Եվրասիական տնտեսական միության մաքսային օրենսգրքի 22-րդ հոդվածի 1-ին կետի առաջին պարբերությանը համապատասխան՝ Եվրասիական տնտեսական հանձնաժողովի կոլեգիան որոշեց.

1. Ինդեֆլյատորը, որը կորպուսից, մխոցից, բռնակից, մխոցի սևեռակից (կոճակից), լուերային հարակցիչով խողովակից կազմված՝ մանոմետրով պլաստիկ ներարկիչի տեսքով ստերիլ բժշկական արտադրատեսակ է՝ նախատեսված անգիոպլաստիկայի անցկացման ժամանակ կառավարման եղանակով բալոնային կաթետրն արտափչելու և ներփչելու կամ ստենտավորման անցկացման ժամանակ ստենտը բացելու համար՝ Արտաքին տնտեսական գործունեության ապրանքային անվանացանկի մեկնաբանման 1-ին և 6-րդ հիմնական կանոններին համապատասխան, դասակարգվում է Եվրասիական տնտեսական միության արտաքին տնտեսական գործունեության միասնական ապրանքային անվանացանկի 9018 90 ապրանքային ենթադիրքում:

2. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո։

Եվրասիական տնտեսական հանձնաժողովի կոլեգիայի նախագահ՝

Մ. Մյասնիկովիչ

Պաշտոնական հրապարակման օրը՝ 4 մայիսի 2023 թվական: