ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

30 հունիսի 2022 թվականի N 985-Ն

Հիմք ընդունելով «Ֆիզիկական կուլտուրայի և սպորտի մասին» Հայաստանի Հանրապետության օրենքի 7-րդ հոդվածի «դ» կետը՝ Հայաստանի Հանրապետության կառավարությունը որոշում է.

1. Հաստատել «Փարիզ 2024» օլիմպիական խաղերին նախապատրաստվելու և վարկանիշային մրցաշարերին մասնակցելու նպատակով օլիմպիական խաղերի, աշխարհի և Եվրոպայի առաջնությունների հաղթողներին, մրցանակակիրներին, ինչպես նաև օլիմպիական խաղերում, աշխարհի առաջնություններում 4-8-րդ տեղերը գրաված մարզիկներին և օլիմպիական խաղերի ծրագրում ընդգրկված մարզաձևերի Հայաստանի Հանրապետության հավաքական թիմերի մարզիչներին և բժիշկներին ու մերսողներին սպորտային նպաստը սահմանող կարգը՝ համաձայն հավելվածի:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից, և դրա գործողությունը տարածվում է 2022 թվականի հունիսի 1-ից ծագած (ծագող) հարաբերությունների վրա:

Հայաստանի Հանրապետության վարչապետ	Ն. ՓԱՇԻՆՅԱՆ
Երևան

30.06.2022 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Հավելված ՀՀ կառավարության 2022 թվականի հունիսի 30-ի N 985-Ն որոշման

1. Սպորտային նպաստի շահառուներ (այսուհետ՝ շահառու) հանդիսանում են օլիմպիական խաղերի ծրագրում ընդգրկված մարզաձևերի Հայաստանի Հանրապետության հավաքականների անդամ հանդիսացող այն մարզիկները, ովքեր`

1) 2021 թվականի օլիմպիական խաղերում, 2021 կամ 2022 կամ 2023 թվականների աշխարհի և Եվրոպայի մեծահասակների առաջնություններում գրավել են մրցանակային տեղեր, ինչպես նաև նոր շահառուի իրավունք ձեռք բերելու դեպքում՝ սպորտային նպաստը տրամադրվում է իրավունք ձեռք բերելու ամսվան հաջորդող ամսվա 1-ից.

2) ձեռք են բերել 2024 թվականի Փարիզի 33-րդ ամառային օլիմպիական խաղերի մասնակցության վարկանիշ.

3) երիտասարդների աշխարհի և Եվրոպայի 2021 կամ 2022 կամ 2023 թվականների առաջնություններում գրավել են մրցանակային տեղեր.

4) օլիմպիական խաղերի, աշխարհի մեծահասակների առաջնություններում գրավել են 4-8-րդ տեղերը:

2. Սպորտային նպաստի շահառուներ կարող են հանդիսանալ՝

1) օլիմպիական խաղերի ծրագրում ընդգրկված մարզաձևերի Հայաստանի Հանրապետության մեծահասակների հավաքական թիմերին Փարիզի 33-րդ ամառային օլիմպիական խաղերին նախապատրաստող այդ հավաքականների գլխավոր և երկրորդ մարզիչները, բժիշկը և մերսողը.

2) օլիմպիական խաղերի ծրագրում ընդգրկված մարզաձևերի Հայաստանի Հանրապետության երիտասարդների և պատանիների հավաքական թիմերի ավագ և երկրորդ մարզիչները, եթե նրանց սաները 2021 կամ 2022 կամ 2023 թվականների աշխարհի, Եվրոպայի առաջնություններում գրավել են մրցանակային տեղեր:

3. Սպորտային նպաստ կտրամադրվի 2022 թվականից մինչև օլիմպիական խաղերի ավարտը, յուրաքանչյուր ամիս, ընդ որում մարզիկներին` իրենց մեկ լավագույն արդյունքի համար:

4. Օլիմպիական խաղերի ծրագրում ընդգրկված մարզաձևերի Հայաստանի Հանրապետության հավաքական թիմերի մարզիկների, մարզիչների և բժիշկների ու մերսողների փոփոխության դեպքում սպորտային նպաստը կտրամադրվի համաձայն համապատասխան ֆեդերացիայի կողմից հրամանով հաստատված և գրությամբ Հայաստանի Հանրապետության կրթության, գիտության, մշակույթի և սպորտի նախարարություն ներկայացված փոփոխվող մարզիկին, մարզչին, բժշկին և մերսողին՝ հաջորդող ամսվա 1-ից:

5. Սպորտային նպաստ ստացող շահառուների հաշվառումը, փաստաթղթերի հավաքագրումը և սպորտային նպաստ տրամադրելու համար թեկնածուների առաջադրումն իրականացնում է Հայաստանի Հանրապետության կրթության, գիտության, մշակույթի և սպորտի նախարարությունը` համապատասխան մարզաձևերի ազգային ֆեդերացիաների կողմից ներկայացված փաստաթղթերի հիման վրա (մրցումների արձանագրությունները, հավաքականների ցուցակները՝ հաստատված մարզաձևը ներկայացնող Հայաստանի Հանրապետության ֆեդերացիայի կողմից և մարզիկի անձնագիրը):

6. 2022 թվականի հունիսի 1-ից սպորտային նպաստ տրամադրվում է յուրաքանչյուր ամիս՝ հետևյալ չափով.

Ներկայացված թվերը չեն ներառում Հայաստանի Հանրապետության օրենսդրությամբ սահմանված հարկեր և պարտադիր այլ վճարներ:

Հայաստանի Հանրապետության վարչապետի աշխատակազմի ղեկավար

Ա. Հարությունյան

30.06.2022 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Պաշտոնական հրապարակման օրը՝ 30 հունիսի 2022 թվական: