ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

Ո Ր Ո Շ ՈՒ Մ

9 օգոստոսի 2022 թվականի

թիվ 112

քաղ. Մոսկվա

Եվրասիական տնտեսական միության մաքսային օրենսգրքի 105-րդ հոդվածի 5-րդ կետին և 240-րդ հոդվածի 1-ին կետի 3-րդ ենթակետին համապատասխան՝ Եվրասիական տնտեսական հանձնաժողովի կոլեգիան որոշեց.

1. Սահմանել, որ Եվրասիական տնտեսական միության մաքսային տարածքով փոխադրման (տրանսպորտային փոխադրման) համար «մաքսային տարանցում» մաքսային ընթացակարգով չեն ձևակերպվում «վերաարտահանում» մաքսային ընթացակարգով ձևակերպված հետևյալ ապրանքները.

ա) Եվրասիական տնտեսական միության մաքսային տարածքում վերամշակման գործողությունների արդյունքում ստացված (գոյացած) ապրանքներ (վերամշակման արդյունքներ, թափոններ և մնացորդներ) (բացառությամբ այն ապրանքների, որոնք ենթաակցիզային են՝ Եվրասիական տնտեսական միության այն անդամ պետության օրենսդրությանը համապատասխան, որտեղ այդ ապրանքները ձևակերպված են «վերաարտահանում» մաքսային ընթացակարգով).

բ) բազմաշրջանառու (վերադարձվող) տարա, որը նախատեսված է ապրանքների փաթեթավորման և պաշտպանության համար։

2. Մաքսային միության հանձնաժողովի 2010 թվականի մայիսի 20-ի թիվ 257 որոշմամբ հաստատված՝ ապրանքների հայտարարագրի լրացման կարգի 18-րդ կետում կատարել փոփոխություններ՝ համաձայն հավելվածի։

3. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո։

Եվրասիական տնտեսական հանձնաժողովի կոլեգիայի նախագահի ժ/պ՝

Վ. Նազարենկո

ՀԱՎԵԼՎԱԾ Եվրասիական տնտեսական հանձնաժողովի կոլեգիայի 2022 թվականի օգոստոսի 9-ի թիվ 112 որոշման

1. 9-րդ ենթակետում՝

ա) քսանմեկերորդ պարբերությունը (աղյուսակից հետո) լրացնել «՝ բացառությամբ սույն ենթակետի քսաներկուերորդից քսանչորսերորդ պարբերություններով (աղյուսակից հետո) նախատեսված դեպքի» բառերով.

բ) քսանմեկերորդ պարբերությունից հետո (աղյուսակից հետո) լրացնել հետևյալ բովանդակությամբ պարբերություններ.

«Վանդակում նշվում են տեղեկություններ՝ տրանսպորտային միջոցների մասին, սույն ենթակետի երրորդից քսաներորդ պարբերություններին (աղյուսակից հետո) համապատասխան՝ հետևյալ ապրանքները, որոնք մաքսային տարածքով փոխադրման (տրանսպորտային փոխադրման) համար «մաքսային տարանցում» մաքսային ընթացակարգով չեն ձևակերպվում, «վերաարտահանում» մաքսային ընթացակարգով ձևակերպվելու դեպքում՝

վերամշակման գործողությունների արդյունքում ստացված (գոյացած) ապրանքներ (վերամշակման արդյունքներ, թափոններ և մնացորդներ).

բազմաշրջանառու (վերադարձվող) տարա, որը նախատեսված է ապրանքների փաթեթավորման և պաշտպանության համար։»։

2. 11-րդ ենթակետում՝

ա) տասնյոթերորդ պարբերությունը (աղյուսակից հետո) լրացնել «՝բացառությամբ սույն ենթակետի տասնութերորդից քսաներորդ պարբերություններով (աղյուսակից հետո) նախատեսված դեպքի» բառերով.

բ) տասնյոթերորդ պարբերությունից հետո (աղյուսակից հետո) լրացնել հետևյալ բովանդակությամբ պարբերություններ.

«Վանդակում նշվում են տեղեկություններ՝ տրանսպորտային միջոցների մասին, սույն ենթակետի երկրորդից տասնհինգերորդ պարբերություններին (աղյուսակից հետո) համապատասխան՝ հետևյալ ապրանքները, որոնք մաքսային տարածքով փոխադրման (տրանսպորտային փոխադրման) համար «մաքսային տարանցում» մաքսային ընթացակարգով չեն ձևակերպվում, «վերաարտահանում» մաքսային ընթացակարգով ձևակերպվելու դեպքում՝

վերամշակման գործողությունների արդյունքում ստացված (գոյացած) ապրանքներ (վերամշակման արդյունքներ, թափոններ և մնացորդներ).

բազմաշրջանառու (վերադարձվող) տարա, որը նախատեսված է ապրանքների փաթեթավորման և պաշտպանության համար։»։

Պաշտոնական հրապարակման օրը՝ 5 մայիսի 2023 թվական: