ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

Ո Ր Ո Շ ՈՒ Մ

9 հուլիսի 2019 թվականի

թիվ 115

քաղ. Մոսկվա

Եվրասիական տնտեսական միության մաքսային օրենսգրքի 22-րդ հոդվածի 1-ին կետի առաջին պարբերությանը և 4-րդ կետի 3-րդ ենթակետին համապատասխան՝ Եվրասիական տնտեսական հանձնաժողովի կոլեգիան որոշեց.

1. Կերատար կիսակցորդ՝

կենդանիների կերերի և գյուղատնտեսական բեռների՝ ավտոգնացքի կազմում, առանց փաթեթվածքի (լցովի) փոխադրման համար նախատեսված.

կերերի (գյուղատնտեսական բեռների) պատրաստման, փոխադրման և անասնաբուծական համալիրների շենքերի սահմաններում կենդանիներին դրանք բաժանելու համար չնախատեսված.

ավտոմոբիլային (թամբային) քարշակի հետ միացման համար նախատեսված կիսաքարշակային սարքվածքով հանդերձված կիսակցորդի տեսքով ներկայացված.

բաղկացած ամրաշրջանակից, որի վրա տեղադրված է գլանաձև, հատվածամասերի բաժանված մետաղական տարա (ցիստեռն), որը վերևի մասում ունի մետաղական կափարիչներով փակվող մտոցներ, որոնց միջով իրականացվում է բեռնումը.

տարայի ներքևի մասում հորիզոնական պարուրակային փոխակրիչով (թիակներով պտուտակի ձևով) սարքավորված, որը հաջորդաբար միանում է ուղղահայաց, վերևի (արտաքին) և պոչամասի (դուրսքաշովի) պարուրակային փոխակրիչների հետ, որոնք նախատեսված են առանց փաթեթվածքի (լցովի) փոխադրվող կերերի և գյուղատնտեսական բեռների բեռնաթափման համար,

- Արտաքին տնտեսական գործունեության ապրանքային անվանացանկի մեկնաբանման 1-ին և 6-րդ հիմնական կանոններին համապատասխան՝ դասակարգվում է Եվրասիական տնտեսական միության արտաքին տնտեսական գործունեության միասնական ապրանքային անվանացանկի 8716 31 000 0 ենթադիրքում։

2. Ուժը կորցրած ճանաչել Մաքսային միության հանձնաժողովի 2011 թվականի մարտի 2-ի «Ինքնաբեռնաթափվող կերատար կիսակցորդի դասակարգման մասին» թիվ 556 որոշումը։

3. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո։

Եվրասիական տնտեսական հանձնաժողովի կոլեգիայի նախագահ`

Տ. Սարգսյան

Պաշտոնական հրապարակման օրը՝ 22 հունիսի 2022 թվական: