ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

N 1434-Ա

ԱՐԹՈՒՐ ՇԱՏՎՈՐՅԱՆԻՆ ՌՈՒՍԱՍՏԱՆԻ ԴԱՇՆՈՒԹՅՈՒՆ ԳՈՐԾՈՒՂԵԼՈՒ ՄԱՍԻՆ

Ղեկավարվելով «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 5-րդ մասով՝

1. Սննդամթերքի անվտանգության տեսչական մարմնի ղեկավարի տեղակալ Արթուր Շատվորյանին 2022 թվականի դեկտեմբերի 4-9-ը ներառյալ գործուղել Ռուսաստանի Դաշնություն (Մոսկվա)` 2022 թվականի դեկտեմբերի 5-ին Եվրասիական տնտեսական հանձնաժողովի կողմից կազմակերպվող Եվրասիական տնտեսական միության անդամ պետությունների բնակչության սանիտարահամաճարակային բարեկեցության ոլորտի լիազոր մարմինների ղեկավարների հետ բարձր մակարդակի հանդիպմանը, դեկտեմբերի 5-6-ը կայանալիք հակամանրէային դիմադրողականության թեմայով երկօրյա հանդիպմանը (ՄԱԿ-ի գրասենյակում), դեկտեմբերի 7-8-ը Սպառողների իրավունքների պաշտպանության և մարդու բարեկեցության վերահսկողության դաշնային ծառայության կողմից անցկացվող «Սննդամթերքի անվտանգությունը և համատեղ ջանքերը հակամանրէային դեղամիջոցների կայունության նվազեցման համար» միջազգային համաժողովին մասնակցելու նպատակով:

2. Ընդունել ի գիտություն, որ Արթուր Շատվորյանի` Ռուսաստանի Դաշնություն (Մոսկվա) գործուղման հետ կապված ծախսերը կատարվելու են հրավիրող կողմի միջոցների հաշվին:

3. Սննդամթերքի անվտանգության տեսչական մարմնի ղեկավարին՝ ապահովել գործուղումից վերադառնալուց հետո եռօրյա ժամկետում Ռուսաստանի Դաշնություն գործուղման արդյունքների մասին հաշվետվությունը Հայաստանի Հանրապետության վարչապետի աշխատակազմ ներկայացնելը:

Հայաստանի Հանրապետության վարչապետ	Ն. Փաշինյան
Երևան

02.12.2022 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ