ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

26 հունվարի 2023 թվականի N 117-Ն

Հիմք ընդունելով «Նորմատիվ իրավական ակտերի մասին» Հայաստանի Հանրապետության օրենքի 33-րդ և 34-րդ հոդվածների պահանջները՝ Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2017 թվականի սեպտեմբերի 28-ի «Շարժական գույքի կադաստր վարող մարմինների կողմից՝ հարկման օբյեկտ համարվող փոխադրամիջոցների, դրանց սեփականատերերի կամ լիզինգառուների, ինչպես նաև փոխադրամիջոցների գրանցման (հաշվառման) տվյալների և դրանց փոփոխությունների վերաբերյալ տեղական ինքնակառավարման մարմիններ տեղեկություններ ներկայացնելու կարգը սահմանելու մասին» N 1210-Ն որոշման (այսուհետ՝ որոշում) հավելվածում կատարել հետևյալ փոփոխություններն ու լրացումը.

1) որոշման հավելվածի 4-րդ կետի 2-րդ ենթակետում «Հայաստանի Հանրապետության տրանսպորտի, կապի և տեղեկատվական տեխնոլոգիաների նախարարության աշխատակազմի Հայաստանի Հանրապետության տրանսպորտային տեսչության համապատասխան կառուցվածքային ստորաբաժանումները և (կամ) տարածքային մարմինները» բառերը փոխարինել «Հայաստանի Հանրապետության տարածքային կառավարման և ենթակառուցվածքների նախարարությունը» բառերով․

2) որոշման հավելվածի 4-րդ կետի 3-րդ ենթակետում «Հայաստանի Հանրապետության տրանսպորտի, կապի և տեղեկատվական տեխնոլոգիաների նախարարությունը» բառերը փոխարինել «Հայաստանի Հանրապետության տարածքային կառավարման և ենթակառուցվածքների նախարարությունը» բառերով.

3) որոշման հավելվածի NN 3 և 4 ձևերում «ՀՀ տրանսպորտի, կապի և տեղեկատվական տեխնոլոգիաների նախարարության աշխատակազմի ՀՀ տրանսպորտային տեսչության _________________ կառուցվածքային ստորաբաժանման կամ __________________ տարածքային մարմնի ղեկավար» բառերը փոխարինել «Հայաստանի Հանրապետության տարածքային կառավարման և ենթակառուցվածքների նախարարության կառուցվածքային ստորաբաժանման ղեկավար» բառերով․

4) որոշման հավելվածի N 5 ձևում «Հայաստանի Հանրապետության տրանսպորտի, կապի և տեղեկատվական տեխնոլոգիաների նախարարության աշխատակազմի» բառերը փոխարինել «Հայաստանի Հանրապետության տարածքային կառավարման և ենթակառուցվածքների նախարարության» բառերով, իսկ 1-ին և 3-րդ կետերում «նստատեղ ունեցող» բառերից հետո լրացնել «(ներառյալ վարորդի նստատեղը)» բառերը․

5) որոշման հավելվածի NN 1 և 2 ձևերը շարադրել նոր խմբագրությամբ՝ համաձայն հավելվածի:

2. Սահմանել, որ սույն որոշման հավելվածով հաստատվող NN 1 և 2 ձևերով նախատեսված՝ տրանսպորտային միջոցի սեփականության գրանցման կամ սեփականության դադարեցման հիմք հանդիսացող գործարքի տեսակի վերաբերյալ տեղեկությունը հասանելի է լինելու սույն որոշումն ուժի մեջ մտնելուց հետո փաստացի ծագող իրավահարաբերությունների դեպքում։

3․ Սույն որոշումն ուժի մեջ է մտնում պաշտոնական հրապարակման օրվան հաջորդող երեսուներորդ օրը:

Հայաստանի Հանրապետության վարչապետ	Ն. Փաշինյան
Երևան

26.01.2023 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Հավելված ՀՀ կառավարության 2023 թվականի հունվարի 26-ի N 117-Ն որոշման

«Ձև N 1

20___ թվականի հուլիսի 1-ի դրությամբ ՀՀ ___________________ մարզի ____________________ համայնքում (Երևան քաղաքում` _________________ վարչական շրջանում) հաշվառված (գրանցված) և գույքահարկ վճարողներին սեփականության կամ լիզինգի իրավունքով պատկանող ավտոմոբիլային տրանսպորտի միջոցների և մոտոցիկլետների վերաբերյալ

Ճանապարհային ոստիկանության _________________ տարածքային ստորաբաժանման ղեկավար		Կ.Տ.______________________ (անունը, ազգանունը)
	_________________ (ստորագրությունը)

____ ____________ 20__ թ.

1. Մինչև 10 նստատեղ ունեցող (ներառյալ վարորդի նստատեղը) մարդատար ավտոմեքենաների համար 16-րդ սյունակում լրացվում է 1 թիվը։

2. Մոտոցիկլետների համար 16-րդ սյունակում լրացվում է 2 թիվը։

3. 10 և ավելի նստատեղ ունեցող մարդատար ավտոմեքենաների համար 16-րդ սյունակում լրացվում է 3 թիվը։

4. Բեռնատար, բեռնաուղևորատար ավտոմեքենաների համար 16-րդ սյունակում լրացվում է 4 թիվը:

Ձև N 2

Տ Ե Ղ Ե Կ ՈՒ Թ Յ ՈՒ Ն Ն Ե Ր

20 __ թվականի ____________ ամսվա ընթացքում ՀՀ _________________մարզի ___________________ համայնքում (Երևան քաղաքում` ______________ վարչական շրջանում) հաշվառված (գրանցված) ավտոմոբիլային տրանսպորտի միջոցների և մոտոցիկլետների սեփականատերերի կամ լիզինգառուների փոփոխման կամ լիզինգով տրամադրման վերաբերյալ

Ճանապարհային ոստիկանության ________________ տարածքային ստորաբաժանման ղեկավար

_________________ (ստորագրությունը)

Կ.Տ.______________________ (անունը, ազգանունը)

____ ____________ 20__ թ.

1. Մինչև 10 նստատեղ ունեցող (ներառյալ վարորդի նստատեղը) մարդատար ավտոմեքենաների համար 25-րդ սյունակում լրացվում է 1 թիվը։

2. Մոտոցիկլետների համար 25-րդ սյունակում լրացվում է 2 թիվը։

3. 10 և ավելի նստատեղ ունեցող (ներառյալ վարորդի նստատեղը) մարդատար ավտոմեքենաների համար 25-րդ սյունակում լրացվում է 3 թիվը։

4. Բեռնատար, բեռնաուղևորատար ավտոմեքենաների համար 25-րդ սյունակում լրացվում է 4 թիվը։»։

Հայաստանի Հանրապետության վարչապետի աշխատակազմի ղեկավար

Ա. Հարությունյան

26.01.2023 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Պաշտոնական հրապարակման օրը՝ 26 հունվարի 2023 թվական: