ամփոփում՝ սույն փաստաթղթի 72-րդ կետին համապատասխան։
Հայտատուի ներկայացրած փաստաթղթերի վերլուծության և արտադրանքի տիպի հետազոտության դրական արդյունքների դեպքում արտադրանքի սերտիֆիկացման մարմինն ընդունում է արտադրանքի համապատասխանության սերտիֆիկատ տրամադրելու վերաբերյալ որոշում, ձևակերպում է արտադրանքի համապատասխանության սերտիֆիկատն ու այն տրամադրում հայտատուին՝ սույն փաստաթղթի XI բաժնին համապատասխան։
Արտադրանքի սերտիֆիկացման մարմինն արտադրանքի համապատասխանության՝ տրված սերտիֆիկատի մասին տեղեկությունները մուտքագրում է տրված համապատասխանության սերտիֆիկատների ու գրանցված համապատասխանության հայտարարագրերի միասնական ռեեստր՝ սույն փաստաթղթի XVI բաժնին համապատասխան։
Հայտատուն ապահովում է արտադրանքի մակնշումը շրջանառության միասնական նշանով՝ Հանձնաժողովի կողմից սահմանվող կարգով։
Արտադրանքի սերտիֆիկացման մարմինը և հայտատուն իրականացնում են տեխնիկական կանոնակարգի պահանջներին արտադրանքի համապատասխանությունը հաստատող ապացուցողական նյութերի փաթեթի ձևավորումն ու պահպանումը՝ սույն փաստաթղթի XVII բաժնին համապատասխան։
Արտադրանքի սերտիֆիկացման մարմինը տարին մեկ անգամ, եթե այլ բան սահմանված չէ տեխնիկական կանոնակարգով, սերտիֆիկացված արտադրանքի պարբերական գնահատում է անցկացնում արտադրանքի համապատասխանության սերտիֆիկատի գործողութան ժամկետի ընթացքում՝ հավատարմագրված փորձարկման լաբորատորիայում (կենտրոնում) արտադրանքի նույնականացման, դրա նմուշների (փորձանմուշների) հետազոտությունների (փորձարկումների) ու չափումների միջոցով՝ սույն փաստաթղթի XIX բաժնին համապատասխան։
Այն դեպքում, երբ արտադրանքի համապատասխանության սերտիֆիկատի գործողության ժամկետն ավարտվում է, և այդ ապրանքի առնչությամբ հայտատուի կողմից հայտ է ներկայացվել արտադրանքի սերտիֆիկացման այն մարմին, որն անցկացրել է սերտիֆիկացված արտադրանքի պարբերական գնահատում, արտադրանքի սերտիֆիկացման այդ մարմինը սերտիֆիկացում անցկացնելիս հաշվի է առնում սերտիֆիկացված արտադրանքի վերջին պարբերական գնահատման դրական արդյունքները, եթե դրա անցկացման պահից անցել է 1 տարուց ոչ ավելի։
Սերտիֆիկացված արտադրանքի պարբերական գնահատման բացասական արդյունքների դեպքում արտադրանքի սերտիֆիկացման մարմինն ընդունում է հետևյալ որոշումներից որևէ մեկը՝
կասեցնել արտադրանքի համապատասխանության սերտիֆիկատի գործողությունը,
դադարեցնել արտադրանքի համապատասխանության սերտիֆիկատի գործողությունը։
Արտադրանքի սերտիֆիկացման մարմնի կողմից ընդունված որոշումը փաստաթղթավորվում է, և հայտատուն տեղեկացվում է դրա մասին։
Արտադրանքի սերտիֆիկացման մարմինն արտադրանքի համապատասխանության սերտիֆիկատի գործողության կասեցման կամ դադարեցման մասին տեղեկությունները մուտքագրում է տրված համապատասխանության սերտիֆիկատների և գրանցված համապատասխանության հայտարարագրերի միասնական ռեեստր:
Արտադրանքի կառուցվածքում (կազմում) կամ դրա արտադրման տեխնոլոգիայում այնպիսի փոփոխություններ կատարելու դեպքում, որոնք կարող են ազդել տեխնիկական կանոնակարգի պահանջներին արտադրանքի համապատասխանության վրա, հայտատուն, նախքան այդպիսի փոփոխություններ կատարելը, այդ մասին գրավոր ծանուցում է արտադրանքի համապատասխանության սերտիֆիկատը տրամադրած՝ արտադրանքի սերտիֆիկացման մարմնին։ Նշված մարմինն ընդունում է որոշում՝ արտադրանքի լրացուցիչ հետազոտություններ (փորձարկումներ) և չափումներ իրականացնելու անհրաժեշտության վերաբերյալ։
24. Սերտիֆիկացման 9ս սխեման կիրառվում է Միության մաքսային տարածքում ձեռնարկությունների սարքավորման համար նախատեսված եզակի արտադրատեսակների համար։
9ս սխեմայով սերտիֆիկացման դեպքում հայտատուն արտադրողն է (արտադրողի կողմից լիազորված անձը), վաճառողը (ներմուծողը)։
9ս սխեմայով սերտիֆիկացումն անցկացվում է տեխնիկական փաստաթղթերի վերլուծության հիման վրա։
9ս սխեմայով սերտիֆիկացման դեպքում կատարվում են սույն կետով նախատեսված ընթացակարգերը։
Հայտատուն ձևավորում է սույն փաստաթղթի 14-րդ կետի «բ» ենթակետով նախատեսված փաստաթղթերը, որոնց կազմում ներառվում են, այդ թվում՝
արտադրանքի անցկացված հետազոտությունների մասին տեղեկությունները.
արտադրողի կամ հավատարմագրված փորձարկման լաբորատորիայի (կենտրոնի) կողմից անցկացված հետազոտությունների (փորձարկումների) և չափումների արձանագրությունները.
արտադրանքի նյութերի, կոմպլեկտավորող տարրերի, բաղկացուցիչ մասերի համար համապատասխանության սերտիֆիկատների և (կամ) հետազոտությունների (փորձարկումների) և չափումների արձանագրությունների պատճենները (առկայության դեպքում).
կառավարման համակարգի համապատասխանության սերտիֆիկատի պատճենը (առկայության դեպքում).
այլ փաստաթղթեր, որոնցով ուղղակիորեն կամ անուղղակիորեն հաստատվում է տեխնիկական կանոնակարգի պահանջներին արտադրանքի համապատասխանությունը (առկայության դեպքում)։
Հայտատուն արտադրանքի սերտիֆիկացման մարմին է ներկայացնում հայտը՝ կցելով նշված փաստաթղթերը։
Արտադրանքի սերտիֆիկացման մարմինն ուսումնասիրում և վերլուծում է հայտն ու կից ներկայացվող փաստաթղթերը, ընդունում է սերտիֆիկացում անցկացնելու վերաբերյալ որոշում և իր որոշման մասին գրավոր տեղեկացնում է հայտատուին՝ սույն փաստաթղթի V բաժնին համապատասխան։
Հայտատուն արտադրանքի սերտիֆիկացման մարմնի հետ կնքում է սերտիֆիկացում անցկացնելու պայմանագիր (նախկինում կնքված պայմանագրի բացակայության դեպքում)։
Արտադրանքի սերտիֆիկացման մարմինն անցկացնում է հայտատուի ներկայացրած այն փաստաթղթերի վերլուծությունը, որոնցով ուղղակիորեն կամ անուղղակիորեն հաստատվում է տեխնիկական կանոնակարգի պահանջներին արտադրանքի համապատասխանությունը։
Հայտատուի ներկայացրած այն փաստաթղթերի վերլուծության արդյունքները, որոնց կազմի մեջ մտնում են արտադրանքի տեխնիկական փաստաթղթերը, ձևակերպվում են եզրակացության մեջ, որտեղ արտադրանքի սերտիֆիկացման մարմինը ներկայացնում է տեխնիկական կանոնակարգի պահանջներին արտադրանքի համապատասխանության վերաբերյալ իր գնահատականը։
Հայտատուի ներկայացրած փաստաթղթերի վերլուծության դրական արդյունքների դեպքում արտադրանքի սերտիֆիկացման մարմինն ընդունում է արտադրանքի համապատասխանության սերտիֆիկատ տրամադրելու վերաբերյալ որոշում, ձևակերպում է արտադրանքի համապատասխանության սերտիֆիկատն ու այն տրամադրում հայտատուին՝ սույն փաստաթղթի XI բաժնին համապատասխան։
Արտադրանքի սերտիֆիկացման մարմինն արտադրանքի համապատասխանության՝ տրված սերտիֆիկատի մասին տեղեկությունները մուտքագրում է տրված համապատասխանության սերտիֆիկատների ու գրանցված համապատասխանության հայտարարագրերի միասնական ռեեստր՝ սույն փաստաթղթի XVI բաժնին համապատասխան։
Հայտատուն ապահովում է արտադրանքի մակնշումը շրջանառության միասնական նշանով՝ Հանձնաժողովի կողմից սահմանվող կարգով։
Արտադրանքի սերտիֆիկացման մարմինը և հայտատուն իրականացնում են տեխնիկական կանոնակարգի պահանջներին արտադրանքի համապատասխանությունը հաստատող ապացուցողական նյութերի փաթեթի ձևավորումն ու պահպանումը՝ սույն փաստաթղթի XVII բաժնին համապատասխան։
IV. Համապատասխանության հայտարարագրման տիպային սխեմաները
25. Համապատասխանության հայտարարագրման տիպային սխեմաները՝ կախված համապատասխանության հայտարարագրման կիրառվող սխեմայից, ներառում են հաջորդաբար կատարվող հետևյալ ընթացակարգերը՝
ա) հայտատուի կողմից համապատասխանության հայտարարագրման սխեմայի ընտրությունը.
բ) հայտատուի կողմից այն փաստաթղթերի ձևավորումն ու վերլուծությունը, որոնցով հաստատվում է տեխնիկական կանոնակարգի պահանջներին արտադրանքի համապատասխանությունը.
գ) արտադրանքի նույնականացում անցկացնելը և (կամ) դրա նմուշներ (փորձանմուշներ) վերցնելը, եթե դա նախատեսված է համապատասխանության հայտարարագրման սխեմայով.
դ) արտադրողի կողմից արտադրական հսկողություն իրականացնելը և բոլոր անհրաժեշտ միջոցները ձեռնարկելը, որպեսզի արտադրանքի արտադրման գործընթացով ապահովվի տեխնիկական կանոնակարգի պահանջներին դրա համապատասխանությունը, եթե դա նախատեսված է համապատասխանության հայտարարագրման սխեմայով.
ե) հայտատուի կողմից հավատարմագրված փորձարկման լաբորատորիայի (կենտրոնի) ընտրությունն այն դեպքում, երբ կիրառվում են համապատասխանության հայտարարագրման այնպիսի սխեմաներ, որոնցով նախատեսվում է հավատարմագրված փորձարկման լաբորատորիայի (կենտրոնի) մասնակցությունը.
զ) արտադրանքի հետազոտություններ (փորձարկումներ) և չափումներ անցկացնելը՝ կախված համապատասխանության հայտարարագրման սխեմայից՝ հայտատուի ընտրությամբ՝ հավատարմագրված փորձարկման լաբորատորիայում (կենտրոնում) կամ սեփական փորձարկման լաբորատորիայում (եթե այլ բան սահմանված չէ տեխնիկական կանոնակարգով).
է) արտադրանքի տիպի հետազոտություն անցկացնելը, եթե դա նախատեսված է համապատասխանության հայտարարագրման սխեմայով.
ը) տեխնիկական կանոնակարգի պահանջներին արտադրանքի համապատասխանության հայտարարագիրը (այսուհետ՝ համապատասխանության հայտարարագիր) Հանձնաժողովի կողմից հաստատվող կարգով ընդունելը և գրանցելը.
թ) Հանձնաժողովի կողմից հաստատվող կարգով՝ հայտատուի կողմից շրջանառության միասնական նշանով արտադրանքի մակնշումն ապահովելը.
ժ) համապատասխանության հայտարարագրման եղանակով՝ տեխնիկական կանոնակարգի պահանջներին արտադրանքի համապատասխանության հաստատման ընթացակարգերն ավարտելուց հետո հայտատուի կողմից ապացուցողական այն նյութերի փաթեթի ձևավորումը և պահպանումը, որոնք հիմք են հանդիսացել համապատասխանության հայտարարագիրն ընդունելու համար և որոնցով հաստատվում է տեխնիկական կանոնակարգի պահանջներին արտադրանքի համապատասխանությունը ։
26. Համապատասխանության հայտարարագրի ընդունման համար հիմք հանդիսացող փաստաթղթերի փաթեթը (եթե տեխնիկական կանոնակարգով այլ բան սահմանված չէ) ներառում է՝
ա) սերիական արտադրության արտադրանքի համար՝
արտադրանքի տեխնիկական փաստաթղթերի (կոնստրուկտորական, և (կամ) տեխնոլոգիական, և (կամ) շահագործման փաստաթղթերի, և (կամ) տեխնիկական պայմանների (նկարագրությունների)) պատճենները, որոնք պարունակում են արտադրանքի հիմնական պարամետրերն ու բնութագրերը, ինչպես նաև դրա նկարագրությունը՝ տեխնիկական կանոնակարգի պահանջներին արտադրանքի համապատասխանությունը գնահատելու նպատակով.
ստանդարտների ցանկում ներառված ստանդարտների ցուցակը (դրանց նշագրերի և անվանումների, ինչպես նաև բաժինների (կետերի, ենթակետերի) նշմամբ, եթե տեխնիկական կանոնակարգի պահանջների պահպանումը կարող է ապահովվել այդ ստանդարտների առանձին բաժինների (կետերի, ենթակետերի), այլ ոչ թե ընդհանուր առմամբ ստանդարտների կիրառմամբ) (հայտատուի կողմից դրանց կիրառման դեպքում).
տեխնիկական կանոնակարգի պահանջների կատարումը հաստատող՝ ընդունված տեխնիկական որոշումների և ռիսկերի գնահատման արդյունքների նկարագրությունը, եթե կամավոր հիմունքներով կիրառման արդյունքում տեխնիկական կանոնակարգի պահանջների կատարումն ապահովող ստանդարտները բացակայում են կամ չեն կիրառվել (անհրաժեշտության դեպքում).
արտադրողի (այդ թվում՝ օտարերկրյա արտադրողի) հետ կնքված պայմանագիրը, որով նախատեսվում է տեխնիկական կանոնակարգի պահանջներին Միության մաքսային տարածք մատակարարվող արտադրանքի համապատասխանության ապահովումը և նշված պահանջներին այդ արտադրանքի անհամապատասխանության համար պատասխանատվությունը (արտադրողի կողմից լիազորված անձի համար) (համապատասխանության հայտարարագրման սխեմայով նախատեսված դեպքերում)․
կառավարման համակարգի համապատասխանության սերտիֆիկատը (համապատասխանության հայտարարագրման սխեմայով նախատեսված դեպքերում).
անդամ պետութունների օրենսդրությանը համապատասխան՝ իրավաբանական անձի կամ որպես անհատ ձեռնարկատեր գրանցված ֆիզիկական անձի պետական գրանցման ժամանակ տրվող՝ հայտատուի գրանցման կամ հաշվառման (անհատական, նույնականացման) համարի մասին տեղեկությունները.
արտադրանքի նմուշների (փորձանմուշների) հետազոտությունների (փորձարկումների) և չափումների արձանագրությունները (առկայության դեպքում).
հայտատուի ընտրությամբ այլ փաստաթղթեր, որոնք հիմք են հանդիսացել համապատասխանության հայտարարագրի ընդունման համար (առկայության դեպքում).
բ) արտադրանքի խմբաքանակի կամ եզակի արտադրատեսակի համար՝
կոնտրակտի (մատակարարման պայմանագրի) պատճենը և ապրանքաուղեկից փաստաթղթերը, որոնցով նույնականացվում է արտադրանքի խմբաքանակը կամ եզակի արտադրատեսակը, այդ թվում՝ չափը.
շահագործման փաստաթղթերի պատճենները (անհրաժեշտության դեպքում).
ստանդարտների ցանկում ներառված ստանդարտների ցուցակը (դրանց նշագրերի և անվանումների, ինչպես նաև բաժինների (կետերի, ենթակետերի) նշմամբ, եթե տեխնիկական կանոնակարգի պահանջների պահպանումը կարող է ապահովվել այդ ստանդարտների առանձին բաժինների (կետերի, ենթակետերի), այլ ոչ թե ընդհանուր առմամբ ստանդարտների կիրառմամբ) (հայտատուի կողմից դրանց կիրառման դեպքում).
անդամ պետությունների օրենսդրությանը համապատասխան իրավաբանական անձի կամ որպես անհատ ձեռնարկատեր գրանցված ֆիզիկական անձի պետական գրանցման ժամանակ տրվող՝ հայտատուի գրանցման կամ հաշվառման (անհատական, նույնականացման) համարի մասին տեղեկություններ.
արտադրանքի նմուշների (փորձանմուշների) հետազոտությունների (փորձարկումների) և չափումների արձանագրությունները (առկայության դեպքում).
հայտատուի ընտրությամբ այլ փաստաթղթեր, որոնք հիմք են հանդիսացել համապատասխանության հայտարարագրի ընդունման համար (առկայության դեպքում)։
27. Սույն փաստաթղթի 26-րդ կետում նշված և օտար լեզվով կազմված փաստաթղթերն ուղեկցվում են ռուսերեն թարգմանությամբ և (կամ) անդամ պետության օրենսդրության մեջ համապատասխան պահանջի առկայության դեպքում՝ այն անդամ պետության պետական լեզվով, որտեղ իրականացվում է համապատասխանության հայտարարագրի գրանցումը։
28. Համաապատասխանության հայտարարագրման 1h սխեման կիրառվում է սերիական թողարկման արտադրանքի համար՝ հայտատուի սեփական ապացույցների հիման վրա համապատասխանության հայտարարագրման դեպքում։
1հ սխեմայով համապատասխանության հայտարարագրման դեպքում հայտատուն արտադրողն է (արտադրողի կողմից լիազորված անձը)։
Արտադրողը, սույն փաստաթղթի X բաժնին համապատասխան, իրականացնում է արտադրական հսկողություն և ձեռնարկում է բոլոր անհրաժեշտ միջոցները, որպեսզի արտադրության գործընթացը լինի կայուն և որպեսզի դրանով ապահովվի տեխնիկական կանոնակարգի պահանջներին արտադրվող արտադրանքի համապատասխանությունը ։
1հ սխեմայով համապատասխանության հայտարարագրման դեպքում կատարվում են սույն կետով նախատեսված ընթացակարգերը։
Հայտատուն ձևավորում է սույն փաստաթղթի 26-րդ կետի «ա» ենթակետով նախատեսված այն փաստաթղթերի փաթեթը, որոնցով հաստատվում է տեխնիկական կանոնակարգի պահանջներին արտադրանքի համապատասխանությունը, և անցկացնում է դրանց վերլուծությունը։
Հայտատուն կամ հայտատուի հանձնարարությամբ՝ արտադրանքի սերտիֆիկացման մարմինը, կամ հավատարմագրված փորձարկման լաբորատորիան (կենտրոնը), կամ արտադրողի սեփական փորձարկման լաբորատորիան (եթե այլ բան սահմանված չէ տեխնիկական կանոնակարգով) անցկացնում է արտադրանքի նույնականացումը և դրա նմուշներ (փորձանմուշներ) վերցնելը՝ սույն փաստաթղթի VI բաժնին համապատասխան։
Արտադրանքի վերցված նմուշների (փորձանմուշների) հետազոտությունները (փորձարկումները) և չափումները հայտատուի ընտրությամբ անցկացվում են հավատարմագրված փորձարկման լաբորատորիայում (կենտրոնում) կամ արտադրողի սեփական փորձարկման լաբորատորիայում (եթե այլ բան սահմանված չէ տեխնիկական կանոնակարգով)՝ սույն փաստաթղթի VI բաժնին համապատասխան։
Հայտատուն ընդունում է համապատասխանության հայտարարագիրն ու գրանցում է այն՝ սույն փաստաթղթի XIV բաժնին համապատասխան։
Հայտատուն ապահովում է արտադրանքի մակնշումը շրջանառության միասնական նշանով՝ Հանձնաժողովի կողմից սահմանվող կարգով։
Հայտատուն սույն փաստաթղթի XVII բաժնին համապատասխան` իրականացնում է ապացուցողական այն նյութերի փաթեթի ձևավորումն ու պահպանումը, որոնք հիմք են հանդիսացել համապատասխանության հայտարարագրի ընդունման համար և որոնցով հաստատվում է տեխնիկական կանոնակարգի պահանջներին արտադրանքի համապատասխանությունը։
29. Համապատասխանության հայտարարագրման 2հ սխեման կիրառվում է արտադրանքի խմբաքանակի կամ եզակի արտադրատեսակի համար՝ հայտատուի սեփական ապացույցների հիման վրա համապատասխանության հայտարարագրման դեպքում։
2հ սխեմայով համապատասխանության հայտարարագրման դեպքում հայտատուն արտադրողն է (արտադրողի կողմից լիազորված անձը), վաճառողը (ներմուծողը)։
2հ սխեմայով համապատասխանության հայտարարագրման դեպքում կատարվում են սույն կետով նախատեսված ընթացակարգերը։
Հայտատուն ձևավորում է սույն փաստաթղթի 26-րդ կետի «բ» ենթակետով նախատեսված այն փաստաթղթերի փաթեթը, որոնցով հաստատվում է տեխնիկական կանոնակարգի պահանջներին արտադրանքի համապատասխանությունը, և անցկացնում է դրանց վերլուծությունը։
Հայտատուն կամ հայտատուի հանձնարարությամբ՝ արտադրանքի սերտիֆիկացման մարմինը, կամ հավատարմագրված փորձարկման լաբորատորիան (կենտրոնը), կամ արտադրողի սեփական փորձարկման լաբորատորիան (եթե այլ բան սահմանված չէ տեխնիկական կանոնակարգով) անցկացնում է արտադրանքի նույնականացումը և դրա նմուշներ (փորձանմուշներ) վերցնելը՝ սույն փաստաթղթի VI բաժնին համապատասխան։
Արտադրանքի կամ եզակի արտադրատեսակի՝ վերցված նմուշների (փորձանմուշների) հետազոտությունները (փորձարկումները) և չափումները հայտատուի ընտրությամբ իրականացվում են հավատարմագրված փորձարկման լաբորատորիայում (կենտրոնում) կամ արտադրողի սեփական փորձարկման լաբորատորիայում (եթե այլ բան սահմանված չէ տեխնիկական կանոնակարգով)՝ սույն փաստաթղթի VI բաժնին համապատասխան (այն դեպքում, երբ տեխնիկական կանոնակարգով սահմանված չէ արտադրանքի կամ եզակի արտադրատեսակի նմուշների (փորձանմուշների) հետազոտությունների (փորձարկումների) և չափումների արդյունքները նույնանման արտադրանքի հետագա խմբաքանակների կամ եզակի արտադրատեսակների համար օգտագործելու հնարավորությունը)։
Այն դեպքում, երբ տեխնիկական կանոնակարգով սահմանված է արտադրանքի կամ եզակի արտադրատեսակի նմուշների (փորձանմուշների) հետազոտությունների (փորձարկումների) և չափումների արդյունքները նույնանման այն արտադրանքի հետագա խմբաքանակների կամ եզակի արտադրատեսակների համար օգտագործելու հնարավորությունը, որի մասով նախկինում ընդունվել և գրանցվել է համապատասխանության հայտարարագիրը, հայտատուն անցկացնում է խմբաքանակի կամ եզակի արտադրատեսակի նույնականացումը՝ այն արտադրանքի նկատմամբ դրա նույնանմանությունը որոշելու համար, որի մասով նախկինում ընդունվել և գրանցվել է համապատասխանության հայտարարագիրը։ Հայտատուի կողմից այդպիսի նույնանմանության որոշման դեպքում արտադրանքի նմուշներ (փորձանմուշներ) վերցնելը և դրանց հետազոտությունները (փորձարկումները) չեն անցկացվում։ Այս դեպքում արտադրանքի հետազոտությունների (փորձարկումների) և չափումների օգտագործվող արձանագրության գործողության ժամկետը սահմանվում է տեխնիկական կանոնակարգով։
Հայտատուն ընդունում և գրանցում է համապատասխանության հայտարարագիրը սույն փաստաթղթի XIV բաժնին համապատասխան։
Հայտատուն Հանձնաժողովի կողմից սահմանվող կարգով ապահովում է արտադրանքի մակնշումը շրջանառության միասնական նշանով։
Հայտատուն սույն փաստաթղթի XVII բաժնին համապատասխան իրականացնում է ապացուցողական այն նյութերի փաթեթի ձևավորումն ու պահպանումը, որոնք հիմք են հանդիսացել համապատասխանության հայտարարագրի ընդունման համար և որոնցով հաստատվում է տեխնիկական կանոնակարգի պահանջներին արտադրանքի համապատասխանությունը։
30. Համապատասխանության հայտարարագրման 3հ սխեման կիրառվում է սերիական թողարկման արտադրանքի համար՝ հավատարմագրված փորձարկման լաբորատորիայի (կենտրոնի) մասնակցությամբ ստացված ապացույցների և հայտատուի սեփական ապացույցների (առկայության դեպքում) հիման վրա համապատասխանության հայտարարագրման դեպքում։
3հ սխեմայով համապատասխանության հայտարարագրման դեպքում հայտատուն արտադրողն է (արտադրողի կողմից լիազորված անձը)։
Արտադրողը սույն փաստաթղթի X բաժնին համապատասխան իրականացնում է արտադրական հսկողություն և ձեռնարկում է բոլոր անհրաժեշտ միջոցները, որպեսզի արտադրության գործընթացը լինի կայուն և դրանով ապահովվի տեխնիկական կանոնակարգի պահանջներին արտադրվող արտադրանքի համապատասխանությունը։
3հ սխեմայով համապատասխանության հայտարարագրման դեպքում կատարվում են սույն կետով նախատեսված ընթացակարգերը։
Հայտատուն ձևավորում է սույն փաստաթղթի 26-րդ կետի «ա» ենթակետով նախատեսված այն փաստաթղթերի փաթեթը, որոնցով հաստատվում է տեխնիկական կանոնակարգի պահանջներին արտադրանքի համապատասխանությունը, և իրականացնում է դրանց վերլուծությունը։
Հայտատուն կամ հայտատուի հանձնարարությամբ՝ արտադրանքի սերտիֆիկացման մարմինը կամ հավատարմագրված փորձարկման լաբորատորիան (կենտրոնը) անցկացնում է արտադրանքի նույնականացումը և դրա նմուշներ (փորձանմուշներ) վերցնելը՝ սույն փաստաթղթի VI բաժնին համապատասխան։
Հայտատուն հավատարմագրված փորձարկման լաբորատորիայում (կենտրոնում) անցկացնում է արտադրանքի վերցված նմուշների (փորձանմուշների) հետազոտություններ (փորձարկումներ) և չափումներ՝ սույն փաստաթղթի VI բաժնին համապատասխան։
Հայտատուն ընդունում և գրանցում է համապատասխանության հայտարարագիրը սույն փաստաթղթի XIV բաժնին համապատասխան։
Հայտատուն Հանձնաժողովի կողմից սահմանվող կարգով ապահովում է արտադրանքի մակնշումը շրջանառության միասնական նշանով։
Հայտատուն սույն փաստաթղթի XVII բաժնին համապատասխան իրականացնում է ապացուցողական այն նյութերի փաթեթի ձևավորումն ու պահպանումը, որոնք հիմք են հանդիսացել համապատասխանության հայտարարագրի ընդունման համար և որոնցով հաստատվում է տեխնիկական կանոնակարգի պահանջներին արտադրանքի համապատասխանությունը։
31. Համապատասխանության հայտարարագրման 4հ սխեման կիրառվում է արտադրանքի խմբաքանակի կամ եզակի արտադրատեսակի համար՝ հավատարմագրված փորձարկման լաբորատորիայի (կենտրոնի) մասնակցությամբ ստացված ապացույցների և հայտատուի սեփական ապացույցների (առկայության դեպքում) հիման վրա համապատասխանության հայտարարագրման դեպքում։
4հ սխեմայով համապատասխանության հայտարարագրման դեպքում հայտատուն արտադրողն է (արտադրողի կողմից լիազորված անձը), վաճառողը (ներմուծողը)։
4հ սխեմայով համապատասխանության հայտարարագրման դեպքում կատարվում են սույն կետով նախատեսված ընթացակարգերը։
Հայտատուն ձևավորում է սույն փաստաթղթի 26-րդ կետի «բ» ենթակետով նախատեսված այն փաստաթղթերի փաթեթը, որոնցով հաստատվում է տեխնիկական կանոնակարգի պահանջներին արտադրանքի համապատասխանությունը, և իրականացնում է դրանց վերլուծությունը։
Հայտատուն կամ հայտատուի հանձնարարությամբ՝ արտադրանքի սերտիֆիկացման մարմինը կամ հավատարմագրված փորձարկման լաբորատորիան (կենտրոնը) իրականացնում է արտադրանքի նույնականացումը և դրա նմուշներ (փորձանմուշներ) վերցնելը՝ սույն փաստաթղթի VI բաժնին համապատասխան։
Հայտատուն հավատարմագրված փորձարկման լաբորատորիայում (կենտրոնում) անցկացում է արտադրանքի կամ եզակի արտադրատեսակի վերցված նմուշների (փորձանմուշների) հետազոտություններ (փորձարկումներ) և չափումներ՝ սույն փաստաթղթի VI բաժնին համապատասխան։
Այն դեպքում, երբ տեխնիկական կանոնակարգով սահմանված է արտադրանքի կամ եզակի արտադրատեսակի նմուշների (փորձանմուշների) հետազոտությունների (փորձարկումների) և չափումների արդյունքները նույնանման այն արտադրանքի հետագա խմբաքանակների կամ եզակի արտադրատեսակների համար օգտագործելու հնարավորությունը, որի մասով նախկինում ընդունվել և գրանցվել է համապատասխանության հայտարարագիրը, հայտատուն իրականացնում է խմբաքանակի կամ եզակի արտադրատեսակի նույնականացում՝ այն արտադրանքի նկատմամբ դրանց նույնանմանությունը որոշելու համար, որի մասով նախկինում ընդունվել և գրանցվել է համապատասխանության հայտարարագիրը։ Եթե հայտատուի կողմից որոշվել է այդպիսի նույնանմանությունը, ապա արտադրանքի նմուշներ (փորձանմուշներ) վերցնելն ու դրանց հետազոտությունները (փորձարկումները) և չափումները չեն իրականացվում։ Այս դեպքում արտադրանքի հետազոտությունների (փորձարկումների) և չափումների՝ օգտագործվող արձանագրության գործողության ժամկետը սահմանվում է տեխնիկական կանոնակարգով։
Հայտատուն ընդունում և գրանցում է համապատասխանության հայտարարագիրը սույն փաստաթղթի XIV բաժնին համապատասխան։
Հայտատուն Հանձնաժողովի կողմից սահմանվող կարգով ապահովում է արտադրանքի մակնշումը շրջանառության միասնական նշանով։
Հայտատուն սույն փաստաթղթի XVII բաժնին համապատասխան իրականացնում է ապացուցողական այն նյութերի փաթեթի ձևավորումն ու պահպանումը, որոնք հիմք են հանդիսացել համապատասխանության հայտարարագրի ընդունման համար և որոնցով հաստատվում է տեխնիկական կանոնակարգի պահանջներին արտադրանքի համապատասխանությունը։
32. Համապատասխանության հայտարարագրման 5հ սխեման կիրառվում է սերիական արտադրություն սկսելու համար նախատեսված արտադրանքի նկատմամբ՝ արտադրանքի մոդիֆիկացիաների թողարկում պլանավորելու դեպքում։
Համապատասխանության հայտարարագրման 5հ սխեման կիրառվում է հայտատուի սեփական ապացույցների (առկայության դեպքում) և արտադրանքի սերտիֆիկացման մարմնի ու (անհրաժեշտության դեպքում) հավատարմագրված փորձարկման լաբորատորիայի (կենտրոնի) մասնակցությամբ ստացված ապացույցների հիման վրա։
5հ սխեմայով համապատասխանության հայտարարագրման դեպքում հայտատուն արտադրողն է (արտադրողի կողմից լիազորված անձը)։
Արտադրողը սույն փաստաթղթի X բաժնին համապատասխան իրականացնում է արտադրական հսկողություն և ձեռնարկում է բոլոր անհրաժեշտ միջոցները, որպեսզի արտադրության գործընթացը լինի կայուն և դրանով ապահովվի տեխնիկական կանոնակարգի պահանջներին արտադրվող արտադրանքի համապատասխանությունը ։
5հ սխեմայով համապատասխանության հայտարարագրման դեպքում կատարվում են սույն կետով նախատեսված ընթացակարգերը։
Հայտատուն ձևավորում է սույն փաստաթղթի 26-րդ կետի «ա» ենթակետով նախատեսված այն փաստաթղթերի փաթեթը, որոնցով հաստատվում է տեխնիկական կանոնակարգի պահանջներին արտադրանքի համապատասխանությունը, և իրականացնում է դրանց վերլուծությունը։
Հայտատուն արտադրանքի տիպի հետազոտություն անցկացնելու հայտ է ներկայացնում արտադրանքի սերտիֆիկացման մարմին։
Արտադրանքի սերտիֆիկացման մարմինն անցկացնում է արտադրանքի տիպի հետազոտություն՝ սույն փաստաթղթի VIII բաժնին համապատասխան։
Արտադրանքի տիպի անցկացված հետազոտության դրական արդյունքների դեպքում արտադրանքի սերտիֆիկացման մարմինը ձևակերպում է արտադրանքի տիպի սերտիֆիկատը՝ Հանձնաժողովի կողմից հաստատվող միասնական ձևով, և այն տրամադրում է հայտատուին։
Արտադրանքի տիպի սերտիֆիկատը համապատասխանության հայտարարագրի անբաժանելի մասն է։
Հայտատուն ընդունում և գրանցում է համապատասխանության հայտարարագիրը սույն փաստաթղթի XIV բաժնին համապատասխան։
Հայտատուն Հանձնաժողովի կողմից սահմանվող կարգով ապահովում է արտադրանքի մակնշումը շրջանառության միասնական նշանով։
Հայտատուն սույն փաստաթղթի XVII բաժնին համապատասխան ապահովում է ապացուցողական այն նյութերի փաթեթի ձևավորումն ու պահպանումը, որոնք հիմք են հանդիսացել համապատասխանության հայտարարագրի ընդունման համար և որոնցով հաստատվում է տեխնիկական կանոնակարգի պահանջներին արտադրանքի համապատասխանությունը։
33. Համապատասխանության հայտարարագրման 6հ սխեման կիրառվում է սերիական թողարկման արտադրանքի համար՝ արտադրողի մոտ ներդրված կառավարման այնպիսի համակարգի առկայության դեպքում, որը սերտիֆիկացվել է կառավարման համակարգերի սերտիֆիկացման մարմնի կողմից։
Համապատասխանության հայտարարագրման 6հ սխեման կիրառվում է հայտատուի սեփական ապացույցների (առկայության դեպքում) և, այդ թվում, կառավարման համակարգերի սերտիֆիկացման մարմնի և հավատարմագրված փորձարկման լաբորատորիայի (կենտրոնի) մասնակցությամբ ստացված ապացույցների հիման վրա։
6հ սխեմայով համապատասխանության հայտարարագրման դեպքում հայտատուն արտադրողն է (արտադրողի կողմից լիազորված անձը)։
Արտադրողը սույն փաստաթղթի X բաժնին համապատասխան իրականացնում է արտադրական հսկողություն և ձեռնարկում է ներդրված ու սերտիֆիկացված կառավարման համակարգի կայուն աշխատանքի և տեխնիկական կանոնակարգի պահանջներին համապատասխանող արտադրանքի արտադրման համար արտադրության պայմանների ապահովմանն ուղղված բոլոր անհրաժեշտ միջոցները։
6հ սխեմայով համապատասխանության հայտարարագրման դեպքում կատարվում են սույն կետով նախատեսված ընթացակարգերը։
Հայտատուն ձևավորում է տեխնիկական կանոնակարգի պահանջներին արտադրանքի համապատասխանությունը հաստատող և սույն փաստաթղթի 26-րդ կետի «ա» ենթակետով նախատեսված փաստաթղթերի փաթեթը, որոնց կազմում, այդ թվում, ներառվում է կառավարման համակարգի համապատասխանության սերտիֆիկատը (սերտիֆիկատի պատճենը), և կատարում է դրանց վերլուծությունը՝ հաշվի առնելով, որ տեխնիկական կանոնակարգով կարող են սահմանված լինել մեկ կամ մի քանի փաստաթղթեր, որոնց համապատասխանության մասով իրականացվում է կառավարման համակարգի սերտիֆիկացումը։
Հայտատուն կամ հայտատուի հանձնարարությամբ՝ արտադրանքի սերտիֆիկացման մարմինը կամ հավատարմագրված փորձարկման լաբորատորիան (կենտրոնը) իրականացնում է արտադրանքի նույնականացումը և դրա նմուշներ (փորձանմուշներ) վերցնելը՝ սույն փաստաթղթի VI բաժնին համապատասխան։
Արտադրանքի վերցված նմուշների (փորձանմուշների) հետազոտությունները (փորձարկումները) և չափումներն անցկացվում են հավատարմագրված փորձարկման լաբորատորիայում (կենտրոնում)՝ սույն փաստաթղթի VI բաժնին համապատասխան։
Հայտատուն ընդունում և գրանցում է համապատասխանության հայտարարագիրը սույն փաստաթղթի XIV բաժնին համապատասխան։
Հայտատուն Հանձնաժողովի կողմից սահմանվող կարգով ապահովում է արտադրանքի մակնշումը շրջանառության միասնական նշանով։
Հայտատուն սույն փաստաթղթի XVII բաժնին համապատասխան իրականացնում է ապացուցողական այն նյութերի փաթեթի ձևավորումն ու պահպանումը, որոնք հիմք են հանդիսացել համապատասխանության հայտարարագրի ընդունման համար և որոնցով հաստատվում է տեխնիկական կանոնակարգի պահանջներին արտադրանքի համապատասխանությունը։
Հայտատուի մոտ կառավարման համակարգի համապատասխանության գործող սերտիֆիկատի բացակայության, այդ թվում՝ դրա գործողության կասեցման կամ դադարեցման դեպքում հայտատուն ընդունում է համապատասխանության հայտարարագրի գործողությունը դադարեցնելու վերաբերյալ որոշում և համապատասխանության հայտարարագրի գործողության դադարեցման մասին ծանուցում է ներկայացնում համապատասխանության հայտարարագիրը գրանցած՝ արտադրանքի սերտիֆիկացման մարմին (անդամ պետության լիազորված մարմին)։ Ընդ որում, տրված համապատասխանության սերտիֆիկատների և գրանցված համապատասխանության հայտարարագրերի միասնական ռեեստրում համապատասխանության հայտարարագիրը գրանցած՝ արտադրանքի սերտիֆիկացման մարմնի (անդամ պետության լիազորված մարմնի) կողմից կատարվում է համապատասխան գրառում։
V. Սերտիֆիկացման ժամանակ հայտատուի կողմից ներկայացված հայտի և փաստաթղթերի փաթեթի ուսումնասիրումն ու վերլուծությունը
34. Հայտատուի կողմից ներկայացված հայտի և կից ներկայացվող փաստաթղթերի, այդ թվում՝ տեխնիկական փաստաթղթերի ուսումնասիրումն ու վերլուծությունն իրականացվում են արտադրանքի նույնականացումն ապահովելու և նշված փաստաթղթերի՝ արտադրանքի համապատասխանության հաստատման համար կիրառելիությունը որոշելու ու դրանց կազմից այն փաստաթղթերը հայտնաբերելու նպատակով, որոնք կարող են որպես հիմք ընդունվել՝ արտադրանքի համապատասխանության սերտիֆիկատ տրամադրելու համար։
35. Արտադրանքի սերտիֆիկացման մարմինն իրականացնում է հայտատուի կողմից ներկայացված հայտի և կից ներկայացվող փաստաթղթերի ուսումնասիրումն ու վերլուծությունը հետևյալի մասով՝
ա) հայտի լրացման ճշգրտությունը.
բ) հայտատուի կողմից փաստաթղթերի փաթեթում ներկայացված նյութերի լիարժեք և բավարար լինելը։
36. Հայտատուի կողմից ներկայացված հայտի և կից ներկայացվող փաստաթղթերի ուսումնասիրման ու վերլուծության դրական արդյունքների դեպքում արտադրանքի սերտիֆիկացման մարմինն ընդունում է սերտիֆիկացում իրականացնելու վերաբերյալ որոշում և այդ որոշումն ընդունելու օրվանից 3 աշխատանքային օրվա ընթացքում հայտատուին գրավոր տեղեկացնում է ընդունված որոշման մասին, որը պարունակում է սերտիֆիկացում իրականացնելու պայմանները, այդ թվում՝ արտադրանքի նմուշներ (փորձանմուշներ) վերցնելու ընթացակարգի և հետազոտությունների (փորձարկումների) ու չափումների ծրագրի վերաբերյալ անհրաժեշտ տեղեկություններ (անմիջականորեն կամ ուղարկում է պատվիրված փոստային առաքմամբ՝ ներդրվածքի մասին վերգրությամբ և հանձնման մասին ծանուցմամբ)։
37. Հայտատուի կողմից ներկայացված հայտի և կից ներկայացվող փաստաթղթերի ուսումնասիրման ու վերլուծության բացասական արդյունքների դեպքում արտադրանքի սերտիֆիկացման մարմինը որոշումն ընդունելու օրվանից 3 աշխատանքային օրվա ընթացքում հայտատուին տեղեկացնում է հայտի լրամշակման կամ փաստաթղթերի փաթեթի լրացման անհրաժեշտության կամ սերտիֆիկացման աշխատանքների անցկացումը մերժելու մասին՝ նշելով մերժման պատճառները (անմիջականորեն կամ ուղարկում է պատվիրված փոստային առաքմամբ՝ ներդրվածքի մասին վերգրությամբ և հանձնման մասին ծանուցմամբ)։
Արտադրանքի սերտիֆիկացման մարմնի՝ սերտիֆիկացման աշխատանքների անցկացումը մերժելը չի խոչընդոտում հայտատուի կողմից նշված մարմին կրկին դիմելը և հայտի ընդունումը մերժելու համար հիմք հանդիսացած՝ հայտնաբերված անհամապատասխանությունները վերացնելուց հետո հայտն ու փաստաթղթերի փաթեթն ուղարկելը։
VI. Արտադրանքի նույնականացումը, նմուշներ (փորձանմուշների) վերցնելը, դրանց հետազոտություններ (փորձարկումներ) և չափումներ անցկացնելը
38. Արտադրանքի համապատասխանությունը հաստատվելուց հետո իրականացվում է համապատասխանության գնահատման օբյեկտ հանդիսացող արտադրանքի նմուշներ (փորձանմուշների) վերցնելը՝ դրանց հետազոտություններ (փորձարկումներ) և չափումներ անցկացնելու նպատակով։
39. Արտադրանքի նմուշներ (փորձանմուշներ) վերցնելու կանոնները սահմանվում են միջազգային և տարածաշրջանային (միջպետական) ստանդարտների ցանկում ներառված ստանդարտներով, իսկ դրանց բացակայության դեպքում՝ հետազոտությունների (փորձարկումների) և չափումների կանոններ ու մեթոդներ պարունակող ազգային (պետական) ստանդարտներով (այսուհետ՝ կանոններ և մեթոդներ պարունակող ստանդարտների ցանկ)։
Կանոններ և մեթոդներ պարունակող ստանդարտների ցանկում արտադրանքի նմուշներ (փորձանմուշներ) վերցնելու կանոնները սահմանող ստանդարտների բացակայության դեպքում՝ նախքան համապատասխան միջպետական ստանդարտների մշակումը, օգտագործվում են հետազոտությունների (փորձարկումների) և չափումների մեթոդիկաներ, որոնք ատեստավորված (վալիդացված) և հաստատված են անդամ պետության օրենսդրությանը համապատասխան, և որոնք ներառված են կանոններ ու մեթոդներ պարունակող ստանդարտների ցանկում։
Արտադրանքի՝ վերցվող նմուշները (փորձանմուշները) պետք է իրենց կառուցվածքով, կազմով և արտադրման տեխնոլոգիայով նույնական լինեն սպառողին (ձեռք բերողին) իրացնելու համար նախատեսված արտադրանքին։
40. Արտադրանքի՝ վերցված նմուշները (փորձանմուշները) առանձնացվում են մնացած արտադրանքից, փաթեթավորվում, կապարակնքվում կամ կնքվում են նմուշառման վայրում։
41. Արտադրանքի նմուշներ (փորձանմուշներ) վերցնելն անցկացվում է՝
ա) սերիական թողարկման արտադրանքի համար՝ արտադրողի (արտադրողի կողմից լիազորված անձի) պատրաստի արտադրանքի պահեստում, ժամանակավոր պահպանման պահեստում, մաքսային պահեստում, տրանսպորտային միջոցի տարողության մեջ կամ պատրաստի արտադրանքի արտադրական գծում.
բ) արտադրանքի խմբաքանակի համար՝ խմբաքանակի գտնվելու վայրում (արտադրողի (արտադրողի կողմից լիազորված անձի) պատրաստի արտադրանքի պահեստում, ժամանակավոր պահպանման պահեստում, մաքսային պահեստում կամ ստացողի պահեստում՝ պատասխանատու պահպանման դեպքում, տրանսպորտային միջոցի տարողության մեջ կամ պատրաստի արտադրանքի արտադրական գծում).
գ) եզակի արտադրատեսակի համար՝ արտադրանքի միավորի գտնվելու վայրում (կամ տրամադրվում է հայտատուի կողմից)։
42. Արտադրանքի նմուշներ (փորձանմուշներ) վերցնելն անցկացվում է արտադրանքի նույնականացման հետ միաժամանակ, որի միջոցով որոշվում է արտադրանքի բնութագրերի նույնականությունը արտադրանքի վերաբերյալ տեղեկատվության մեջ նշված այն հատկանիշների հետ, որոնք տվյալ արտադրանքի (արտադրանքի տեսակի կամ խմբի) համար սահմանված են տեխնիկական կանոնակարգով, սույն փաստաթղթի 14-րդ կետում (սերտիֆիկացման եղանակով արտադրանքի համապատասխանության հաստատման դեպքում) կամ 26-րդ կետում (համապատասխանության հայտարարագրման եղանակով արտադրանքի համապատասխանության հաստատման դեպքում) նշված այլ փաստաթղթերով, և որոնցով ապահովվում է արտադրանքը տեխնիկական կանոնակարգի տեխնիկական կանոնակարգման օբյեկտների շարքին միանշանակ դասելու հնարավորությունը։
43. Համապատասխանության հայտարարագրման եղանակով արտադրանքի համապատասխանության հաստատման դեպքում, եթե այլ բան սահմանված չէ տեխնիկական կանոնակարգով, արտադրանքի նմուշներ (փորձանմուշներ) վերցնելը և արտադրանքի նույնականացումն անցկացվում են՝ կախված այն բանից, թե համապատասխանության հայտարարագրման որ սխեման է կիրառվել արտադրողի (արտադրողի կողմից լիազորված անձի) կամ վաճառողի (ներմուծողի) կամ նրանց հանձնարարությամբ՝ նրանց կողմից լիազորված անձի կողմից, և որպես այդպիսի անձ կարող է հանդես գալ արտադրանքի սերտիֆիկացման մարմինը կամ հավատարմագրված փորձարկման լաբորատորիան (կենտրոնը), որի հավատարմագրման ոլորտում է գտնվում համապատասխան արտադրանքը, կամ արտադրողի սեփական փորձարկման լաբորատորիան (եթե այլ բան սահմանված չէ տեխնիկական կանոնակարգով)։
44. Եթե համապատասխանության հայտարարագրման եղանակով արտադրանքի համապատասխանության հայտարարագրման դեպքում հայտատուի ընտրությամբ արտադրանքի նույնականացումը և (կամ) արտադրանքի նմուշներ (փորձանմուշներ) վերցնելն անցկացվում է՝ կախված արտադրանքի սերտիֆիկացման մարմնի, կամ հավատարմագրված փորձարկման լաբորատորիայի (կենտրոնի), կամ արտադրողի սեփական փորձարկման լաբորատորիայի (եթե այլ բան սահմանված չէ տեխնիկական կանոնակարգով) կողմից կիրառված համապատասխանության հայտարարագրման սխեմայից, ապա հայտատուն արտադրանքի նույնանականացման և (կամ) դրա փորձանմուշներ (նմուշներ) վերցնելու համար անհրաժեշտ բոլոր փաստաթղթերը և տեղեկատվությունը ներկայացնում է նշված մարմին, կամ հավատարմագրված փորձարկման լաբորատորիա (կենտրոն), կամ արտադրողի սեփական փորձարկման լաբորատորիա (եթե այլ բան սահմանված չէ տեխնիկական կանոնակարգով)։
45. Սերտիֆիկացման եղանակով արտադրանքի հանապատասխանության հաստատման դեպքում արտադրանքի նույնականացումը և դրա նմուշներ (փորձանմուշներ) վերցնելն իրականացվում են արտադրանքի սերտիֆիկացման մարմնի կողմից՝ հայտատուի ներկայությամբ։
Հայտատուի համաձայնությամբ՝ արտադրանքի նմուշներ (փորձանմուշներ) վերցնելը կարող է անցկացվել արտադրանքի սերտիֆիկացման մարմնի կողմից լիազորված անձի կողմից և, որպես այդ անձ, կարող են հանդես գալ արտադրանքի սերտիֆիկացման մեկ այլ մարմին և (կամ) հավատարմագրված փորձարկման լաբորատորիա (կենտրոն), որի հավատարմագրման շրջանակում է գտնվում համապատասխան արտադրանքը, եթե այլ բան սահմանված չէ տեխնիկական կանոնակարգով։
46. Արտադրանքի նմուշների (փորձանմուշների) վերցման արդյունքները ձևակերպվում են արտադրանքի նմուշների (փորձանմուշների) վերցման ակտով (ակտերով), որում նշվում են արտադրանքի նմուշներ (փորձանմուշներ) վերցնելու վայրն ու ամսաթիվը, արտադրանքի նմուշների (փորձանմուշների) պահպանման պայմանները, ինչպես նաև վերցված արտադրանքը նույնականացնող հատկանիշները։ Կախված սերտիֆիկացման կիրառված սխեմայից կամ համապատասխանության հայտարարագրման սխեմայից՝ արտադրանքի նմուշների (փորձանմուշների) վերցման ակտը (ակտերը) ուղարկվում է (ուղարկվում են) հավատարմագրված փորձարկման լաբորատորիա (կենտրոն), կամ արտադրողի՝ փորձարկման սեփական այն լաբորատորիան (եթե այլ բան սահմանված չէ տեխնիկական կանոնակարգով), որն իրականացնելու է արտադրանքի հետազոտությունները (փորձարկումները) և չափումները։
47. Կախված արտադրանքի տեսակից (տիպից)՝ արտադրանքի նույնականացման հատկանիշների թվին կարող են դասվել (եթե այլ բան սահմանված չէ տեխնիկական կանոնակարգով)՝
ա) արտադրողի լրիվ անվանումը, դրա գտնվելու վայրը (իրավաբանական անձի հասցեն) և արտադրանքի արտադրման գործունեություն իրականացնելու վայրի հասցեն (հասցեները) (եթե հասցեները տարբերվում են)՝ իրավաբանական անձի և արտադրանքն արտադրող դրա մասնաճյուղերի (արտադրական հարթակների) համար, կամ ազգանունը, անունը և հայրանունը (առկայության դեպքում), բնակության վայրը և արտադրանքի արտադրման գործունեություն իրականացնելու վայրի հասցեն (հասցեները) (եթե հասցեները տարբերվում են)՝ անդամ պետությունների օրենսդրությանը համապատասխան որպես անհատ ձեռնարկատեր գրանցված ֆիզիկական անձի համար.
բ) հայտատուի լրիվ անվանումը, դրա գտնվելու վայրը (իրավաբանական անձի հասցեն) և գործունեություն իրականացնելու վայրի հասցեն (հասցեները) (եթե հասցեները տարբերվում են)՝ իրավաբանական անձի համար, կամ ազգանունը, անունը և հայրանունը (առկայության դեպքում), բնակության վայրը և գործունեություն իրականացնելու վայրի հասցեն (հասցեները) (եթե հասցեները տարբերվում են)՝ որպես անհատ ձեռնարկատեր գրանցված ֆիզիկական անձի համար.
գ) արտադրանքի (արտադրանքի տեսակի կամ խմբի) անվանումը և արտադրանքի նշագիրը (տեխնիկական կանոնակարգով նախատեսված դեպքերում) և արտադրողի կողմից տրված այլ պայմանական նշագիր (առկայության դեպքում).
դ) արտադրանքի անվանումը (տեխնիկական կանոնակարգով նախատեսված դեպքերում).
ե) այն փաստաթղթի (փաստաթղթերի) նշագիրը, որին համապատասխան արտադրված է արտադրանքը (ստանդարտը, կազմակերպության ստանդարտը, տեխնիկական պայմանները կամ այլ փաստաթուղթ) (առկայության դեպքում).
զ) արտադրանքի նշանակությունը, արտադրանքի կիրառման ցուցումները, արտադրանքին բնորոշ այլ հիմնական հատկություններ և արտադրանքի այլ հիմնական բնութագրեր, որոնցով ապահովվում է արտադրանքը տեխնիկական կանոնակարգի տեխնիկական կանոնակարգման օբյեկտ հանդիսացող արտադրանքի շարքին միանշանակ դասելու հնարավորությունը.
է) արտադրանքի նույնականացումն ապահովող այլ տեղեկություններ, որոնք նախատեսված են տեխնիկական կանոնակարգով.
ը) ստվերագծային ծածկագիրը (առկայության դեպքում).
թ) արտադրման ամսաթիվը.
ժ) պահպանման ժամկետը (տեխնիկական կանոնակարգով նախատեսված դեպքերում), ծառայության (պիտանիության) ժամկետը կամ արտադրանքի ռեսուրսը (տեխնիկական կանոնակարգով նախատեսված դեպքերում).
ժա) խմբաքանակի չափը (ծավալը) (արտադրանքի խմբաքանակի համար).
ժբ) փաթեթվածքը, տարան, անվանական քանակը՝ սպառողական փաթեթվածքի միավորով (անհրաժեշտության դեպքում), զտաքաշն ու ծավալը (անհրաժեշտության դեպքում).
ժգ) տեխնիկական փաստաթղթերում և (կամ) ապրանքաուղեկից փաստաթղթերում (առկայության դեպքում) նշված այլ տեղեկատվություն։
48. Արտադրանքի նույնականացման արդյունքներն արտացոլվում են արտադրանքի նույնականացման ակտում և (կամ) արտադրանքի նմուշների (փորձանմուշների) վերցման ակտում։
Արտադրանքի նույնականացման ակտի ձևակերպման դեպքում այդ ակտի 1 օրինակը հայտատուին հանձնվում է անմիջականորեն կամ ուղարկվում է պատվիրված փոստային առաքմամբ՝ ներդրվածքի մասին վերգրությամբ և հանձնման մասին ծանուցմամբ:
49. Ապրանքը նույնականացնելու և դրա նմուշները (փորձանուշները) վերցնելու ժամանակ իրականացվում է արտադրանքի պահպանման պայմանների ստուգում։
50. Արտադրանքի հետազոտությունները (փորձարկումները) և չափումներն իրականացվում են կանոններ և մեթոդներ պարունակող ստանդարտների ցանկում ներառված ստանդարտների պահանջներին համապատասխան, իսկ այդ ստանդարտների բացակայության դեպքում (նախքան համապատասխան միջպետական ստանդարտների մշակումը)՝ անդամ պետության օրենսդրությանը համապատասխան ատեստավորված (վալիդացված) ու հաստատված, ինչպես նաև կանոններ և մեթոդներ պարունակող ստանդարտների ցանկում ներառված՝ հետազոտությունների (փորձարկումների) և չափումների մեթոդիկաների համաձայն։
Արտադրանքի հետազոտությունների (փորձարկումների) և չափումների՝ ստացված արդյունքները տարածվում են ամբողջ այն արտադրանքի վրա, որից վերցվել են արտադրանքի նշված նմուշները (փորձանմուշները)։
51. Արտադրանքի հետազոտություններ (փորձարկումներ) և չափումներ անցկացնելիս կատարվում է արտադրանքի հետազոտությունների (փորձարկումների) և չափումների գործընթացի ու արդյունքների ֆոտո և (կամ) տեսաամրագրում (եթե դա նախատեսված է տեխնիկական կանոնակարգով)։
52. Արտադրանքի անցկացված հետազոտությունների (փորձարկումների) և չափումների արդյունքները ձևակերպվում են արտադրանքի հետազոտությունների (փորձարկումների) և չափումների արձանագրությամբ։ Անկախ արտադրանքի հետազոտությունների (փորձարկումների) և չափումների արդյունքներից՝ արտադրանքի հետազոտությունների (փորձարկումների) և չափումների արձանագրությունը հայտատուին հանձնվում է անմիջականորեն կամ ուղարկվում է պատվիրված փոստային առաքմամբ՝ ներդրվածքի մասին վերգրությամբ և հանձնման մասին ծանուցմամբ, իսկ սերտիֆիկացման եղանակով արտադրանքի համապատասխանության հաստատման դեպքում՝ ուղարկվում է նաև արտադրանքի սերտիֆիկացման մարմին։
53. Հետազոտությունների (փորձարկումների) և չափումների բացասական արդյունքների դեպքում արտադրանքի համապատասխանության հաստատման աշխատանքները կասեցվում կամ դադարեցվում են։
54. Արտադրանքի համապատասխանության հաստատման աշխատանքները կասեցվում են, եթե շտկող միջոցառումներ անցկացնելու միջոցով հնարավոր է վերացնել հետազոտությունների (փորձարկումների) և չափումների բացասական արդյունքներն առաջացրած անհամապատասխանությունները, կամ դադարեցվում են, եթե շտկող միջոցառումներ անցկացնելու միջոցով հնարավոր չէ վերացնել հետազոտությունների (փորձարկումների) և չափումների բացասական արդյունքներն առաջացրած անհամապատասխանությունները։
55. Սերտիֆիկացման եղանակով արտադրանքի համապատասխանության հաստատման դեպքում արտադրանքի սերտիֆիկացման մարմինն անմիջականորեն տեղեկացնում է հայտատուին կամ արտադրանքի սերտիֆիկացման աշխատանքների կասեցման կամ դադարեցման հիմնավորմամբ որոշումն ուղարկում է պատվիրված փոստային առաքմամբ՝ ներդրվածքի մասին վերգրությամբ և հանձնման մասին ծանուցմամբ։
VII. Արտադրանքի նախագծի ուսումնասիրությունը
56. «Արտադրանքի նախագծի ուսումնասիրություն» ասելով պետք է հասկանալ տեխնիկական այն փաստաթղթերի վերլուծությունը, որոնց համապատասխան արտադրվում է արտադրանքը, ինչպես նաև արտադրանքի մանրակերտների, մոդելների, փորձարարական նմուշների մասով իրականացված հաշվարկների, հետազոտությունների (փորձարկումների) և չափումների արդյունքների վերլուծությունը։
57. Արտադրանքի նախագծի ուսումնասիրությունն իրականացվում է արտադրանքի սերտիֆիկացման մարմնի կողմից՝ անվտանգության պահանջները սահմանող և արտադրանքի նախագծման, արտադրման և շահագործման փուլերի մասին տեղեկություններ (անհրաժեշտության դեպքում) պարունակող՝ հայտատուի կողմից ներկայացված տեխնիկական փաստաթղթերն ուսումնասիրելու միջոցով։
Հայտատուի կողմից տեխնիկական փաստաթղթերը ներկայացվում են արտադրանքի նախագծի՝ տեխնիկական կանոնակարգով արտադրանքի նկատմամբ սահմանված պահանջներին համապատասխանության մասով ուսումնասիրություն անցկացնելու համար անհրաժեշտ ծավալով։
58. Արտադրանքի նախագծի ուսումնասիրության արդյունքներն արտադրանքի սերտիֆիկացման մարմնի կողմից ձևակերպվում են եզրակացության տեսքով։
Նշված եզրակացության ձևը սահմանվում է արտադրանքի սերտիֆիկացման մարմնի կառավարման համակարգի ղեկավար փաստաթղթերով։
Արտադրանքի նախագծի ուսումնասիրության վերաբերյալ եզրակացությունը ձևակերպվում է 2 օրինակից: Նշված եզրակացության 1 օրինակն ուղարկվում է հայտատուին:
VIII. Արտադրանքի տեսակի հետազոտություն
59. Արտադրանքի տեսակի հետազոտություն ասելով պետք է հասկանալ նույնական արտադրանքի արտադրության ժամանակ տվյալ տեսակի արտադրանքի պարամետրերի և բնութագրերի վերլուծությունը տեխնիկական կանոնակարգի և տեխնիկական փաստաթղթերի պահանջներին դրա համապատասխանության մասով:
60. Արտադրանքի տեսակի հետազոտությունը (եթե այլ բան սահմանված չէ տեխնիկական կանոնակարգով) անցկացվում է՝
ա) վտանգավոր արտադրական օբյեկտներում կիրառվող արտադրանքի մասով.
բ) արտադրանքի հետազոտությունները (փորձարկումները) և չափումները՝ մինչև շահագործման վայրում այն մոնտաժելը (հավաքելը, տեղադրելը), ամբողջ ծավալով անցկացնելու անհնարինության դեպքում.
գ) եթե արտադրանքի համապատասխանությունը հաստատելիս հայտատուն չի կիրառում ստանդարտներ, որոնց կիրառման արդյունքում կամավոր հիմունքներով ապահովվում է տեխնիկական կանոնակարգի պահանջների պահպանումը (այդ թվում՝ նորարարական արտադրանքի համար):
61. Արտադրանքի տեսակի հետազոտությունը կատարվում է հետևյալ եղանակներից որևէ մեկով՝
ա) պլանավորված արտադրության համար արտադրանքի նմուշի՝ որպես ամբողջ հետագա արտադրանքի տիպային ներկայացուցչի հետազոտություն (փորձարկում).
բ) տեխնիկական փաստաթղթերի վերլուծություն, արտադրանքի նմուշի կամ կրիտիկական բաղկացուցիչ մասերի (բաղադրամասերի) հետազոտություն (փորձարկում):
62. Արտադրանքի տեսակի հետազոտությունը կատարվում է արտադրանքի սերտիֆիկացման մարմնի կողմից (անհրաժեշտության դեպքում՝ հավատարմագրված փորձարկման լաբորատորիայի (կենտրոնի) ներգրավմամբ):
63. Արտադրանքի տեսակի հետազոտության արդյունքներն արտադրանքի սերտիֆիկացման մարմնի կողմից ձևակերպվում են եզրակացության ձևով, եթե այլ բան սահմանված չէ տեխնիկական կանոնակարգով:
Արտադրանքի տեսակի հետազոտության վերաբերյալ եզրակացությունը ձևակերպվում է 2 օրինակից: Նշված եզրակացության 1 օրինակն ուղարկվում է հայտատուին:
64. Համապատասխանության հայտարարագրման ձևով արտադրանքի համապատասխանությունը հաստատելիս արտադրանքի տեսակի կատարված հետազոտության դրական արդյունքների դեպքում արտադրանքի սերտիֆիկացման մարմինը ձևակերպում է արտադրանքի տեսակի սերտիֆիկատ՝ Հանձնաժողովի կողմից հաստատվող միասնական ձևով:
IX. Արտադրության վիճակի վերլուծություն
65. Արտադրության վիճակի վերլուծությունը սերտիֆիկացման մարմնի կողմից կատարվում է սերիական թողարկման արտադրանքի սերտիֆիկացման ձևով արտադրանքի համապատասխանությունը հաստատելիս՝ սերտիֆիկացման ձևով արտադրանքի համապատասխանությունը հաստատող՝ տեխնիկական կանոնակարգի պահանջներին թողարկվող արտադրանքի մշտական (կայուն) համապատասխանությունը ապահովելու համար արտադրողի մոտ անհրաժեշտ պայմանների առկայությունը պարզելու նպատակով:
Կախված սերտիֆիկացման սխեմայից՝ արտադրության վիճակի վերլուծությունը կատարվում է սերտիֆիկացման ձևով արտադրանքի համապատասխանությունը հաստատելիս կամ սերտիֆիկացված արտադրանքի պարբերական գնահատում կատարելիս:
Թույլատրվում է արտադրության վիճակի վերլուծությունը կատարել արտադրանքի նմուշների (փորձանմուշների) նույնականացման, վերցման և արտադրանքի հետազոտությունների (փորձարկումների) ու չափումների հետ միաժամանակ:
66. Արտադրության վիճակի վերլուծությունն արտադրանքի սերտիֆիկացման մարմնի կողմից կատարվում է արտադրանքի արտադրման գործունեության իրականացման վայրի հասցեում (արտադրանքի արտադրության (արտադրման) գտնվելու վայրում)՝ արտադրանքի սերտիֆիկացման մարմնի ղեկավարի (ղեկավարի տեղակալի) կողմից մշակված և հաստատված՝ արտադրանքի վիճակի վերլուծության ծրագրին համապատասխան:
Արտադրության վիճակի վերլուծություն անցկացնելու դեպքում ստուգման օբյեկտներն են՝
արտադրանքի տեխնիկական փաստաթղթերը (նախագծային և (կամ) կոնստրուկտորական, և (կամ) տեխնոլոգիական, և (կամ) շահագործման).
տեխնիկական կանոնակարգով սահմանված պահանջներին թողարկվող արտադրանքի համապատասխանության վրա ազդեցություն ունեցող աշխատանք կատարող անձնակազմի բանիմացությունը.
արտադրության ենթակառուցվածքը (արտադրողի տարածքում գտնվող և արտադրության կազմակերպման համար անհրաժեշտ օբյեկտների ամբողջությունը (արտադրական տարածքներ, տրանսպորտ և այլն)).
սարքավորումը (տեխնոլոգիական զինման միջոցները), ինչպես նաև դրա տեխնիկական սպասարկումն ու վերանորոգումը.
հսկման, չափման և փորձարկման սարքավորման կառավարումը.
տեխնիկական կանոնակարգով սահմանված պահանջներին արտադրանքի համապատասխանության ապահովման համար անհրաժեշտ չափման միջոցները.
սերտիֆիկացվող արտադրանքի (հումքի, նյութերի, լրակազմող արտադրատեսակների) անվտանգության ցուցանիշների վրա ազդեցություն ունեցող՝ գնված արտադրանքի մուտքային հսկողություն.
տեխնոլոգիական գործընթացները, այդ թվում՝ հատուկ (տեխնիկական կանոնակարգում համապատասխան պահանջների առկայության դեպքում).
պատրաստի արտադրանքի ընդունման հսկողություն և պարբերական փորձարկումներ, որոնք կապված են այն բնութագրերի հսկողության հետ, որոնց համար տեխնիկական կանոնակարգով սահմանված են պարտադիր պայմաններ.
պատրաստի արտադրանքի մակնշումը, դրա պահման, փաթեթավորման և պահածոյացման պայմանները.
փոխգործակցությունը սպառողի հետ (այդ թվում՝ տվյալ արտադրողի արտադրանքի մասով բողոքների և դժգոհությունների քննումը).
արտադրանքի նույնականացումը և դրա հետագծելիությունը.
շտկող և կանխարգելիչ միջոցառումներ։
67. Արտադրության վիճակի վերլուծության անցկացման արդյունքներով կազմվում է ակտ՝ արտադրանքի սերտիֆիկացման մարմնի կառավարման համակարգի ղեկավար փաստաթղթերով սահմանված ձևով, որում նշվում են վերլուծության արդյունքները, բերվում են հաստատող փաստաթղթերին և նյութերին հղումները, ինչպես նաև անհրաժեշտության դեպքում սահմանվում են հայտնաբերված անհամապատասխանությունների վերացման ժամկետները:
68. Արտադրության վիճակի վերլուծության արդյունքների վերաբերյալ ակտը պետք է պարունակի եզրահանգումներ արտադրության՝ տեխնիկական պահանջներին համապատասխանող արտադրանք շարունակաբար (կայուն) թողարկելու հնարավորության վերաբերյալ, ինչը հաստատվում է այն սերտիֆիկացնելու ընթացքում:
Արտադրության վիճակի վերլուծության արդյունքների վերաբերյալ ակտը ստորագրվում է հանձնաժողովի բոլոր անդամների (փորձագետների (փորձագետ-աուդիտորների)) և արտադրանքն արտադրող կազմակերպության ներկայացուցչի կողմից:
Նշված ակտի 1 օրինակը արտադրանքի սերտիֆիկացման մարմնի կողմից հանձնվում է հայտատուին անմիջականորեն կամ ուղարկվում է նրան պատվիրված փոստային առաքմամբ՝ ներդրվածքի մասին վերգրությամբ և հանձնման մասին ծանուցմամբ:
Արտադրության վիճակի վերլուծություն անցկացնելու արդյունքներով արտադրանքի սերտիֆիկացման մարմինը կարող է կասեցնել կամ դադարեցնել արտադրանքի սերտիֆիկացման աշխատանքները:
Սերտիֆիկացման աշխատանքների կասեցման մասին որոշումն ընդունվում է այն դեպքում, երբ հայտատուն սահմանված ժամկետներում կարող է շտկող միջոցառումների անցկացման միջոցով վերացնել հայտնաբերված անհամապատասխանությունները և դրանց պատճառները:
Սերտիֆիկացման աշխատանքների դադարեցման մասին որոշումն ընդունվում է այն դեպքում, երբ հայտնաբերված անհամապատասխանությունները հնարավոր չէ վերացնել շտկող միջոցառումների միջոցով կամ շտկող միջոցառումները հնարավոր չէ կատարել սահմանված ժամկետներում:
Սերտիֆիկացման աշխատանքները կասեցնելու մասին որոշումն ընդունելու դեպքում արտադրանքի սերտիֆիկացման մարմինը տեղեկացնում է այդ մասին հայտատուին (անմիջականորեն կամ պատվիրված փոստային առաքմամբ՝ ներդրվածքի մասին վերգրությամբ կամ հանձնման մասին ծանուցմամբ):
Սերտիֆիկացման աշխատանքները վերսկսելու նպատակով՝
հայտատուն մշակում է հայտնաբերված անհամապատասխանությունների և դրանց պատճառների վերացմանն ուղղված՝ շտկող միջոցառումները, ապահովում է դրանց կատարումն ու այդ մասին տեղեկացնում է արտադրանքի սերտիֆիկացման մարմնին.
արտադրանքի սերտիֆիկացման մարմինը վերլուծում է հայտատուի կողմից կատարված շտկող միջոցառումներն ու դրական արդյունքների դեպքում որոշում է ընդունում սերտիֆիկացման աշխատանքների վերսկսման մասին:
Այն դեպքում, երբ հայտատուն սահմանված ժամկետներում չի կարողանում վերացնել հայտնաբերված անհամապատասխանությունները և դրանց պատճառները, արտադրանքի սերտիֆիկացման աշխատանքները դադարեցվում են:
Սերտիֆիկացման աշխատանքների դադարեցման մասին որոշումն ընդունելու դեպքում արտադրանքի սերտիֆիկացման մարմինն այդ մասին տեղեկացնում է հայտատուին (անմիջականորեն կամ պատվիրված փոստային առաքմամբ՝ ներդրվածքի մասին վերգրությամբ կամ հանձնման մասին ծանուցմամբ):
69. Եթե արտադրանքն արտադրվում է արտադրողի մասնաճյուղերում և (կամ) արտադրական հարթակներում, ապա արտադրության վիճակի վերլուծությունն իրականացվում է արտադրողի մեկ կամ մեկից ավելի մասնաճյուղերում և (կամ) արտադրական հարթակներում, որոնք արտադրում են սերտիֆիկացվող արտադրանքի ամենալայն տեսականին (ամենաընդարձակ անվանացանկը) կամ ամենաբարդ արտադրատեսակը սերտիֆիկացվող արտադրանքից առավել խոշոր ծավալներով ՝ արտադրվող արտադրանքի անվտանգության և արտադրողի յուրաքանչյուր մասնաճյուղում և (կամ) արտադրական հարթակներում դրա արտադրության կայունության համար արտադրողի պատասխանատվությունն ապահովելու պայմանով:
Արտադրության վիճակի վերլուծության անցկացման դրական արդյունքների դեպքում արտադրանքի սերտիֆիկացման մարմնի կողմից կազմվում և արտադրողի հետ համաձայնեցվում է սերտիֆիկացվող արտադրանքի պլանային պարբերական գնահատման շրջանակներում արտադրողի մյուս արտադրություններում արտադրության վիճակի հետագա վերլուծության անցկացման ժամանակացույցը (նշելով ստուգումների անցկացման ժամկետները):
70. Նախկինում սերտիֆիկացված արտադրանքի կառուցվածքում (կազմում, բաղադրագրում) կամ դրա արտադրության տեխնոլոգիայում աննշան տարբերություններ ունեցող նոր արտադրանքի սերտիֆիկացում անցկացնելու հայտն արտադրանքի սերտիֆիկացման մարմնի կողմից ստացվելու դեպքում արտադրանքի սերտիֆիկացման մարմնի որոշմամբ արտադրության վիճակի նախորդ վերլուծության արդյունքները կարող են մասնակիորեն կամ ամբողջությամբ տարածվել այդ արտադրանքի վրա՝ հետևյալ պայմանների պահպանման դեպքում՝
ա) արտադրանքի սերտիֆիկացման աշխատանքներն անցկացվում են սերտիֆիկացման նույն մարմնի կողմից, որն անցկացրել էր արտադրության վիճակի վերլուծությունը և ձևակերպել էր արտադրության վիճակի վերլուծության արդյունքների վերաբերյալ ակտը.
բ) արտադրողի կողմից արտադրանքի կառուցվածքում (կազմում, բաղադրագրում) կամ դրա արտադրման տեխնոլոգիայում փոփոխությունների կատարումը չի ազդում տեխնիկական կանոնակարգի պահանջներին արտադրանքի համապատասխանության ապահովման վրա.
գ) նոր արտադրանքի սերտիֆիկացման հայտը հայտատուի կողմից ներկայացվել է, եթե արտադրության վիճակի վերլուծության անցկացման և արտադրության վիճակի վերլուծության արդյունքների վերաբերյալ ակտի ձևակերպման կամ ավելի վաղ սերտիֆիկացված արտադրանքի պարբերական գնահատման և պարբերական գնահատման ակտի ձևակերպման ամսաթվից անցել է 1 տարուց ոչ ավելի:
X. Արտադրական հսկողություն
71. Արտադրական հսկողությունն անցկացվում է արտադրողի կողմից՝ տեխնիկական կանոնակարգով և արտադրողի տեխնիկական փաստաթղթերով սահմանված պահանջներին թողարկվող արտադրանքի համապատասխանության կայունությունն ապահովելու համար, և ներառում է՝
հումքի, նյութերի և լրակազմող տարրերի մուտքային հսկողությունը.
արտադրանքի արտադրության տեխնոլոգիայի աշխատանքի հսկողությունը.
պատրաստի արտադրանքի ընդունման (ընդունման-հանձնման) հսկողությունը.
տեխնիկական կանոնակարգով սահմանված պահանջներին չհամապատասխանող արտադրանքի հսկողությունը.
սարքավորման հսկողությունը.
չափման միջոցների և փորձարկման սարքավորումների հսկողությունը.
տեխնիկական փաստաթղթերի մշակման և վարման հսկողությունը.
աշխատատեղերում շրջակա միջավայրի պարամետրերի հսկողությունը.
սանիտարապաշտպանական գոտու հսկողությունը (առկայության դեպքում).
անձնակազմի հիգիենան (սննդամթերքի արտադրությունների համար).
պատրաստի արտադրանքի պարբերական հսկողություն:
Արտադրողը պատասխանատվություն է կրում տեխնիկական կանոնակարգով սահմանված պահանջներին նրա կողմից արտադրվող արտադրանքի համապատասխանության ապահովման համար:
XI. Արտադրանքի համապատասխանության սերտիֆիկատի տրամադրումը
72. Արտադրանքի սերտիֆիկացման մարմինն անցկացնում է հայտատուի կողմից ներկայացված փաստաթղթերի փաթեթի, ինչպես նաև տեխնիկական կանոնակարգի պահանջներին արտադրանքի համապատասխանությունը հաստատող փաստաթղթերի (հետազոտությունների (փորձարկումների) և չափումների արձանագրությունների (սերտիֆիկացման սխեմայով նախատեսված դեպքերում), արտադրության վիճակի վերլուծության վերաբերյալ ակտի (սերտիֆիկացման սխեմայով նախատեսված դեպքերում), արտադրանքի նախագծի հետազոտության վերաբերյալ եզրակացության (սերտիֆիկացման սխեմայով նախատեսված դեպքերում), արտադրանքի տեսակի հետազոտության վերաբերյալ եզրակացության (սերտիֆիկացման սխեմայով նախատեսված դեպքերում) վերլուծություն:
Նշված վերլուծության դրական արդյունքների դեպքում արտադրանքի սերտիֆիկացման մարմինը որոշում է ընդունում արտադրանքի համապատասխանության սերտիֆիկատի տրամադրման մասին և ձևակերպում է նշված սերտիֆիկատը:
73. Սերտիֆիկացման տեսքով արտադրանքի համապատասխանության հաստատման բացասական արդյունքների դեպքում արտադրանքի սերտիֆիկացման մարմինը որոշում է ընդունում արտադրանքի համապատասխանության սերտիֆիկատի տրամադրումը մերժելու մասին՝ նշելով մերժման հիմնավորված պատճառները և տեղեկացնում է այդ մասին հայտատուին՝ նշված որոշումն ընդունելուց հետո 3 աշխատանքային օրվա ընթացքում (անմիջականորեն կամ պատվիրված փոստային առաքումով՝ ներդրվածքի մասին վերգրությամբ կամ հանձնման մասին ծանուցմամբ):
74. Արտադրանքի համապատասխանության սերտիֆիկատը ձևակերպվում է Հանձնաժողովի կողմից հաստատվող միասնական ձևով և կանոններով:
Արտադրանքի համապատասխանության սերտիֆիկատը չի կարող ստորագրվել սերտիֆիկացման աշխատանքներ անցկացնելու համապատասխան հայտի քննման շրջանակներում արտադրության վիճակի վերլուծության արդյունքների վերաբերյալ ակտը ստորագրած փորձագետների (փորձագետ-աուդիտորների) կողմից:
Արտադրանքի համապատասխանության՝ տրամադրված սերտիֆիկատի վերաբերյալ տեղեկությունները ներառվում են տրամադրված համապատասխանության սերտիֆիկատների և գրանցված համապատասխանության հայտարարագրերի միասնական ռեեստրում։
75. Եթե նույն արտադրանքի վրա տարածվում է 2 կամ ավելի տեխնիկական կանոնակարգերի գործողությունը և տեխնիկական կանոնակարգերով սահմանված է այդպիսի արտադրանքի համապատասխանության հաստատման համանման ձև (սերտիֆիկացում), ապա այդպիսի արտադրանքի մասով կարող են ձևակերպվել՝
ա) արտադրանքի համապատասխանության 1 սերտիֆիկատ, որում նշվում են տեխնիկական այն կանոնակարգերը, որոնց պահանջներին այդ արտադրանքը համապատասխանում է (սերտիֆիկացման աշխատանքները արտադրանքի սերտիֆիկացման 1 մարմնում կատարելու դեպքում).
բ) արտադրանքի համապատասխանության 2 և ավելի սերտիֆիկատներ, որոնցից յուրաքանչյուրում նշվում են 1 կամ մի քանի տեխնիկական կանոնակարգեր, որոնց պահանջներին այդ արտադրանքը համապատասխանում է:
76. Եթե նույն արտադրանքի վրա տարածվում է 2 կամ ավելի տեխնիկական կանոնակարգերի գործողությունը և տեխնիկական կանոնակարգերով սահմանված են այդպիսի արտադրանքի համապատասխանության հաստատման տարբեր ձևեր, ապա այդպիսի արտադրանքի մասով կարող է ձևակերպվել՝
ա) արտադրանքի համապատասխանության սերտիֆիկատ և համապատասխանության հայտարարագիր.
բ) սերտիֆիկացման ձևով արտադրանքի համապատասխանության հաստատումը սահմանող տեխնիկական կանոնակարգի պահանջներին և համապատասխանության հայտարարագրման ձևով արտադրանքի համապատասխանության հաստատումը սահմանող տեխնիկական կանոնակարգի պահանջներին արտադրանքի համապատասխանության սերտիֆիկատ (եթե այդ տեխնիկական կանոնակարգով նախատեսված է համապատասխանության հայտարարագրումը սերտիֆիկացմամբ փոխարինելու հնարավորությունը և հայտատուն կայացրել է այդպիսի որոշում):
77. Արտադրանքի համապատասխանության սերտիֆիկատը և համապատասխանության հայտարարագիրն ունեն հավասար իրավաբանական ուժ և գործում են Միության մաքսային տարածքում:
78. Եթե կառավարման համակարգի համապատասխանության սերտիֆիկատի գործողության ժամկետը լրանում է արտադրանքի համապատասխանության սերտիֆիկատի գործողության ժամկետից շուտ, ապա սերտիֆիկացված արտադրանք արտադրողը ժամանակին ապահովում է արտադրանքի համապատասխանության սերտիֆիկատի գործողության ժամկետի ընթացքում գործող՝ կառավարման համակարգի համապատասխանության սերտիֆիկատի առկայությունը:
79. Սերիական թողարկման արտադրանքի համապատասխանության սերտիֆիկատի գործողությունը սահմանվում է 5 տարին չգերազանցող ժամկետով, եթե այլ բան նախատեսված չէ տեխնիկական կանոնակարգով:
Արտադրանքի խմբաքանակի համապատասխանության սերտիֆիկատի գործողության ժամկետ չի սահմանվում, եթե այլ բան նախատեսված չէ տեխնիկական կանոնակարգով:
80. Տեխնիկական կանոնակարգի կարգավորման օբյեկտ հանդիսացող սերիական թողարկման արտադրանքի համապատասխանության սերտիֆիկատը տարածվում է տվյալ արտադրանքի վրա, որն արտադրված է հետազոտություններ (փորձարկումներ) և չափումներ անցած՝ արտադրանքի վերցված նմուշների (փորձանմուշների) արտադրման ամսաթվից հետո: Այդ դեպքում նշված տեղեկատվությունը և հետազոտություններ (փորձարկումներ) ու չափումներ անցած՝ արտադրանքի վերցված նմուշների (փորձանմուշների) արտադրման ամսաթվի մասին տեղեկությունները կարող են նշվել Եվրասիական տնտեսական հանձնաժողովի կոլեգիայի 2012 թվականի դեկտեմբերի 25-ի թիվ 293 որոշմամբ հաստատված՝ Եվրասիական տնտեսական միության տեխնիկական կանոնակարգի պահանջներին համապատասխանության սերտիֆիկատի միասնական ձևի (այսուհետ՝ արտադրանքի համապատասխանության սերտիֆիկատի միասնական ձև) 12-րդ՝ «լրացուցիչ տեղեկություններ» դաշտում:
81. Արտադրողի մի քանի մասնաճյուղերում և (կամ) արտադրական հարթակներում արտադրվող սերիական թողարկման արտադրանքի համապատասխանության սերտիֆիկատը կարող է տրամադրվել նշված արտադրանքի համար սույն փաստաթղթի 79-րդ կետով սահմանված առավելագույն ժամկետով՝ հետևյալ պայմանների պահպանմամբ՝
ա) արտադրանքի սերտիֆիկացման մարմնի կողմից արտադրության վիճակի վերլուծության անցկացում և տեխնիկական կանոնակարգի այն պահանջներին արտադրվող արտադրանքի շարունակական (կայուն) համապատասխանության ապահովման համար արտադրողի մոտ անհրաժեշտ պայմանների առկայության հաստատում, որոնք հաստատվում են դրա սերտիֆիկացման դեպքում՝ սույն փաստաթղթի IX բաժնին համապատասխան.
բ) արտադրողի բոլոր մասնաճյուղերում և (կամ) արտադրական հարթակներում արտադրվող սերտիֆիկացվող արտադրանքի նմուշների (փորձանմուշների) սերտիֆիկացման հետազոտությունների (փորձարկումների) և չափումների անցկացման դրական արդյունքների առկայությունը.
գ) արտադրողի կողմից ներդրված կառավարման համակարգի տարածումը սերտիֆիկացված արտադրանք արտադրողի բոլոր մասնաճյուղերում կամ արտադրողի կողմից՝ նրա բոլոր մասնաճյուղերում և (կամ) արտադրական հարթակներում արտադրական հսկողության իրականացումը կազմակերպելը.
դ) արտադրողի մասնաճյուղերում և (կամ) արտադրական հարթակներում արտադրանքի սերտիֆիկացման մարմնի կողմից մշակված և արտադրողի կողմից համաձայնեցված՝ արտադրության վիճակի հետևողական վերլուծության անցկացման ժամանակացույցի առկայությունը (նշելով նշված վերլուծության անցկացման ժամկետները՝ սույն փաստաթղթի 69-րդ կետին համապատասխան):
XII. Արտադրանքի համապատասխանության սերտիֆիկատի գործողության կասեցումը կամ դադարեցումը
82. Արտադրանքի համապատասխանության սերտիֆիկատի գործողությունը կասեցվում կամ դադարեցվում է հետևյալ դեպքերում՝
ա) մարդու կյանքի և (կամ) առողջության, գույքի, շրջակա միջավայրի, կենդանիների ու բույսերի կյանքի և (կամ) առողջության անվտանգության համար արտադրանքի վտանգավորությունը.
բ) տեխնիկական կանոնակարգի պահանջներին արտադրանքի անհամապատասխանությունը.
գ) սերտիֆիկացված արտադրանքի պարբերական գնահատման բացասական արդյունքների առկայությունը.
դ) սերտիֆիկացված արտադրանքի պարբերական գնահատման անցկացումից հայտատուի հրաժարվելը.
ե) արտադրանքի կառուցվածքի (կազմի) կամ դրա արտադրման տեխնոլոգիայի փոփոխություն, ինչը կարող է ազդեցություն ունենալ արտադրանքի սերտիֆիկացման դեպքում հաստատվող՝ անվտանգության ցուցանիշների վրա, այն դեպքում, երբ հայտատուն, մինչև այդպիսի արտադրանքը շրջանառության մեջ դնելը, այդ մասին գրավոր չի ծանուցել արտադրանքի համապատասխանության սերտիֆիկատը տրամադրած՝ արտադրանքի սերտիֆիկացման մարմնին՝ կցելով այդպիսի կատարված փոփոխությունները հաստատող փաստաթղթերը (կոնստրուկտորական փաստաթղթեր, գծագրեր, մասնագրեր).
զ) հայտատուի հայտի առկայությունը.
է) հայտատուի մոտ՝ կառավարման համակարգի գործող համապատասխանության սերտիֆիկատի առկայությունը (սերտիֆիկացման սխեմայով նախատեսված դեպքերում).
ը) հայտատուի և (կամ) արտադրողի կազմակերպության լուծարումը կամ հայտատուի նախաձեռնությամբ արտադրանքը սերիական արտադրությունից հանելը:
83. Արտադրանքի համապատասխանության սերտիֆիկատը տրամադրած մարմնի հետ համաձայնեցված շտկող միջոցառումների մշակման և անցկացման ժամանակահատվածով արտադրանքի համապատասխանության սերտիֆիկատի գործողությունը կասեցնելու մասին որոշումն ընդունվում է, եթե հայտատուն շտկող միջոցառումների անցկացման միջոցով կարող է վերացնել հայտնաբերված անհամապատասխանությունները և հաստատել արտադրանքի համապատասխանությունը տեխնիկական կանոնակարգի պահանջներին: Դրա իրականացման անհնարինության դեպքում համապատասխանության սերտիֆիկատի գործողությունը դադարեցվում է:
84. Արտադրանքի համապատասխանության սերտիֆիկատի գործողությունը կասեցնելիս արտադրանքի համապատասխանության սերտիֆիկատը տրամադրած արտադրանքի սերտիֆիկացման մարմինը՝
ա) որոշում է ընդունում համապատասխանության սերտիֆիկատի գործողության կասեցման մասին և ժամանակավորապես արգելում է կիրառել շրջանառության միասնական նշանը.
բ) ներառում է արտադրանքի համապատասխանության սերտիֆիկատի գործողության կասեցման վերաբերյալ տեղեկատվությունը տրամադրված համապատասխանության սերտիֆիկատների և գրանցված համապատասխանության հայտարարագրերի միասնական ռեեստրում.
գ) սահմանում է հայտատուի կողմից շտկող միջոցառումների անցկացման ժամկետը.
դ) հսկում է հայտատուի կողմից շտկող միջոցառումների անցկացումը:
85. Արտադրանքի համապատասխանության սերտիֆիկատի գործողության կասեցման դեպքում հայտատուն՝
ա) նույնականացնում և որոշում է տեխնիկական կանոնակարգի պահանջներին չհամապատասխանող արտադրանքի քանակը.
բ) մշակում և ապահովում է հայտնաբերված անհամապատասխանությունների վերացման մասով շտկող միջոցառումների անցկացումը.
գ) անդամ պետությունների օրենսդրությամբ սահմանված կարգով ծանուցում է սպառողներին արտադրանքի կիրառման (շահագործման) վտանգավորության մասին.
դ) գրավոր տեղեկացնում է արտադրանքի սերտիֆիկացման մարմնին շտկող միջոցառումների անցկացումն ավարտելու մասին:
86. Հայտատուի կողմից շտկող միջոցառումներ անցկացվելուց հետո արտադրանքի համապատասխանության սերտիֆիկատ տրամադրած արտադրանքի սերտիֆիկացման մարմինը՝
ա) որոշում է ընդունում արտադրանքի համապատասխանության սերտիֆիկատի գործողության վերականգման մասին և թույլատրում է շրջանառության միասնական նշանի կիրառումը.
բ) մուտքագրում է արտադրանքի համապատասխանության սերտիֆիկատի գործողության վերականգնման վերաբերյալ տեղեկատվությունը տրամադրված համապատասխանության սերտիֆիկատների և գրանցված համապատասխանության հայտարարագրերի միասնական ռեեստր.
87. Արտադրանքի համապատասխանության սերտիֆիկատի գործողությունը դադարեցնելու մասին որոշումն ընդունվում է, եթե հայտատուն չի կարող վերացնել հայտնաբերված անհամապատասխանությունները և դրանց պատճառները, ինչպես նաև արտադրանքի կիրառման (շահագործման) վտանգի առկայության դեպքում:
88. Արտադրանքի տրամադրված համապատասխանության սերտիֆիկատի գործողության կասեցման (վերականգնման) կամ դադարեցման անհրաժեշտության դեպքում հայտատուի նախաձեռնությամբ հայտատուն համապատասխան դիմում է ուղարկում նշված սերտիֆիկատը տրամադրած արտադրանքի սերտիֆիկացման մարմին (նշելով պատճառները):
Դիմումի հետ միասին ներկայացվում է արտադրանքի համապատասխանության սերտիֆիկատը և արտադրանքի համապատասխանության՝ տրամադրված սերտիֆիկատի գործողության կասեցման (վերականգման) կամ դադարեցման համար հիմք հանդիսացող փաստաթղթերը:
89. Արտադրանքի սերտիֆիկացման մարմինը որոշում է ընդունում արտադրանքի համապատասխանության՝ տրամադրված սերտիֆիկատի գործողության կասեցման (վերականգնման) կամ դադարեցման մասին:
90. Արտադրանքի համապատասխանության սերտիֆիկատի գործողության վերականգնման մասին որոշումը հայտատուի կողմից ընդունվելու դեպքում դրա գործողության կասեցումից հետո հայտատուի դիմումի հիման վրա արտադրանքի սերտիֆիկացման մարմինը որոշում է ընդունում սերտիֆիկացված արտադրանքի պարբերական գնահատում անցկացնելուց հետո նշված համապատասխանության սերտիֆիկատի գործողության վերականգման մասին:
91. Արտադրանքի սերտիֆիկացման մարմինն արտադրանքի համապատասխանության սերտիֆիկատի գործողության կասեցման (վերականգման) կամ դադարեցման վերաբերյալ համապատասխան գրառում է կատարում տրամադրված համապատասխանության սերտիֆիկատների և գրանցված համապատասխանության հայտարարագրերի միասնական ռեեստրում:
92. Արտադրանքի համապատասխանության սերտիֆիկատի գործողությունը կասեցվում (վերականգնվում) կամ դադարեցվում է՝ սկսած համապատասխանության տրամադրված սերտիֆիկատների և գրանցված համապատասխանության հայտարարագրերի միասնական ռեեստրում համապատասխան տեղեկություններ ներառելու ամսաթվից։
XIII. Արտադրանքի համապատասխանության սերտիֆիկատի կրկնօրինակի փոխարինումը կամ տրամադրումը
93. Թույլատրվում է համապատասխանության սերտիֆիկատի և (կամ) դրա հավելվածների փոխարինումն առանց սույն փաստաթղթի 11-րդ կետի «ա» - «թ» ենթակետերով նախատեսված ընթացակարգերի կատարման, հետևյալ դեպքերում (կախված սերտիֆիկացման կիրառված սխեմայից)՝
արտադրանքի համապատասխանության սերտիֆիկատում և դրա հավելվածներում սխալների (վրիպակների) հայտնաբերում.
հայտատուի կազմակերպաիրավական ձևի, գտնվելու վայրի (իրավաբանական անձի հասցեի), գործունեությունն իրականացնելու վայրի հասցեի (հասցեները տարբեր լինելու դեպքում), հեռախոսահամարի և (կամ) էլեկտրոնային փոստի հասցեի փոփոխություն.
արտադրողի կազմակերպաիրավական ձևի, գտնվելու վայրի (իրավաբանական անձի հասցեի) փոփոխություն.
ԵԱՏՄ ԱՏԳ ԱԱ ծածկագրի (ծածկագրերի) փոփոխություն.
արտադրանքի արտադրման գործունեությունն իրականացնելու վայրի հասցեների քանակի կրճատում։
Հայտատուի հեռախոսահամարի և (կամ) էլեկտրոնային փոստի, ինչպես նաև ԵԱՏՄ ԱՏԳ ԱԱ ծածկագրի (ծածկագրերի) փոփոխության դեպքում արտադրանքի համապատասխանության սերտիֆիկատի և (կամ) դրա հավելվածների փոխարինում չի պահանջվում և իրականացվում է հայտատուի հայեցողությամբ։
94. Սույն փաստաթղթի 93-րդ կետով նախատեսված դեպքերում հայտատուն դիմումը, արտադրանքի համապատասխանության սերտիֆիկատը և դրա հավելվածները (առկայության դեպքում), ինչպես նաև արտադրանքի համապատասխանության սերտիֆիկատի փոխարինման համար հիմք հանդիսացող փաստաթղթերը և (կամ) դրա հավելվածները (առկայության դեպքում) ուղարկում է արտադրանքի համապատասխանության սերտիֆիկատը տրամադրած արտադրանքի սերտիֆիկացման մարմին:
Արտադրանքի համապատասխանության սերտիֆիկատ տրամադրած արտադրանքի սերտիֆիկացման մարմինը քննում է դիմումն ու սույն կետի առաջին պարբերության մեջ նշված փաստաթղթերը և որոշում է ընդունում արտադրանքի համապատասխանության սերտիֆիկատի փոխարինման մասին, ինչի մասին տեղեկացվում է հայտատուին (անմիջականորեն կամ պատվիրված փոստային առաքումով՝ ներդրվածքի մասին վերգրությամբ և հանձնման մասին ծանուցմամբ):
95. Սույն փաստաթղթի 93-րդ կետով նախատեսված դեպքերում արտադրանքի համապատասխանության սերտիֆիկատը տրամադրած արտադրանքի սերտիֆիկացման մարմինը դիմումն ստանալու ամսաթվից 10 աշխատանքային օրվա ընթացքում նոր ձևաթղթի վրա ձևակերպում է արտադրանքի համապատասխանության սերտիֆիկատը՝ շնորհելով նոր գրանցման համար (ընդ որում, որպես արտադրանքի համապատասխանության՝ ձևակերպվող սերտիֆիկատի գործողության ավարտի ամսաթիվ, նշվում է փոխարինման ենթակա՝ արտադրանքի համապատասխանության սերտիֆիկատի գործողության ավարտի ամսաթիվը) և մուտքագրում է համապատասխան տեղեկությունները տրամադրված համապատասխանության սերտիֆիկատների և գրանցված համապատասխանության հայտարարագրերի միասնական ռեեստր:
Արտադրանքի համապատասխանության սերտիֆիկատ տրամադրած արտադրանքի սերտիֆիկացման մարմնի կողմից արտադրանքի համապատասխանության սերտիֆիկատի վերևի աջ անկյունում դրվում է «ՓՈԽԱՐԻՆՎԵԼ Է» նշումով դրոշմակնիք և նշվում են արտադրանքի համապատասխանության սերտիֆիկատի փոխարեն տրամադրվող ձևաթղթի փոխարինման ամսաթիվը և համարը:
Փոխարինման ենթակա արտադրանքի համապատասխանության սերտիֆիկատի վրա նշված դրոշմակնիքը դնելուց հետո արտադրանքի համապատասխանության սերտիֆիկատը տրամադրած արտադրանքի սերտիֆիկացման մարմինը փոխարինման ենթակա՝ արտադրանքի համապատասխանության սերտիֆիկատը վերադարձնում է հայտատուին:
Փոխարինման ենթակա՝ արտադրանքի համապատասխանության սերտիֆիկատի պատճենը՝ «ՓՈԽԱՐԻՆՎԵԼ Է» նշումով դրոշմակնիքով, արտադրանքի համապատասխանության սերտիֆիկատի փոխարինման համար հիմք հանդիսացող դիմումը և փաստաթղթերը պահվում են արտադրանքի սերտիֆիկացման մարմնում:
96. Սույն փաստաթղթի 93-րդ կետով նախատեսված դեպքերում արտադրանքի համապատասխանության սերտիֆիկատը տրամադրած արտադրանքի սերտիֆիկացման մարմնի կողմից որոշում է ընդունվում սույն փաստաթղթի 11-րդ կետով նախատեսված աշխատանքների անցկացման անհրաժեշտության մասին՝ կախված սերտիֆիկացման կիրառված սխեմայից:
Եթե հայտատուն համաձայն է սույն փաստաթղթի 11-րդ կետով նախատեսված ընթացակարգերի կատարման պայմանների հետ՝ կախված սերտիֆիկացման կիրառված սխեմայից, արտադրանքի սերտիֆիկացման մարմինը կատարում է այդ ընթացակարգերը՝ հաշվի առնելով սույն փաստաթղթի 70-րդ կետը:
97. Արտադրանքի համապատասխանության սերտիֆիկատի միասնական ձևի 12-րդ՝ «լրացուցիչ տեղեկատվություն» դաշտում, կատարվում է «տրված է փոխարեն» գրառումը և նշվում են փոխարինման ենթակա արտադրանքի համապատասխանության սերտիֆիկատի գրանցման համարը և տրամադրման ամսաթիվը:
98. Արտադրանքի համապատասխանության սերտիֆիկատի տրամադրման դեպքում արտադրանքի սերտիֆիկացման մարմինը որոշում է ընդունում փոխարինման ենթակա՝ արտադրանքի համապատասխանության սերտիֆիկատի գործողության դադարեցման մասին:
99. Փոխարինման ենթակա՝ արտադրանքի համապատասխանության սերտիֆիկատի գործողության դադարեցման և դրա փոխարեն արտադրանքի համապատասխանության նոր սերտիֆիկատի տրամադրման մասին տեղեկատվությունը ներառվում է տրամադրված համապատասխանության սերտիֆիկատների և գրանցված համապատասխանության հայտարարագրերի միասնական ռեեստրում:
100. Արտադրանքի համապատասխանության սերտիֆիկատի և (կամ) դրա հավելվածների կորստի (փչացման) դեպքում նշված սերտիֆիկատը տրամադրած արտադրանքի սերտիֆիկացման մարմնին հայտատուի կողմից ուղարկվում է ազատ ձևով շարադրված դիմում՝ նշելով արտադրանքի համապատասխանության սերտիֆիկատի կորստի (փչացման) հանգամանքները:
Արտադրանքի համապատասխանության սերտիֆիկատի կրկնօրինակի տրամադրումը կատարվում է արտադրանքի սերտիֆիկացման մարմնի կողմից՝ նշված սերտիֆիկատի ստացման ամսաթվից 10 աշխատանքային օրվա ընթացքում:
101. Արտադրանքի համապատասխանության սերտիֆիկատի կրկնօրինակը գրանցվում է նույն համարի ներքո, ինչ արտադրանքի համապատասխանության սերտիֆիկատը, ընդ որում՝ արտադրանքի համապատասխանության սերտիֆիկատի վերևի աջ անկյունում դրվում է «ԿՐԿՆՕՐԻՆԱԿ» նշումով դրոշմակնիքը և նշվում է կրկնօրինակի տրամադրման ամսաթիվը:
102. Արտադրանքի համապատասխանության սերտիֆիկատի կրկնօրինակները փոխարինման ենթակա չեն:
103. Արտադրանքի տրամադրված համապատասխանության սերտիֆիկատի կրկնօրինակի ձևաթղթի համարի և դրա տրամադրման ամսաթվի մասին տեղեկատվությունը մուտքագրվում է արտադրանքի սերտիֆիկացման մարմնի կողմից տրամադրված համապատասխանության սերտիֆիկատների և գրանցված համապատասխանության հայտարարագրերի միասնական ռեեստր:
XIV. Համապատասխանության հայտարարագրի ընդունումը և դրա գրանցումը
104. Համապատասխանության հայտարարագրման կիրառված սխեմայից կախված՝ համապատասխանության հայտարարագրման ձևով արտադրանքի համապատասխանության հաստատումն իրականացվում է հայտատուի սեփական ապացույցների և (կամ) կառավարման համակարգերի սերտիֆիկացման մարմնի և (կամ) հավատարմագրված փորձարկման լաբորատորիայի (կենտրոնի) և (կամ) արտադրանքի սերտիֆիկացման մարմնի մասնակցությամբ ստացված ապացույցների հիման վրա:
105. Համապատասխանության հայտարարագրման ձևով արտադրանքի համապատասխանության հաստատման դրական արդյունքների դեպքում հայտատուն ընդունում է համապատասխանության հայտարարագիր:
Ընդ որում, ապացուցողական նյութերը, այդ թվում՝ արտադրանքի հետազոտությունների (փորձարկումների) և չափումների արձանագրությունները, պետք է պարունակեն տեխնիկական կանոնակարգի պահանջներին՝ համապատասխանության հայտարարագրում նշված արտադրանքի համապատասխանությունը հաստատող բոլոր ցուցանիշների (բնութագրերի) մասին տեղեկատվությունը:
106. Եթե նույն արտադրանքի վրա տարածվում է 2 կամ ավելի տեխնիկական կանոնակարգերի գործողությունն ու տեխնիկական կանոնակարգերով սահմանված է այդպիսի արտադրանքի հաստատման համանման ձևը (համապատասխանության հայտարարագրում), ապա այդպիսի արտադրանքի համար ձևակերպվում է համապատասխանության 1 հայտարարագիր, որում նշվում են այն տեխնիկական կանոնակարգերը, որոնց պահանջներին համապատասխանում է այդ արտադրանքը:
107. Համապատասխանության հայտարարագիրը ձևակերպվում է Հանձնաժողովի կողմից հաստատվող միասնական ձևով և կանոններով:
108. Համապատասխանության հայտարարագիրը Հանձնաժողովի կողմից հաստատվող կարգով ենթակա է գրանցման տրամադրված համապատասխանության սերտիֆիկատների և գրանցված համապատասխանության հայտարարագրերի միասնական ռեեստրում:
109. Տեխնիկական կանոնակարգի տեխնիկական կանոնակարգման օբյեկտ հանդիսացող սերիական թողարկման արտադրանքի՝ գրանցված համապատասխանության հայտարարագիրը տարածվում է տվյալ արտադրանքի վրա, որն արտադրված է հետազոտություններ (փորձարկումներ) և չափումներ անցած՝ արտադրանքի վերցված նմուշների (փորձանմուշների) արտադրման ամսաթվից հետո: Այդ դեպքում նշված տեղեկատվությունը և հետազոտություններ (փորձարկումներ) ու չափումներ անցած՝ արտադրանքի վերցված նմուշների (փորձանմուշներ) արտադրման ամսաթվի մասին տեղեկությունները կարող են նշվել Եվրասիական տնտեսական հանձնաժողովի կոլեգիայի 2012 թվականի դեկտեմբերի 25-ի թիվ 293 որոշմամբ հաստատված՝ Եվրասիական տնտեսական միության տեխնիկական կանոնակարգի պահանջներին համապատասխանության հայտարարագրի միասնական ձևի 8-րդ՝ «լրացուցիչ տեղեկատվություն» դաշտում:
110. Համապատասխանության հայտարարագրումը հայտատուի ցանկությամբ կարող է փոխարինվել սերտիֆիկացմամբ այն դեպքում, երբ դա նախատեսված է տեխնիկական կանոնակարգով:
111. Եթե համապատասխանության հայտարարագրման սխեմայով նախատեսված է արտադրանքի արտադրման ընթացքում արտադրական հսկողության անցկացում, ապա այդպիսի հսկողությունն իրականացվում է արտադրողի կողմից՝ հաշվի առնելով սույն փաստաթղթի 71-րդ կետը:
112. Սերիական թողարկման արտադրանքի համապատասխանության հայտարարագրի գործողությունը սահմանվում է 5 տարին չգերազանցող ժամկետով, արտադրանքի խմբաքանակի համար համապատասխանության հայտարարագրի գործողության ժամկետ չի սահմանվում, եթե այլ բան նախատեսված չէ կանոնակարգով:
113. Համապատասխանության հայտարարագրի գործողությունը կասեցվում, վերականգնվում կամ դադարեցվում է Հանձնաժողովի կողմից սահմանված կարգով։ Ընդ որում, տրամադրված համապատասխանության սերտիֆիկատների և գրանցված համապատասխանության հայտարարագրերի միասնական ռեեստրում նշվում է այն ամսաթիվը, որից սկսած համապատասխանության հայտարարագրի գործողությունը կասեցվում, վերականգնվում կամ դադարեցվում է։
XV. Համապատասխանության հայտարարագրի փոխարինումը
114. Հայտատուն ընդունում է նոր համապատասխանության հայտարարագիրը և գրանցում է այն առանց սույն փաստաթղթի 25-րդ կետի «ա» - «ը» ենթակետերով նախատեսված ընթացակարգերի կատարման, հետևյալ դեպքերում՝
համապատասխանության հայտարարագրում և դրա հավելվածներում սխալների (վրիպակների) հայտնաբերում.
հայտատուի կազմակերպաիրավական ձևի, գտնվելու վայրի (իրավաբանական անձի հասցեի), գործունեությունն իրականացնելու վայրի հասցեի (հասցեները տարբեր լինելու դեպքում), հեռախոսահամարի և (կամ) էլեկտրոնային փոստի հասցեի փոփոխություն.
արտադրողի կազմակերպաիրավական ձևի, գտնվելու վայրի (իրավաբանական անձի հասցեի) փոփոխություն.
ԵԱՏՄ ԱՏԳ ԱԱ ծածկագրի (ծածկագրերի) փոփոխություն.
արտադրանքի արտադրման գործունեությունն իրականացնելու վայրի հասցեների քանակի կրճատում։
Որպես համապատասխանության նոր հայտարարագրի գործողության ավարտի ամսաթիվ՝ նշվում է փոխարինման ենթակա համապատասխանության հայտարարագրի գործողության ժամկետի ավարտի ամսաթիվը:
Հայտատուի հեռախոսահամարի և (կամ) էլեկտրոնային փոստի հասցեի, ինչպես նաև ԵԱՏՄ ԱՏԳ ԱԱ ծածկագրի (ծածկագրերի) փոփոխության դեպքում համապատասխանության հայտարարագրի և (կամ) դրա հավելվածների փոխարինում չի պահանջվում և այն իրականացվում է հայտատուի հայեցողությամբ։
115. Սույն փաստաթղթի 109-րդ կետում նշված՝ համապատասխանության հայտարարագրի միասնական ձևի 8-րդ՝ «լրացուցիչ տեղեկատվություն» դաշտում, կատարվում է «ընդունվել է փոխարեն» գրառումը և նշվում են փոխարինման ենթակա համապատասխանության հայտարարագրի գրանցման համարն ու գրանցման ամսաթիվը:
116. Համապատասխանության նոր հայտարարագիրը գրանցելիս հայտատուն որոշում է ընդունում փոխարինման ենթակա համապատասխանության հայտարարագրի գործողության ժամկետը դադարեցնելու մասին:
Տրամադրված համապատասխանության սերտիֆիկատների և գրանցված համապատասխանության հայտարարագրերի միասնական ռեեստրում համապատասխանության նոր հայտարարագրի գրանցումը և փոխարինման ենթակա համապատասխանության հայտարարագրի գործողության դադարեցումն իրականացվում են Հանձնաժողովի կողմից հաստատվող կարգով:
XVI. Արտադրանքի համապատասխանության սերտիֆիկատների և համապատասխանության հայտարարագրերի մասին տեղեկությունների ներառումը տրամադրված համապատասխանության սերտիֆիկատների և գրանցված համապատասխանության հայտարարագրերի միասնական ռեեստրում
117. Արտադրանքի համապատասխանության սերտիֆիկատի գործողության մեկնարկի ամսաթիվը՝ տրամադրված սերտիֆիկատների և համապատասխանության գրանցված հայտարարագրերի միասնական ռեեստրում, դրա գրանցման ամսաթիվն է:
Համապատասխանության հայտարարագիրը գրանցված է համարվում տրամադրված սերտիֆիկատների և գրանցված համապատասխանության հայտարարագրերի միասնական ռեեստրում՝ դրան գրանցման համար շնորհելու ամսաթվից։
118. Տրամադրված սերտիֆիկատների և գրանցված համապատասխանության հայտարարագրերի միասնական ռեեստրի վարումն իրականացվում է Հանձնաժողովի կողմից սահմանված կարգով:
XVII. Ապացուցողական նյութերի փաթեթի ձևավորումը և պահպանումը
119. Արտադրանքի տրամադրված համապատասխանության սերտիֆիկատի մասին տեղեկությունները տրամադրված համապատասխանության սերտիֆիկատների և գրանցված համապատասխանության հայտարարագրերի միասնական ռեեստրում արտադրանքի սերտիֆիկացման մարմնի կողմից ներառելուց հետո հայտատուն ձևավորում է տեխնիկական կանոնակարգի պահանջներին արտադրանքի համապատասխանությունն ապացուցող ապացուցողական նյութերի փաթեթը (եթե այլ բան սահմանված չէ տեխնիկական կանոնակարգով), որը, կախված սերտիֆիկացման կիրառվող սխեմայից, ներառում է հետևյալ փաստաթղթերը և տեղեկությունները՝
ա) արտադրանքի տեխնիկական փաստաթղթերի (նախագծային և (կամ) կոնստրուկտորական, և (կամ) տեխնոլոգիական, և (կամ) շահագործման փաստաթղթերի, և (կամ) տեխնիկական պայմանների (տեխնիկական նկարագրության) պատճենը.
բ) ստանդարտների ցանկում ներառվածների շարքից (հայտատուի կողմից դրանց կիրառման դեպքում) ստանդարտների ցուցակը (ստանդարտի նշագրի և անվանման, ինչպես նաև բաժինների (կետերի, ենթակետերի նշմամբ), եթե տեխնիկական կանոնակարգի պահանջների պահպանումը կարող է ապահովվել այդ ստանդարտի առանձին բաժինների (կետերի, ենթակետերի), այլ ոչ թե ամբողջական ստանդարտի կիրառմամբ).
գ) տեխնիկական կանոնակարգի պահանջների կատարումը հաստատող՝ ընդունված տեխնիկական որոշումների և ռիսկերի գնահատման արդյունքների նկարագրությունը, այն դեպքում, երբ ստանդարտները, որոնց կիրառման արդյունքում կամավոր հիմունքներով ապահովվում է տեխնիկական կանոնակարգի պահանջների պահպանումը, բացակայում են կամ չեն կիրառվել.
դ) արտադրանքի նույնականացման և (կամ) նմուշների (փորձանմուշների) վերցման մասին ակտ (ակտերը).
ե) տեխնիկական կանոնակարգի պահանջներին արտադրանքի համապատասխանությունը հաստատող հետազոտությունների (փորձարկումների) և չափումների արձանագրությունները (սերտիֆիկացման սխեմայով նախատեսված դեպքերում), իսկ տեխնիկական կանոնակարգով նախատեսված լինելու դեպքում՝ համապատասխան ֆոտոնյութեր և (կամ) տեսանյութեր:
զ) կառավարման համակարգի համապատասխանության սերտիֆիկատի պատճենը (սերտիֆիկացման սխեմայով նախատեսված դեպքերում).
է) արտադրանքի համապատասխանության սերտիֆիկատները կամ համապատասխանության հայտարարագրերը և (կամ) արտադրանքի արտադրման ժամանակ կիրառվող՝ արտադրանքի կրիտիկական բաղադրամասերի, հումքի, նյութերի, լրակազմող կամ բաղկացուցիչ մասերի հետազոտությունների (փորձարկումներ) և չափումների արձանագրությունները (առկայության դեպքում):
ը) պայմանագրի և ապրանքաուղեկից փաստաթղթերի պատճենները (սերտիֆիկացման սխեմայով նախատեսված դեպքերում).
թ) արտադրողի հետ (այդ թվում՝ օտարերկրյա) կնքած այն պայմանագրի պատճենը, որը նախատեսում է տեխնիկական կանոնակարգի պահանջներին մատակարարվող ապրանքի համապատասխանության ապահովումը, ինչպես նաև նշված պահանջներին Միության մաքսային տարածք մատակարարվող արտադրանքի անհամապատասխանության համար պատասխանատվությունը (արտադրողի կողմից լիազորված անձի համար) (սերտիֆիկացման սխեմայով նախատեսված դեպքերում).
ժ) արտադրության վիճակի վերլուծության արդյունքների վերաբերյալ ակտը (սերտիֆիկացման սխեմայով նախատեսված դեպքերում).
ժա) արտադրանքի նախագծի հետազոտության վերաբերյալ եզրակացությունը (սերտիֆիկացման սխեմայով նախատեսված դեպքերում).
ժբ) արտադրանքի տեսակի հետազոտության վերաբերյալ եզրակացությունը (սերտիֆիկացման սխեմայով նախատեսված դեպքերում).
ժգ) հայտատուի կողմից որպես տեխնիկական կանոնակարգի պահանջներին արտադրանքի համապատասխանության ապացույց տրամադրված այլ փաստաթղթեր.
ժդ) արտադրանքի համապատասխանության սերտիֆիկատը (համապատասխանության սերտիֆիկատի պատճենը).
ժե) որպես անհատ ձեռնարկատեր գրանցված իրավաբանական անձին կամ ֆիզիկական անձին պետական գրանցման ժամանակ անդամ պետությունների օրենսդրությանը համապատասխան տրվող՝ հայտատուի գրանցման կամ հաշվառման (անհատական, նույնականացման) համարի մասին տեղեկությունները:
120. Արտադրանքի համապատասխանության հայտարարագրման ձևով արտադրանքի համապատասխանության հաստատման արդյունքներով հայտատուն ձևավորում է համապատասխանության հայտարարագրի ընդունման համար հիմք հանդիսացած և տեխնիկական կանոնակարգի պահանջներին արտադրանքի համապատասխանությունը հաստատող ապացուցողական նյութերի փաթեթը (եթե այլ բան սահմանված չէ տեխնիկական կանոնակարգով), որը, կախված հայտարարագրման կիրառված սխեմայից, ներառում է հետևյալ փաստաթղթերը և տեղեկությունները՝
ա) արտադրանքի տեխնիկական փաստաթղթերի (նախագծային և (կամ) կոնստրուկտորական, և (կամ) տեխնոլոգիական, և (կամ) շահագործման փաստաթղթերի, և (կամ) տեխնիկական պայմանների (տեխնիկական նկարագրության) պատճենը.
բ) ստանդարտների ցանկում ներառվածների շարքից (հայտատուի կողմից դրանց կիրառման դեպքում) ստանդարտների ցուցակը (ստանդարտի նշագրի և անվանման, ինչպես նաև բաժինների (կետերի, ենթակետերի նշմամբ), եթե տեխնիկական կանոնակարգի պահանջների պահպանումը կարող է ապահովվել այդ ստանդարտի առանձին բաժինների (կետերի, ենթակետերի), այլ ոչ թե ամբողջական ստանդարտի կիրառմամբ).
գ) տեխնիկական կանոնակարգի պահանջների կատարումը հաստատող՝ ընդունված տեխնիկական որոշումների և ռիսկերի գնահատման արդյունքների նկարագրությունը, այն դեպքում, երբ ստանդարտները, որոնց կիրառման արդյունքում կամավոր հիմունքներով ապահովվում է տեխնիկական կանոնակարգի պահանջների պահպանումը, բացակայում են կամ չեն կիրառվել.
դ) տեխնիկական կանոնակարգի պահանջներին արտադրանքի համապատասխանությունը հաստատող հետազոտությունների (փորձարկումների) և չափումների արձանագրությունները.
ե) պայմանագրի (կոնտրակտի) և ապրանքաուղեկից փաստաթղթերի պատճենները (հայտարարագրման սխեմայով նախատեսված դեպքերում).
զ) արտադրողի հետ (այդ թվում՝ օտարերկրյա) կնքած այն պայմանագրի պատճենը, որով նախատեսվում է տեխնիկական կանոնակարգի պահանջներին մատակարարվող ապրանքի համապատասխանության ապահովումը, ինչպես նաև նշված պահանջներին Միության մաքսային տարածք մատակարարվող արտադրանքի անհամապատասխանության համար պատասխանատվությունը (արտադրողի կողմից լիազորված անձի համար) (հայտարարագրման սխեմայով նախատեսված դեպքերում).
է) կառավարման համակարգի համապատասխանության սերտիֆիկատի պատճենը (հայտարարագրման սխեմայով նախատեսված դեպքերում).
ը) որպես անհատ ձեռնարկատեր գրանցված իրավաբանական անձին կամ ֆիզիկական անձին պետական գրանցման ժամանակ անդամ պետությունների օրենսդրությանը համապատասխան տրվող՝ հայտատուի գրանցման կամ հաշվառման (անհատական, նույնականացման) համարի մասին տեղեկությունները:
թ) հայտատուի ընտրությամբ այլ փաստաթղթեր, որոնք հիմք են հանդիսացել համապատասխանության հայտարարագիրն ընդունելու համար.
ժ) տեսակի սերտիֆիկատ (հայտարարագրման սխեմայով նախատեսված դեպքերում).
ժա) գրանցված համապատասխանության հայտարարագիրը:
121. Ապացուցողական նյութերի փաթեթով արտադրանքի համապատասխանության հաստատման մասին փաստաթղթերի պահպանման ժամկետը սահմանվում է տեխնիկական կանոնակարգով:
122. Եթե արտադրանքի համապատասխանության սերտիֆիկատների պահպանման ժամկետները սահմանված չեն տեխնիկական կանոնակարգով, ապա նշված փաստաթղթերը պահվում են՝
սերիական թողարկման արտադրանքի համար՝ արտադրողի (լիազորված անձի) մոտ այդ արտադրանքի արտադրությունը դադարեցնելու ամսաթվից առնվազն 10 տարվա ընթացքում.
արտադրանքի խմբաքանակի կամ եզակի արտադրատեսակի համար՝ արտադրողի (արտադրողի կողմից լիազորված անձի), վաճառողի (ներմուծողի) մոտ խմբաքանակի վերջին արտադրատեսակն իրացնելու ամսաթվից առնվազն 10 տարվա ընթացքում։
Եթե արտադրանքի համապատասխանության սերտիֆիկատի գործողության ժամկետը սահմանափակված է, ապա սույն փաստաթղթի 119-րդ կետում նշված ապացուցողական նյութերի փաթեթը պահվում է համապատասխանության սերտիֆիկատը տրամադրած արտադրանքի սերտիֆիկացման մարմնի մոտ՝ արտադրանքի համապատասխանության սերտիֆիկատի գործողության ժամկետի ավարտի ամսաթվից սկսած առնվազն 5 տարվա ընթացքում, եթե այլ բան սահմանված չէ տեխնիկական կանոնակարգով:
Եթե արտադրանքի համապատասխանության սերտիֆիկատի գործողության ժամկետը սահմանափակված չէ, ապա սույն փաստաթղթի 119-րդ կետում նշված ապացուցողական նյութերի փաթեթը պահվում է համապատասխանության սերտիֆիկատը տրամադրած արտադրանքի սերտիֆիկացման մարմնի մոտ՝ արտադրանքի համապատասխանության սերտիֆիկատի տրամադրման ամսաթվից սկսած առնվազն 10 տարվա ընթացքում, եթե այլ բան սահմանված չէ տեխնիկական կանոնակարգով:
123. Եթե տեխնիկական կանոնակարգով սահմանված չէ հայտատուի մոտ համապատասխանության հայտարարագիրը և ապացուցողական փաստաթղթերի փաթեթը պահելու ժամկետը, ապա այդ ժամկետը կազմում է դրա գրանցման ամսաթվից սկսած 10 տարի:
Եթե արտադրանքի վրա տարածվում է մի քանի տեխնիկական կանոնակարգերի գործողությունը, որոնցով հայտատուի մոտ սահմանվում են համապատասխանության հայտարարագիրը և ապացուցողական նյութերի փաթեթը պահելու տարբեր ժամկետներ, ապա կիրառվում է պահպանման սահմանված ժամկետներից առավելագույնը։
Համապատասխանության հայտարարագիրը գրանցած արտադրանքի սերտիֆիկացման մարմնի (անդամ պետության լիազորված մարմնի) կողմից գրանցված համապատասխանության հայտարարագրի և ապացուցողական նյութերի փաթեթի պատճենների պահմանը ներկայացվող պահանջները սահմանվում են անդամ պետությունների օրենսդրությանը համապատասխան, և այդպիսի պատճենների պահման ժամկետը կազմում է համապատասխանության հայտարարագրի գործողության ժամկետի ավարտի ամսաթվից սկսած առնվազն 5 տարի, իսկ եթե համապատասխանության հայտարարագրի գործողության ժամկետը սահմանափակված չէ՝ դրա գրանցման ամսաթվից սկսած առնվազն 10 տարի:
124. Սերտիֆիկացման ձևով արտադրանքի համապատասխանության հաստատման դեպքում սույն փաստաթղթի 119-րդ կետում նշված փաստաթղթերը հայտատուի և (կամ) արտադրանքի սերտիֆիկացման մարմնի կողմից (ըստ պահանջի) ներկայացվում են անդամ պետությունների՝ տեխնիկական կանոնակարգի պահանջների պահպանման նկատմամբ պետական հսկողության իրականացման (վերահսկողության) համար պատասխանատու պետական հսկողության (վերահսկողության) մարմիններին (այսուհետ՝ պետական հսկողության (վերահսկողության) մարմին), ինչպես նաև անդամ պետությունների օրենսդրությամբ սահմանված դեպքերում՝ այլ շահագրգիռ անձանց:
Համապատասխանության հայտարարագրման ձևով արտադրանքի համապատասխանության հաստատման դեպքում սույն փաստաթղթի 120-րդ կետում նշված փաստաթղթերը հայտատուի կողմից (ըստ պահանջի) ներկայացվում են պետական հսկողության (վերահսկողության) մարմիններին, ինչպես նաև անդամ պետությունների օրենսդրությամբ սահմանված դեպքում՝ այլ շահագրգիռ անձանց:
125. Թույլատրվում է հայտի և գրանցված համապատասխանության հայտարարագրի ու ապացուցողական նյութերի փաթեթի պատճենների պահպանումը էլեկտրոնային տեսքով՝ անդամ պետությունների օրենսդրությանը համապատասխան:
XVIII. Արտադրանքի կառուցվածքում (կազմում) փոփոխությունների կատարումը
126. Այն դեպքում, երբ այն արտադրանքի կառուցվածքում (կազմում), որի համար տրամադրվել է արտադրանքի համապատասխանության սերտիֆիկատը, կամ դրա արտադրման տեխնոլոգիայում կատարվում են փոփոխություններ, որոնք կարող են ազդեցություն ունենալ տեխնիկական կանոնակարգով սահմանված պահանջներին արտադրանքի համապատասխանության վրա, հայտատուն, մինչև այդ արտադրանքը շրջանառության մեջ դնելը, գրավոր ծանուցում է այդ մասին արտադրանքի սերտիֆիկատը տրամադրած արտադրանքի սերտիֆիկացման մարմնին (կից ներկայացնելով արտադրանքի կառուցվածքում (կազմում) կամ դրա արտադրման տեխնոլոգիայում փոփոխությունը հաստատող փաստաթղթերը):
Նշված ծանուցումն ստանալու ամսաթվից 10 աշխատանքային օրվա ընթացքում, հայտատուի կողմից ներկայացված փաստաթղթերի վերլուծության հիման վրա, արտադրանքի սերտիֆիկացման մարմնի կողմից որոշում է ընդունվում արտադրանքի նմուշների (փորձանմուշների) հետազոտություններ (փորձարկումներ) ու չափումներ և (կամ) արտադրության վիճակի վերլուծություն անցկացնելու անհրաժեշտության (եթե արտադրության վիճակի վերլուծությունը նախատեսված է այդ արտադրանքի սերտիֆիկացման սխեմայով) կամ այդպիսի անհրաժեշտության բացակայության վերաբերյալ:
Արտադրանքի սերտիֆիկացման մարմնի որոշումը հանձնվում է հայտատուին անմիջականորեն կամ ուղարկվում է պատվիրված փոստային առաքմամբ՝ ներդրվածքի մասին վերգրությամբ և հանձնման մասին ծանուցմամբ:
127. Եթե արտադրանքի սերտիֆիկացման մարմնի կողմից որոշում է ընդունվում արտադրանքի նմուշների (փորձանմուշների) հետազոտություններ (փորձարկումներ) ու չափումներ և (կամ) արտադրության վիճակի վերլուծություն անցկացնելու անհրաժեշտության բացակայության վերաբերյալ, ապա արտադրանքը շրջանառության մեջ դնելը՝ դրա կառուցվածքում (կազմում) կամ արտադրության տեխնոլոգիայում կատարված փոփոխություններով, թույլատրվում է միայն հայտատուի կողմից այդպիսի որոշում ստանալուց հետո:
128. Եթե արտադրանքի սերտիֆիկացման մարմնի կողմից որոշում է ընդունվում արտադրանքի նմուշների (փորձանմուշների) հետազոտություններ (փորձարկումներ) ու չափումներ և (կամ) արտադրության վիճակի վերլուծություն անցկացնելու անհրաժեշտության վերաբերյալ, (արտադրության վիճակի վերլուծությունը արտադրանքի սերտիֆիկացման սխեմայով նախատեսված լինելու դեպքում) ապա հայտատուի և արտադրանքի սերտիֆիկացման մարմնի միջև կնքվում է այդպիսի աշխատանքներ անցկացնելու պայմանագիր (ավելի վաղ կնքված պայմանագրի բացակայության դեպքում):
Անցկացված աշխատանքների արդյունքում արտադրանքի սերտիֆիկացման մարմինը որոշում է ընդունում տեխնիկական կանոնակարգով սահմանված պահանջներին արտադրանքի համապատասխանության (անհամապատասխանության) վերաբերյալ, որը հանձնվում է հայտատուին անմիջականորեն կամ ուղարկվում է պատվիրված փոստային առաքմամբ՝ ներդրվածքի մասին վերգրությամբ և հանձնման մասին ծանուցմամբ:
Տեխնիկական կանոնակարգով սահմանված պահանջներին արտադրանքի համապատասխանության վերաբերյալ որոշման մեջ արտադրանքի սերտիֆիկացման մարմինը ծանուցում է արտադրանքի համապատասխանության գործող սերտիֆիկատի հիման վրա արտադրանքը շրջանառության մեջ դնելու հնարավորության մասին:
Տեխնիկական կանոնակարգով սահմանված պահանջներին արտադրանքի անհամապատասխանության վերաբերյալ որոշման մեջ արտադրանքի սերտիֆիկացման մարմինը ծանուցում է արտադրանքի համապատասխանության գործող սերտիֆիկատի հիման վրա արտադրանքը շրջանառության մեջ դնելու անհնարինության մասին և կասեցնում է այդ սերտիֆիկատի գործողությունը մինչև հայտատուի կողմից շտկող միջոցառումների անցկացումը՝ արտադրանքի սերտիֆիկացման մարմնի հետ համաձայնեցված ժամկետներում:
129. Հայտատուի կողմից շտկող միջոցառումներ սահմանված ժամկետներում չանցկացնելու դեպքում արտադրանքի սերտիֆիկացման մարմինը որոշում է ընդունում արտադրանքի համապատասխանության սերտիֆիկատի գործողության դադարեցման վերաբերյալ, որը հանձնվում է հայտատուին անմիջականորեն կամ ուղարկվում է պատվիրված փոստային առաքմամբ՝ ներդրվածքի մասին վերգրությամբ և հանձնման մասին ծանուցմամբ:
130. Արտադրանքի սերտիֆիկացման մարմնի կողմից տրամադրված փաստաթղթերը սույն փաստաթղթի 127-129-րդ կետերով նախատեսված՝ անցկացված միջոցառումների արդյունքներով ներառվում են ապացուցողական նյութերի փաթեթում և հայտատուի կողմից (ըստ պահանջի) ներկայացվում են պետական հսկողության (վերահսկողության) մարմիններին, ինչպես նաև անդամ պետությունների օրենսդրությամբ սահմանված դեպքում՝ այլ շահագրգիռ անձանց:
XIX. Սերտիֆիկացված արտադրանքի պարբերական գնահատումը
131. Սերտիֆիկացված արտադրանքի պարբերական գնահատումը՝ համապատասխանության սերտիֆիկատի գործողության ամբողջ ժամկետի ընթացքում դրա համապատասխանության սիստեմատիկ գնահատումն է՝ սահմանելու, որ արտադրանքը շարունակում է համապատասխանել տեխնիկական կանոնակարգով սահմանված և սերտիֆիկացման ժամանակ հաստատված պահանջներին:
132. Սերտիֆիկացված արտադրանքի պարբերական գնահատումն սերտիֆիկացման սխեմայով նախատեսված լինելու դեպքում անցկացվում է արտադրանքի համապատասխանության սերտիֆիկատը տրամադրած արտադրանքի սերտիֆիկացման մարմնի կողմից՝ այդ սերտիֆիկատի գործողության ամբողջ ժամկետի ընթացքում՝ հետևյալ եղանակներից մեկի կամ մի քանիսի միջոցով՝
ա) սերտիֆիկացված արտադրանքի նմուշների (փորձանմուշների) նույնականացում, հետազոտություններ (փորձարկումներ) և չափումներ.
բ) արտադրության վիճակի վերլուծություն:
133. Հայտատուի հետ համաձայնեցված և արտադրանքի սերտիֆիկացման մարմնի կողմից հաստատված՝ սույն փաստաթղթի 69-րդ կետի երկրորդ պարբերության մեջ նշված ժամանակացույցի առկայության դեպքում սերտիֆիկացված արտադրանքի պարբերական գնահատումն անցկացվում է արտադրանքի համապատասխանության սերտիֆիկատի գործողության ամբողջ ընթացքում արտադրողի մասնաճյուղերում և (կամ) արտադրանքն արտադրող արտադրական հարթակներում արտադրության վիճակի վերլուծության միջոցով՝ այդ ժամանակացույցին համապատասխան:
134. Արտադրողի մոտ կառավարման համակարգի առկայությունը նախատեսող սերտիֆիկացման սխեմաների համար սերտիֆիկացված արտադրանքի պարբերական գնահատումն անցկացվում է արտադրանքի սերտիֆիկացման մարմնի կողմից՝ սերտիֆիկացված արտադրանքի նմուշների (փորձանմուշների) հետազոտությունների (փորձարկումների) և չափումների անցկացման միջոցով:
135. Սերտիֆիկացված արտադրանքի պարբերական գնահատումն անցկացվում է արտադրանքի սերտիֆիկացման մարմնի կողմից՝ հավատարմագրված փորձարկման լաբորատորիայի (կենտրոնի) ներգրավմամբ (անհրաժեշտության դեպքում):
136. Սերտիֆիկացված արտադրանքի պարբերական գնահատումն անցկացվում է սերտիֆիկացված արտադրանքի պարբերական գնահատման ծրագրով, որը մշակվել և հաստատվել է արտադրանքի սերտիֆիկացման մարմնի կողմից:
137. Սերտիֆիկացված արտադրանքի պարբերական գնահատման անցկացումը ներառում է հետևյալ փուլերը, եթե այլ բան սահմանված չէ տեխնիկական կանոնակարգով՝
ա) սերտիֆիկացված արտադրանքի պարբերական գնահատում անցկացնելու աշխատանքների կատարման պայմանագրի կնքում.
բ) սերտիֆիկացված արտադրանքի պարբերական գնահատում անցկացնելու համար փորձագետների (փորձագետ-աուդիտորների) խմբի (հանձնաժողովի) ձևավորում.
գ) սերտիֆիկացված արտադրանքի պարբերական գնահատում անցկացնելու ծրագրի մշակում և հաստատում.
դ) սերտիֆիկացված արտադրանքի մասին տեղեկատվության վերլուծություն.
ե) սերտիֆիկացված արտադրանքի հետազոտությունների (փորձարկումների) և չափումների ծրագրի մշակում.
զ) արտադրանքի նույնականացում.
է) արտադրանքի նմուշների (փորձանմուշների) վերցնում և այդ նմուշների (փորձանմուշների) հետազոտությունների (փորձարկումների) և չափումների անցկացում.
ը) արտադրության վիճակի վերլուծություն.
թ) սերտիֆիկացված արտադրանքի պարբերական գնահատման արդյունքներով ակտի ձևակերպում.
ժ) սերտիֆիկացված արտադրանքի պարբերական գնահատման արդյունքներով որոշման ընդունում:
138. Սերտիֆիկացված արտադրանքի պարբերական գնահատումը կարող է լինել պլանային և արտապլանային:
139. Սերտիֆիկացված արտադրանքի պլանային պարբերական գնահատումն անցկացվում է սերտիֆիկացման սխեմաներին համապատասխան՝ արտադրանքի նմուշների (փորձանմուշների) նույնականացում, հետազոտություններ (փորձարկումներ) ու չափումներ անցկացնելու և (կամ) արտադրության վիճակի վերլուծություն անցկացնելու միջոցով:
140. Սերտիֆիկացված արտադրանքի պարբերական գնահատում անցկացնելիս նմուշները (փորձանմուշները) վերցվում են սույն փաստաթղթի VI բաժնին համապատասխան:
141. Սերտիֆիկացված արտադրանքի պարբերական գնահատում անցկացնելիս արտադրության վիճակի վերլուծությունն անցկացվում է սույն փաստաթղթի IX բաժնին համապատասխան:
142. Սերտիֆիկացված արտադրանքի արտադրումը կասեցնելու և (կամ) արտադրանքի նմուշների (փորձանմուշների) բացակայության դեպքում հետազոտություններ (փորձարկումներ) և չափումներ անցկացնելու համար, հայտատուն՝ մինչև սերտիֆիկացման մարմնի կողմից սահմանված և հայտատուի հետ համաձայնեցված՝ սերտիֆիկացված արտադրանքի պարբերական գնահատման անցկացման ժամկետը, գրավոր ծանուցում է այդ մասին արտադրանքի սերտիֆիկացման մարմնին:
Ստացված ծանուցման հիման վրա արտադրանքի սերտիֆիկացման մարմինը կարող է տեղափոխել սերտիֆիկացված արտադրանքի պարբերական գնահատման անցկացման ժամկետը, բայց 6 ամսից ոչ ավելի:
143. Սերտիֆիկացված արտադրանքի պարբերական գնահատման արդյունքները ձևակերպվում են համապատասխան ակտով: Նշված ակտի մեկ օրինակը տրվում է հայտատուին:
144. Սերտիֆիկացված արտադրանքի պարբերական գնահատման արդյունքներով արտադրանքի սերտիֆիկացման մարմինն ընդունում է հետևյալ որոշումներից որևէ մեկը՝
ա) համարել արտադրանքի համապատասխանության սերտիֆիկատի գործողությունը հաստատված.
բ) կասեցնել արտադրանքի համապատասխանության սերտիֆիկատի գործողությունը,
գ) դադարեցնել արտադրանքի համապատասխանության սերտիֆիկատի գործողությունը:
145. Արտադրանքի համապատասխանության սերտիֆիկատի գործողությունը հաստատելու վերաբերյալ որոշումն ընդունվում է սերտիֆիկացված արտադրանքի պարբերական գնահատման դրական արդյունքների դեպքում և գրավոր հանձնվում է հայտատուին անմիջականորեն կամ ուղարկվում է պատվիրված փոստային առաքմամբ՝ ներդրվածքի մասին վերգրությամբ և հանձնման մասին ծանուցմամբ:
146. Արտադրանքի համապատասխանության սերտիֆիկատի գործողության կասեցման մասին որոշումն ընդունվում է, եթե շտկող միջոցառումների անցկացման արդյունքում հայտատուն կարող է վերացնել տեխնիկական կանոնակարգի պահանջներին արտադրանքի անհամապատասխանության պատճառներն ու հաստատել դրա համապատասխանությունը:
Արտադրանքի համապատասխանության սերտիֆիկատի գործողությունը կասեցնելու մասին որոշումն արտադրանքի սերտիֆիկացման մարմնի կողմից ընդունվելու դեպքում հայտատուն՝ արտադրանքի սերտիֆիկացման մարմնի հետ համաձայնեցմամբ, մշակում է շտկող միջոցառումների պլանը՝ տեխնիկական կանոնակարգի պահանջներին արտադրանքի անհամապատասխանության պատճառները վերացնելու համար, և համաձայնեցնում է դրա կատարման ժամկետները:
147. Հայտատուի կողմից շտկող միջոցառումների կատարման և արտադրանքի սերտիֆիկացման մարմնի կողմից դրանք բավարար ճանաչվելու արդյունքում արտադրանքի համապատասխանության սերտիֆիկատի գործողությունը վերականգնվում է:
148. Հայտատուի կողմից շտկող միջոցառումների պլանի չկատարման, այդ թվում՝ դրանում սահմանված ժամկետների չպահպանման, և (կամ) շտկող միջոցառումները անարդյունավետ ճանաչվելու դեպքում արտադրանքի սերտիֆիկացման մարմինը որոշում է ընդունում արտադրանքի համապատասխանության սերտիֆիկատի գործողության դադարեցման մասին:
149. Եթե շտկող միջոցառումների արդյունքում հայտատուն չի կարողանում վերացնել տեխնիկական կանոնակարգի պահանջներին արտադրանքի անհամապատասխանության պատճառները և հաստատել դրա համապատասխանությունը, ապա արտադրանքի համապատասխանության սերտիֆիկատի գործողությունը դադարեցվում է:
150. Արտադրանքի համապատասխանության սերտիֆիկատը տրամադրած արտադրանքի սերտիֆիկացման մարմնի կողմից արտադրանքի համապատասխանության սերտիֆիկատի գործողության կասեցման, վերականգնման կամ դադարեցման վերաբերյալ տեղեկությունները տրամադրվում են հայտատուին և մուտքագրվում են տրամադրված համապատասխանության սերտիֆիկատների ու գրանցված համապատասխանության հայտարարագրերի միասնական ռեեստրում:
151. Սերտիֆիկացված արտադրանքի համապատասխանության արտապլանային գնահատումն արտադրանքի սերտիֆիկացման մարմնի կողմից անցկացվում է սպառողներից և (կամ) պետական հսկողության (վերահսկողության) մարմիններից արտադրանքի անվտանգության վերաբերյալ դժգոհությունների մասին տեղեկատվություն ստացվելու դեպքում:
XX. Արտադրանքի պետական գրանցման տիպային սխեմաները
152. Պետական գրանցումը՝ անդամ պետության լիազորված մարմնի (այսուհետ՝ լիազորված մարմին) կողմից իրականացվող՝ տեխնիկական կանոնակարգի պահանջներին արտադրանքի համապատասխանության գնահատման ձև է:
153. Պետական գրանցման ձևով արտադրանքի համապատասխանության գնահատումն անցկացվում է պետական գրանցման միջոցով՝ տեխնիկական կանոնակարգի պահանջներին արտադրանքի համապատասխանությունը հաստատող՝ արտադրանքի պետական գրանցման վկայականի (այսուհետ՝ վկայական) տրամադրմամբ, և արտադրանքի պետական գրանցման վկայականի միասնական ռեեստրում տեղեկությունները ներառելու միջոցով:
Տեխնիկական կանոնակարգով սահմանված դեպքերում պետական գրանցումից հետո իրականացվում է սույն փաստաթղթով նախատեսված կարգով արտադրանքի համապատասխանության հաստատումը:
154. Միության մաքսային տարածքում արտադրվող արտադրանքի համար վկայականի տրամադրմամբ պետական գրանցումը կատարվում է դրա արտադրությունն սկսելու փուլում, իսկ Միության մաքսային տարածք ներմուծվող արտադրանքի համար՝ մինչև այն Միության մաքսային տարածք ներմուծելը:
155. Վկայականը ձևակերպվում է Հանձնաժողովի կողմից հաստատվող միասնական ձևով և կանոններով:
Վկայականը կարող է ձևակերպվել էլեկտրոնային փաստաթղթի ձևով՝ անդամ պետության օրենսդրությամբ սահմանված կարգով:
156. Վկայականի գործողության ժամկետը կազմում է 5 տարի (եթե այլ բան սահմանված չէ տեխնիկական կանոնակարգով):
157. Պետական գրանցման մասին տեղեկությունները ներառվում են վկայականների միասնական ռեեստրում, որի ձևավորումը և վարումն իրականացվում է Հանձնաժողովի կողմից հաստատվող կարգով:
158. Վկայականի գործողությունը տարածվում է հետազոտություններ (փորձարկումներ) և չափումներ անցած՝ արտադրանքի վերցված նմուշների (փորձանմուշների) արտադրման ամսաթվից արտադրված արտադրանքի վրա:
159. Պետական գրանցման ձևով արտադրանքի համապատասխանության գրանցման տիպային սխեման ներառում է հաջորդաբար կատարվող հետևյալ գործողությունները՝
ա) արտադրանքի նմուշների (փորձանմուշների) նույնականացում և վերցնում, որոնք իրականացվում են հայտատուի, կամ հայտատուի հանձնարարությամբ (դիմումով) և նրա ներկայությամբ՝ հավատարմագրված փորձարկման լաբորատորիայի (կենտրոնի) կողմից՝ կանոններ և մեթոդներ պարունակող ստանդարտների ցանկում ներառված փաստաթղթերով սահմանված կանոններով: Թույլատրվում է անդամ պետության տեսչական հավատարմագրված մարմնի կողմից արտադրանքի նմուշների (փորձանմուշների) վերցման անցկացումը.
բ) արտադրանքի վերցված նմուշների (փորձանմուշների) հետազոտությունները (փորձարկումները) և չափումները հավատարմագրված փորձարկման լաբորատորիայում (կենտրոնում).
գ) պետական գրանցման մասին դիմումը և սույն փաստաթղթի 162-րդ կետում նշված՝ դրան կից ներկայացվող փաստաթղթերը հայտատուի կողմից լիազորված մարմին ներկայացնելը.
դ) պետական գրանցման մասին դիմումի և դրանց կից ներկայացվող փաստաթղթերի գրանցումը.
ե) հայտատուի կողմից ներկայացված փաստաթղթերի փորձաքննությունը, այդ թվում՝ արտադրանքի անցկացված հետազոտությունների (փորձարկումների) և չափումների արդյունքների փորձաքննությունը.
զ) վկայական տալու կամ արտադրանքի պետական գրանցումը մերժելու վերաբերյալ որոշման ընդունումը.
է) արտադրանքի պետական գրանցման վերաբերյալ տեղեկությունների ներառումը վկայականների միասնական ռեեստրում.
ը) վկայականի տրամադրումը:
160. Լիազորված մարմնի կողմից պետական գրանցում անցկացնելու դիմումը ձևակերպվում է անդամ պետության օրենսդրությանը համապատասխան: Ընդ որում՝ նշված դիմումը պետք է ստորագրված լինի հայտատուի կողմից և պարունակի հետևյալ տեղեկությունները՝
ա) արտադրանքի անվանումը և նշագիրը (տեխնիկական կանոնակարգով նախատեսված դեպքերում) և (կամ) արտադրողի կողմից տրված այլ պայմանական նշագիր (առկայության դեպքում).
բ) արտադրանքի անվանումը (տեխնիկական կանոնակարգով նախատեսված դեպքերում).
գ) հայտատուի լրիվ անվանումը, դրա գտնվելու վայրը (իրավաբանական անձի հասցեն) և գործունեության իրականացման վայրի հասցեն (հասցեները) (եթե հասցեները տարբերվում են)՝ իրավաբանական անձի համար, կամ ազգանունը, անունը և հայրանունը (առկայության դեպքում), բնակության վայրը և գործունեության իրականացման վայրի հասցեն (հասցեները) (եթե հասցեները տարբերվում են)՝ որպես անհատ ձեռնարկատեր գրանցված ֆիզիկական անձի համար, ինչպես նաև հայտատուի գրանցման կամ հաշվառման (անհատական, նույնականացման) համարը, որը, անդամ պետության օրենսդրությանը համապատասխան, տրվում է իրավաբանական անձի կամ որպես անհատ ձեռնարկատեր գրանցված ֆիզիկական անձի պետական գրանցման ժամանակ, բանկային վավերապայմանները, հեռախոսահամարը և էլեկտրոնային փոստի հասցեն.
դ) արտադրողի լրիվ անվանումը, նրա գտնվելու վայրը (իրավաբանական անձի հասցեն) և արտադրանքի արտադրման գործունեություն իրականացնելու վայրի հասցեն (հասցեները) (եթե հասցեները տարբերվում են)՝ իրավաբանական անձի և արտադրանքն արտադրող դրա մասնաճյուղերի համար, կամ ազգանունը, անունը և հայրանունը (առկայության դեպքում), բնակության վայրը և արտադրանքի արտադրման գործունեություն իրականացնելու վայրի հասցեն (հասցեները) (եթե հասցեները տարբերվում են)՝ որպես անհատ ձեռնարկատեր գրանցված ֆիզիկական անձի համար՝ անդամ պետությունների օրենսդրություններին համապատասխան:
ե) արտադրանքի մասին՝ դրա նույնականացումն ապահովող այլ տեղեկություններ (առկայության դեպքում).
զ) այն փաստաթղթի (փաստաթղթերի) նշագիրը և անվանումը, որին համապատասխան արտադրված է արտադրանքը (ստանդարտը, կազմակերպության ստանդարտը, տեխնիկական պայմանները կամ այլ փաստաթուղթ) (առկայության դեպքում):
161. Արտադրողի կողմից արտադրական հարթակներում պատվերի տեղադրման դեպքում դիմումի մեջ նշվում են պատվերը կատարողի լրիվ անվանումը, նրա գտնվելու վայրը (իրավաբանական անձի հասցեն) և արտադրանքի արտադրման գործունեությունն իրականացնելու վայրի հասցեն (հասցեները):
162. Դիմումին կից ներկայացվում են հետևյալ փաստաթղթերը՝
ա) Միության մաքսային տարածքում արտադրվող արտադրանքի համար՝
այն փաստաթղթերի պատճենները, որոնց համապատասխան արտադրվել է արտադրանքը (տեխնիկական պայմանները, տեխնոլոգիական հրահանգները, մասնագրերը, բաղադրագրերը և (կամ) արտադրանքի կազմի մասին տեղեկություններն ու այլ փաստաթղթեր)՝ այդ արտադրանքը արտադրողի կողմից վավերացված.
արտադրանքի կիրառման (շահագործման, օգտագործման) վերաբերյալ արտադրողի փաստաթուղթը (հրահանգ, ձեռնարկ, կանոնակարգ, հանձնարարական) կամ դրա՝ հայտատուի կողմից հաստատված պատճենը.
հայտատուի կողմից հաստատված՝ արտադրանքի պիտակների (փաթեթվածքների) պատճենները կամ դրանց մանրակերտները.
արտադրանքի նմուշների (փորձանմուշների) վերցման ակտը,
հետազոտությունների (փորձարկումների) և չափումների արձանագրությունները,
գիտական հաշվետվությունները և (կամ) եզրակացությունները (փորձագիտական կազմակերպությունները),
արտադրողի մոտ կառավարման՝ ներդրված այն համակարգի առկայությունը հաստատող փաստաթղթի պատճենը, որն ապահովում է այն արտադրանքի կայուն թողարկումը, որը համապատասխանում է տեխնիկական կանոնակարգի պահանջներին՝ հաստատված հայտատուի կողմից (արտադրողի նամակը և (կամ) կառավարման համակարգի համապատասխանության սերտիֆիկատի պատճենը, և (կամ) արտադրական գործելակերպի պատշաճ սկզբունքներին արտադրության համապատասխանության սերտիֆիկատի պատճենը, և (կամ) ISO 22000 միջազգային ստանդարտի հիման վրա սննդամթերքի անվտանգության կառավարման համակարգի ներդրման մասին սերտիֆիկատի պատճենը, և (կամ) փաստաթղթեր, որոնք հաստատում են, որ արտադրողի կողմից մշակվել, ներդրվել և պահպանվում են ընթացակարգեր, որոնք հիմնված են ռիսկի և հսկման կրիտիկական կետերի վերլուծության (ՎԱՎԿԿՀ) վրա, և (այլ փաստաթղթեր) (եթե դա նախատեսված է տեխնիկական կանոնակարգով).
իրավաբանական անձի կամ որպես անհատ ձեռնարկատեր գրանցված ֆիզիկական անձի պետական գրանցման դեպքում տրվող՝ հայտատուի գրանցման կամ հաշվառման (անհատական, նույնականացման) համարի մասին տեղեկությունները՝ անդամ պետությունների օրենսդրությանը համապատասխան.
հայտատուի կողմից վավերացված՝ արտադրողի հետ կնքած այն պայմանագրի պատճենը, որով նախատեսվում է տեխնիկական կանոնակարգի պահանջներին Միության մաքսային տարածքում արտադրվող արտադրանքի համապատասխանության ապահովումը և նշված պահանջներին Միության մաքսային տարածք մատակարարվող արտադրանքի անհամապատասխանության համար պատասխանատվությունը (արտադրողի կողմից լիազորված անձի համար).
հայտատուի կողմից՝ նրա ընտրությամբ ներկայացված և տեխնիկական կանոնակարգի պահանջներին արտադրանքի համապատասխանությունը հաստատելու համար հիմք հանդիսացած այլ փաստաթղթեր (առկայության դեպքում).
բ) Միության մաքսային տարածքում արտադրված արտադրանքի համար՝
այն փաստաթղթի պատճենները, որոնց համապատասխան պատրաստվել է արտադրանքը (տեխնիկական պայմանները, տեխնոլոգիական հրահանգները, մասնագրերը, բաղադրագրերը և (կամ) արտադրանքի կազմի մասին տեղեկությունները և այլ փաստաթղթեր)՝ այդ արտադրանքը պատրաստողի կողմից վավերացված.
արտադրանքի կիրառման (շահագործման, օգտագործման) վերաբերյալ արտադրողի փաստաթուղթը (հրահանգ, ձեռնարկ, կանոնակարգ, հանձնարարական) կամ դրա պատճենը՝ հայտատուի կողմից հաստատված.
արտադրանքի համար պիտակների (փաթեթվածքների) պատճենները կամ դրանց մանրակերտները՝ հայտատուի կողմից վավերացված.
արտադրանքի նմուշների (փորձանմուշների) վերցման ակտը.
հետազոտությունների (փորձարկումների) և չափումների արձանագրությունները.
գիտական զեկույցները և (կամ) եզրակացությունները (փորձագիտական եզրակացությունները).
հայտատուի կողմից վավերացված՝ տեխնիկական կանոնակարգի պահանջներին համապատասխանող արտադրանքի թողարկման կայունությունն ապահովող ներդրված կառավարման համակարգի առկայությունը արտադրողի մոտ հաստատող փաստաթղթի պատճենը (արտադրողի նամակը, և (կամ) GMP սկզբունքներին կառավարման համակարգի համապատասխանության սերտիֆիկատի պատճենը, և (կամ) արտադրության համապատասխանության սերտիֆիկատի պատճենը, և (կամ) ISO 22000 միջազգային ստանդարտի հիման վրա ներդրված՝ սննդամթերքի անվտանգության կառավարման համակարգի ներդրված սերտիֆիկատի պատճենը, և (կամ) փաստաթղթեր, որոնք հաստատում են, որ արտադրողի կողմից մշակվել, ներդրվել և պահպանվում են ՎԱՎԿԿՀ սկզբունքների վրա հիմնված ընթացակարգերը, և (կամ) այլ փաստաթղթեր.
իրավաբանական անձի կամ որպես անհատ ձեռնարկատեր գրանցված ֆիզիկական անձի պետական գրանցման դեպքում տրվող՝ հայտատուի գրանցման կամ հաշվառման (անհատական, նույնականացման) համարի մասին տեղեկությունները՝ անդամ պետությունների օրենսդրությանը համապատասխան.
հայտատուի կողմից վավերացված՝ օտարերկրյա արտադրողի հետ այն պայմանագրի պատճենը, որն ապահովում է տեխնիկական կանոնակարգի պահանջներին մատակարարվող արտադրանքի համապատասխանությունը և նշված պահանջներին Միության մաքսային տարածք մատակարարվող արտադրանքի անհամապատասխանության համար պատասխանատվությունը (արտադրողի կողմից լիազորված անձի համար).
հայտատուի կողմից՝ նրա ընտրությամբ ներկայացված և տեխնիկական կանոնակարգի պահանջներին համապատասխանության հաստատման համար հիմք հանդիսացած այլ փաստաթղթեր (առկայության դեպքում):
163. Պետական գրանցում կատարելիս հայտատու կարող են լինել անդամ պետության տարածքում՝ այդ անդամ պետության օրենսդրությանը համապատասխան գրանցված իրավաբանական անձը կամ որպես անհատ ձեռնարկատեր գրանցված ֆիզիկական անձը, որը արտադրողն է, վաճառողը (ներմուծողը) կամ արտադրողի կողմից լիազորված անձը:
XXI. Վկայականի տրամադրմամբ պետական գրանցման տիպային սխեմաները
164. Պետական գրանցման 1գ սխեման կիրառվում է Միության մաքսային տարածքում արտադրվող արտադրանքի համար:
Պետական գրանցման 1գ սխեմայի դեպքում հայտատուն է համարվում արտադրողը (արտադրողի կողմից լիազորված անձը)։
Արտադրողը ձեռնարկում է արտադրության գործընթացի կայունությունը և տեխնիկական կանոնակարգի պահանջներին արտադրվող արտադրանքի համապատասխանությունն ապահովելու համար բոլոր հնարավոր միջոցները, ինչպես նաև իրականացնում է արտադրական հսկողությունը:
Պետական գրանցման 1գ սխեմայով պետական գրանցման դեպքում կատարվում են սույն կետով նախատեսված ընթացակարգերը։
Հետազոտություններ (փորձարկումներ) և չափումներ կատարելու նպատակով հայտատուն կամ հայտատուի հանձնարարությամբ (դիմումով) և նրա ներկայությամբ հավատարմագրված փորձարկման լաբորատորիան (կենտրոնը) արտադրողի պահեստում կատարում է արտադրանքի նմուշների (փորձանմուշների) նույնականացում և վերցնում:
Թույլատրվում է անդամ պետության հավատարմագրված տեսչական մարմնի կողմից արտադրանքի նմուշները (փորձանմուշները) վերցնելը.
Արտադրանքի նմուշների (փորձանմուշների) նույնականացման և վերցման ձևակերպումն իրականացվում է ակտով (ակտերով):
Արտադրանքի վերցված նմուշների (փորձանմուշների) հետազոտությունները (փորձարկումները) և չափումները կատարվում են հավատարմագրված փորձարկման լաբորատորիայում (կենտրոնում):
Պետական գրանցման նպատակով կատարվող՝ արտադրանքի հետազոտությունների (փորձարկումների) և չափումների արձանագրության գործողության ժամկետը կազմում է 1 տարի:
Հայտատուն ձևավորում է սույն փաստաթղթի 162-րդ կետի «ա» ենթակետով նախատեսված փաստաթղթերի փաթեթը և արտադրանքի պետական գրանցման մասին դիմումի հետ այն ներկայացնում է լիազորված մարմին:
Լիազորված մարմինը քննում է դիմումն ու կից ներկայացվող փաստաթղթերը և գրանցում է արտադրանքի պետական գրանցման մասին դիմումը:
Հայտատուի կողմից ներկայացված փաստաթղթի փորձաքննությունը, այդ թվում՝ արտադրանքի հետազոտությունների (փորձարկումների) և չափումների արդյունքների փորձաքննությունը, կատարվում է լիազորված մարմնի կողմից:
Հայտատուի կողմից ներկայացված փաստաթղթերի փաթեթի փորձաքննության և արտադրանքի անցկացված հետազոտությունների (փորձարկումներ) և չափումների դրական արդյունքների դեպքում լիազորված մարմինը վկայականի տրամադրման մասին որոշում է ընդունում:
Տեխնիկական կանոնակարգի պահանջներին արտադրանքի անհամապատասխանությունը սահմանելու դեպքում լիազորված մարմինը վկայականի տրամադրումը մերժելու մասին որոշում է ընդունում:
Վկայականի տրամադրումը մերժելու մասին որոշումը տրամադրվում է հայտատուին անմիջականորեն կամ ուղարկվում է պատվիրված փոստային առաքմամբ՝ ներդրվածքի մասին վերգրությամբ և հանձնման մասին գրավոր կամ էլեկտրոնային փաստաթղթի տեսքով ծանուցմամբ (պատճառների հիմնավորմամբ)՝ այդ որոշման ընդունման ամսաթվից 3 աշխատանքային օրվա ընթացքում:
Լիազորված մարմինը հայտատուին տրամադրում է վկայականը և նրա մասին տեղեկությունները ներառում է վկայականների միասնական ռեեստրում:
Հայտատուն ապահովում է արտադրանքի մակնշումը շրջանառության միասնական նշանով՝ Հանձնաժողովի կողմից սահմանվող կարգով։
Անհրաժեշտության դեպքում լիազորված մարմինը վկայականների միասնական ռեեստրից քաղվածք է տրամադրում:
Հայտատուն ձեռնարկում է բոլոր անհրաժեշտ միջոցները՝ տեխնիկական կանոնակարգի պահանջներին նրա կողմից մատակարարվող արտադրանքի համապատասխանությունն ապահովելու համար:
165. Պետական գրանցման 2գ սխեման կիրառվում է Միության մաքսային տարածքից դուրս արտադրվող արտադրանքի համար:
2գ սխեմայով պետական գրանցման դեպքում հայտատու է համարվում արտադրողի կողմից լիազորված անձը, վաճառողը (ներմուծողը)։
2գ սխեմայով պետական գրանցման դեպքում կատարվում են սույն կետով նախատեսված ընթացակարգերը:
Հետազոտություններ (փորձարկումներ) և չափումներ կատարելու նպատակով արտադրողը, հայտատուն կամ հայտատուի հանձնարարությամբ (դիմումով) և նրա ներկայությամբ հավատարմագրված փորձարկման լաբորատորիան (կենտրոնը) արտադրողի կամ հայտատուի պահեստում կատարում է արտադրանքի նմուշների (փորձանմուշների) նույնականացումը և վերցնումը:
Թույլատրվում է անդամ պետության տեսչական հավատարմագրված մարմնի կողմից արտադրանքի նմուշներ (փորձանմուշներ) վերցնելը.
Արտադրանքի նմուշների (փորձանմուշների) նույնականացման և վերցման արդյունքները ձևակերպվում են համապատասխան ակտով:
Արտադրանքի վերցված նմուշների (փորձանմուշների) հետազոտությունները (փորձարկումները) և չափումները կատարվում են հավատարմագրված փորձարկման լաբորատորիայում (կենտրոնում):
Պետական գրանցման նպատակով կատարվող՝ արտադրանքի հետազոտությունների (փորձարկումների) և չափումների արձանագրության գործողության ժամկետը կազմում է 1 տարի:
Հայտատուն ձևակերպում է սույն փաստաթղթի 162-րդ կետի «բ» ենթակետով նախատեսված փաստաթղթերի փաթեթը և այն՝ արտադրանքի պետական գրանցման մասին դիմումով ներկայացնում է լիազորված մարմին:
Լիազորված մարմինը քննում է դիմումը և կից ներկայացվող փաստաթղթերն ու գրանցում է արտադրանքի պետական գրանցման մասին դիմումը:
Հայտատուի կողմից ներկայացված փաստաթղթի փորձաքննությունը, այդ թվում՝ արտադրանքի հետազոտությունների (փորձարկումների) և չափումների արդյունքների փորձաքննությունը, կատարվում է լիազորված մարմնի կողմից:
Ներկայացված փաստաթղթերի փաթեթի փորձաքննության և արտադրանքի անցկացված հետազոտությունների (փորձարկումների) և չափումների դրական արդյունքների դեպքում լիազորված մարմինը վկայականի տրամադրման մասին որոշում է ընդունում:
Տեխնիկական կանոնակարգի պահանջներին արտադրանքի անհամապատասխանությունը սահմանելու դեպքում լիազորված մարմինը վկայականի տրամադրումը մերժելու մասին որոշում է ընդունում:
Վկայականի տրամադրումը մերժելու մասին որոշումը տրամադրվում է հայտատուին անմիջականորեն կամ ուղարկվում պատվիրված փոստային առաքմամբ՝ ներդրվածքի մասին վերգրությամբ և հանձնման մասին գրավոր կամ էլեկտրոնային փաստաթղթի տեսքով ծանուցմամբ (պատճառների հիմնավորմամբ)՝ այդ որոշման ընդունման ամսաթվից 3 աշխատանքային օրվա ընթացքում:
Լիազորված մարմինը հայտատուին տրամադրում է վկայականը և նրա մասին տեղեկությունները ներառում է վկայականների միասնական ռեեստրում:
Հայտատուն Հանձնաժողովի կողմից սահմանվող կարգով ապահովում է արտադրանքի մակնշումը շրջանառության միասնական նշանով։
Անհրաժեշտության դեպքում լիազորված մարմինը վկայականների միասնական ռեեստրից քաղվածք է տրամադրում:
Հայտատուն ձեռնարկում է բոլոր անհրաժեշտ միջոցները՝ տեխնիկական կանոնակարգի պահանջներին նրա կողմից առաքվող արտադրանքի համապատասխանությունն ապահովելու համար:
166. Թույլատրվում է վկայականի և (կամ) դրա հավելվածների փոխարինումը առանց լրացուցիչ կամ կրկնակի փորձարկումներ (հետազոտություններ) և չափումներ անցկացնելու՝ հետևյալ դեպքերում՝
վկայականի և (կամ) դրա հավելվածում սխալների (վրիպակների) հայտնաբերում.
արտադրողի կազմակերպաիրավական ձևի, գտնվելու վայրի (իրավաբանական անձի հասցեի) փոփոխություն.
հայտատուի կազմակերպաիրավական ձևի, գտնվելու վայրի (իրավաբանական անձի հասցեի), ինչպես նաև գործունեություն իրականացնելու վայրի հասցեի (հասցեների) փոփոխություն:
Վկայականի և (կամ) դրա հավելվածի փոխարինման դեպքում Միության մաքսային տարածքում արտադրանքի շրջանառությունը նման փոխարինման համար անհրաժեշտ ժամկետով չի կասեցվում։
167. Թույլատրվում է վկայականի և (կամ) դրա հավելվածի փոխարինումը առանց լիազորված մարմնին հետազոտությունների (փորձարկումների) և չափումների լրացուցիչ արձանագրություններ, արտադրանքի վերաբերյալ փորձագիտական եզրակացություններ (եզրակացություններ) ներկայացնելու՝ այն դեպքում, երբ անհրաժեշտ է վկայականը և (կամ) դրա հավելվածը լրացնել արտադրանքի անվտանգության ցուցանիշներին, բնակչության առանձին խմբերի կողմից արտադրանքի որոշակի տեսակների օգտագործման ցուցումների (հակացուցումների) մասին տեղեկատվությանը չվերաբերող տվյալներով և հիգիենիկ նշանակություն չունեցող տվյալներով (օրինակ՝ արտադրանքի լրացուցիչ ձևերի և ծավալների, սպառողական փաթեթվածքի տեսակների, ապրանքային նշանների նշում և այլն):
168. Վկայականի գործողությունը կարող է կասեցվել և (կամ) դադարեցվել հետևյալ դեպքերում`
ա) տեխնիկական կանոնակարգի պահանջներին արտադրանքի անհամապատասխանությունը.
բ) հայտատուի կողմից ներկայացված տեղեկությունների անարժանահավատության վերաբերյալ տեղեկատվության ստացումը.
գ) արտադրանքի ներմուծման և (կամ) արտադրման դադարեցման մասին հայտատուից տեղեկատվության ստացումը։
169. Վկայականի առկայության հաստատումն է՝
ա) վկայականի բնօրինակը կամ դրա պատճենը, որը վավերացված է այն տրամադրած լիազորված մարմնի կամ հայտատուի կողմից.
բ) հայտատուի թվային ստորագրությամբ վավերացված վկայականի էլեկտրոնային ձևը.
գ) վկայականների միասնական ռեեստրից տեղեկությունները.
դ) ապրանքների ձեռքբերումը հաստատող փաստաթղթերում և (կամ) այլ ուղեկցող փաստաթղթերում վկայականի համարի կամ տրամադրման ամսաթվի նշման առկայությունը (վկայականների միասնական ռեեստրում տեղեկությունների առկայությունը).
ե) ապրանքի և (կամ) դրա սպառողական տարայի վրա վկայականի համարի կամ տրամադրման ամսաթվի առկայությունը (վկայականների միասնական ռեեստրում տեղեկությունների առկայության դեպքում):
170. Վկայական տրամադրելու մասին հայտատուի դիմումը քննելիս լիազորված մարմինն առանց կրկնակի հետազոտություններ (փորձարկումներ) և չափումներ անցկացնելու տրամադրում է վկայականն այն դեպքում, երբ հայտատուի կողմից ներկայացվում է Մաքսային միության հանձնաժողովի՝ 2010 թվականի մայիսի 28 թիվ 299 որոշմամբ հաստատված՝ սանիտարահամաճարակաբանական և հիգիենիկ վերահսկողության (հսկողության) ենթակա արտադրանքին (ապրանքներին) ներկայացվող Սանիտարահամաճարակաբանական և հիգիենիկ միասնական պահանջներին համապատասխանությունը հաստատող պետական գրանցման ընթացակարգերի անցկացման շրջանակներում տրամադրված՝ հետազոտությունների (փորձարկումների) և չափումների արձանագրությունները, եթե համապատասխան ցուցանիշները և (կամ) նշված Միասնական պահանջներով սահմանված մակարդակները համընկնում են տեխնիկական կանոնակարգով սահմանված և (կամ) դրանց թույլատրելի մակարդակների հետ: Նշված Միասնական պահանջներին համապատասխանության մասով արտադրանքի հետազոտությունների (փորձարկումների) և չափումների արձանագրության ժամկետը կազմում է 1 տարի:
|
«ՀԱՍՏԱՏՎԱԾ ԵՆ Եվրասիական տնտեսական հանձնաժողովի խորհրդի 2018 թվականի ապրիլի 18-ի թիվ 44 որոշմամբ |
ԺԱՄԱՆԱԿԱՎՈՐ ՄԻՋՈՑՆԵՐ
նոր կորոնավիրուսային վարակի (COVID-19) տարածման հետ կապված ոչ բարենպաստ համաճարակաբանական իրավիճակի պայմաններում սերիական թողարկման արտադրանքի սերտիֆիկացման ժամանակ կիրառվող
1. Սույն փաստաթղթի նպատակներով հեռավար գնահատում ասելով հասկացվում է հեռավորության վրա գնահատում կատարելու մեթոդը, որով ապահովվում է սերտիֆիկացման շրջանակներում գնահատման ընթացակարգերի անցկացումը (որոնցով նախատեսվում են գնահատման օբյեկտի գտնվելու վայր այցելությունը)՝ առանց գնահատման օբյեկտի գտնվելու վայր այցելելու՝ հեռավար փոխգործակցության միջոցների (աուդիո- և տեսակոնֆերանս կապի) օգտագործմամբ:
2. Եվրասիական տնտեսական միության անդամ պետության (այսուհետ համապատասխանաբար՝ Միություն, անդամ պետություն)՝ արտադրանքի այն սերտիֆիկացման մարմին, որը ներառված է Միության համապատասխանության գնահատման մարմինների միասնական ռեեստրում (այսուհետ՝ սերտիֆիկացման մարմին), Միության տեխնիկական կանոնակարգերի (Մաքսային միության տեխնիկական կանոնակարգերի) (այսուհետ՝ տեխնիկական կանոնակարգեր) պահանջներին համապատասխանության համար սերիական թողարկման արտադրանքի սերտիֆիկացման աշխատանքների անցկացման հայտ ստացվելու դեպքում, սերտիֆիկացման մարմնի որոշմամբ նախորդող՝ սերտիֆիկացված արտադրանքի արտադրության վիճակի վերլուծության կամ նշված սերտիֆիկացված արտադրանքի պարբերական գնահատման (տեսչական հսկողության) (այսուհետ՝ պարբերական գնահատում) արդյունքները՝ ներառյալ արտադրության վիճակի վերլուծության արդյունքները, կարող են մասամբ կամ ամբողջությամբ տարածվել այդ արտադրանքի վրա՝ հետևյալ պայմանները պահպանելու դեպքում.
ա) սերտիֆիկացման մարմնում նշված սերտիֆիկացվող արտադրանքի նկատմամբ բացակայում են տեխնիկական կանոնակարգերի պարտադիր պահանջները խախտելու բացահայտված փաստերի մասին տեղեկությունները.
բ) արտադրանքի սերտիֆիկացման աշխատանքներն անցկացվում են սերտիֆիկացման նույն մարմնի կողմից, որն անցկացրել է նախորդող՝ արտադրության վիճակի վերլուծությունը կամ տվյալ սերտիֆիկացված արտադրանքի պարբերական գնահատումը և ձևակերպել է, համապատասխանաբար, արտադրության վիճակի վերլուծության արդյունքների մասին ակտը կամ սերտիֆիկացված արտադրանքի պարբերական գնահատման ակտը.
գ) արտադրանքի սերտիֆիկացման մասով աշխատանքների անցկացման հայտը ներկայացվել է հայտատուի կողմից՝ նախկինում անցկացված՝ արտադրության վիճակի վերլուծության և արտադրության վիճակի վերլուծության արդյունքների մասին ակտը ձևակերպելու կամ սերտիֆիկացված արտադրանքի պարբերական գնահատման և սերտիֆիկացված արտադրանքի պարբերական գնահատման ակտը ձևակերպելու օրվանից մինչև 24 ամիսը լրանալը.
դ) արտադրանքը չունի կամ ունի նախկինում սերտիֆիկացված արտադրանքի համեմատ կառուցվածքի (կազմի) կամ դրա արտադրության տեխնոլոգիայի ոչ զգալի տարբերություններ, որոնք ազդեցություն չեն ունենում տեխնիկական կանոնակարգերի պահանջներին արտադրանքի համապատասխանությունն ապահովելու վրա:
3. Նոր կորոնավիրուսային վարակի (COVID-19) տարածումը կանխելու նպատակով ընդունված սահմանափակումների գործողության ժամանակահատվածում սերտիֆիկացված արտադրանքի պլանային պարբերական գնահատման ժամկետը վրա հասնելու դեպքում դրա անցկացումն իրականացվում է հետազոտությունների (փորձարկումների) և արտադրանքի նմուշների (փորձանմուշների) չափումների միջոցով:
Ընդ որում, սերտիֆիկացման մարմինը կարող է որոշում ընդունել պարբերական գնահատումը մինչև 6 ամիս ժամկետով տեղափոխելու մասին՝ սերտիֆիկացված արտադրանքի արտադրության տեխնոլոգիական գործընթացի ու սերտիֆիկացման մարմնի համապատասխան ընթացակարգի շրջանակներում արտադրանքի տեխնիկական փաստաթղթերն անփոփոխ լինելու մասին արտադրողի գրության առկայության դեպքում:
4. Արտադրության վիճակի՝ նախկինում արված վերլուծությունն ընդունելու և նոր կորոնավիրուսային վարակի (COVID-19) տարածումը կանխելու նպատակով ընդունված սահմանափակումներն առանց խախտելու արտադրանքի պատրաստման (արտադրման) գործունեության իրականացման վայրում արտադրության վիճակի վերլուծության ընթացակարգի շրջանակներում համապատասխան աշխատանքները կազմակերպելու հնարավորության բացակայության դեպքում կամ Միության մաքսային տարածքում առաջին անգամ շրջանառության մեջ դրվող արտադրանքի համապատասխանության նոր սերտիֆիկատ տրամադրելու անհրաժեշտության դեպքում սերտիֆիկացման մարմնի կողմից արտադրության վիճակի վերլուծության անցկացումը՝ ներառյալ արտադրանքի արտադրության պայմանների ստուգումը, հնարավոր է հեռավար գնահատման միջոցով՝ համատեղելով արտադրողի որակի կառավարման համակարգի փաստաթղթային գնահատմամբ, ինչը թույլ է տալիս որոշել Միության մաքսային տարածքում շրջանառության մեջ դրվող արտադրանքի ՝ տեխնիկական կանոնակարգերի պահանջներին մշտական (կայուն) համապատասխանությունն ապահովելու համար արտադրողի մոտ անհրաժեշտ պայմանների առկայությունը:
5. Հեռավար գնահատման միջոցով արտադրության վիճակի վերլուծություն անցկացնելու դեպքում ստուգվում են հետևյալ օբյեկտները՝
սերտիֆիկացվող արտադրատեսակների անվտանգության ցուցանիշների վրա ազդեցություն ունեցող՝ հումքի, նյութերի կամ լրակազմող արտադրատեսակների մուտքային հսկողությունը.
արտադրության ենթակառուցվածքը (արտադրողի տարածքում գտնվող և արտադրության կազմակերպման համար անհրաժեշտ օբյեկտների ամբողջությունը (արտադրական տարածքներ, տրանսպորտ և այլն)).
տեխնոլոգիական գործընթացները, այդ թվում՝ հատուկ (տեխնիկական կանոնակարգում համապատասխան պահանջների առկայության դեպքում).
հսկման, չափման և փորձարկման սարքավորման կառավարումը.
տեխնիկական կանոնակարգով սահմանված պահանջներին արտադրանքի համապատասխանության ապահովման համար անհրաժեշտ չափման միջոցները.
պատրաստի արտադրանքի ընդունման հսկողությունը, որը կապված է այն բնութագրերի հսկողության հետ, որոնց համար տեխնիկական կանոնակարգով սահմանված են պարտադիր պայմանները:
6. Արտադրության վիճակի վերլուծությունն անցկացնելիս այլ օբյեկտների ստուգումը՝ տեխնիկական կանոնակարգերի պահանջներին Միության մաքսային տարածքում շրջանառության մեջ դրվող արտադրանքի մշտական (կայուն) համապատասխանությունն ապահովելու համար անհրաժեշտ պայմաններն արտադրողի մոտ առկա լինելը որոշելու համար, անցկացվում է սերտիֆիկացման մարմնի կողմից՝ արտադրողի տրամադրած փաստաթղթերի վերլուծության միջոցով՝ առանց հեռավար գնահատման օգտագործման:
7. Հեռավար գնահատման միջոցով արտադրության վիճակի վերլուծության անցկացումն իրականացվում է սերտիֆիկացման մարմնի փորձագետի (փորձագետ-աուդիտորի) (փորձագետների (փորձագետ-աուդիտորների)) և արտադրանքի պատրաստման (արտադրման) գործունեության իրականացման վայրում գտնվող արտադրողի ներկայացուցչի՝ ցանցում միաժամանակ ներկայության դեպքում՝ օնլայն ռեժիմում, որի դեպքում արտադրության վիճակի վերլուծության անցկացումը հեռարձակվում է հեռահաղորդակցական ուղիներով իրական ժամանակի ռեժիմում՝ համաժամանակյա հեռուստահաղորդման (տեսահեռարձակման) եղանակով: Ընդ որում՝ սերտիֆիկացման մարմնի կողմից նշվում է արտադրանքի պատրաստման (արտադրման) գործունեության իրականացման վայրի գեոլոկացիան (իրական աշխարհագրական դիրքը)՝ դրա նույնականացման նպատակով, այդ թվում՝ արտադրողի փաստաթղթերում նշված տեղեկություններին համապատասխանության մասով:
Հեռավար գնահատման միջոցով արտադրության վիճակի վերլուծություն անցկացնելու դեպքում պետք է ապահովվի հստակ տեսապատկերի անընդհատ փոխանցումն արտադրության վիճակի վերլուծությունն սկսելու պահից մինչև դրա ավարտը: Տեսակոնֆերանս կապի ընդհատման դեպքում արտադրության վիճակի վերլուծությունը սկսվում է դրա անցկացումն սկսելու պահից:
8. Տեխնիկական կանոնակարգերի պահանջներին արտադրանքի համապատասխանության սերտիֆիկատ ձևակերպելիս, այդ թվում՝ հեռավար գնահատման միջոցով անցկացված արտադրության վիճակի վերլուծության արդյունքների հիման վրա, Եվրասիական տնտեսական հանձնաժողովի կոլեգիայի 2012 թվականի դեկտեմբերի 25-ի թիվ 293 որոշմամբ հաստատված՝ Եվրասիական տնտեսական միության տեխնիկական կանոնակարգի պահանջներին համապատասխանության սերտիֆիկատի միասնական ձևի և դրա ձևակերպման կանոնների 12-րդ դաշտում («Լրացուցիչ տեղեկություններ») կատարվում է գրառում՝ «արտադրության վիճակի վերլուծությունն անցկացվել է հեռավար գնահատման միջոցով»:
Արտադրության վիճակի վերլուծություն անցկացնելիս հեռավար գնահատման միջոցով ստացված ապացուցողական նյութերը պահվում են սերտիֆիկացման մարմնում՝ սերտիֆիկացման մարմնում սահմանված ընթացակարգերի համաձայն, և տրամադրվում են (ըստ պահանջի) տեխնիկական կանոնակարգի պահանջների պահպանման նկատմամբ պետական հսկողություն (վերահսկողություն) իրականացնելու համար պատասխանատու՝ անդամ պետությունների պետական հսկողության (վերահսկողության) մարմիններին, ինչպես նաև անդամ պետությունների օրենսդրությամբ սահմանված դեպքերում՝ այլ շահագրգիռ անձանց:
9. Արտադրանքի սերտիֆիկացում անցկացնելու (այդ թվում՝ նոր) կամ սերտիֆիկացված արտադրանքի պլանային պարբերական գնահատման դեպքում արտադրանքի նույնականացումը և նմուշներ (փորձանմուշներ) վերցնելը կարող են անցկացվել հայտատուի (արտադրողի)՝ արտադրանքի նույնականացման և նմուշներ (փորձանմուշներ) վերցնելու համար իրավասություններ ունեցող ներկայացուցչի կողմից՝ արտադրողի պատրաստի արտադրանքի պահեստում, ժամանակավոր պահպանման պահեստում, մաքսային պահեստում, տրանսպորտային միջոցի տարողության մեջ՝ սերտիֆիկացման մարմնի հսկողության ներքո՝ հեռավար գնահատումն իրականացնելու միջոցով:
Արտադրանքի նմուշներ (փորձանմուշներ) վերցնելու ընթացքում պատրաստի արտադրանքի պահպանման պայմանների համապատասխանությունը սահմանված պահանջներին գնահատվում է սերտիֆիկացման մարմնի կողմից՝ հեռավար գնահատման միջոցով:
10. Հեռավար գնահատման միջոցով արտադրանքի նույնականացումը և նմուշներ (փորձանմուշներ) վերցնելն անցկացվում է սերտիֆիկացման մարմնի փորձագետի (փորձագետ-աուդիտորի) (փորձագետների (փորձագետ-աուդիտորների)) և հայտատուի (արտադրողի) ներկայացուցչի՝ ցանցում միաժամանակ ներկայության դեպքում՝ օնլայն ռեժիմում, որի դեպքում արտադրանքի նույնականացումը և նմուշներ (փորձանմուշներ) վերցնելը (այդ թվում՝ սահմանված պահանջներին պատրաստի արտադրանքի պահպանման պայմանների համապատասխանության ստուգումը) հեռարձակվում է հեռահաղորդակցական ուղիներով իրական ժամանակի ռեժիմում՝ համաժամանակյա հեռուստահաղորդման (տեսահեռարձակման) եղանակով: Ընդ որում՝ սերտիֆիկացման մարմնի կողմից նշվում է արտադրանքի նույնականացման և նմուշներ (փորձանմուշներ) վերցնելու վայրի գեոլոկացիան (իրական աշխարհագրական դիրքը):
Հեռավար գնահատման միջոցով իրականացվող, սերտիֆիկացման մարմնի հսկողության ներքո արտադրանքի նույնականացում անցկացնելու և նմուշներ (փորձանմուշներ) վերցնելու դեպքում պետք է ապահովվի հստակ տեսապատկերի անընդհատ փոխանցումը արտադրանքի նույնականացման և նմուշներ (փորձանմուշներ) վերցնելու պահից սկսած մինչև դրանց ավարտը: Տեսակոնֆերանս կապի ընդհատման դեպքում արտադրանքի նույնականացումը և նմուշներ (փորձանմուշներ) վերցնելն սկսվում է դրանց անցկացումն սկսելու պահից:
11. Արտադրանքի նույնականացում անցկացնելու և նմուշներ (փորձանմուշներ) վերցնելու ժամանակ հեռավար գնահատման միջոցով ստացված ապացուցողական նյութերը պահվում են սերտիֆիկացման մարմնում՝ սերտիֆիկացման մարմնում սահմանված ընթացակարգերի համաձայն, և տրամադրվում են (ըստ պահանջի) տեխնիկական կանոնակարգի պահանջների պահպանման նկատմամբ պետական հսկողություն (վերահսկողություն) իրականացնելու համար պատասխանատու՝ անդամ պետությունների պետական հսկողության (վերահսկողության) մարմիններին, ինչպես նաև անդամ պետությունների օրենսդրությամբ սահմանված դեպքերում՝ այլ շահագրգիռ անձանց:
12. Հեռավար գնահատումը չի կիրառվում, եթե գնահատում անցկացնելու այդ ձևաչափով չի ապահովվում տեխնիկական կանոնակարգերի պահանջներին արտադրանքի համապատասխանության գնահատման օբյեկտիվությունը, այդ թվում՝ սույն փաստաթղթի 7-րդ և 10-րդ կետերով նախատեսված պայմանները չկատարելու դեպքում: Սույն դրույթը նշվում է սերտիֆիկացման մարմնի և հայտատուի միջև կնքվող պայմանագրում:
13. Հեռավար գնահատման միջոցով տեխնիկական կանոնակարգերի պահանջներին սերիական թողարկման արտադրանքի համապատասխանությունը հաստատելու նպատակով գնահատման պարտադիր ընթացակարգերն իրականացնելու անհնարինության դեպքում և արտադրանքի պատրաստման (արտադրման) գործունեության իրականացման վայրում դրա արտադրության վիճակի վերլուծության ընթացակարգերի շրջանակներում աշխատանքները կազմակերպելու, ինչպես նաև առանց նոր կորոնավիրուսային վարակի (COVID-19) տարածումը կանխելու նպատակով ընդունված սահմանափակումները խախտելու արտադրանքը նույնականացնելու և նմուշներ (փորձանմուշներ) վերցնելու հնարավորության բացակայության դեպքում, տեխնիկական կանոնակարգերի պահանջներին համապատասխանության համար սերիական թողարկման արտադրանքի սերտիֆիկացման աշխատանքների կատարման հայտ ստանալիս սերտիֆիկացման մարմնի կողմից կիրառվում են սերտիֆիկացման սխեմաներ՝ արտադրանքի խմբաքանակի համար կամ եզակի արտադրատեսակների համար՝ արտադրանքի խմբաքանակի կամ եզակի արտադրատեսակի համար համապատասխանության սերտիֆիկատի ձևակերպմամբ:
(ժամանակավոր միջոցառումները լրաց. ԵՏՀԽ 23.12.20 թիվ 127)
|
ՀԱՍՏԱՏՎԱԾ Է Եվրասիական տնտեսական հանձնաժողովի խորհրդի 2018 թվականի ապրիլի 18-ի թիվ 44 որոշմամբ |
ԺԱՄԱՆԱԿԱՎՈՐ ԿԱՐԳ
Եվրասիական տնտեսական միության անդամ պետություններում՝ ապրանքների արտաքին էլեկտրոնային առևտրի ոլորտում փորձնական նախագծի (փորձի) անցկացման շրջանակներում Եվրասիական տնտեսական միության (Մաքսային միության)՝ էլեկտրոնային առևտրի ապրանքների նկատմամբ տեխնիկական կանոնակարգերի պահանջների պահպանումը հաստատելու
1. Սույն ժամանակավոր կարգը տարածվում է էլեկտրոնային առևտրի այն ապրանքների նկատմամբ, որոնց ձեռքբերումն իրականացվում է Եվրասիական տնտեսական միության անդամ պետությունների (այսուհետ՝ համապատասխանաբար Միություն, անդամ պետություններ) ֆիզիկական անձանց կողմից այնպիսի գործարք կնքելու միջոցով, որի կողմերից մեկը համարվում է էլեկտրոնային առևտրի օտարերկրյա մասնակից՝ էլեկտրոնային առևտրային հարթակներում՝ «Ինտերնետ» տեղեկատվական-հեռահաղորդակցության ցանցի (այսուհետ՝ «Ինտերնետ» ցանց) միջոցով, որոնք ներառված են էլեկտրոնային առևտրի այն ապրանքների ցանկում, որոնց նկատմամբ կիրառվում է Եվրասիական տնտեսական միության անդամ պետություններում՝ ապրանքների արտաքին էլեկտրոնային առևտրի ոլորտում փորձնական նախագծի (փորձի) անցկացման շրջանակներում Եվրասիական տնտեսական միության (Մաքսային միության) տեխնիկական կանոնակարգերի՝ էլեկտրոնային առևտրի ապրանքների նկատմամբ պահանջների պահպանման մասով ծանուցման կարգը՝ կազմված Եվրասիական տնտեսական հանձնաժողովի խորհրդի 2021 թվականի ապրիլի 5-ի կարգադրության 1-ին կետի «գ» ենթակետին համապատասխան (այսուհետ՝ էլեկտրոնային առևտրի ապրանքներ)։
2. Սույն Ժամանակավոր կարգի նպատակներով օգտագործվում են հասկացություններ, որոնք ունեն հետևյալ իմաստը.
«անվտանգության մասին հայտարարություն»՝ փաստաթուղթ, որով էլեկտրոնային առևտրի օտարերկրյա մարմինը հայտարարում է էլեկտրոնային առևտրի ապրանքների՝ Միության (Մաքսային միության) տեխնիկական կանոնակարգերի պահանջներին համապատասխանության մասին.
«էլեկտրոնային առևտրի օտարերկրյա մասնակից»՝ երրորդ երկրի անձ, որը էլեկտրոնային առևտրի ապրանքների վաճառքի վերաբերյալ հրապարակային առաջարկ է տեղադրել «Ինտերնետ» ցանցի էլեկտրոնային առևտրի հարթակների կայքերում:
3. Էլեկտրոնային առևտրի ապրանքները ներմուծվում են անդամ պետությունների ֆիզիկական անձանց հասցեով՝ պայմանով, որ կիրառվի Միության (Մաքսային միության) տեխնիկական կանոնակարգերի պահանջների պահպանման մասով ծանուցման կարգը, որով նախատեսվում է անվտանգության մասին հայտարարությունների տեղադրում «Ինտերնետ» ցանցի էլեկտրոնային վաճառքի հարթակների կայքերում, որոնք պարունակում են անդամ պետությունների ֆիզիկական անձանց կողմից էլեկտրոնային առևտրի ապրանքների վաճառքի վերաբերյալ հրապարակային առաջարկություն (այսուհետ՝ էլեկտրոնային առևտրի հարթակ)։
Սույն առաջին կետի պարբերության դրույթները չեն տարածվում էլեկտրոնային առևտրի այն ապրանքների վրա, որոնք ձևակերպվում են «Մաքսային պահեստ» մաքսային ընթացակարգով։
Էլեկտրոնային առևտրի ապրանքները ձևակերպվում են «Մաքսային պահեստ» մաքսային ընթացակարգով՝ պայմանով, որ դրանք ենթարկվել են Միության (Մաքսային միության) տեխնիկական կանոնակարգով (տեխնիկական կանոնակարգերով) սահմանված համապատասխանության գնահատման անհրաժեշտ ընթացակարգի։
4. Անվտանգության մասին հայտարարությունը կազմվում է էլեկտրոնային առևտրի օտարերկրյա մասնակցի կողմից էլեկտրոնային եղանակով, Եվրասիական տնտեսական հանձնաժողովի խորհրդի 2018 թվականի ապրիլի 18-ի թիվ 44 որոշմամբ հաստատված ձևով, այնպիսի ապացուցողական նյութերի հիման վրա, որոնք պետք է պարունակեն տեղեկատվություն բոլոր այնպիսի ցուցանիշների (բնութագրերի) վերաբերյալ, որոնցով հավաստվում է էլեկտրոնային առևտրի ապրանքների՝ անվտանգության մասին հայտարարության մեջ նշված՝ Միության (Մաքսային միության) տեխնիկական կանոնակարգերի պահանջներին համապատասխանությունը։
Ապացուցողական նյութերի շարքին, ի թիվս այլնի, դասվում են անցկացված փորձարկումների արդյունքները, հետազոտությունների (փորձարկումների) և չափումների արձանագրությունները, էլեկտրոնային առևտրի ապրանքի՝ Միության (Մաքսային միության) տեխնիկական կանոնակարգի (տեխնիկական կանոնակարգերի) պահանջներին համապատասխանության գնահատման վերաբերյալ փաստաթղթերի պատճենները և այլն։
Ապացուցողական նյութերի ցանկը կարող է սահմանվել անդամ պետությունների օրենսդրությամբ։
5. Անվտանգության մասին հայտարարությունը տեղադրվում է էլեկտրոնային առևտրի հարթակի միջոցով՝ «Ինտերնետ» ցանցի կայքի՝ էլեկտրոնային առևտրի ապրանքի բնութագրերի վերաբերյալ տեղեկատվություն պարունակող բաժնում, որը պարունակում է անդամ պետությունների ֆիզիկական անձանց ուղղված՝ էլեկտրոնային առևտրի ապրանքների վաճառքի վերաբերյալ հրապարակային առաջարկություն։
Անվտանգության մասին հայտարարությունը ձևակերպվում է այն անդամ պետության պետական լեզվով (պետական լեզուներով), որի տարածքում անցկացվում է ապրանքների արտաքին էլեկտրոնային առևտրի ոլորտում փորձնական նախագիծը (փորձը)՝ անդամ պետության օրենսդրության մեջ համապատասխան պահանջների առկայության դեպքում։
Էլեկտրոնային առևտրի հարթակի կայքում անվտանգության մասին հայտարարության բացակայության դեպքում այդ էլեկտրոնային առևտրի հարթակի նկատմամբ կիրառվում են անդամ պետությունների օրենսդրությամբ նախատեսված պատասխանատվության միջոցներ։
6. Էլեկտրոնային առևտրի ապրանքի ներմուծումը և մաքսային հայտարարագրման իրականացումն ապահովվում են Եվրասիական տնտեսական հանձնաժողովի խորհրդի 2021 թվականի ապրիլի 5-ի թիվ 7 կարգադրության 1-ին կետի «բ» ենթակետով սահմանված՝ անդամ պետությունների իրավաբանական անձանց կողմից՝ որպես էլեկտրոնային առևտրի օպերատորներ (այսուհետ՝ էլեկտրոնային առևտրի օպերատորներ)։
Էլեկտրոնային առևտրի օպերատորները էլեկտրոնային առևտրային հարթակներին տեղեկացնում են դրանց կողմից անվտանգության մասին հայտարարության տեղադրման անհրաժեշտության վերաբերյալ՝ սույն Ժամանակավոր կարգի 5-րդ կետին համապատասխան։
7. Էլեկտրոնային առևտրի օպերատորները էլեկտրոնային առևտրի ապրանքի նկատմամբ ապահովում են հետևյալը.
ա) ստուգում՝
անվտանգության մասին հայտարարության առկայության.
անվտանգության մասին հայտարարությանը կից ապացուցողական նյութերի առկայության.
էլեկտրոնային առևտրի ապրանքի՝ մարդկանց կյանքին և առողջությանը վնաս պատճառելու վերաբերյալ տվյալների բացակայության (հասանելի աղբյուրներում, այդ թվում՝ «Ինտերնետ» ցանցում).
բ) Եվրասիական տնտեսական հանձնաժողովի 2021 թվականի ապրիլի 5-ի թիվ 7 կարգադրության 1-ին կետի «դ» ենթակետի երկրորդ պարբերությամբ նախատեսված մաքսային փաստաթղթերում անվտանգության մասին հայտարարության համարի և ամսաթվի վերաբերյալ տվյալների նշում.
գ) անվտանգության մասին հայտարարության առկայության վերաբերյալ տվյալների փոխանցում պետական իշխանության այն մարմիններին, որոնք անդամ պետությունում սահմանվել են որպես անվտանգության մասին հայտարարության առկայության վերաբերյալ մշտադիտարկում անցկացնելու համար պատասխանատու մարմիններ։
8. Անդամ պետությունների կառավարությունների կողմից ապրանքների արտաքին էլեկտրոնային առևտրի ոլորտում փորձնական նախագծի (փորձի) անցկացման շրջանակներում էլեկտրոնային առևտրի ապրանքների նկատմամբ կարող են սահմանվել Եվրասիական տնտեսական միության (Մաքսային միության) տեխնիկական կանոնակարգերի պահանջների պահպանման հաստատման առանձնահատկություններ:
Ապրանքների արտաքին էլեկտրոնային առևտրի ոլորտում փորձնական նախագծի (փորձի) անցկացման շրջանակներում էլեկտրոնային առևտրի ապրանքների նկատմամբ Եվրասիական տնտեսական միության (Մաքսային միության) տեխնիկական կանոնակարգերի պահանջների պահպանման հաստատման առանձնահատկությունների սահմանման դեպքում անդամ պետություններն այդ մասին 30 օրացուցային օրվա ընթացքում տեղեկացնում են Եվրասիական տնտեսական հանձնաժողովին՝ անդամ պետություններին հետագա տեղեկացման համար:»:
5. Լրացնել էլեկտրոնային առևտրի ապրանքի անվտանգության մասին հայտարարության ձև՝ հետևյալ բովանդակությամբ.
|
ՀԱՍՏԱՏՎԱԾ Է Եվրասիական տնտեսական հանձնաժողովի խորհրդի 2018 թվականի ապրիլի 18-ի թիվ 44 որոշմամբ |
ՁԵՎ
էլեկտրոնային առևտրի ապրանքի անվտանգության մասին հայտարարության
ՀԱՅՏԱՐԱՐՈՒԹՅՈՒՆ
էլեկտրոնային առևտրի ապրանքի անվտանգության մասին
թիվ ______________________
(էլեկտրոնային առևտրի
օտարերկրյա մասնակցին
տրված համարը)
| Էլեկտրոնային առևտրի օտարերկրյա մասնակից |
______________________________________ (Էլեկտրոնային առևտրի օտարերկրյա մասնակցի անվանումը (ազգանուն, անուն)) |
|
սույնով հայտարարում է, որ |
______________________________________ (էլեկտրոնային առևտրի ապրանքի անվանումը) |
|
համապատասխանում է պահանջներին |
_________________________________________________________ (Եվրասիական տնտեսական միության (Մաքսային միության) տեխնիկական կանոնակարգի անվանումը) |
|
Անվտանգության մասին հայտարարությունն ընդունվել է |
_________________________________________________ հիման վրա (տեղեկություններ այն ապացուցողական նյութերի վերաբերյալ, որոնց հիման վրա կազմվել է հայտարարությունը) |
|
Ամսաթիվ ___________ |
Կ.Տ. |
(ժամանակավոր կարգը լրաց. ԵՏՀԽ 15.06.22 թիվ 107)
Պաշտոնական հրապարակման օրը՝ 6 դեկտեմբերի 2021 թվական: