ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

Ո Ր Ո Շ ՈՒ Մ

24 դեկտեմբերի 2019 թվականի

թիվ 225

քաղ. Մոսկվա

Եվրասիական տնտեսական միության մաքսային օրենսգրքի 105-րդ հոդվածի 5-րդ կետին համապատասխան՝ Եվրասիական տնտեսական հանձնաժողովի կոլեգիան որոշեց.

1. Եվրասիական տնտեսական հանձնաժողովի կոլեգիայի 2018 թվականի օգոստոսի 28-ի «Ապրանքների հայտարարագրի օգտագործմամբ՝ փոխադրողի կողմից որպես էքսպրես-բեռ առաքվող ապրանքների մաքսային հայտարարագրման մասին» թիվ 142 որոշման մեջ կատարել փոփոխություններ՝ համաձայն հավելվածի։

2. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո՝ բացառությամբ սույն որոշման հավելվածով նախատեսված փոփոխությունների 2-րդ կետի «ե» ենթակետի երկրորդ և երրորդ պարբերությունների, «է» ենթակետի երկրորդ և երրորդ պարբերությունների, որոնք ուժի մեջ են մտնում 2020 թվականի հոկտեմբերի 1-ից։

Եվրասիական տնտեսական հանձնաժողովի կոլեգիայի նախագահ`

Տ. Սարգսյան

1. 2-րդ կետում՝

ա) «ա» ենթակետի երրորդ պարբերությունը «անհատական բեռնագրով փոխադրվող» բառերից հետո լրացնել «և «ներքին սպառման համար բացթողում» կամ «արտահանում» մաքսային ընթացակարգով, կամ «վերաարտահանում» կամ «վերաներմուծում» մաքսային ընթացակարգով ձևակերպվող (եթե նախկինում ապրանքները մաքսային ընթացակարգերով ձևակերպվել են ԷԲԱՀ-ի ներկայացմամբ)» բառերով.

բ) «բ» ենթակետի յոթերորդ պարբերությունը փոխարինել հետևյալ բովանդակությամբ պարբերություններով՝

«ներմուծվող ենթաակցիզային ապրանքները (բացառությամբ հետազոտություններ և փորձարկումներ անցկացնելու համար որպես փորձանմուշներ և նմուշներ ներմուծվող ապրանքների՝ պայմանով, որ առկա է լինելու սերտիֆիկացման գծով հավատարմագրված մարմնի (հավատարմագրված փորձարկման լաբորատորիայի (կենտրոնի)) հետ պայմանագրի կամ հավատարմագրված նման մարմնի (հավատարմագրված փորձարկման լաբորատորիայի (կենտրոնի)) նամակի պատճենները, որոնք հաստատում են ներմուծվող (ներմուծված) ապրանքների՝ այդ նպատակների համար անհրաժեշտ քանակը (քաշը և ծավալը)).

ներմուծվող ենթաակցիզային ապրանքները (Բելառուսի Հանրապետության համար).

այն ապրանքները, որոնց նկատմամբ կիրառվում են մաքսատուրքերի, հարկերի վճարման մասով արտոնությունները, սակագնային քվոտաները, սակագնային առանձնաշնորհումները, և այն ապրանքները, որոնց նկատմամբ սահմանված են հատուկ պաշտպանական, հակագնագցման, փոխհատուցման միջոցներ և (կամ) ներքին շուկայի պաշտպանության այլ միջոցներ.»։

2. Նշված որոշմամբ հաստատված՝ էքսպրես-բեռների համար ապրանքների հայտարարագրի լրացման կարգի մեջ՝

ա) 2-րդ կետը շարադրել հետևյալ խմբագրությամբ՝

«2. Չի թույլատրվում մեկ ԷԲԱՀ-ում միասին նշել հետևյալ տեղեկությունները՝

այն ներմուծվող ապրանքների մասին, որոնց ընդհանուր մաքսային արժեքը մեկ անհատական բեռնագրով չի գերազանցում 200 եվրոյին համարժեք գումարը, և այն ներմուծվող ապարանքների մասին, որոնց ընդհանուր մաքսային արժեքը մեկ անհատական բեռնագրով գերազանցում է 200 եվրոյին համարժեք գումարը, սակայն չի գերազանցում 1000 եվրոյին համարժեք գումարը.

փաստաթղթերի մասին (փաստաթղթեր ասելով հասկացվում են այն էքսպրես-բեռները, որոնք առևտրային արժեք չունեցող փաստաթղթեր և թղթակցություններ են, որոնց փոխադրումը չի ուղեկցվում առևտրային փաստաթղթերի կազմմամբ) և ապրանքների այլ կատեգորիաների մասին.

կենսաբանական նմուշների և ապրանքների այլ կատեգորիաների մասին։».

բ) 13-րդ կետի առաջին պարբերությունը «բնակության վայրի» բառերից հետո լրացնել «կամ ապրանքների առաքման (ուղարկման) հասցեի» բառերով.

գ) 16-րդ կետի առաջին պարբերությունում «, ստացողի (ընդհանուր բեռնագրով) և մաքսային ներկայացուցչի» բառերը փոխարինել «և ստացողի (ընդհանուր բեռնագրով)» բառերով.

դ) լրացնել հետևյալ բովանդակությամբ 161-րդ կետ՝

«161. Անհատական ուղարկողի և անհատական ստացողի մասին տեղեկությունները էլեկտրոնային փաստաթղթի տեսքով ԷԲԱՀ-ում նշվում են ԷԲԱՀ-ի կառուցվածքի համապատասխան վավերապայմաններում, իսկ թղթային կրիչով փաստաթղթի տեսքով ԷԲԱՀ-ում՝ ԷԲԱՀ-ի համապատասխան վանդակների առանձին տողերով և ներառում են հետևյալը՝

ա) անդամ պետության օրենսդրությանը համապատասխան ստեղծված իրավաբանական անձի (կազմակերպության) համար՝

կրճատ (կրճատված) կամ լրիվ անվանումը.

հարկային համարը (սույն կարգի 15-րդ կետին համապատասխան).

բ) օտարերկրյա կազմակերպության համար՝

կրճատ (կրճատված) կամ լրիվ անվանումը.

ապրանքների գտնվելու վայրը կամ առաքման (ուղարկման) հասցեն (սույն կարգի 13-րդ կետին համապատասխան).

գ) իրավաբանական անձ չհանդիսացող և անդամ պետության օրենսդրությանը համապատասխան ստեղծված իրավաբանական անձի (կազմակերպության) անունից հանդես եկող առանձնացված ստորաբաժանման համար՝

այն իրավաբանական անձի (կազմակերպության) կրճատ (կրճատված) անվանումը, որի առանձնացված ստորաբաժանումն է այն.

առանձնացված ստորաբաժանման կրճատ (կրճատված) կամ լրիվ անվանումը (առկայության դեպքում).

առանձնացված ստորաբաժանման գտնվելու վայրը կամ ապրանքների առաքման (ուղարկման) հասցեն (սույն կարգի 13-րդ կետին համապատասխան).

առանձնացված ստորաբաժանման հարկային համարը (սույն կարգի 15-րդ կետին համապատասխան).

այն իրավաբանական անձի (կազմակերպության) հարկային համարը, որի առանձնացված ստորաբաժանումն է այն (սույն կարգի 15-րդ կետին համապատասխան).

դ) անդամ պետության օրենսդրությանը համապատասխան գրանցված անհատ ձեռնարկատիրոջ համար՝

ֆիզիկական անձի ազգանունը, անունը, հայրանունը (առկայության դեպքում).

բնակության վայրը և ապրանքների առաքման (ուղարկման) հասցեն (սույն կարգի 13-րդ կետին համապատասխան).

հարկային համարը (սույն կարգի 15-րդ կետին համապատասխան).

ե) Միության մաքսային տարածքից ապրանքներն արտահանելիս ապրանքներ ստացող օտարերկրյա ֆիզիկական անձի համար՝ ֆիզիկական անձի ազգանունը, անունը, հայրանունը (առկայության դեպքում). անձը հաստատող փաստաթղթի մասին տեղեկությունները (առկայության դեպքում) (սույն կարգի 14-րդ կետին համապատասխան).

ֆիզիկական անձի բնակության վայրը կամ անհատական բեռնագրի համաձայն՝ ապրանքների առաքման հասցեն (սույն կարգի 13-րդ կետին համապատասխան)։».

ե) 23-րդ կետում՝

չորրորդ պարբերությունը շարադրել հետևյալ խմբագրությամբ՝

«Վանդակում նշվում են փաստաթղթի ծածկագիրը՝ փաստաթղթերի և տեղեկությունների տեսակների դասակարգչին համապատասխան, ու ապրանքների ժամանակավոր պահպանման հանձնումը հաստատող փաստաթղթի համարն այն դեպքում, երբ մինչև ԷԲԱՀ-ը ներկայացնելն ապրանքները ժամանակավոր պահպանման են հանձնվել (Բելառուսի Հանրապետության, Ղրղզստանի Հանրապետության և Ռուսաստանի Դաշնության համար)։».

լրացնել հետևյալ բովանդակությամբ պարբերություններ՝

«Վանդակը չի լրացվում ՝

նախնական մաքսային հայտարարագրման դեպքում, եթե ԷԲԱՀ-ը ներկայացվելու է մինչև Միության մաքսային տարածք ապրանքները ներմուծելը.

«արտահանում» մաքսային ընթացակարգով ապրանքների ձևակերպման դեպքում։».

զ) 26-րդ կետի չորրորդ պարբերությունում՝

«16» թիվը փոխարինել «161» թվով.

լրացնել հետևյալ բովանդակությամբ նախադասություն՝

«Փաստաթղթերը տեղափոխելիս 4-րդ և 5-րդ սյունակներում (ԷԲԱՀ-ի կառուցվածքի համապատասխան վավերապայմաններում) հարկային համարի մասին տեղեկությունները չեն նշվում։».

է) 27-րդ կետում՝

երկրորդ պարբերությունը շարադրել հետևյալ խմբագրությամբ՝

«6-րդ սյունակում (ԷԲԱՀ-ի կառուցվածքի համապատասխան վավերապայմանում) նշվում են ապրանքի հերթական համարը՝ ըստ ԷԲԱՀ-ի, և «/» բաժանարար նշանով՝ ապրանքի հերթական համարը՝ ըստ անհատական բեռնագրի։».

հինգից յոթերորդ պարբերությունները «Բելառուսի Հանրապետության» բառերից հետո լրացնել «և Ռուսաստանի Դաշնության» բառերով.

տասներկուերորդ պարբերության մեջ՝ առաջին նախադասությունից հետո, ավելացնել հետևյալ բովանդակությամբ նախադասություն՝

««Ներքին սպառման համար բացթողում» մաքսային ընթացակարգով ձևակերպված ապրանքների նկատմամբ մաքսային արժեքը նշվում է՝ հաշվի առնելով Օրենսգրքի 136-րդ հոդվածի 2-րդ կետը։».

ը) 30-րդ կետի առաջին պարբերությունը շարադրել հետևյալ խմբագրությամբ՝

«30. Անհատական բեռնագրով տեղափոխվող ապրանքների՝ անդամ պետության արժույթով ընդհանուր մաքսային արժեքի և ընդհանուր համաքաշի մասին տեղեկություններն էլեկտրոնային փաստաթղթի տեսքով ԷԲԱՀ-ում նշվում են ԷԲԱՀ-ի կառուցվածքի համապատասխան վավերապայմաններում, իսկ թղթային կրիչով փաստաթղթի տեսքով ԷԲԱՀ-ում՝ ԷԲԱՀ-ի համապատասխան վանդակների առանձին տողերում։».

թ) 32-րդ կետում՝

իններորդ պարբերությունում երկրորդ նախադասությունը շարադրել հետևյալ խմբագրությամբ՝

«Ռուսաստանի Դաշնությունում տարրը չի լրացվում».

տասներորդ պարբերությունում՝

«, Ղրղզստանի Հանրապետությունում և Ռուսաստանի Դաշնությունում» բառերը փոխարինել «և Ղրղզստանի Հանրապետությունում» բառերով.

երկրորդ նախադասությունը շարադրել հետևյալ խմբագրությամբ՝ «Ռուսաստանի Դաշնությունում տարրը չի լրացվում».

տասնմեկերորդ պարբերությունը լրացնել հետևյալ բովանդակությամբ նախադասությամբ՝

«Ռուսաստանի Դաշնությունում տարրը չի լրացվում»։

Պաշտոնական հրապարակման օրը՝ 22 հունիսի 2022 թվական: