ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

Ո Ր Ո Շ ՈՒ Մ

20 սեպտեմբերի 2022 թվականի

թիվ 130

քաղ. Մոսկվա

ՄԱՆՐԷԱԶԵՐԾՄԱՆ ՏՈՒՓԸ (ԲԻՔՍԸ) ԵՎՐԱՍԻԱԿԱՆ ՏՆՏԵՍԱԿԱՆ ՄԻՈՒԹՅԱՆ ԱՐՏԱՔԻՆ ՏՆՏԵՍԱԿԱՆ ԳՈՐԾՈՒՆԵՈՒԹՅԱՆ ՄԻԱՍՆԱԿԱՆ ԱՊՐԱՆՔԱՅԻՆ ԱՆՎԱՆԱՑԱՆԿԻՆ ՀԱՄԱՊԱՏԱՍԽԱՆ ԴԱՍԱԿԱՐԳԵԼՈՒ ՄԱՍԻՆ

Եվրասիական տնտեսական միության մաքսային օրենսգրքի 22-րդ հոդվածի 1-ին կետի առաջին պարբերությանը համապատասխան՝ Եվրասիական տնտեսական հանձնաժողովի կոլեգիան որոշեց.

1. Մանրէազերծման տուփը (բիքսը), որը կոռոզիակայուն պողպատից պատրաստված արտադրատեսակ է, ունի անցքեր, որոնք ապահովում են ներսում տեղադրված առարկաների ջերմաստիճանային մշակման ընթացքում գոլորշու հեռացում, որի կառուցվածքում չկան կրկնակի հատակ ու պատեր, ինչպես նաև ջեռուցման տարր է՝ նախատեսված բժշկական նշանակության տարբեր առարկաներ տեղադրելու համար՝ գոլորշու մանրէազերծիչներում դրանց հետագա մանրէազերծման, օգտագործման վայր տեղափոխելու և ստերիլության պահպանման ժամկետի ընթացքում պահեստավորման համար, Արտաքին տնտեսական գործունեության ապրանքային անվանացանկի մեկնաբանման 1-ին հիմնական կանոնին համապատասխան դասակարգվում է Եվրասիական տնտեսական միության արտաքին տնտեսական գործունեության միասնական ապրանքային անվանացանկի 7326 ապրանքային դիրքում։

2. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո։

Եվրասիական տնտեսական հանձնաժողովի կոլեգիայի նախագահ՝

Մ. Մյասնիկովիչ

Պաշտոնական հրապարակման օրը՝ 5 մայիսի 2023 թվական: