ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՍՅՈՒՆԻՔԻ ՄԱՐԶԻ

ՄԵՂՐԻ ՀԱՄԱՅՆՔԻ ԱՎԱԳԱՆԻ

Ո Ր Ո Շ ՈՒ Մ

24 փետրվար 2022 թվականի թիվ 14-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՍՅՈՒՆԻՔԻ ՄԱՐԶԻ ՄԵՂՐԻ ՀԱՄԱՅՆՔԻ 2022 ԹՎԱԿԱՆԻ ԲՅՈՒՋԵՆ ՀԱՍՏԱՏԵԼՈՒ ՄԱՍԻՆ

Ղեկավարվելով «Տեղական ինքնակառավարման մասին» օրենքի 18-րդ հոդվածի 1-ին մասի 5-րդ կետով, «Հայաստանի Հանրապետության բյուջետային համակարգի մասին» օրենքի 32-րդ հոդվածով, 33-րդ հոդվածի 3-րդ մասով՝ Մեղրի համայնքի ավագանին

ՈՐՈՇՈՒՄ Է

1. Հաստատել Հայաստանի Հանրապետության Սյունիքի մարզի Մեղրի համայնքի 2022 թվականի բյուջեն`

1) եկամուտների գծով` 886,095,298 /ութ հարյուր ութսունվեց միլիոն իննսունհինգ հազար երկու հարյուր իննսունութ/ ՀՀ դրամ,

2) ծախսերի գծով` 965,027,813 /ինը հարյուր վաթսունհինգ միլիոն քսանյոթ հազար ութ հարյուր տասներեք/ ՀՀ դրամ,

3) դեֆիցիտը (պակասուրդը)` 78,932,515 / յոթանասունութ միլիոն ինը հարյուր երեսուներկու հազար հինգ հարյուր տասնհինգ/ ՀՀ դրամ:

2. Մեղրի համայնքի բյուջեի դեֆիցիտի (պակասուրդի) ֆինանսավորմանն ուղղել տարեսկզբի ազատ մնացորդը՝ 78,932,515 /յոթանասունութ միլիոն ինը հարյուր երեսուներկու հազար հինգ հարյուր տասնհինգ/ ՀՀ դրամ:

3. Հաստատել համայնքի բյուջեի եկամուտները և ծախսերը, համայնքի բյուջեի միջոցների տարեվերջի հավելուրդը կամ դեֆիցիտը (պակասուրդը)` համաձայն հավելվածների:

4. «Հայաստանի Հանրապետության բյուջետային համակարգի մասին» օրենքի 33-րդ հոդվածի 3-րդ մասի համաձայն

1) թույլատրել համայնքի ղեկավարին համայնքի բյուջեի կատարման ընթացքում կատարելու վերաբաշխումներ ըստ գործառնական և տնտեսագիտական դասակարգման ծախսերի նախատեսված հոդվածների միջև,

2) սահմանել, որ փոփոխությունների հանրագումարը բյուջետային տարվա ընթացքում չի կարող գերազանցել հաստատված չափաքանակների 15%-ը:

5. Սույն որոշումն ուժի մեջ է մտնում պաշտոնական հրապարակմանը հաջորդող օրվանից և տարածվում է 2022 թվականի հունվարի 1-ից ծագող հարաբերությունների վրա:

Համայնքի ղեկավար`   2022 թվականի փետրվարի 24 ք. Մեղրի

Բ. ԶԱՔԱՐՅԱՆ

Հավելվածներ N 1-6

Պաշտոնական հրապարակման օրը՝ 04 մարտի 2022 թվական: