ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

17 դեկտեմբերի 2012 թվականի

թիվ 116

քաղ. Մոսկվա

«Եվրասիական տնտեսական հանձնաժողովի մասին» 2011 թվականի նոյեմբերի 18-ի պայմանագրի 3-րդ հոդվածին համապատասխան՝ Եվրասիական տնտեսական հանձնաժողովի խորհուրդը որոշեց.

1. Մաքսային միության հանձնաժողովի 2011 թվականի օգոստոսի 16-ի թիվ 769 որոշմամբ հաստատված՝ «Փաթեթվածքի անվտանգության մասին» Մաքսային միության տեխնիկական կանոնակարգում (ՄՄ ՏԿ 005/2011) կատարել փոփոխություններ՝ հավելվածի համաձայն։

2. Սույն Որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո։

Բելառուսի Հանրապետությունից	Ղազախստանի Հանրապետությունից	Ռուսաստանի Դաշնությունից
Ս. Ռումաս	Կ. Կելիմբետով	Ի. Շուվալով

ՀԱՎԵԼՎԱԾ Եվրասիական տնտեսական հանձնաժողովի խորհրդի 2012 թվականի դեկտեմբերի 17-ի թիվ 116 որոշման

1. 1-ին հոդվածում՝

ա) 1-ին կետը «խցանափակման միջոցներ» բառերից հետո լրացնել «5-րդ հավելվածին համապատասխան» բառերով.

բ) 2-րդ կետում «6-րդ հոդվածի 1-ին, 2-րդ կետերի,» բառերը փոխարինել «6-րդ հոդվածի 1-ին և 2-րդ կետերի՝ օգտագործված փաթեթածքի (խցանափակման միջոցների) ուտիլիզացման հնարավորության մասին տեղեկությունների մասով՝ նշելով այն նյութի թվային նշագրումը և (կամ) տառային նշագրումը (հապավումը), որից պատրաստվում է փաթեթվածքը (խցանափակման միջոցները), և» բառերով։

2. Նշված տեխնիկական կանոնակարգի 1-ին հավելվածում՝

ա) 1-ին աղյուսակում՝

5-րդ և 7-րդ սյունակների անվանումները շարադրել հետևյալ խմբագրությամբ՝

«Վտանգավորության դասը».

1-ին բաժնի անվանումը շարադրել հետևյալ խմբագրությամբ՝

«1. Պոլիմերային նյութեր և դրանց հիմքով պլաստիկ զանգվածներ****».

ծանոթագրությունը շարադրել հետևյալ խմբագրությամբ՝

«Ծանոթագրություններ.

1. Վնասակար նյութերի միգրացիան փաթեթվածքից (խցանափակման միջոցներից)` ներառյալ մանկական սննդի համար նախատեսված փաթեթվածքը (խցանափակման միջոցները)՝ համակցված նյութերից պատրաստված, ուսումնասիրվում է միայն սննդամթերքի հետ անմիջապես շփվող շերտից։

2. Վաղ տարիքի երեխաների մանկական սննդի փաթեթավորման համար նախատեսված նյութերը և արտադրատեսակները գնահատելիս վտանգավորության 1-ին և 2-րդ դասերին վերաբերող քիմիական նյութերի միգրացիան չի թույլատրվում։

3. Մոդելային միջավայրերում վնասակար նյութերի միգրացիայի հետազոտություններն իրականացվում են այն փաթեթվածքի համար, որը նախատեսված է 15 %-ից ավելի խոնավություն ունեցող արտադրանքի պահպանման համար, իսկ օդային մոդելային միջավայրում՝ 15 %-ից պակաս խոնավություն ունեցող արտադրանքի համար։». տողատակի չորրորդ ծանոթագրությունը շարադրել հետևյալ խմբագրությամբ՝

«**** Պոլիմերային նյութերից և դրանց հիմքով պլաստիկ զանգվածներից արտադրված փաթեթվածքի և խցանափակման միջոցների համար լրացուցիչ որոշվում է թթվային թվի փոփոխությունը՝ 0,1 մգ ԿՈՆ/գ-ից ոչ ավելի։».

հինգերորդ և վեցերորդ տողատակի ծանոթագրությունները հանել.

բ) 3-րդ աղյուսակի 5-րդ սյունակի անվանման մեջ «*» նշանով տողատակի ծանոթագրությունը հանել։

3. Լրացնել հետևյալ բովանդակությամբ 5-րդ հավելվածով՝.

«Հավելված 5 (Եվրասիական տնտեսական հանձնաժողովի խորհրդի 2012 թվականի դեկտեմբերի 17-ի թիվ 116 որոշման խմբագրությամբ)

1. Փաթեթվածք մետաղական՝ սննդային և օծանելիքակոսմետիկական արտադրանքի, արդյունաբերական և կենցաղային նշանակության արտադրանքի համար (ալյումինե նրբաթիթեղ*, բանկաներ, տակառներ, տափաշշեր, տակառիկներ (կեգեր), կանիստրներ, պարկուճներ, գլանանոթներ, թմբուկներ)՝ բացի գործածության մեջ եղած այդպիսի փաթեթվածքից։

2. Փաթեթվածք պոլիմերային՝ սննդային, գյուղատնտեսական և օծանելիքակոսմետիկական արտադրանքի, արդյունաբերական և կենցաղային նշանակության արտադրանքի համար՝ ներառյալ թեթև արդյունաբերության արտադրանքը և խաղալիքները (թաղանթներ, ժապավեններ*, արկղեր, տակառներ, թմբուկներ, կանիստրներ, տափաշշեր, բանկաներ, պարկուճներ, շշեր, սրվակներ, տոպրակներ, պարկեր, բեռնարկղեր, վաճառարկղեր (լոտոկներ), տուփեր, փոքրիկ բաժակներ, գրչատուփեր)՝ բացի գործածության մեջ եղած այդպիսի փաթեթվածքից։

3. Փաթեթվածք թղթե և ստվարաթղթե՝ սննդային, գյուղատնտեսական և օծանելիքակոսմետիկական արտադրանքի, արդյունաբերական և կենցաղային նշանակության արտադրանքի համար՝ ներառյալ թեթև արդյունաբերության արտադրանքը և խաղալիքները (տուփեր, փոքրալիքներ, բանկաներ, պարկեր, տոպրակներ, վաճառարկղեր (լոտոկներ), արկղեր, այդ թվում՝ փաթեթվածք մագաղաթից, պերգամինից, անյուղանցիկ թղթից, փաթաթելու թղթից, մագաղաթաթղթից, ավտոմատներով փաթեթավորելու համար նախատեսված թղթից)։

4. Փաթեթվածք ապակյա՝ սննդային և օծանելիքակոսմետիկական արտադրանքի, կենցաղային քիմիայի ապրանքների, լաքաներկային նյութերի համար (շշեր, բանկաներ, սրվակներ, սրվակիկներ, գլանանոթներ)։

5. Փաթեթվածք համակցված նյութերից՝ սննդային և օծանելիքակոսմետիկական արտադրանքի, արդյունաբերական և կենցաղային նշանակության արտադրանքի համար (կոռեքսներ, փոքրեքսներն, պարկեր, տոպրակներ, սրվակներ, բանկաներ, փաթեթավորման և պիտակավորման նյութեր, բեռնարկղեր, վաճառարկղեր (լոտոկներ), պարկուճներ, փոքրիկ բաժակներ, տուփեր)։

6. Փաթեթվածք փայտյա՝ սննդային և գյուղատնտեսական արտադրանքի համար (արկղեր, տակառներ, տուփեր, տակառիկներ, թմբուկներ, լայնաբերան մեծ տակառներ (կադկաներ))՝ բացի գործածության մեջ եղած այդպիսի փաթեթվածքից։

7. Փաթեթվածք մանածագործական նյութերից՝ սննդային և ոչ պարենային արտադրանքի համար (պարկեր, տոպրակներ, բեռնարկղեր)՝ բացի գործածության մեջ եղած այդպիսի փաթեթվածքից։

8. Փաթեթվածք կերամիկական՝ սննդային և օծանելիքակոսմետիկական արտադրանքի համար (շշեր, բանկաներ, տակառներ, տակառիկներ)։

9. Մետաղական խցանափակման միջոցներ՝ սննդային և օծանելիքակոսմետիկական արտադրանքը խցանափակելու համար (խցաններ, կափարիչներ, թասակներ (ներառյալ թագակերպ թասակները, պտուտակավոր թասակները և տարլցման հարմարանքով թասակները) կրոնեն-խցաններ, կափարիչներ-ձևվածքներ, մյուզլե, պահանգներ)։

10. Կեղևային խցանափակման միջոցներ՝ սննդային և օծանելիքակոսմետիկական արտադրանքի խցանափակման համար (խցաններ, ամրացնող միջադիրներ, խցափակիչներ):

11. Պոլիմերային խցանափակման միջոցներ՝ սննդային և օծանելիքակոսմետիկական արտադրանքի, կենցաղային քիմիայի ապրանքների և լաքաներկային նյութերի համար (խցաններ, թասակներ, կափարիչներ, բաժնավորիչ-սահմանափակիչներ, անջատիչներ, խցանիչ միջադիրներ, կափույրներ)։

12. Համակցված խցանափակման միջոցներ՝ սննդային և օծանելիքակոսմետիկական արտադրանքի խցանափակման համար (խցաններ, խցան-կափարիչներ, թասակներ, կափարիչներ, խցանիչ միջադիրներ)։

13. Ստվարաթղթից խցանափակման միջոցներ՝ սննդային արտադրանքի խցանափակման համար (կափարիչներ, ձևվածքներ, խցանիչ միջադիրներ)։

__________________________

* Նախատեսված են մանրածախ առևտրում իրացնելու համար։»։

Պաշտոնական հրապարակման օրը՝ 2 մայիսի 2023 թվական: