ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

Ո Ր Ո Շ ՈՒ Մ

17 մայիսի 2022 թվականի

թիվ 79

քաղ. Մոսկվա

ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎԻ ԿՈԼԵԳԻԱՅԻ 2018 ԹՎԱԿԱՆԻ ՀՈԿՏԵՄԲԵՐԻ 16-Ի ԹԻՎ 160 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Եվրասիական տնտեսական միության մաքսային օրենսգրքի 105-րդ հոդվածի 2-րդ կետին համապատասխան՝ Եվրասիական տնտեսական հանձնաժողովի կոլեգիան որոշեց.

1. Եվրասիական տնտեսական հանձնաժողովի կոլեգիայի 2018 թվականի հոկտեմբերի 16-ի «Մաքսային արժեքի հայտարարագրի լրացման դեպքերի, մաքսային արժեքի հայտարարագրի ձևերը և մաքսային արժեքի հայտարարագրի լրացման կարգը հաստատելու մասին» թիվ 160 որոշման մեջ կատարել փոփոխություններ՝ համաձայն հավելվածի։

2. Սույն որոշումն ուժի մեջ է մտնում 2023 թվականի ապրիլի 1-ից:

Եվրասիական տնտեսական հանձնաժողովի կոլեգիայի նախագահ՝

Մ. Մյասնիկովիչ

ՀԱՎԵԼՎԱԾ Եվրասիական տնտեսական հանձնաժողովի կոլեգիայի 2022 թվականի մայիսի 17-ի թիվ 79 որոշման

ՓՈՓՈԽՈՒԹՅՈՒՆՆԵՐ

Եվրասիական տնտեսական հանձնաժողովի կոլեգիայի 2018 թվականի հոկտեմբերի 16-ի թիվ 160 որոշման մեջ կատարվող

1. 1-ին կետի երրորդ պարբերությունը շարադրել հետևյալ խմբագրությամբ՝

«եթե ապրանքների մասով վճարվում են մաքսատուրքեր, հարկեր և առկա են այնպիսի պայմանագրային հարաբերություններ (լիցենզիոն (ենթալիցենզիոն) համաձայնագրեր), որոնցով նախատեսվում է իրավատիրոջ կողմից մտավոր սեփականության օբյեկտների օգտագործման իրավունքների տրամադրում.»։

2. Սույն որոշմամբ հաստատված՝ մաքսային արժեքի հայտարարագրի ՄԱՀ-1 ձևում 9-րդ վանդակը շարադրել հետևյալ խմբագրությամբ՝

«

9 ա) Արդյո՞ք առկա են ՊԱՅՄԱՆԱԳՐԱՅԻՆ ՀԱՐԱԲԵՐՈՒԹՅՈՒՆՆԵՐ (լիցենզիոն պայմանագիր (համաձայնագիր), ենթալիցենզիոն պայմանագիր (համաձայնագիր), առևտրային կոնցեսիայի (ֆրանչայզինգի) պայմանագիր, առևտրային ենթակոնցեսիայի (ենթաֆրանչայզինգի) պայմանագիր կամ այլ պայմանագիր (համաձայնագիր)), որոնցով նախատեսվում է ներմուծվող ապրանքների նկատմամբ իրավատիրոջ կողմից ՄՏԱՎՈՐ ՍԵՓԱԿԱՆՈՒԹՅԱՆ օբյեկտների օգտագործման իրավունքների տրամադրում։ □ ԱՅՈ □ ՈՉ բ) Արդյո՞ք նախատեսված են ԼԻՑԵՆԶԻՈՆ և նմանատիպ այլ ՎՃԱՐՈՒՄՆԵՐ ՄՏԱՎՈՐ ՍԵՓԱԿԱՆՈՒԹՅԱՆ այն օբյեկտների օգտագործման համար, որոնք դասվում են ներմուծվող ապրանքների շարքին և որոնք ուղղակիորեն կամ անուղղակիորեն կատարել է կամ պետք է կատարի գնորդը՝ որպես Եվրասիական տնտեսական միության մաքսային տարածք արտահանելու համար ներմուծվող ապրանքների վաճառքի պայման։ □ ԱՅՈ □ ՈՉ գ) Արդյո՞ք վաճառքը կախված է այն պայմանի կատարումից, որին համապատասխան՝ ներմուծվող ապրանքների ՀԵՏԱԳԱ ՎԱՃԱՌՔԻ, այլ եղանակով դրանք ՏՆՕՐԻՆԵԼՈՒ կամ ՕԳՏԱԳՈՐԾԵԼՈՒ արդյունքում ստացված ԵԿԱՄՏԻ (ՀԱՍՈՒՅԹԻ) ՄԻ ՄԱՍՆ ուղղակիորեն կամ անուղղակիորեն հատկացվում է վաճառողին: «բ» և (կամ) «գ» բաժինների հարցերին «ԱՅՈ» պատասխան տալու դեպքում 15-րդ և 16-րդ վանդակներում նշվում են համապատասխան մեծությունները □ ԱՅՈ □ ՈՉ

»

3. Սույն որոշմամբ հաստատված՝ մաքսային արժեքի հայտարարագիր լրացնելու կարգում.

ա) 16-րդ կետի 2-րդ պարբերության մեջ «9-րդ վանդակի «ա» և (կամ) «բ» բաժիններում» բառերը փոխարինել «9-րդ վանդակի «ա» և (կամ) «գ» բաժիններում» բառերով.

բ) 19-րդ կետում՝

երկրորդ պարբերության մեջ ««ա» և «բ» բաժիններում» բառերը փոխարինել ««ա»-«գ» բաժիններում» բառերով.

երրորդ պարբերության մեջ ««ա» և (կամ) «բ» բաժիններում» բառերը փոխարինել ««ա» և (կամ) «գ» բաժիններում» բառերով.

գ) 27-րդ կետում՝

Երկրորդ պարբերության երկրորդ նախադասության մեջ «Լրացուցիչ տեղեկություններ» բառերը փոխարինել «Լրացուցիչ տվյալներ» բառերով.

Երրորդ պարբերության երկրորդ նախադասության մեջ «Լրացուցիչ տեղեկություններ» բառերը փոխարինել «Լրացուցիչ տվյալներ» բառերով.

դ) 39-րդ կետի առաջին պարբերության մեջ «տեղեկություններ» բառը փոխարինել «տվյալներ» բառով.

ե) 54-րդ կետի առաջին պարբերության մեջ «տեղեկություններ» բառը փոխարինել «տվյալներ» բառով:

Պաշտոնական հրապարակման օրը՝ 4 մայիսի 2023 թվական: