ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
29 դեկտեմբերի 2022 թվականի N 2075-Ա
ԳԵՐԱԿԱ ՈԼՈՐՏՈՒՄ ԻՐԱԿԱՆԱՑՎՈՂ ՆԵՐԴՐՈՒՄԱՅԻՆ ԾՐԱԳՐԻ ՇՐՋԱՆԱԿՆԵՐՈՒՄ ՆԵՐՄՈՒԾՎՈՂ ՏԵԽՆՈԼՈԳԻԱԿԱՆ ՍԱՐՔԱՎՈՐՈՒՄՆԵՐԻ, ԴՐԱՆՑ ԲԱՂԿԱՑՈՒՑԻՉ ՈՒ ՀԱՄԱԼՐՈՂ ՄԱՍԵՐԻ, ՀՈՒՄՔԻ ԵՎ (ԿԱՄ) ՆՅՈՒԹԵՐԻ ՆԿԱՏՄԱՄԲ ՍԱԿԱԳՆԱՅԻՆ, ՄԱՍՆԱՎՈՐԱՊԵՍ, ՆԵՐՄՈՒԾՄԱՆ ՄԱՔՍԱՏՈՒՐՔԻՑ ԱԶԱՏԵԼՈՒ ԱՐՏՈՆՈՒԹՅՈՒՆԻՑ ՕԳՏՎԵԼՈՒ ՀԱՄԱՐ «ՍՈԼԱՐԱ» ՍԱՀՄԱՆԱՓԱԿ ՊԱՏԱՍԽԱՆԱՏՎՈՒԹՅԱՄԲ ԸՆԿԵՐՈՒԹՅԱՆ ԿՈՂՄԻՑ ՆԵՐԿԱՅԱՑՎԱԾ ՀԱՅՏԸ ԲԱՎԱՐԱՐԵԼՈՒ ԵՎ «ՍՈԼԱՐԱ» ՍԱՀՄԱՆԱՓԱԿ ՊԱՏԱՍԽԱՆԱՏՎՈՒԹՅԱՄԲ ԸՆԿԵՐՈՒԹՅԱՆ, «ԱԿԲԱ ԼԻԶԻՆԳ» ՎԿ ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ՆԿԱՏՄԱՄԲ ԱՐՏՈՆՈՒԹՅՈՒՆԸ ԿԻՐԱՌԵԼՈՒ ՄԱՍԻՆ
Ղեկավարվելով Հայաստանի Հանրապետության կառավարության 2015 թվականի սեպտեմբերի 17-ի N 1118-Ն որոշման (այսուհետ՝ որոշում) պահանջներով` Հայաստանի Հանրապետության կառավարությունը որոշում է.
1. Բավարարել «ՍՈԼԱՐԱ» սահմանափակ պատասխանատվությամբ ընկերության կողմից ներկայացված հայտը գերակա ոլորտում իրականացվող ներդրումային ծրագրի շրջանակներում ներմուծվող տեխնոլոգիական սարքավորումների, դրանց բաղկացուցիչ ու համալրող մասերի, հումքի և (կամ) նյութերի նկատմամբ սակագնային, մասնավորապես, ներմուծման մաքսատուրքից ազատելու արտոնությունից օգտվելու համար և սահմանված կարգով կիրառել համապատասխան արտոնությունը` համաձայն հավելվածի ներմուծվող տեխնոլոգիական սարքավորումների, դրանց բաղկացուցիչ ու համալրող մասերի, հումքի և (կամ) նյութերի նկատմամբ:
2. Սույն որոշման առաջին կետով սահմանված ծրագրի շրջանակներում ներմուծվող և հավելվածով սահմանված ցանկում ներկայացված լիզինգով ձեռք բերվող ապրանքի (ցանկի 2-րդ կետի) ներմուծման ժամանակ մաքսատուրքից ազատման արտոնություն տրամադրվում է լիզինգի թիվ 2211 256 պայմանագրով սահմանված «Ակբա Լիզինգ» ՎԿ փակ բաժնետիրական ընկերությանը (այսուհետ՝ լիզինգատու կազմակերպություն)՝ պայմանով, որ ապրանքը ներմուծելուց հետո այն հանձնվելու է «ՍՈԼԱՐԱ» սահմանափակ պատասխանատվությամբ ընկերությանը ներդրումային ծրագրի իրականացման համար։
3. Ներդրումային ծրագրի իրականացման ընթացքում լիզինգի պայմանագիրը լուծվելու դեպքում լիզինգատու կազմակերպությունը ներմուծված ապրանքը կարող է օտարել այլ անձանց՝ արտոնությամբ տրամադրված մաքսատուրքերը վճարելուց հետո:
4. Սահմանել, որ՝
1) ներդրումային ծրագրի շրջանակներում ներմուծված ապրանքների, այդ թվում՝ լիզինգատու կազմակերպության կողմից սույն ծրագրի շրջանակներում արտոնությամբ ներմուծված և «ՍՈԼԱՐԱ» սահմանափակ պատասխանատվությամբ ընկերությանը հանձնված ապրանքների նկատմամբ կիրառվում են Եվրասիական տնտեսական միության մաքսային օրենսգրքով և որոշմամբ սահմանված սահմանափակումները.
2) սույն որոշման հավելվածում նշված են ներմուծվող տեխնոլոգիական սարքավորումների, դրանց բաղկացուցիչ ու համալրող մասերի, հումքի և (կամ) նյութերի նախնական արժեքները.
3) ներդրումային ծրագրի շրջանակներում տեխնոլոգիական սարքավորումների, դրանց բաղկացուցիչ ու համալրող մասերի, հումքի և (կամ) նյութերի ներմուծումն իրականացվելու է 2022 թվականի նոյեմբերի 26-ից մինչև 2026 թվականի նոյեմբերի 25-ը ներառյալ.
4) ծրագրի իրականացման ժամկետ է սահմանվում սույն որոշումն ուժի մեջ մտնելուց հետո 4 տարի։
|
Հայաստանի Հանրապետության վարչապետ |
Ն. ՓաշինՅԱՆ |
|
Երևան |
|
29.12.2022 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ |
|
Հավելված ՀՀ կառավարության 2022 թվականի դեկտեմբերի 29-ի N 2075-Ա որոշման |
Ց Ա Ն Կ
ԳԵՐԱԿԱ ՈԼՈՐՏՈՒՄ ԻՐԱԿԱՆԱՑՎՈՂ ՆԵՐԴՐՈՒՄԱՅԻՆ ԾՐԱԳՐԻ ՇՐՋԱՆԱԿՆԵՐՈՒՄ ՆԵՐՄՈՒԾՎՈՂ ՏԵԽՆՈԼՈԳԻԱԿԱՆ ՍԱՐՔԱՎՈՐՈՒՄՆԵՐԻ, ԴՐԱՆՑ ԲԱՂԿԱՑՈՒՑԻՉ ՈՒ ՀԱՄԱԼՐՈՂ ՄԱՍԵՐԻ, ՀՈՒՄՔԻ ԵՎ (ԿԱՄ) ՆՅՈՒԹԵՐԻ
|
NN ը/կ |
ԱՏԳ ԱԱ-ի ծածկագիրը |
Անվա-նումը |
Տեխնիկական բնութագիրը |
Չափի միա-վորը |
Քա-նակը |
Ծագման երկիրը |
Արտա-հանման երկիրը |
Արժեքը (դրամ) |
Այլ տեղե-կություն-ներ |
|
ՏԵԽՆՈԼՈԳԻԱԿԱՆ ՍԱՐՔԱՎՈՐՈՒՄՆԵՐ, ԴՐԱՆՑ ԲԱՂԿԱՑՈՒՑԻՉ ՈՒ ՀԱՄԱԼՐՈՂ ՄԱՍԵՐ | |||||||||
|
1. |
9406903908 |
Հավա-քովի շենք |
Ներմուծվելու է չհավաքված շենք։ Այն իրենից ներկայացնում է մեկ հարկանի արդյունաբերական շինություն։ Շենքն ունի 18,3 մ լայնություն, 42 մ երկարություն և 6,70 մ բարձրություն կողքերից, 7,75 մ բարձրություն մեջտեղից։ Շենքի հիմնակմախքը մետաղական շրջանակային տարածական համակարգ է, որի հեծաններն ու սյուները փոփոխական կտրվածքով երկտավրեր են, որոնք միմյանց ամրացվում են հեղույսմանեկային միացումներով։ Շենքի հիմնակմախքը երկաթբետոնե ժապավենային հիմքերին միացվում է խարսխային անկերներով, որոնք նախապես մոնտաժվում են միաձույլ երկաթբետոնե ժապավենային հիմքերում բետոնացման ժամանակ։ Շենքի արտաքին պատերը և տանիքը «Սենդվիչ» պանելներից են, որոնք ամրանում են մետաղական կապերին պտուտակներով։ Շենքի մաս են կազմում շենքի դռները, դարպասները, շենքի հավաքմանն անհրաժեշտ բոլոր դետալները՝ հեղույս, մանեկ, տափoղակ, խարսխային անկեր և այլն։ |
կգ |
27 000 |
Արաբական Միացյալ Էմիրու-թյուններ |
Արաբական Միացյալ Էմիրու-թյուններ |
18 538 000 |
|
|
2. |
8705100091 |
Ավտոամ-բարձիչ |
Նոր սերնդի ամբարձիչ գերժամանակակից արտաքին տեսքով և աշխատանքային լավ փորձով: Ամբարձիչի կառուցվածքը հնարավորություն է տալիս ապահովել ավելի երկար և հզոր ծանրաբեռնվածություն։ Ավտոամբարձիչի գաբարիտային չափերը 12600*2500*3450 մմ է։ Ամբարձիչի սլաքի երկարությունը 10,2 մ է, որն առավելագույնը բացվում է մինչև 40 մ։ Ինչքան քիչ է բացված ամբարձիչի սլաքը, այնքան ավելի ծանր բեռ կարող է այն բարձրացնել։ Առավելագույն ծանրությունը բարձրացնում է 3,0 աշխատանքային ռադիուսի դեպքում 25000 կգ, որի դեպքում ամբարձիչի սլաքի երկարությունը 10,2 մ է։ 40+8 մ-ի տակ այն կարող է բարձրացնել 650 կգ, որի դեպքում աշխատանքային ռադիուսը կազմում է 30։ 40 մ-ը ցույց է տալիս ամբարձիչի սլաքի առավելագույն երկարությունը, իսկ 8 մ-ը՝ ամբարձիչի լրացուցիչ երկարացման սլաքի երկարությունը։ |
կգ/ հատ |
30 470/1 |
Չինաստան |
Չինաստան |
56 850 000 |
«լիզինգ» թիվ 2211 256 |
|
3. |
8462900018 |
Արտա-ձգման պրես |
Էքստրուզիոն պրեսը թեթև մետաղական պատյանների ուղղակի արտամղմամբ պրոֆիլներ ձևավորելու համար նախատեսված սարքավորում է, ինչպիսիք են ձողերը, խողովակները և տարբեր ձևերի պրոֆիլների այլ տեսակներ: Այս ալյումինե արտամղման պրեսն օգտագործում է հորիզոնական երեք ճառագայթով չորս սյունակ նախալարված կառուցվածքի համար: Մամուլը կարճ հարվածով առջևի բեռնված ձուլակտորով և առաջ էքստրուզիայի ռեժիմով է: Ուղղակի արտամղման աշխատանքը կատարվում է պոմպի միջոցով: Այս մեքենան ունի լավ մեխանիկական, էլեկտրական, հիդրավլիկ բաղադրիչներ, համակարգեր և այլ համապատասխան մեխանիկական օգնական սարքավորումներ: Սարքավորումն ունի թվային կառավարում: Այս կառավարման համակարգերը թույլ են տալիս ճշգրիտ վերահսկել արագությունը, դիրքը և ճնշումը: |
կգ/ հատ |
150 000/1 |
Չինաստան |
Չինաստան |
233 901 200 |
|
|
Ընդամենը |
309 289 200 |
||||||||
|
Հայաստանի Հանրապետության |
Ա. Հարությունյան |
|
29.12.2022 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ |
| Փոփոխող ակտ | Համապատասխան ինկորպորացիան | |
|---|---|---|
| 12.12.2024, N 1933-Ա | 13.12.2024, N 2075-Ա | |
| 14.09.2023, N 1573-Ա | 15.09.2023, N 2075-Ա |
| Փոփոխող ակտ | Համապատասխան ինկորպորացիան |
|---|