ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԽՈՐՀՈՒՐԴ

Ո Ր Ո Շ ՈՒ Մ

18 մայիսի 2021 թվականի

թիվ 53

քաղ. Նուր-Սուլթան

Եվրասիական տնտեսական միության ապրանքային նշանների, սպասարկման նշանների և ապրանքների ծագման տեղանունների մասին 2020 թվականի փետրվարի 3-ի պայմանագրի (այսուհետ՝ Պայմանագիր) 25-րդ և 26-րդ հոդվածներին համապատասխան՝ Եվրասիական տնտեսական հանձնաժողովի խորհուրդը որոշեց.

1. Հաստատել կից ներկայացվող՝

Եվրասիական տնտեսական միության ապրանքային նշանների, սպասարկման նշանների և ապրանքների ծագման տեղանունների մասին 2020 թվականի փետրվարի 3-ի պայմանագրի հրահանգը.

Եվրասիական տնտեսական միության ապրանքների նշանների, Եվրասիական տնտեսական միության սպասարկման նշանների և Եվրասիական տնտեսական միության ապրանքների ծագման տեղանունների գրանցման, իրավական պահպանության և օգտագործման ժամանակ իրավաբանորեն նշանակալի գործողությունների տեսակների և այդպիսի իրավաբանորեն նշանակալի գործողությունների կատարման համար տուրքերի դրույքաչափերի տեսակների ցանկը:

2. Եվրասիական տնտեսական միության անդամ պետության կողմից շվեյցարական ֆրանկից տարբեր արժույթով՝ Պայմանագրի 25-րդ հոդվածի 1-ին կետում նշված տուրքերի չափերը սահմանելու դեպքում խնդրել այդ պետությանը սահմանել Եվրասիական տնտեսական միության անդամ պետության ազգային (կենտրոնական) բանկի կողմից սահմանվող շվեյցարական ֆրանկի փոխարժեքի կիրառումը Պայմանագիրն ուժի մեջ մտնելու օրվա դրությամբ:

Պայմանագրի 25-րդ հոդվածի 2-րդ կետի իրականացման նպատակով սույն որոշմամբ հաստատված ցանկում նշված իրավաբանորեն նշանակալի գործողությունների կատարման համար տուրքերի դրույքաչափերը կարող են վերանայվել Եվրասիական տնտեսական միության ցանկացած անդամ պետության նախաձեռնությամբ հիմնավորված տնտեսական նպատակահարմարության առկայության դեպքում:

3. Սույն որոշումն ուժի մեջ է մտնում դրա պաշտոնական հրապարակման օրվանից 10 օրացուցային օրը լրանալուց հետո, սակայն Պայմանագիրն ուժի մեջ մտնելու օրվանից ոչ շուտ:

Եվրասիական տնտեսական հանձնաժողովի խորհրդի անդամներ՝

Հայաստանի Հանրապետությունից՝	Բելառուսի Հանրապետությունից՝	Ղազախստանի Հանրապետությունից՝	Ղրղզստանի Հանրապետությունից՝	Ռուսաստանի Դաշնությունից՝
Մ. Գրիգորյան	Ի. Պետրիշենկո	Ա. Սմայիլով	ՈՒ. Կարմիշակով	Ա. Օվերչուկ

Պաշտոնական հրապարակման օրը՝ 22 հունիսի 2022 թվական: