ԵՎՐԱՍԻԱԿԱՆ ՏՆՏԵՍԱԿԱՆ ԲԱՐՁՐԱԳՈՒՅՆ ԽՈՐՀՈՒՐԴ

Ո Ր Ո Շ ՈՒ Մ

27 մայիսի 2022 թվականի

թիվ 8

քաղ. Բիշքեկ

«Եվրասիական տնտեսական միության մասին» 2014 թվականի մայիսի 29-ի պայմանագրի 7-րդ հոդվածի 2-րդ կետի երկրորդ պարբերությանը և «Երրորդ պետությունների, միջազգային կազմակերպությունների կամ միջազգային ինտեգրացիոն միավորումների հետ Եվրասիական տնտեսական միության միջազգային պայմանագրերի մասին» 2018 թվականի մայիսի 14-ի համաձայնագրի 11-րդ հոդվածին համապատասխան՝ Եվրասիական տնտեսական բարձրագույն խորհուրդը որոշեց.

1. Եվրասիական տնտեսական միության ու դրա անդամ պետությունների՝ մի կողմից, և Իրանի Իսլամական Հանրապետության՝ մյուս կողմից, միջև ազատ առևտրի գոտու ձևավորմանն ուղղված՝ 2018 թվականի մայիսի 17-ի ժամանակավոր համաձայնագրի՝ 2022 թվականի մարտի 14-ին ստորագրված արձանագրությունը (այսուհետ՝ Արձանագրություն) ճանաչել պարտադիր Եվրասիական տնտեսական միության համար՝ այն ուժի մեջ մտնելու օրվանից:

2. Եվրասիական տնտեսական հանձնաժողովին՝ սույն որոշման 1–ին կետն ուժի մեջ մտնելու օրվանից հետո 10 օրացուցային օրվանից ոչ ուշ Իրանի Իսլամական Հանրապետության հասցեով ուղարկել Արձանագրության 2-րդ հոդվածով նախատեսված ծանուցումը:

3. Եվրասիական տնտեսական միության անդամ պետությունների կառավարություններին՝ ձեռնարկել ներպետական ընթացակարգերի շուտափույթ ավարտին ուղղված այնպիսի սպառիչ միջոցներ, որոնք անհրաժեշտ են, որպեսզի Արձանագրությունն ուժի մեջ մտնի 2022 թվականի սեպտեմբերից ոչ ուշ։

4. Սույն որոշումն ուժի մեջ է մտնում դրա պաշտոնական հրապարակման օրվանից՝ բացառությամբ սույն որոշման 1-ին կետի։

Սույն որոշման 1–ին կետն ուժի մեջ է մտնում Արձանագրությունն ուժի մեջ մտնելու համար անհրաժեշտ ներպետական ընթացակարգերը Եվրասիական տնտեսական միության անդամ պետությունների կողմից ավարտվելու մասին վերջին գրավոր ծանուցումը Եվրասիական տնտեսական հանձնաժողովի կողմից դիվանագիտական ուղիներով ստանալու օրվանից։

Պաշտոնական հրապարակման օրը՝ 4 մայիսի 2023 թվական: