ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

7 հուլիսի 2022 թվականի N 1035-Ա

Ղեկավարվելով Հայաստանի Հանրապետության կառավարության 2017 թվականի մայիսի 4-ի N 526-Ն որոշման N 1 հավելվածի 3-րդ կետի պահանջներով՝ Հայաստանի Հանրապետության կառավարությունը որոշում է.

1. Սահմանել, որ՝

1) Հայաստանի Հանրապետության բարձր տեխնոլոգիական արդյունա- բերության նախարարության կողմից կազմակերպված «ԲՏԱՆ-ԲՄԱՇՁԲ-2022/01» ծածկագրով բաց մրցույթի արդյունքում ընտրված մասնակցի հետ պայմանագիր (այսուհետ՝ պայմանագիր) կնքելիս չեն կիրառվում Հայաստանի Հանրապետության կառավարության 2017 թվականի մայիսի 4-ի N 526-Ն որոշման N 1 հավելվածի 32-րդ կետի 10-րդ ենթակետի պահանջները.

2) պայմանագրի և որակավորման ապահովումները ներկայացվում են բանկային երաշխիքի կամ կանխիկ փողի ձևով՝ հատկացված ֆինանսական միջոցների մասով.

3) պայմանագրի` կատարող կողմին յուրաքանչյուր տարվա հատկացումների հաշվին համաձայնագրերի կնքման համար հիմք հանդիսացած ապահովումները հետ են վերադարձվում նոր հատկացումների շրջանակում վերջինիս կողմից համաձայնագիրը կնքելուց հետո:

2. Սույն որոշման գործողությունը տարածվում է 2021 թվականի դեկտեմբերի 30-ից փաստացի ծագած հարաբերությունների վրա:

Հայաստանի Հանրապետության վարչապետ	Ն. ՓԱՇԻՆՅԱՆ
Երևան

07.07.2022 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ