ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

Ո Ր Ո Շ ՈՒ Մ

10 սեպտեմբերի 2019 թվականի

թիվ 153

քաղ. Մոսկվա

«Եվրասիական տնտեսական միության շրջանակներում տեխնիկական կանոնակարգման մասին» արձանագրության («Եվրասիական տնտեսական միության մասին» 2014 թվականի մայիսի 29-ի պայմանագրի թիվ 9 հավելված) 5-րդ կետի ութերորդ պարբերությանը և Եվրասիական տնտեսական բարձրագույն խորհրդի 2014 թվականի դեկտեմբերի 23-ի թիվ 98 որոշմամբ հաստատված՝ Եվրասիական տնտեսական հանձնաժողովի աշխատանքի կանոնակարգի թիվ 2 հավելվածի 9-րդ կետին համապատասխան՝ Եվրասիական տնտեսական հանձնաժողովի կոլեգիան որոշեց.

1. Եվրասիական տնտեսական հանձնաժողովի կոլեգիայի 2014 թվականի դեկտեմբերի 9-ի թիվ 232 որոշմամբ հաստատված՝ Տրանսպորտային միջոցի տիպի հավանության, ամրաշրջանակի տիպի հավանության, տեխնիկական կանոնակարգին համապատասխանությունը հաստատող փաստաթուղթը վերացնելու մասին ծանուցման, տրանսպորտային միջոցի կոնստրուկցիայի անվտանգության մասին վկայականի և տրանսպորտային միջոցը՝ դրա կոնստրուկցիայում մտցված փոփոխություններով, անվտանգության պահանջներին համապատասխանության մասին վկայականի ձևաթղթերի լրացման կանոնների 4-րդ հավելվածի 6-րդ դաշտում «Շարժիչի տեղադիրքը» և «Թափքի տիպը/դռների քանակը (M1 կատեգորիայի համար)» տողերը շարադրել հետևյալ խմբագրությամբ՝

«

«Թափքի տիպը/դռների քանակը (М1 կատեգորիայի համար)   Տեղերի քանակը առջևից/հետևից (М1կատեգորիայի համար)

»:

2. Սահմանել, որ նախքան սույն որոշումն ուժի մեջ մտնելը, տրված տրանսպորտային միջոցի կոնստրուկցիայի անվտանգության մասին վկայականները վավերական են սույն որոշմամբ նախատեսված փոփոխությունների կիրառմամբ ձևակերպված՝ տրանսպորտային միջոցի կոնստրուկցիայի անվտանգության մասին վկայականների հետ մեկտեղ:

3. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո։

Եվրասիական տնտեսական հանձնաժողովի կոլեգիայի նախագահ`

Տ. Սարգսյան

Պաշտոնական հրապարակման օրը՝ 22 հունիսի 2022 թվական: