Եվրասիական տնտեսական միության մաքսային օրենսգրքի 22-րդ հոդվածի 1-ին կետի առաջին պարբերությանը համապատասխան՝ Եվրասիական տնտեսական հանձնաժողովի կոլեգիան որոշեց․

1. Կրծկալների մետաղական հենքերը, որոնք ուղղանկյուն, ձվաձև կամ կլոր հատմամբ, ջերմամշակված բարակ պողպատե մետաղալարից պատրաստված՝ հակաքայքայիչ պատվածքով, ծայրերին պոլիմերային նյութից հաստացումներով կիսաշրջանաձև արտադրատեսակներ են, տեղադրվում են կրծկալի թասիկների ներքևի մասում և այդ արտադրատեսակներում ձևագոյացնող գործառույթ են կատարում՝ Արտաքին տնտեսական գործունեության ապրանքային անվանացանկի մեկնաբանման 1-ին հիմնական կանոնին համապատասխան, դասակարգվում են Եվրասիական տնտեսական միության արտաքին տնտեսական գործունեության միասնական ապրանքային անվանացանկի 7326 ապրանքային դիրքում։

2. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո։

Եվրասիական տնտեսական հանձնաժողովի կոլեգիայի նախագահ`

Տ. Սարգսյան

Պաշտոնական հրապարակման օրը՝ 22 հունիսի 2022 թվական: