ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
Ո Ր Ո Շ ՈՒ Մ
N 81-Ա
ՏԵՂԵԿԱՏՎԱԿԱՆ ՀԱՄԱԿԱՐԳԵՐԻ ԿԱՌԱՎԱՐՄԱՆ ԽՈՐՀՈՒՐԴ ՍՏԵՂԾԵԼՈՒ ԵՎ ԴՐԱ ԿԱԶՄԸ ՀԱՍՏԱՏԵԼՈՒ ՄԱՍԻՆ
Ղեկավարվելով «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 16-րդ մասով և «Նորմատիվ իրավական ակտերի մասին» Հայաստանի Հանրապետության օրենքի 37-րդ հոդվածով՝
1. Հայաստանի Հանրապետության թվային վերափոխման, թվային (էլեկտրոնային) հասարակության և տնտեսության ձևավորման ուղղությամբ իրականացվող բարեփոխումների և ծրագրերի, ինչպես նաև ոլորտում միջազգային գործընկերների հետ համագործակցության ու մասնավոր հատվածի հետ երկխոսության համակարգման նպատակով ստեղծել Տեղեկատվական համակարգերի կառավարման խորհուրդ (այսուհետ՝ կառավարման խորհուրդ, անգլերեն՝ Information Systems Management Board) և հաստատել դրա կազմը` համաձայն N 1 հավելվածի:
2. Կառավարման խորհրդի նախագահն ի պաշտոնե Հայաստանի Հանրապետության թվայնացման բարեփոխումների ոլորտը համակարգող փոխվարչապետն է:
3. Առաջարկել Հայաստանի Հանրապետության կենտրոնական բանկի նախագահին՝ առաջադրել կառավարման խորհրդի քարտուղարի թեկնածու, որը նշանակվում է կառավարման խորհրդի քարտուղար կառավարման խորհրդի նախագահի կողմից:
4. Ուժը կորցրած ճանաչել Հայաստանի Հանրապետության վարչապետի 2019 թվականի օգոստոսի 1-ի «Թվայնացման խորհուրդ ստեղծելու, դրա կազմը և աշխատակարգը հաստատելու մասին» N 1026-Ա որոշումը:
|
Հայաստանի Հանրապետության |
Ն. ՓԱՇԻՆՅԱՆ |
|
Երևան |
|
21.01.2022 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ |
|
Հավելված ՀՀ վարչապետի N 81-Ա որոշման |
ԿԱԶՄ
ՏԵՂԵԿԱՏՎԱԿԱՆ ՀԱՄԱԿԱՐԳԵՐԻ ԿԱՌԱՎԱՐՄԱՆ ԽՈՐՀՐԴԻ
ՀՀ թվայնացման բարեփոխումները համակարգող փոխվարչապետ՝ որպես երկրի գլխավոր տեղեկատվական համակարգող (անգլերեն՝ Chief Information Officer, CIO, կառավարման խորհրդի նախագահ)
ՀՀ վարչապետի աշխատակազմի ղեկավարի տեղակալ (համապատասխան ոլորտը համակարգող)
ՀՀ բարձր տեխնոլոգիական արդյունաբերության նախարար
ՀՀ էկոնոմիկայի նախարար
ՀՀ արդարադատության նախարար
ՀՀ ֆինանսների նախարար
ՀՀ պետական եկամուտների կոմիտեի նախագահ
ՀՀ կենտրոնական բանկի նախագահ (համաձայնությամբ)
(հավելվածը լրաց. 11.01.23 N 14-Ա)
|
Հայաստանի Հանրապետության վարչապետի աշխատակազմի ղեկավար |
Ա. Հարությունյան |
|
21.01.2022 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ |