ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

Ո Ր Ո Շ ՈՒ Մ

20 դեկտեմբերի 2022 թվականի

թիվ 200

քաղ. Մոսկվա

«Եվրասիական տնտեսական միության շրջանակներում տեխնիկական կանոնակարգման մասին» արձանագրության («Եվրասիական տնտեսական միության մասին» 2014 թվականի մայիսի 29-ի պայմանագրի թիվ 9 հավելված) 5-րդ կետի տասնմեկերորդ պարբերությանը և Եվրասիական տնտեսական հանձնաժողովի կոլեգիայի 2019 թվականի հունվարի 22-ի թիվ 18 կարգադրությամբ հաստատված՝ Եվրասիական տնտեսական հանձնաժողովի կողմից ընդունված որոշումների փաստացի ազդեցության գնահատման պիլոտային նախագծի իրագործմանն ուղղված միջոցառումների պլանի 3-րդ կետի «ե» ենթակետին համապատասխան՝ Եվրասիական տնտեսական հանձնաժողովի կոլեգիան որոշեց.

1. Եվրասիական տնտեսական հանձնաժողովի կոլեգիայի 2018 թվականի մարտի 20-ի թիվ 41 որոշմամբ հաստատված՝ Եվրասիական տնտեսական միության տեխնիկական կանոնակարգերի պահանջներին արտադրանքի համապատասխանության հայտարարագրերը գրանցելու, դրանց գործողությունը կասեցնելու, վերսկսելու ու դադարեցնելու կարգում կատարել փոփոխություններ՝ հավելվածի համաձայն։

2. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուն պես՝ բացառությամբ փոփոխությունների (սույն որոշման հավելված) 2-րդ և 4-րդ կետերի, որոնք ուժի մեջ են մտնում «Տրված համապատասխանության սերտիֆիկատների և գրանցված համապատասխանության հայտարարագրերի միասնական ռեեստրը ձևավորելու և վարելու կարգում փոփոխություններ կատարելու մասին» Եվրասիական տնտեսական հանձնաժողովի կոլեգիայի որոշումն ուժի մեջ մտնելու օրվանից։

Եվրասիական տնտեսական հանձնաժողովի կոլեգիայի նախագահ՝

Մ. Մյասնիկովիչ

1. 4-րդ կետը «կրիչով փաստաթղթերի տեսքով՝» բառերից հետո լրացնել «անմիջականորեն կամ սուրհանդակային ծառայությամբ (սուրհանդակի կողմից) կամ» բառերով։

2. 5-րդ կետի «ա» ենթակետը հինգերորդ պարբերությունից հետո լրացնել հետևյալ բովանդակությամբ պարբերություններով՝

«արտադրանքի պահպանման պայմաններն ու ժամկետը (տեխնիկական կանոնակարգերով, նորմատիվ փաստաթղթերով, ստանդարտացման փաստաթղթերով և արտադրողի տեխնիկական փաստաթղթերով նախատեսված դեպքերում).

«արտադրանքի ծառայության (վաղեմության) ժամկետը կամ ռեսուրսը (տեխնիկական կանոնակարգերով, նորմատիվ փաստաթղթերով, ստանդարտացման փաստաթղթերով և արտադրողի տեխնիկական փաստաթղթերով նախատեսված դեպքերում).»։

3. 8-րդ կետում՝

ա) «5 աշխատանքային օր» բառերը փոխարինել «3 աշխատանքային օր» բառերով.

բ) լրացնել «, եթե տեխնիկական կանոնակարգով այլ բան սահմանված չէ» բառերով։

4. 15-րդ կետը շարադրել հետևյալ խմբագրությամբ՝

«15. Համապատասխանության հայտարարագրի (դրա հավելվածների) փոխարինումը, առանց արտադրանքի լրացուցիչ կամ կրկնակի հետազոտությունների (փորձարկումների) ու չափումների անցկացման, իրականացվում է՝ Եվրասիական տնտեսական հանձնաժողովի խորհրդի 2018 թվականի ապրիլի 18-ի թիվ 44 որոշմամբ հաստատված՝ համապատասխանության գնահատման տիպային սխեմաների 114-րդ կետով սահմանված դեպքերում։»։

Պաշտոնական հրապարակման օրը՝ 5 մայիսի 2023 թվական: