ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԽՈՐՀՈՒՐԴ

Ո Ր Ո Շ ՈՒ Մ

29 հոկտեմբերի 2021 թվականի

թիվ 127

քաղ. Նուր-Սուլթան

«Եվրասիական տնտեսական միության մասին» 2014 թվականի մայիսի 29-ի պայմանագրի 52-րդ հոդվածին և Եվրասիական տնտեսական բարձրագույն խորհրդի 2014 թվականի դեկտեմբերի 23-ի թիվ 98 որոշմամբ հաստատված՝ Եվրասիական տնտեսական հանձնաժողովի աշխատանքի կանոնակարգի թիվ 1 հավելվածի 29-րդ կետին համապատասխան՝ Եվրասիական տնտեսական հանձնաժողովի խորհուրդը որոշեց.

1. Եվրասիական տնտեսական հանձնաժողովի խորհրդի 2012 թվականի հուլիսի 20-ի թիվ 60 որոշմամբ ընդունված՝ Մաքսային միության «Գյուղատնտեսական և անտառատնտեսական տրակտորների և դրանց կցանքների անվտանգության մասին» տեխնիկական կանոնակարգում (ՄՄ ՏԿ 031/2012) կատարել փոփոխություններ՝ համաձայն հավելվածի։

2. Սույն որոշումն ուժի մեջ է մտնում դրա պաշտոնական հրապարակման օրվանից 180 օրացուցային օրը լրանալուց հետո։

Եվրասիական տնտեսական հանձնաժողովի խորհրդի անդամներ՝

Հայաստանի Հանրապետությունից՝	Բելառուսի Հանրապետությունից՝	Ղազախստանի Հանրապետությունից՝	Ղրղզստանի Հանրապետությունից՝	Ռուսաստանի Դաշնությունից՝
Մ. Գրիգորյան	Ի. Պետրիշենկո	Ա. Սմայիլով	Ա. Կոժոշև	Ա. Օվերչուկ

ՀԱՎԵԼՎԱԾ Եվրասիական տնտեսական հանձնաժողովի խորհրդի 2021 թվականի հոկտեմբերի 29-ի թիվ 127 որոշման

1. Տեքստում համապատասխան հոլովով «Մաքսային Միության սույն տեխնիկական կանոնակարգը» բառերը համապատասխան հոլովով փոխարինել «սույն տեխնիկական կանոնակարգը» բառերով, համապատասխան հոլովով «Մաքսային Միության միասնական մաքսային տարածքը» բառերը համապատասխան հոլովով փոխարինել «Միության մաքսային տարածքը» բառերով, համապատասխան թվով և հոլովով «Մաքսային միության անդամ պետությունը» բառերը փոխարինել համապատասխան թվով և հոլովով «անդամ պետությունը» բառերով, համապատասխան հոլովով «ՄԱԿ–ի ԵՏՀ կանոնակարգը» բառերը համապատասխան հոլովով փոխարինել «ՄԱԿ-ի կանոնակարգը» բառերով:

2. Նախաբանում.

ա) 2-րդ կետը շարադրել հետևյալ խմբագրությամբ՝

«2. Սույն տեխնիկական կանոնակարգը մշակվել է Եվրասիական տնտեսական միության (այսուհետ՝ Միություն) մաքսային տարածքում կիրառման և կատարման համար պարտադիր՝ անվավոր և թրթուրավոր գյուղատնտեսական ու անտառատնտեսական տրակտորներին և դրանց կցանքներին ներկայացվող միասնական պահանջները սահմանելու, Միության մաքսային տարածքում շրջանառության մեջ բաց թողնվող անվավոր և թրթուրավոր գյուղատնտեսական ու անտառատնտեսական տրակտորների և կցանքների ազատ տեղաշարժն ապահովելու նպատակով:».

բ) 3-րդ կետում «Մաքսային միության տեխնիկական կանոնակարգերը» բառերը փոխարինել «Միության տեխնիկական կանոնակարգերը» բառերով, «Մաքսային միության տեխնիկական կանոնակարգերի» բառերը փոխարինել «Միության տեխնիկական կանոնակարգերի» բառերով:

3. 1-ին հոդվածի 2-րդ կետը շարադրել հետևյալ խմբագրությամբ՝

«2. Սույն տեխնիկական կանոնակարգը չի տարածվում՝

փոքրաեզրաչափ տրակտորների, դրանց կցանքների,

հատուկ նշանակության կցանքների,

կցանքների հենասարքերի,

Միության մաքսային տարածքում՝ մինչ սույն տեխնիկական կանոնակարգն ուժի մեջ մտնելը շրջանառության մեջ բաց թողնված և Միության մաքսային տարածքում օգտագործման մեջ եղած տրակտորների, կցանքների և բաղադրամասերի վրա:»:

4. 2-րդ հոդվածը շարադրել հետևյալ խմբագրությամբ՝

«Հոդված 2. Սահմանումները

Սույն տեխնիկական կանոնակարգի կիրառման նպատակներով օգտագործվում են հասկացություններ, որոնք ունեն հետևյալ իմաստը՝

բալաստային բեռներ՝ առջևի և (կամ) հետևի սռնիները լրաբեռնելու համար տրակտորի վրա տեղակայման համար նախատեսված բեռներ.

քարշակման սարքվածք՝ տրակտորի առջևի հատվածում գտնվող տրակտորի կառուցվածքային տարր, որն ապահովում է դրա քարշակման համար նախատեսված հարմարանքների (օրինակ՝ մետաղաձողի, քարշակման ճոպանի և այլնի) առկցումը.

շահագործման մեջ դնելը՝ փաստաթղթերով ձևակերպված իրողություն, որով արձանագրվում է տրակտորի կամ կցանքի՝ ըստ նշանակության կիրառմանը պատրաստ լինելը.

տրակտորի բարձրություն՝ հենման մակերևույթի և հենման մակերևույթից առավելագույն հեռավորության վրա գտնվող հենակետի միջև ուղղաձիգ ուղղությամբ չափված հեռավորություն՝ առանց անտենայի։ Բարձրությունը որոշելիս տրակտորը պետք է սարքավորված լինի արտադրողի կողմից սահմանված առավելագույն ստատիկ շառավղով նոր դողերով.

երկվառելիքային շարժիչ՝ միաժամանակ դիզելային և գազակերպ վառելիքով աշխատանքի համար նախատեսված շարժիչ, ընդ որում՝ մեկ տեսակի վառելիքի սպառվող քանակը մեկ այլ տեսակի նկատմամբ կարող է տատանվել՝ շարժիչի աշխատանքի ռեժիմով և տեսակով պայմանավորված.

տրակտորի երկարություն՝ տրակտորի երկայնական առանցքին ուղղահայաց և դրա եզրային կետերով անցնող ուղղաձիգ հարթությունների միջև հորիզոնական ուղղությամբ չափված հեռավորություն՝ առանց բոլոր հայելիների, գործարկման բռնակների, առջևի կամ կողային եզրաչափքային լույսերի.

թույլատրելի քարշակվող զանգված՝ զանգված, որը տրակտորը կարող է քարշակել։ Թույլատրելի քարշակվող զանգվածը կարող է իր մեջ ներառել մեկ կամ մի քանի քարշակվող կցանքների զանգված, գյուղատնտեսական կամ անտառատնտեսական մեքենաների զանգված.

արտադրող՝ իրավաբանական անձ կամ որպես անհատ ձեռնարկատեր գրանցված ֆիզիկական անձ, որն իր անունից իրականացնում է տրակտորի, կցանքի կամ բաղադրամասի արտադրություն ու իրացում և պատասխանատու է սույն տեխնիկական կանոնակարգի անվտանգության պահանջներին դրա համապատասխանության համար.

տրակտորի (կցանքի) կատեգորիա՝ տրակտորի (կցանքի) բնութագիր, որը կիրառվում է սույն տեխնիկական կանոնակարգում դրա նկատմամբ պահանջները սահմանելու նպատակով.

բաղադրամաս՝ տրակտորի կամ կցանքի բաղադրիչ մաս, որը մատակարարվում է հավաքման արտադրության համար և (կամ) որպես շահագործման մեջ գտնվող տրակտորի կամ կցանքի համար փոխովի մասեր (պահեստամասեր).

անտառատնտեսական տրակտոր՝ անտառավերականգնման կամ անտառի խնամքի մասով տեխնոլոգիական աշխատանքների կատարման համար նախատեսված տրակտոր.

տրակտորի առավելագույն հաշվարկային արագություն՝ ըստ շարժիչի ծնկավոր լիսեռի պտտման անվանական հաճախության, փոխհաղորդման նվազագույն փոխանցումային հարաբերության և տեղապտտման բացակայության ցուցանիշների հաշվարկված արագություն.

փոքրաեզրաչափ տրակտոր՝ մանրաուրվագծային տեղամասերում, բաժնյակներում, սանդղավանդներում, ֆերմաներում, այգիներում, զբոսայգային և կոմունալ տնտեսություններում աշխատանքների կատարման համար նախատեսված՝ շարժիչի մինչև 190 կՎտ հզորությամբ գյուղատնտեսական կամ անտառատնտեսական տրակտոր.

տրակտորի, կցանքի կամ բաղադրամասի շրջանառությունը շուկայում՝ Միության անդամ պետությունների տարածքներում առևտրային գործունեության ընթացքում անհատույց կամ հատուցելի հիմքով տարածելու նպատակով տրակտորի, կցանքի կամ բաղադրամասի մատակարարումից կամ ներմուծումից հետո (այդ թվում՝ արտադրողի պահեստից արտադրանքն ուղարկելուց կամ առանց պահեստավորման բեռնառաքումից հետո) արտադրողից ձեռք բերողին (սպառողին) դրա տեղաշարժի գործընթացները.

կցանք՝ տրակտորով քարշակվող՝ տարբեր, այդ թվում՝ գյուղատնտեսական կամ անտառատնտեսական նշանակության բեռներ փոխադրելու համար նախատեսված տրանսպորտային միջոց:

Կցանքների թվին են դասվում նաև այն կցանքները, որոնց ուղղաձիգ բեռնվածքի մի մասը փոխանցվում է քարշակող տրակտորին (կիսակցանքներ).

հատուկ նշանակության կցանք՝ հետևյալ պայմաններից մեկին կամ մի քանիսին բավարարող կցանք.

կցանքը նախատեսված չէ առանց արտադրողի կողմից նախատեսված ճանապարհային երթևեկության անվտանգության ապահովման լրացուցիչ միջոցների՝ ճանապարհային երթևեկությանը մասնակցելու համար.

կցանքը բաղկացած է կցանքի հենասարքից և միայն որոշակի տեսակի բեռների փոխադրում ապահովող ոչ հանովի հատուկ սարքավորումներից (չորացրած խոտի և ծղոտի գլանափաթեթների ու կապոցների փոխադրման համար բաց հենահարթակներ, կենդանիների, թռչնի, սիլոսային և խոտապահածոյի զանգվածի փոխադրման համար կցանքներ և այլն).

կցանքի վրա տեղակայված են որոշակի տեխնոլոգիական գործընթացների և գործողությունների կատարման համար նախատեսված բեռնման-բեռնաթափման և (կամ) հատուկ սարքավորումներ (օրինակ՝ ինքնավար կտրիչներ): Ընդ որում, միաժամանակ կամ լրացուցիչ կարող են կատարվել բեռների փոխադրման աշխատանքներ (պարարտանյութերի ներմուծման համար նախատեսված կցանքներ, փայտատար կցանքներ և այլն):

Հատուկ նշանակության կցանքներին նույնպես դասվում են այնպիսի կցանքներ, որոնք բավարարում են նշված պայմաններից մեկը կամ մի քանիսը և միաժամանակ.

որոնց ուղղաձիգ բեռնվածքի մի մասը փոխանցվում է քարշակող տրակտորին (հատուկ նշանակության կիսակցանքներ).

որոնց եզրաչափքային չափսերը գերազանցում են թիվ 5 հավելվածի 8.1.2 ենթակետով սահմանված չափսերը.

դողի գլորքի շառավիղ՝ անիվի առաջընթաց արագության երկայնական բաղադրիչի հարաբերությունը դրա անկյունային արագության նկատմամբ.

ինքնաթափ կցանք՝ մեկ կամ երկու կողմով և դեպի հետ կամ միայն դեպի հետ բեռնաթափման դեպքում հենահարթակի վերհանումը և թեքումն ապահովող մեխանիզմներով սարքավորված կցանք.

գյուղատնտեսական տրակտոր՝ բուսաբուծության և (կամ) անասնաբուծության ոլորտում տեխնոլոգիական աշխատանքների կատարման համար նախատեսված տրակտոր.

սերտիֆիկացման փորձարկումներ՝ տրակտորի, կցանքի կամ բաղադրամասի տիպային նմուշի (նմուշների) փորձարկումներ, որոնց արդյունքների հիման վրա եզրակացություն է արվում սույն տեխնիկական կանոնակարգի անվտանգության պահանջներին տրակտորի, կցանքի կամ բաղադրամասի համապատասխանության վերաբերյալ.

տրակտորի հանդերձված զանգված՝ աշխատանքային վիճակում տրակտորի զանգվածն առանց բալաստի, ներառյալ շրջման դեպքում պաշտպանիչ սարքվածքը, հովացման հեղուկով, քսանյութերով, վառելիքով (անվանական տարողության առնվազն 90 %-ով լցված բաք), գործիքի և գործարկուի հետ միասին.

առկցման սխեմա՝ սխեմա, որին համապատասխան, փոխադրման ժամանակ իրականացվում է բեռնամբարձիչ սարքավորումների առկցումը.

տեխնիկական ծառայություն՝ Ժնևում 1958 թվականի մարտի 20-ին կնքված՝ անվավոր տրանսպորտային միջոցների, սարքավորումների առարկաների և մասերի համար, որոնք կարող են տեղակայվել և (կամ) օգտագործվել անվավոր տրանսպորտային միջոցների վրա, միօրինակ տեխնիկական կարգադրագրերի ընդունման և այդ կարգադրագրերի հիման վրա տրվող պաշտոնական հաստատումների փոխճանաչման պայմանների մասին համաձայնագրի (այսուհետ՝ 1958 թվականի Համաձայնագիր) շրջանակներում տրանսպորտային միջոցների տեսակի պաշտոնական հաստատման համար փորձարկումների անցկացման հարցերով լիազորված կազմակերպություն.

տեխնիկապես թույլատրելի քարշակվող զանգված՝ տրակտորն արտադրողի կողմից սահմանված առավելագույն զանգված, որը տրակտորը կարող է քարշակել.

տրակտորի տեխնիկապես թույլատրելի առավելագույն զանգված՝ դողերի բեռնամբարձությունից, տրակտորի տարրերի կառուցվածքային բնութագրերից և տրված բնութագրերի ու անվտանգության ցուցանիշների ապահովման ունակությամբ պայմանավորված՝ արտադրողի կողմից սահմանված՝ տրակտորի առավելագույն զանգված, որն իր մեջ ներառում է տրակտորի հանդերձված (շահագործման) զանգվածը ամենածանր համալրմամբ, բալաստի անվանական զանգվածը և անվանական օգտակար բեռնվածքը.

տեխնիկական նկարագրություն՝ համապատասխանության հաստատման նպատակով արտադրողի (արտադրողի կողմից լիազորված անձի), վաճառողի կողմից ներկայացվող՝ տեխնիկական և կառուցվածքային բնութագրեր, ինչպես նաև այլ տեղեկություններ պարունակող փաստաթուղթ, որոնք թույլ են տալիս նույնականացնել տրակտորը կամ կցանքը.

տրակտորի, կցանքի կամ բաղադրամասի տեսակ՝ մեկ արտադրողի կողմից պատրաստված տրակտորներ, կցանքներ կամ բաղադրամասեր, որոնք բնութագրվում են տեխնիկական նկարագրություններում նշված միևնույն կառուցվածքային հատկանիշների ամբողջությամբ։ Տրակտորի, կցանքի կամ բաղադրամասի տեսակը կարող է ունենալ տարբեր տարբերակներ և տարատեսակներ.

տրակտոր՝ առնվազն երկու սռնի և առնվազն 6 կմ/ժ առավելագույն հաշվարկային արագություն ունեցող անվավոր կամ թրթուրավոր մեխանիկական տրանսպորտային միջոց, որն օգտագործում է առավելապես քարշային ճիգ և հիմնականում նախատեսված է մեքենաները և աշխատանքային սարքավորումները քարշակելու, հրելու, փոխադրելու կամ գործողության մեջ դնելու համար.

տրակտորային գնացք՝ տրակտորից, կիսակցանքից և (կամ) մեկ կամ մի քանի կցանքներից բաղկացած շարժակազմ.

քարշակցման սարքվածք (ՔԿՍ)՝ սարքվածք, որի՝ տրակտորի և կցանքի վրա տեղակայված միացնող տարրերն ապահովում են դրանց մեխանիկական միացումը.

արտադրողի կողմից լիազորված անձ՝ Միության անդամ պետության օրենսդրությամբ սահմանված կարգով դրա տարածքում գրանցված իրավաբանական անձ կամ որպես անհատ ձեռնարկատեր գրանցված ֆիզիկական անձ, որն արտադրողի, այդ թվում՝ օտարերկրյա արտադրողի հետ կնքած պայմանագրի հիման վրա իրականացնում է գործողություններ այդ արտադրողի անունից տրակտորի, կցանքի կամ բաղադրամասի համապատասխանության գնահատման և Միության մաքսային տարածքում շրջանառության մեջ բացթողման դեպքում, ինչպես նաև պատասխանատվություն է կրում տրակտորի, կցանքի կամ բաղադրամասի՝ սույն տեխնիկական կանոնակարգի պահանջներին անհամապատասխանության համար.

կցանքի հենասարք՝ կցանքի բաղադրիչ մաս, որը նախատեսված է դրա վրա մեկ կամ մի քանի սարքվածքներ դնելու համար՝

հենահարթակների, թափքերի և այլ համանման սարքվածքների. տեխնոլոգիական սարքավորումների.

բեռնամբարձիչ (բեռնման-բեռնաթափման) սարքավորումների:

Կցանքի հենասարքի թվին են դասվում նաև այն կցանքների հենասարքերը, որոնց ուղղաձիգ բեռնվածքի մի մասը փոխանցվում է քարշակող տրակտորին (կիսակցանքների հենասարքեր).

տրակտորի լայնություն՝ տրակտորի երկայնական առանցքին զուգահեռ և դրա եզրային կետերով անցնող ուղղաձիգ հարթությունների միջև հորիզոնական ուղղությամբ չափված հեռավորություն, առանց բոլոր հայելիների, շրջադարձերի ցուցիչների, առջևի կամ հետևի կողային եզրաչափքային լույսերի, կայանման ցանկացած լույսի, տրակտորի քաշով պայմանավորված դողերի ձևափոխման (դեֆորմացիաների), հավաքվող տարրերի: Հավաքվող տարրերի թվին կարող են դասվել, օրինակ՝ ամբարձիչ ոտնատեղերը.

էկոլոգիական դաս՝ տրակտորի կառուցվածքը կամ վնասակար նյութերի արտանետումների մակարդակով պայմանավորված՝ սեղմումից բոցավառմամբ ներքին այրման շարժիչը բնութագրող դասակարգման ծածկագիր:»:

5. 3-րդ հոդվածի 2-րդ կետում «Մաքսային միության անդամ պետությունների» բառերը փոխարինել «Միության անդամ պետությունների (այսուհետ՝ անդամ պետություններ)» բառերով:

6. 4-րդ հոդվածում՝

ա) 2-րդ կետը լրացնել հետևյալ բովանդակությամբ պարբերությամբ՝

«Տրակտորների և տրակտորների շարժիչների բանած գազերում պարունակվող վնասակար նյութերի արտանետումների մակարդակով պայմանավորված՝ սեղմումից բոցավառմամբ ներքին այրման շարժիչների դասակարգումը բերված է սույն տեխնիկական կանոնակարգի թիվ 3 հավելվածում:».

բ) լրացնել հետևյալ բովանդակությամբ 6-րդ և 7-րդ կետերով՝

«6. Շահագործման մեջ գտնվող տրակտորների կամ կցանքների համար որպես փոխովի մասեր (պահեստամասեր)՝ Միության մաքսային տարածքում շրջանառության մեջ բաց թողնվող բաղադրամասերը տրակտորի կամ կցանքի վրա տեղակայելիս չպետք է նվազեցնեն դրա անվտանգության մակարդակը Միության մաքսային տարածքում տրակտորը կամ կցանքը շրջանառության մեջ բաց թողնելու պահին անվտանգության մակարդակի նկատմամբ:

Տրակտորների կամ կցանքների բաղադրամասերին ներկայացվող անվտանգության պահանջները և դրանց վերահսկման մեթոդները բերված են սույն տեխնիկական կանոնակարգի թիվ 1 հավելվածում:

Այն տրակտորների համար որպես բաղադրամասեր թողարկվող տրակտորների շարժիչներին ներկայացվող պահանջները, որոնք բաց են թողնվել Միության մաքսային տարածքում շրջանառության մեջ՝ մինչ սույն տեխնիկական կանոնակարգն ուժի մեջ մտնելը, կամ որոնց արտադրությունը դադարեցվել է սույն տեխնիկական կանոնակարգն ուժի մեջ մտնելու առնչությամբ, վնասակար նյութերի արտանետումների մասով պահպանվում են Միության մաքսային տարածքում այդպիսի տրակտորների՝ շրջանառության մեջ բացթողման կամ դրանց արտադրության ավարտի պահին գործող մակարդակում:

7. ՄԱԿ-ի կանոններին համապատասխան՝ տրակտորներին, կցանքներին և բաղադրամասերին ներկայացվող անվտանգության պահանջները կիրառվում են դրանց կիրառման ոլորտին համապատասխան և հաշվի առնելով ՄԱԿ-ի կանոններով սահմանված անցումային դրույթները:

Թույլատրվում է սույն տեխնիկական կանոնակարգով սահմանված ժամկետներից առավել վաղ ժամկետներում տրակտորներին և առավել բարձր էկոլոգիական դասի շարժիչներին ներկայացվող պահանջների կիրառումը, ինչպես նաև ՄԱԿ-ի կանոնների փոփոխությունների առավել ուշ, քան սույն տեխնիկական կանոնակարգում նշված, սերիաների պահանջների կիրառումը:»:

7. 6-րդ հոդվածը շարադրել հետևյալ խմբագրությամբ՝

«Հոդված 6. Համապատասխանության հաստատումը

1. Նախքան Միության մաքսային տարածքում շրջանառության մեջ բաց թողնելը՝ տրակտորները, կցանքները կամ բաղադրամասերը պետք է անցնեն սույն տեխնիկական կանոնակարգի պահանջներին համապատասխանության հաստատում։

Համապատասխանության հաստատումն իրականացվում է սույն հոդվածին համապատասխան և Եվրասիական տնտեսական հանձնաժողովի կողմից հաստատվող՝ համապատասխանության գնահատման տիպային սխեմաների հիման վրա, ինչպես նաև հաշվի առնելով Եվրասիական տնտեսական հանձնաժողովի 2018 թվականի ապրիլի 18-ի թիվ 44 որոշմամբ հաստատված՝ համապատասխանության գնահատման տիպային սխեմաների 5-րդ կետը:

Տրակտորների կամ կցանքների այն բաղադրամասերի ցանկը, որոնց վրա տարածվում են սույն տեխնիկական կանոնակարգի պահանջները և որոնց համապատասխանության հաստատումը կատարվում է տրակտորներից և կցանքներից առանձին, բերված է սույն տեխնիկական կանոնակարգի թիվ 1 հավելվածում:

Սույն տեխնիկական կանոնակարգի թիվ 1 հավելվածում նշված՝ սեփական հավաքման արտադրության համար տրակտորներ և կցանքներ արտադրողների կողմից արտադրվող կամ տրակտորների և կցանքների հավաքման արտադրության համար մատակարարվող բաղադրամասերի համար համապատասխանության հաստատում կարելի է չանցկացնել: Ընդ որում, տվյալ բաղադրամասերի համար տրակտորներ և կցանքներ արտադրողի մոտ պետք է առկա լինեն Միության համապատասխանության գնահատման հարցերով մարմինների միասնական ռեեստրում ընդգրկված՝ հավատարմագրված փորձարկման լաբորատորիայի (կենտրոնի) (այսուհետ՝ հավատարմագրված փորձարկման լաբորատորիա (կենտրոն)) կողմից տրված փորձարկման արձանագրություններ կամ 1958 թվականի համաձայնագրին համապատասխան տրված՝ ըստ ՄԱԿ-ի կանոնների` տեսակի պաշտոնական հաստատմանը վերաբերող հաղորդագրություններ (այսուհետ՝ տեսակի պաշտոնական հաստատման մասին հաղորդագրություններ) կամ սույն տեխնիկական կանոնակարգի առանձին պահանջներին համապատասխանության սերտիֆիկատներ:

Տրակտորների և կցանքների սերտիֆիկացված փորձարկումներն անցկացվում են բացառապես հավատարմագրված փորձարկման լաբորատորիայի (կենտրոնի) կողմից տրված փորձարկման արձանագրությունների կամ տեսակի պաշտոնական հաստատման մասին հաղորդագրությունների, կամ սույն տեխնիկական կանոնակարգի թիվ 1 հավելվածում նշված բաղադրամասերի համապատասխանության սերտիֆիկատների առկայության դեպքում:

Տեխնիկական նկարագրության մեջ ներառված տարբերակներ և տարատեսակներ (առկայության դեպքում) միավորող մեկ տեսակի տրակտորների և կցանքների մասով ձևակերպվում է մեկ համապատասխանության սերտիֆիկատ: Տեխնիկական նկարագրության ձևերը բերված են սույն Տեխնիկական կանոնակարգի թիվ 2 հավելվածում։

Այնպիսի բաղադրամասերի առնչությամբ, ինչպիսիք լուսային և լուսազդանշանային սարքերն են, թույլատրվում է ձևակերպել լուսարձակների տարբեր գործառութային խմբերի մասով մեկ համապատասխանության սերտիֆիկատ:

2. Տրակտորները, կցանքները կամ բաղադրամասերը ենթակա են համապատասխանության հաստատման (1ս, 2ս, 3ս, 4ս սխեմաներ) սերտիֆիկացման ձևով:

3. Սերիական թողարկման տրակտորների, կցանքների կամ բաղադրամասերի սերտիֆիկացումն իրականացվում է ըստ 1ս կամ 2ս սխեմայի։ Տրակտորները, կցանքները կամ բաղադրամասերը սերտիֆիկացման համար ներկայացնում է արտադրողը (արտադրողի կողմից լիազորված անձը)։

Տրակտորների, կցանքների կամ բաղադրամասերի խմբաքանակի սերտիֆիկացումն իրականացվում է ըստ 3ս սխեմայի, իսկ եզակի արտադրատեսակինը՝ ըստ 4ս սխեմայի։ Միության մաքսային տարածքում արտադրված տրակտորների, կցանքների կամ բաղադրամասերի խմբաքանակը (եզակի արտադրատեսակը) ներկայացնում է արտադրողը (արտադրողի կողմից լիազորված անձը), Միության մաքսային տարածք ներմուծվող տրակտորների, կցանքների կամ բաղադրամասերի խմբաքանակը (եզակի արտադրատեսակը) ներկայացնում է վաճառողը կամ արտադրողը (արտադրողի կողմից լիազորված անձը):

4. Տրակտորների, կցանքների կամ բաղադրամասերի սերտիֆիկացումն իրականացնում է Միության համապատասխանության գնահատման հարցերով մարմինների (այսուհետ՝ սերտիֆիկացման մարմին) միասնական ռեեստրում ներառված՝ համապատասխանության գնահատման մասով հավատարմագրված մարմինը (այդ թվում՝ սերտիֆիկացման մարմինը):

Սերտիֆիկացման նպատակներով փորձարկումներն անցկացնում է հավատարմագրված փորձարկման լաբորատորիան (կենտրոնը):

ՄԱԿ-ի կանոններին համապատասխան տրակտորներին, կցանքներին կամ բաղադրամասերին ներկայացվող անվտանգության պահանջների մասով սերտիֆիկացում անցկացնելիս թույլատրվում է կիրառել տեսակի պաշտոնական հաստատման մասին հաղորդագրություններ:

5. Տրակտորների, կցանքների կամ բաղադրամասերի սերտիֆիկացումն անցկացնելիս (1ս, 2ս, 3ս, 4ս սխեմաներ)՝

5.1. արտադրողը (արտադրողի կողմից լիազորված անձը), վաճառողը սերտիֆիկացման մարմին է ներկայացնում տրակտորների, կցանքների կամ բաղադրամասերի՝ սույն տեխնիկական կանոնակարգի պահանջներին համապատասխանությունը հաստատող փաստաթղթերի լրակազմ փաթեթ, որն իր մեջ ներառում է՝

տրակտորի կամ կցանքի տեխնիկական նկարագրությունը (տրակտորի կամ կցանքի սերտիֆիկացման դեպքում).

ընդհանուր առմամբ՝ բաղադրամասի մասով տեխնիկական փաստաթղթերը (կոնստրուկտորական, տեխնոլոգիական կամ շահագործման փաստաթղթերը (առկայության դեպքում)) (բաղադրամասերի սերտիֆիկացման դեպքում).

տրակտորի կամ կցանքի շահագործման փաստաթղթերը (տրակտորի կամ կցանքի սերտիֆիկացման դեպքում).

որակի կառավարման համակարգի համապատասխանության սերտիֆիկատի պատճենը (6ս սխեմա).

որակի կառավարման համակարգի վերջին աուդիտի ակտի պատճենը (2ս սխեմա).

տրակտորների, կցանքների կամ բաղադրամասերի խմբաքանակի նույնականացումն ապահովող տեղեկություններ (այդ թվում՝ քանակը, նույնականացման (սերիական) համարը) պարունակող ապրանքաուղեկից փաստաթղթերը (տրակտորների, կցանքների կամ բաղադրամասերի խմբաքանակի (եզակի արտադրատեսակի) համար (3ս, 4ս սխեմաներ)).

արտադրողի (այդ թվում՝ օտարերկրյա արտադրողի) հետ կնքված պայմանագրի պատճենը, որով նախատեսվում է սույն տեխնիկական կանոնակարգի պահանջներին Միության մաքսային տարածք մատակարարվող արտադրանքի համապատասխանության ապահովումը և նշված պահանջներին այդ արտադրանքի անհամապատասխանության համար պատասխանատվությունը (արտադրողի կողմից լիազորված անձի համար)․

անդամ պետությունների օրենսդրությանը համապատասխան՝ իրավաբանական անձի կամ որպես անհատ ձեռնարկատեր գրանցվող ֆիզիկական անձի պետական գրանցման դեպքում տրվող հայտատուի գրանցման կամ հաշվառման (անհատական, նույնականացման) համարի մասին տեղեկությունները:

Փաստաթղթերի նշված լրակազմ փաթեթում նույնպես կարող են ներառվել՝

ա) հավատարմագրված փորձարկման լաբորատորիայի (կենտրոնի) կողմից տրված՝ սույն տեխնիկական կանոնակարգի թիվ 4 հավելվածի 4.1 և 4.2 աղյուսակների համաձայն՝ առանձին պահանջների (տրակտորների և կցանքների համար) և սույն տեխնիկական կանոնակարգի 1-ին հավելվածում բերված բաղադրամասերի նկատմամբ պահանջների մասով փորձարկման արձանագրությունները: Ընդ որում, նշված փորձարկման արձանագրությունները, այդ թվում՝ այն արձանագրությունները ներկայացնելը, որոնց հիման վրա նախկինում տրվել են այլ համապատասխանության սերտիֆիկատներ, թույլատրվում է հետևյալ պայմանների պահպանման դեպքում՝

հավատարմագրված փորձարկման լաբորատորիայի (կենտրոնի) կողմից փորձարկման արձանագրության հաստատման օրվանից անցել է 5 տարուց ոչ ավելի.

փորձարկման ներկայացված արձանագրությունը չի ճանաչվել անվավեր՝ անդամ պետությունների օրենսդրությանը համապատասխան.

փորձարկումների անցկացման համար նմուշառումը, որոնց արդյունքների հիման վրա տրվել է փորձարկման արձանագրություն, անցկացվել է սերտիֆիկացման մարմնի կողմից.

փորձարկված նմուշը տիպային է սերտիֆիկացման անցկացման համար հայտարկված արտադրանքի համար.

բացակայում են տրակտորների, կցանքների կամ բաղադրամասերի անվտանգության վրա ազդող՝ դրանց կառուցվածքում փոփոխությունները.

հավատարմագրված փորձարկման լաբորատորիայի (կենտրոնի) փորձարկման արձանագրության հաստատման օրվանից բացակայել են անվտանգության պահանջների և դրանց վերահսկման մեթոդների փոփոխությունները (այդ թվում՝ ստանդարտներում կամ ՄԱԿ-ի կանոններում նշվածները), որոնք սահմանված են սույն տեխնիկական կանոնակարգում, և որոնց համապատասխանության գնահատումը բերված է փորձարկումների շրջանակներում.

բացակայում են անդամ պետության՝ սույն տեխնիկական կանոնակարգի պահանջների պահպանման պետական հսկողության (վերահսկողության) իրականացման հարցերով մարմնի կողմից սահմանված՝ Միության մաքսային տարածքում այն տրակտորների, կցանքների կամ բաղադրամասերի շրջանառության մեջ բաց թողնելու դեպքում սույն տեխնիկական կանոնակարգի պահանջները չպահպանելու դեպքերը, որոնց տիպային նմուշների փորձարկումները հաստատված են փորձարկման արձանագրությամբ.

բ) տեսակի պաշտոնական հաստատման մասին հաղորդագրությունները: Թույլատրվում է ներկայացնել արտադրողի (արտադրողի կողմից լիազորված անձի) կողմից վավերացված՝ թղթային կրիչի վրա կատարված՝ տեսակի պաշտոնական հաստատման մասին հաղորդագրությունների պատճենները: Անգլերենով կամ ֆրանսերենով տեսակի պաշտոնական հաստատման մասին հաղորդագրությունների համար չի պահանջվում ռուսերեն թարգմանություն.

գ) սույն տեխնիկական կանոնակարգի առանձին պահանջներին համապատասխանության սերտիֆիկատները.

5.2. արտադրողը ձեռնարկում է բոլոր անհրաժեշտ միջոցները՝ ապահովելու արտադրական գործընթացի կայունությունը և արտադրվող տրակտորների, կցանքների կամ բաղադրամասերի համապատասխանությունը սույն տեխնիկական կանոնակարգի պահանջներին.

5.3. այն պահանջների նկատմամբ, որոնց մասով ներկայացված են հավատարմագրված փորձարկման լաբորատորիայի (կենտրոնի) կողմից տրված փորձարկման արձանագրություններ կամ տեսակի պաշտոնական հաստատման մասին հաղորդագրություններ, փորձարկումներ չեն անցկացվում.

5.4. սերտիֆիկացման մարմինը՝

5.4.1. ուսումնասիրում է համապատասխանության հաստատման մասին հայտը և ընդունում է սերտիֆիկացում անցկացնելու հնարավորության մասին որոշում։ Որոշման մեջ արտացոլվում են՝

ներկայացված փաստաթղթերի կիրառման հնարավորությունը և բավարար լինելը.

պակասող ապացուցողական նյութերն ստանալու նպատակով փորձարկումների անցկացման անհրաժեշտությունը.

արտադրական վիճակի վերլուծության անցկացման անհրաժեշտությունը և ժամկետները:

Եթե այն տրակտորների և կցանքների բաղադրամասերի համար, որոնց համապատասխանության հաստատումը նախատեսված է սույն տեխնիկական կանոնակարգի թիվ 1 հավելվածում բերված ՄԱԿ-ի կանոններով, որպես ապացուցողական նյութեր ներկայացված են տեսակի պաշտոնական հաստատման մասին հաղորդագրությունները, ապա սերտիֆիկացման մարմինը բաղադրամասերի նույնականացում անցկացնելուց հետո տալիս է համապատասխանության սերտիֆիկատ սույն կետի 5.4.6 ենթակետի համաձայն՝ տեսակի պաշտոնական հաստատման մասին ներկայացված հաղորդագրության հիմունքով՝ առանց սույն կետի 5.4.2-5.4.5 ենթակետերում նշված աշխատանքների անցկացման: Համապատասխանության սերտիֆիկատում սերտիֆիկացման սխեմայի փոխարեն նշվում է «ս» տառը.

5.4.2. պակասող ապացուցողական նյութերն ստանալու նպատակով՝

իրականացնում է տրակտորների, կցանքների կամ բաղադրամասերի նմուշառում և անցկացնում է նույնականացում՝ սույն տեխնիկական կանոնակարգի 1–ին հոդվածով սահմանված հատկանիշներին, սույն տեխնիկական կանոնակարգի 4–րդ հոդվածով սահմանված դրույթներին և սույն կետի 5.1 ենթակետում նշված փաստաթղթերին դրանց բնութագրերի նույնականությունը որոշելու միջոցով.

ուղարկում է հավատարմագրված փորձարկման լաբորատորիա (կենտրոն) տրակտորի, կցանքի կամ բաղադրամասի նմուշը (նմուշները)` սույն տեխնիկական կանոնակարգի պահանջներին համապատասխանության մասով փորձարկումներ անցկացնելու համար.

5.4.3. անցկացնում է արտադրական վիճակի վերլուծություն (1ս սխեմա): Արտադրական վիճակի վերլուծության անցկացման դեպքում ստուգման օբյեկտներն են՝

արտադրանքի տեխնիկական փաստաթղթերը (նախագծային և (կամ) կոնստրուկտորական և (կամ) տեխնոլոգիական և (կամ) շահագործման).

սույն տեխնիկական կանոնակարգի պահանջներին Միության մաքսային տարածքում շրջանառության մեջ բաց թողնվող արտադրանքի համապատասխանության վրա ազդեցություն ունեցող աշխատանք կատարող անձնակազմի կոմպետենտությունը.

արտադրության ենթակառուցվածքը (արտադրողի տարածքում գտնվող և արտադրության կազմակերպման համար անհրաժեշտ օբյեկտների ամբողջությունը (արտադրական տարածքներ, տրանսպորտ և այլն)).

սարքավորումները (տեխնոլոգիական զինման միջոցները), ինչպես նաև դրա տեխնիկական սպասարկումը և վերանորոգումը.

ստուգիչ, չափիչ և փորձարկման սարքավորումների կառավարումը.

սույն տեխնիկական կանոնակարգի պահանջներին արտադրանքի համապատասխանության ապահովման համար անհրաժեշտ չափման միջոցները.

սերտիֆիկացվող արտադրանքի (հումքի, նյութերի, լրակազմող արտադրատեսակների) անվտանգության ցուցանիշների վրա ազդեցություն ունեցող՝ գնված արտադրանքի մուտքային վերահսկումը.

պատրաստի արտադրանքի ընդունման վերահսկողությունը և պարբերական փորձարկումները՝ կապված բնութագրերի վերահսկման հետ, որոնց նկատմամբ սույն տեխնիկական կանոնակարգով սահմանված են պարտադիր պահանջներ.

պատրաստի արտադրանքի մակնշումը, դրա պահման, փաթեթավորման և պահպանման պայմանները.

փոխգործակցությունը սպառողի հետ (այդ թվում՝ տվյալ արտադրողի արտադրանքի մասով բողոքների և բողոքագրերի ուսումնասիրումը).

արտադրանքի նույնականացումը և դրա հետագծելիությունը.

շտկող և կանխարգելիչ միջոցառումները.

5.4.4. գնահատում է արտադրության որակի կառավարման կամ տրակտորների, կցանքների կամ բաղադրամասերի մշակման և արտադրության սերտիֆիկացված համակարգի հնարավորությունն ապահովելու՝ սույն տեխնիկական կանոնակարգի պահանջներին համապատասխանող՝ սերտիֆիկացվող տրակտորների, կցանքների կամ բաղադրամասերի կայուն թողարկումը (2ս սխեմա).

5.4.5. ամփոփում է սույն կետի 5.4.1-5.4.4 ենթակետերին և սերտիֆիկացման ընտրված սխեմային համապատասխան՝ սերտիֆիկացման գծով անցկացված աշխատանքների արդյունքները.

5.4.6. տրամադրում է ըստ Եվրասիական տնտեսական հանձնաժողովի կոլեգիայի 2012 թվականի դեկտեմբերի 25-ի թիվ 293 որոշմամբ հաստատված՝ միասնական ձևի համապատասխանության սերտիֆիկատ՝ կցելով այն համապատասխանության սերտիֆիկատին, որում բերված են սույն տեխնիկական կանոնակարգի թիվ 2 հավելվածի IV բաժնում սահմանված տեղեկությունները:

Սերիական արտադրության տրակտորների, կցանքների կամ բաղադրամասերի համար համապատասխանության սերտիֆիկատի գործողության ժամկետը 5 տարի է, տրակտորների, կցանքների կամ բաղադրամասերի խմբաքանակի (եզակի արտադրատեսակի) համար գործողության ժամկետ չի սահմանվում և սահմանափակվում է քանակական քվոտայով, ընդ որում՝ համապատասխանության սերտիֆիկատում նշվում են արտադրանքի խմբաքանակի տարբերակիչ հատկանիշները՝ նույնականացման համարները, ապրանքաուղեկից փաստաթղթերի մասին տեղեկությունները կամ տվյալ խմբաքանակի այլ հատկանիշներ.

5.5. արտադրողը (արտադրողի կողմից լիազորված անձը) կամ վաճառողը՝

5.5.1. ապահովում է Մաքսային միության հանձնաժողովի 2011 թվականի հուլիսի 15-ի թիվ 711 որոշմամբ հաստատված կարգով անդամ պետությունների շուկայում արտադրանքի շրջանառության միասնական նշանով մակնշումը՝ սույն տեխնիկական կանոնակարգի 7-րդ հոդվածով նախատեսված դեպքերում.

5.5.2. սույն տեխնիկական կանոնակարգի պահանջներին համապատասխանության հաստատումն ավարտվելուց հետո կազմում է տրակտորների, կցանքների կամ բաղադրամասերի վերաբերյալ փաստաթղթերի լրակազմ փաթեթ, որում ընդգրկվում են՝

սույն կետի 5.1 ենթակետում նշված փաստաթղթերը.

սույն կետի 5.4.2 ենթակետով նախատեսված դեպքերում փորձարկման արձանագրությունը (արձանագրությունները).

արտադրական վիճակի վերլուծության արդյունքները` սերտիֆիկացման սխեմայով նախատեսված դեպքերում.

համապատասխանության սերտիֆիկատը.

5.6. սերտիֆիկացման մարմինը տարին մեկ անգամից ոչ հաճախ, սակայն երկու տարին երկու անգամից ոչ պակաս, անցկացնում է սերտիֆիկացված տրակտորների, կցանքների կամ բաղադրամասերի տեսչական ստուգում՝

հավատարմագրված փորձարկման լաբորատորիայում (կենտրոնում) նմուշի (նմուշների) փորձարկումների և (կամ) արտադրական վիճակի վերլուծության անցկացում (1ս սխեմա).

հավատարմագրված փորձարկման լաբորատորիայում (կենտրոնում) նմուշի (նմուշների) փորձարկումների և (կամ) որակի կառավարման սերտիֆիկացված համակարգի տեսչական ստուգման արդյունքների վերլուծության անցկացում (2ս սխեմա):

Տեսակի պաշտոնական հաստատման մասին հաղորդագրությունների հիմքով սերտիֆիկացված բաղադրամասերի տեսչական ստուգումն իրականացվում է սերտիֆիկացման մարմինների կողմից 1958 թվականի Համաձայնագրի անդամ պետությունների կողմից լիազորված տեխնիկական ծառայությունների կողմից անցկացված՝ արտադրությունների համապատասխանության գնահատման արդյունքների վերլուծության և (կամ) բաղադրամասերի փորձարկումների միջոցով.

5.7. այն տրակտորների, կցանքների և շարժիչների կառուցվածքում, որոնց համար տրվել է համապատասխանության սերտիֆիկատ, կամ դրանց արտադրական (պատրաստման) տեխնոլոգիայում փոփոխությունների կատարման անհրաժեշտության առաջացման կամ տրակտորի, կամ կցանքի տեխնիկական նկարագրության մեջ նշված տեղեկատվության փոփոխության դեպքում արտադրողը (արտադրողի կողմից լիազորված անձը)՝ մինչ Միության մաքսային տարածքում տրակտորների, կցանքների և շարժիչների շրջանառության մեջ բաց թողնելը, գրավոր ծանուցում է դրա մասին համապատասխանության սերտիֆիկատ տրամադրած սերտիֆիկացման մարմնին՝ կցելով կատարված փոփոխությունների կազմերը և բնութագրերը հաստատող փաստաթղթեր (տեխնիկական նկարագրություն, կոնստրուկտորական փաստաթղթեր, գծագրեր, մասնագիր և այլն):

Ներկայացված փաստաթղթերի վերլուծության հիման վրա՝ արտադրողից (արտադրողի կողմից լիազորված անձից) ծանուցման ստացման օրվանից 10 աշխատանքային օրվա ընթացքում սերտիֆիկացման մարմինն ընդունում է լրացուցիչ փորձարկումների անցկացման անհրաժեշտության մասին որոշում՝ որոշելով դրանց ծավալը և (կամ) արտադրական վիճակի վերլուծությունը (եթե արտադրական վիճակի վերլուծությունը նախատեսված է այդպիսի արտադրանքի սերտիֆիկացման սխեմայով) կամ այդպիսի անհրաժեշտության բացակայության մասին և ծանուցում է արտադրողին (արտադրողի կողմից լիազորված անձի կողմից) ընդունված որոշման մասին:

Միության մաքսային տարածքում տրակտորների, կցանքների և շարժիչների շրջանառության մեջ բացթողումը դրանց կառուցվածքում (կազմում) կամ արտադրական (պատրաստման) տեխնոլոգիայում փոփոխություններ կատարելիս չի թույլատրվում՝ մինչ սերտիֆիկացման մարմնից արտադրողի (արտադրողի կողմից լիազորված անձի կողմից) տրակտորների, կցանքների և շարժիչների լրացուցիչ փորձարկումների և (կամ) արտադրական վիճակի վերլուծության անցկացման անհրաժեշտության բացակայության մասին ծանուցում ստանալը:

Այն դեպքում, երբ արտադրանքի սերտիֆիկացման մարմնի կողմից ընդունվում է լրացուցիչ փորձարկումների և (կամ) արտադրական վիճակի վերլուծության անցկացման անհրաժեշտության մասին որոշում, այդպիսի որոշումը սույն ենթակետի երկրորդ պարբերության մեջ նշված ժամկետում ուղարկվում է արտադրանքի սերտիֆիկացման մարմնի կողմից արտադրողին (արտադրողի կողմից լիազորված անձին) անմիջականորեն կամ պատվիրված փոստային առաքմամբ՝ ներդրվածքի մասին վերգրությամբ և հանձնման մասին ծանուցմամբ:

Տրակտորների, կցանքների և շարժիչների լրացուցիչ փորձարկումների և (կամ) արտադրական վիճակի վերլուծության անցկացման ավարտի օրվանից 5 աշխատանքային օրվա ընթացքում սերտիֆիկացման մարմնի կողմից ընդունվում է տրակտորների, կցանքների և շարժիչների՝ սույն տեխնիկական կանոնակարգի պահանջներին համապատասխանության (անհամապատասխանության) մասին որոշում:

Տրակտորների, կցանքների և շարժիչների՝ սույն տեխնիկական կանոնակարգի պահանջներին համապատասխանության մասին որոշման հիմքով արտադրանքի սերտիֆիկացման մարմնի (արտադրողի կողմից լիազորված մարմնի) կողմից ուղարկվում է համապատասխանության սերտիֆիկատում փոփոխություններ և (կամ) լրացումներ կատարելու հնարավորության մասին ծանուցումը նոր ձևաթղթի վրա ձևակերպման միջոցով՝ դրան տալով նոր գրանցման համար, ընդ որում՝ համապատասխանության ձևակերպվող սերտիֆիկատի գործողության ավարտի ամսաթիվը սահմանվում է համապատասխանության փոխարինվող սերտիֆիկատի ավարտի ամսաթվով: Նշված ծանուցումն ուղարկվում է տրակտորների, կցանքների և շարժիչների՝ սույն տեխնիկական կանոնակարգի պահանջներին համապատասխանության (անհամապատասխանության) մասին որոշումն ընդունելու օրվանից 5 աշխատանքային օրվա ընթացքում:

Համապատասխանության սերտիֆիկատի «լրացուցիչ տեղեկատվություն» վանդակում նշվում է «տրված է փոխարենը» տեղեկատվությունը և այնուհետև՝ նախորդ համապատասխանության սերտիֆիկատի գրանցման համարը և տրման ամսաթիվը: Սերտիֆիկացման մարմնի կողմից համապատասխանության սերտիֆիկատի տրման հետ մեկտեղ ընդունվում է որոշում համապատասխանության սերտիֆիկատի գործողության դադարեցման մասին, որը նշվում է տրվող համապատասխանության սերտիֆիկատում:

Լրացուցիչ փորձարկումների բացասական արդյունքների դեպքում արտադրանքի սերտիֆիկացման մարմնի կողմից արտադրողին (արտադրողի կողմից լիազորված անձին) է տրվում սույն ենթակետի դրույթների համաձայն՝ համապատասխանության սերտիֆիկատում փոփոխությունների և (կամ) լրացումների կատարումից հրաժարվելու մասին որոշում՝ այդպիսի հրաժարման հիմնավորված պատճառների նշմամբ:

Տրակտորների և կցանքների համապատասխանության հաստատման լրացուցիչ ընթացակարգերի անցկացման արդյունքների հիման վրա սերտիֆիկացման մարմնի կողմից տրված փաստաթղթերը ներառվում են ապացուցողական նյութերի լրակազմ փաթեթում և ներկայացվում են անդամ պետության՝ սույն տեխնիկական կանոնակարգի պահանջների պահպանման պետական հսկողություն (վերահսկում) իրականացնող մարմիններին.

5.8. ըստ 1ս կամ 2ս սխեմաների՝ տրակտորների կամ կցանքների սերտիֆիկացման ժամանակ որպես հայտատու հանդես եկած և սույն կետի 5.5.2 ենթակետի համաձայն համապատասխանության հաստատման ընթացակարգն ավարտվելուց հետո կազմված՝ տրակտորների կամ կցանքների մասով փաստաթղթերի լրակազմ փաթեթ ունեցող արտադրողը (արտադրողի կողմից լիազորված անձը) իրավասու է դիմելու տրակտորի կամ կցանքի համապատասխանության սերտիֆիկատ տրամադրած սերտիֆիկացման մարմին՝ տրակտորի կամ կցանքի սերտիֆիկացման դրական արդյունքների հիման վրա սույն տեխնիկական կանոնակարգի թիվ 1 հավելվածում բերված բաղադրամասերից իր կողմից արտադրվող բաղադրամասերի համապատասխանության սերտիֆիկատ ստանալու նպատակով:

Տրակտորների կամ կցանքների հետվաճառքային սպասարկման համար որպես փոխարինովի (պահեստային) մաս մատակարարվող բաղադրամասերի համապատասխանության սերտիֆիկատը կարող է ձևակերպվել տրակտորի կամ կցանքի՝ սույն տեխնիկական կանոնակարգի պահանջներին համապատասխանության հաստատման արդյունքների հիման վրա՝ հետևյալ պայմանների պահպանմամբ՝

հավաքման արտադրության համար մատակարարվող բաղադրամասերի և տրակտորների կամ կցանքների հետվաճառքային սպասարկման համար մատակարարվող բաղադրամասերի նույնականությունը (տրակտորի կամ կցանքի տեխնիկական նկարագրության մեջ համապատասխան տեղեկատվության առկայությունը).

տրակտոր կամ կցանք արտադրողի (արտադրողի կողմից լիազորված անձի) կողմից ապացուցողական նյութեր ներկայացնելը, որոնցով հաստատվում է, որ որպես փոխարինովի (պահեստային) մասեր մատակարարվող բաղադրամասերը նույնական են այն բաղադրամասերին, որոնք մատակարարվում կամ մատակարարվել են համապատասխան տրակտորների կամ կցանքների հավաքման համար:

Տրակտորի կամ կցանքի արտադրության դադարեցման և համապատասխանաբար՝ տրակտորի կամ կցանքի համապատասխանության սերտիֆիկատի գործողության ժամկետի ավարտի դեպքում տրակտորի կամ կցանքի արտադրողի (արտադրողի կողմից լիազորված անձի) կողմից կարող է հայտ ներկայացվել 5 տարին չգերազանցող գործողության ժամկետով՝ որպես փոխարինովի (պահեստային) մասեր մատակարարվող՝ իր կողմից արտադրվող բաղադրամասերի համապատասխանության սերտիֆիկատ ստանալու համար, սերիական արտադրության (խմբաքանակի (եզակի արտադրատեսակի) համար) բաղադրամասերի համար գործողության ժամկետ չի սահմանվում, ընդ որում՝ համապատասխանության սերտիֆիկատում նշվում են արտադրանքի խմբաքանակի տարբերակիչ հատկանիշները՝ նույնականացման համարները, ապրանքաուղեկից փաստաթղթերի մասին տեղեկությունները և այլն): Նշված բաղադրամասերի համապատասխանության սերտիֆիկատը կարող է ձևակերպվել տրակտորի կամ կցանքի՝ Միության մաքսային տարածքում շրջանառության մեջ բացթողման ավարտին գործող պահանջների համաձայն սերտիֆիկացման մարմնի կողմից անցկացված՝ բաղադրամասերի արտադրական վիճակի վերլուծության դրական արդյունքների պայմանով:

6. Սույն հոդվածի 5-րդ կետի 5.5.2 ենթակետին համապատասխան ձևակերպված՝ տրակտորների, կցանքների կամ բաղադրամասերի մասով փաստաթղթերի լրակազմ փաթեթը պետք է պահպանվի հաջորդ ժամկետի ընթացքում.

սերիական արտադրության տրակտորների, կցանքների կամ բաղադրամասերի մասով՝ արտադրողի (արտադրողի կողմից լիազորված անձի) մոտ այդ տրակտորները, կցանքները կամ բաղադրամասերն արտադրությունից հանելու (արտադրությունը դադարեցնելու) օրվանից առնվազն 10 տարի.

տրակտորների, կցանքների կամ բաղադրամասերի խմբաքանակի մասով՝ արտադրողի (արտադրողի կողմից լիազորված անձի) կամ վաճառողի մոտ խմբաքանակից վերջին արտադրատեսակի իրացման օրվանից առնվազն 10 տարի:»:

8. Նշված տեխնիկական կանոնակարգի թիվ 1 հավելվածը շարադրել հետևյալ խմբագրությամբ՝

«ՀԱՎԵԼՎԱԾ ԹԻՎ 1 Մաքսային միության «Գյուղատնտեսական և անտառատնտեսական տրակտորների և դրանց կցանքների անվտանգության մասին» տեխնիկական կանոնակարգի (ՄՄ ՏԿ 031/2012) (Եվրասիական տնտեսական հանձնաժողովի խորհրդի 2021 թվականի հոկտեմբերի 29-ի թիվ 127 որոշման խմբագրությամբ)

_______________

1. Մեխանիկական քարշակցման սարքվածքների համար, որոնց տեսակները և տեսակաչափսերը սահմանված չեն ԳՕՍՏ 32774-2014-ում, ԳՕՍՏ 32774-2014-ի պահանջները չի պահանջվում հաստատել:

2. Կիրառվում են բացառապես՝ 3Ա էկոլոգիական դասին համապատասխանող վնասակար նյութերի արտանետումների մակարդակ ապահովող վառելիքի ներցայտման էլեկտրոնային համակարգով չսարքավորված շարժիչների համար:»:

3. Գործում են մինչև 2022 թվականի հունվարի 1-ը նախագծված բաղադրամասերի համար.

9. Նշված տեխնիկական կանոնակարգի թիվ 2 հավելվածում՝

ա) հավելվածի անվանումը շարադրել հետևյալ խմբագրությամբ՝

«Մաքսային միության «Գյուղատնտեսական և անտառատնտեսական տրակտորների և կցանքների անվտանգության մասին» տեխնիկական կանոնակարգի (ՄՄ ՏԿ 031/2012) պահանջներին տրակտորների և կցանքների համապատասխանությունը հաստատելու նպատակով արտադրողի (արտադրողի կողմից լիազորված անձի), վաճառողի կողմից ներկայացվող տեխնիկական նկարագրությունների ձևերը».

բ) տեքստում՝ համապատասխան թվով և հոլովով «Մաքսային միության անդամ պետությունները» բառերը փոխարինել համապատասխան թվով և հոլովով «անդամ պետությունները» բառերով.

գ) առաջին պարբերության մեջ «1» թվանշանը փոխարինել «Բաժին I» բառերով.

դ) երկրորդ պարբերության մեջ «ՄԱԿ-ի ԵՏՀ» բառերը փոխարինել «Ժնևում 1958 թվականի մարտի 20-ին կնքված՝ անվավոր տրանսպորտային միջոցների, սարքավորումների առարկաների և մասերի համար, որոնք կարող են տեղակայվել և (կամ) օգտագործվել անվավոր տրանսպորտային միջոցների վրա, միօրինակ տեխնիկական կարգադրագրերի ընդունման և այդ կարգադրագրերի հիման վրա տրվող պաշտոնական հաստատումների փոխճանաչման պայմանների մասին համաձայնագրին (այսուհետ՝ տեսակի պաշտոնական հաստատման մասին հաղորդագրություններ) համապատասխան տրված ՄԱԿ-ի» բառերով.

ե) 0.6 ենթակետում «գրանցման նշանների և մակագրությունների (լուսանկարներ կամ գծագրեր) տեղակայման» բառերը փոխարինել «Եվրասիական տնտեսական միության անդամ պետության (անդամ պետությունների) (այսուհետ՝ համապատասխանաբար Միություն, անդամ պետություններ) օրենսդրությամբ կամ ՄԱԿ-ի կանոններով նախատեսված նշագրերի և խորհրդանշանների զետեղման» բառերով.

զ) 1.1.1 ենթակետում «անիվների» բառը փոխարինել «սռնիների» բառով.

է) 3.1.1 ենթակետում «Հիմնական» բառը փոխարինել «Բազային» բառով.

ը) 3.1.2 ենթակետում «հիմնական» բառը փոխարինել «բազային» բառով.

թ) 10.1.1 ենթակետում «շրջանակ» բառը փոխարինել «Պաշտպանիչ հիմնակմախք» բառերով.

ժ) 10.1.3 ենթակետում «Կանգնակ, ձող» բառերը փոխարինել «Անվտանգության աղեղ» բառերով.

ժա) լրացնել հետևյալ բովանդակությամբ 11.1.9 ենթակետով.

«11.1.9 Ուրվագծային լույսեր......................................................».

ժբ) 1.2.7 ենթակետում «Ուրվագծային լույսեր» բառերը փոխարինել «Կցանքի լուսային ազդանշանման աշխատանքի վերահսկման լամպիկներ».

ժգ) 11.2.8 ենթակետը բացառել.

ժդ) 12.7 ենթակետում «կախովի» բառը փոխարինել «քարշակման» բառով.

ժե) 12.8 ենթակետից հետո առաջին-չորրորդ պարբերությունները փոխարինել հետևյալ բովանդակությամբ պարբերություններով.

«Բաժին II. Տրակտորների և կցանքների սերտիֆիկացման համար նախատեսված բնութագրերի կրճատ ցանկը

Կրճատ ցանկը լրացվում է այն դեպքում, երբ բաղադրամասերի մասով արդեն առկա է Մաքսային միության «Գյուղատնտեսական և անտառատնտեսական տրակտորների և դրանց կցանքների անվտանգության մասին» տեխնիկական կանոնակարգի (ՄՄ ՏԿ 031/2012) (այսուհետ՝ տեխնիկական կանոնակարգ) առանձին պահանջներին համապատասխանության մասով մեկ կամ մի քանի համապատասխանության սերտիֆիկատ, տեսակի պաշտոնական հաստատման մասին հաղորդագրություններ և Միության սերտիֆիկացման մարմինների և փորձարկման լաբորատորիաների (կենտրոնների) միասնական ռեեստրում ընդգրկված հավատարմագրված փորձարկման լաբորատորիայի (կենտրոնի) կողմից տրված փորձարկման արձանագրություն (այսուհետ՝ փորձարկման արձանագրություններ):

Այդ դեպքում սույն բաժնի 1-12-րդ կետերում բերված՝ տրակտորի կամ կցանքի կամ բաղադրամասի համապատասխան տեխնիկական բնութագրերի համար նշվում են յուրաքանչյուր տեսակի (տարբերակի, տարատեսակի) տրակտորի կամ կցանքի համար համապատասխան փորձարկման արձանագրությունների, համապատասխանության սերտիֆիկատների, տեսակի պաշտոնական հաստատման մասին հաղորդագրությունների համարները:

Եթե առանձին պահանջներին համապատասխանության մասով տրված փորձարկման արձանագրությունները, համապատասխանության սերտիֆիկատները կամ տեսակի պաշտոնական հաստատման մասին հաղորդագրությունները բացակայում են, ապա համապատասխան կետերը լրացվում են հիմնական բնութագրերի ամբողջական ցանկում բերված անհրաժեշտ տեղեկություններով: ».

ժե) 3-րդ և 4-րդ կետերը փոխարինել հետևյալ բովանդակությամբ III և IV բաժիններով՝

«Բաժին III. Տեխնիկական նկարագրություն կազմելու մասով առաջարկությունները

Տեխնիկական նկարագրությունը կազմվում է մեկ տեսակի տրակտորի և կցանքի մասով, որն իր մեջ կարող է միավորել կատարման մի քանի տարբերակ և տարատեսակ (առկայության դեպքում): Թույլատրվում է ձևակերպել մի քանի տեսակի տրակտորի և կցանքի մասով տեխնիկական նկարագրություն, որոնք իրենց մեջ ներառում են կատարման տարբերակներ և տարատեսակներ (առկայության դեպքում)՝ տեխնիկական և կոնստրուկտորական բնութագրերի մասով բերված կատարումներից յուրաքանչյուրի միանշանակ նույնականացումն ապահովելու պայմանով:

Պայմանավորված տեխնիկական կանոնակարգի առանձին պահանջների համապատասխանության մասով համապատասխանության սերտիֆիկատների, տեսակի պաշտոնական հաստատման մասին հաղորդագրությունների և փորձարկման արձանագրությունների առկայությամբ՝ տեխնիկական նկարագրության մեջ ներառվում են սույն փաստաթղթի I կամ II բաժնում համապատասխանաբար նշված հիմնական բնութագրերի ամբողջական կամ կրճատ ցանկից բնութագրերը:

Տեխնիկական նկարագրության մեջ տեղեկությունները ներկայացնելու ձևը կամայական է:

Բնութագրերի կրճատ ցանկի հիման վրա լրացված տեխնիկական նկարագրությունը կարող է լրացվել կոնկրետ տրակտորի կամ կցանքի կատարման յուրաքանչյուր տեսակի, տարբերակի կամ տարատեսակի մասով փաստաթղթերով հաստատված տվյալները միավորող աղյուսակով: Որպես օրինակ՝ բերված է 2.1 աղյուսակը:

Աղյուսակ 2.1

Յուրաքանչյուր տեսակ, տարբերակ կամ տարատեսակ պետք է պարտադիր նշագրվեն թվային և (կամ) տառաթվային ծածկագրի միջոցով, որը նաև նշվում է համապատասխան տրակտորի կամ կցանքի համար համապատասխանության սերտիֆիկատում և դրանց կից հավելվածում։

Բաժին IV. Համապատասխանության սերտիֆիկատին կից հավելվածում նշվող տեղեկատվությունը

Համապատասխանության սերտիֆիկատին կից հավելվածում պետք է բերվեն հետևյալ տեղեկությունները.

տրակտորի կամ կցանքի հիմնական կառուցվածքային բնութագրերը՝ սույն փաստաթղթի II բաժնի 1-ին կետին համապատասխան.

համապատասխանության սերտիֆիկատի ձևակերպման համար հիմք հանդիսացած փաստաթղթերի ցանկը: Այդ փաստաթղթերի մասին տեղեկատվությունը կարող է բերվել այնպիսի տեղեկություններով լրացված սույն փաստաթղթի III բաժնի 2.1 աղյուսակի ձևով, որոնք հնարավորություն են տալիս նույնականացնել տրակտորի կամ կցանքի՝ տեխնիկական կանոնակարգի պահանջներին համապատասխանությունը գնահատելու համար օգտագործվող փաստաթուղթ տրամադրած կազմակերպությունը.

տրակտորի կամ կցանքի մականշվածքի նկարագրությունը: Բերվում է տրակտորի կամ կցանքի վրա Միության շուկայում արտադրանքի շրջանառության միասնական նշանի զետեղման տեղի նկարագրությունը, որը բավարար է այն տրակտորի կամ կցանքի վրա հայտնաբերելու համար.

տրակտորի կամ կցանքի վրա արտադրողի ցուցանակի զետեղման տեղի նկարագրությունը, որը բավարար է այն տրակտորի կամ կցանքի վրա հայտնաբերելու համար: Բերվում է տրակտորի կամ կցանքի վրա նույնականացման համարի զետեղման բոլոր տեղերի նկարագրությունը.

տրակտորի կամ կցանքի ընդհանուր տեսքը (լուսանկարը և (կամ) գրաֆիկական պատկերը):

Համապատասխանության սերտիֆիկատին կից հավելվածում կարող է բերվել տրակտորի կամ կցանքի մասին լրացուցիչ տեղեկատվություն: Օրինակ՝ ընդհանուր օգտագործման ճանապարհներին երկտակ անվադողերով սարքավորված տրակտորների օգտագործման հնարավորության սահմանափակման մասին տեղեկատվությունը:»:

10. Նշված տեխնիկական կանոնակարգի թիվ 3 հավելվածում՝

ա) 1.2 ենթակետը լրացնել հետևյալ բովանդակությամբ պարբերությամբ՝

«С4.2 — գերլայն թրթուրավոր տրակտորներ, սահմանումը համանման է Т4.2 կատեգորիայի անվավոր տրակտորների սահմանմանը:».

բ) լրացնել հետևյալ բովանդակությամբ 3-րդ կետով՝

«3. Տրակտորների շարժիչների բանած գազերում պարունակվող վնասակար նյութերի արտանետումների մակարդակով պայմանավորված` տրակտորների և սեղմումից բոցավառմամբ ներքին այրման շարժիչների դասակարգումն իրականացվում է աղյուսակին համապատասխան:

Աղյուսակ

1) Պահանջները կիրառվում են շահագործման մեջ գտնվող տրակտորների նկատմամբ որպես պահեստամասեր մատակարարվող՝ սեղմումից բոցավառմամբ շարժիչների՝ Մաքսային միության «Գյուղատնտեսական և անտառատնտեսական տրակտորների և դրանց կցանքների անվտանգության մասին» տեխնիկական կանոնակարգի (ՄՄ ՏԿ 031/2012) պահանջներին համապատասխանության հաստատման հնարավորության ապահովման նպատակով:

2) 2024 թվականի հունվարի 1-ից պահանջները կիրառվում են շահագործման մեջ գտնվող տրակտորների նկատմամբ որպես պահեստամասեր մատակարարվող՝ սեղմումից բոցավառմամբ շարժիչների՝ Մաքսային միության «Գյուղատնտեսական և անտառատնտեսական տրակտորների և դրանց կցանքների անվտանգության մասին» տեխնիկական կանոնակարգի (ՄՄ ՏԿ 031/2012) պահանջներին համապատասխանության հաստատման հնարավորության ապահովման նպատակով:»:

11. Նշված տեխնիկական կանոնակարգի թիվ 4 հավելվածը շարադրել հետևյալ խմբագրությամբ՝

«ՀԱՎԵԼՎԱԾ ԹԻՎ 4 Մաքսային միության «Գյուղատնտեսական և անտառատնտեսական տրակտորների և դրանց կցանքների անվտանգության մասին» տեխնիկական կանոնակարգի (ՄՄ ՏԿ 031/2012) (Եվրասիական տնտեսական հանձնաժողովի խորհրդի 2021 թվականի հոկտեմբերի 29-ի թիվ 127 որոշման խմբագրությամբ)

Աղյուսակ 4.1

Տրակտորներին և կցանքներին ներկայացվող անվտանգության պահանջների ցանկը

Պայմանական նշանները՝

X՝ պահանջը կիրառվում է.

(X)՝ պահանջների կիրառելիությունը սահմանում է արտադրողը.

[X]՝ նշված ստանդարտները կամ ՄԱԿ-ի կանոնները կիրառվում են կցանքների վրա տարածվող պահանջների մասով.

«-»՝ պահանջ չի կիրառվում.

I՝ ինչպես և անվավոր տրանսպորտների համար՝ կատեգորիայով պայմանավորված:

1) Եթե նախատեսված է կառուցվածքով:

2) Մեխանիկական քարշակցման սարքվածքների համար, որոնց տեսակները և տեսակաչափսերը սահմանված չեն ԳՕՍՏ 32774-2014-ում, ԳՕՍՏ 32774-2014-ի պահանջները չի պահանջվում հաստատել:

Աղյուսակ 4.2

Հատուկ նշանակության տրակտորներին ներկայացվող անվտանգության պահանջների ցանկը

Պայմանական նշանները՝

X՝ պահանջը կիրառվում է.

(X)՝ պահանջների կիրառելիությունը սահմանում է արտադրողը.

SD` պահանջ չի սահմանվել.

«-»՝ պահանջ չի կիրառվում:

1) Եթե նախատեսված է կառուցվածքով:

2) Մեխանիկական քարշակցման սարքվածքների համար, որոնց տեսակները և տեսակաչափսերը սահմանված չեն ԳՕՍՏ 32774-2014-ում, ԳՕՍՏ 32774-2014-ի պահանջները չի պահանջվում հաստատել:

12. Նշված տեխնիկական կանոնակարգի թիվ 5 հավելվածում՝

ա) անվանման մեջ հանել «Մաքսային միության սույն տեխնիկական կանոնակարգի թիվ 4 հավելվածի համաձայն» բառերը.

բ) 1.1 ենթակետում՝

առաջին պարբերության մեջ «5.1 աղյուսակում բերված» բառերը փոխարինել «շահագործման ձեռնարկում արտադրողի կողմից նշված» բառերով.

երկրորդ պարբերությունից հանել «նաև» բառը.

5.1. աղյուսակը հանել.

գ) 2.1 ենթակետի առաջին նախադասության մեջ «Մաքսային միության սույն տեխնիկական կանոնակարգի» բառերը փոխարինել «Մաքսային միության «Գյուղատնտեսական և անտառատնտեսական տրակտորների և դրանց կցանքների անվտանգության մասին» տեխնիկական կանոնակարգի (ՄՄ ՏԿ 031/2012)» բառերով.

դ) 3-րդ կետը շարադրել հետևյալ խմբագրությամբ՝

«3. Տրակտորի խցիկի պաշտպանիչ հատկությունները

3.1. Գյուղատնտեսական տրակտորները պետք է ունենան շրջման դեպքում պաշտպանիչ սարքվածքներ կամ պետք է սարքավորված լինեն շրջման դեպքում պաշտպանության սարքվածքներով հանդերձված խցիկով: Ընկնող առարկաներից պաշտպանիչ սարքվածքների (FOPS) տեղակայման անհրաժեշտությունը որոշվում է արտադրողի կողմից տրակտորի կիրառման ենթադրվող ոլորտին համապատասխան (կիրառման թույլատրելի ոլորտի մասին տեղեկատվությունը պետք է արտացոլվի շահագործման ձեռնարկում):

Անտառատնտեսական տրակտորները պետք է հանդերձված լինեն խցիկներով և սարքավորված լինեն շրջման դեպքում պաշտպանիչ սարքվածքներով (ROPS), ընկնող առարկաներից պաշտպանիչ սաքրվածքներով և գործարկուի պաշտպանության սարքվածքներով (OPS):

3.2. Գործարկուի պաշտպանության սարքվածքներ

Գյուղատնտեսական և անտառատնտեսական տրակտորների՝ ընկնող առարկաներից պաշտպանության սարքվածքները (FOPS) պետք է համապատասխանեն ԳՕՍՏ ISO 27850-2016-ին:

Գյուղատնտեսական և անտառատնտեսական տրակտորների շրջման դեպքում պաշտպանության սարքվածքները (ROPS) պետք է համապատասխանեն ԳՕՍՏ ISO 3463-2013 կամ ԳՕՍՏ ISO 5700-2013-ին: Ընդ որում, շրջման դեպքում պաշտպանության սարքվածքները (ROPS) ենթարկվում են ստատիկ կամ դինամիկ փորձարկումների (այս կամ այլ փորձարկումներ անցկացնել չի պահանջվում):

Գյուղատնտեսական տրակտորների գործարկուի պաշտպանության սարքվածքները (OPS) պետք է համապատասխանեն ԳՕՍՏ ISO 8084-2011-ին:

3.3. Այն դեպքում, երբ ըստ նշանակության տրակտոր օգտագործելիս առկա է գործարկուի՝ վտանգավոր նյութերի հետ շփման ռիսկ, առաջարկվում է տրակտորները խցիկներով սարքավորել: Աշխատող շարժիչի դեպքում խցիկում ածխածնի օքսիդի կոնցենտրացիան չպետք է գերազանցի 20 մգ/մ3-ն:».

ե) 6.1 ենթակետում «ՄԱԿ–ի ԵՏՀ թիվ 46 (02) կանոններին/Վերանայում 3» բառերը փոխարինել «ՄԱԿ-ի թիվ 46 (02) կանոններին» բառերով.

զ) 7-րդ կետը լրացնել հետևյալ բովանդակությամբ 7.4 և 7.5 ենթակետերով՝

«7.4. Թույլատրվում է տրակտորն արտադրողի կողմից սույն կետի 7.3 ենթակետում նշված չափսերի փոփոխությունը՝ պայմանավորված դրա շահագործման ենթադրվող պայմաններով, ինչպես նաև տրակտորի զանգվածով և եզրաչափքերով՝ շահագործման ձեռնարկում քարշակման սարքվածքի կոնկրետ չափսերի պարտադիր նշմամբ:

7.5. Քարշակման սարքվածքի կիրառման մեթոդը նշվում է արտադրողի կողմից շահագործման ձեռնարկում:».

է) 8.1 ենթակետում՝

8.1.1. ենթակետի երրորդ պարբերությունը շարադրել հետևյալ խմբագրությամբ՝

«2,55 մ լայնությունը (հաշվի չառնելով հենարանային մակերևույթի հետ դրանց հպման կետին մոտ դողերով գոյացող ելուստները): Т4.2 կատեգորիայի տրակտորների համար տրակտորի առավելագույն եզրաչափքային լայնություն չի սահմանվում».

8.1.2. ենթակետի երկրորդ պարբերությունը լրացնել «, Ra4 կատեգորիայի կցանքների (կիսակցանքների) համար թույլատրվում է եզրաչափքային լայնության մինչև 3,1 մ ավելացում՝ ճանապարհային երթևեկության անվտանգության ապահովման պայմանով».

ը) 9-րդ կետում՝

9.2.1. ենթակետում՝

չորրորդ պարբերությունից հանել «և տարբերակը (տարատեսակը) (առկայության դեպքում)» բառերը.

տասներկուերորդ պարբերությունից հանել «և տարբերակը (տարատեսակը) (առկայության դեպքում)» բառերը.

9.2.2. ենթակետի երկրորդ նախադասության մեջ «Մաքսային միության սույն տեխնիկական կանոնակարգի» բառերը փոխարինել «Մաքսային միության «Գյուղատնտեսական և անտառատնտեսական տրակտորների և դրանց կցանքների անվտանգության մասին» տեխնիկական կանոնակարգի» (ՄՄ ՏԿ 031/2012) բառերով».

9.4.1. ենթակետի առաջին նախադասության մեջ «Մաքսային միության անդամ պետության պետական լեզվով (լեզուներով)» բառերը փոխարինել «Եվրասիական տնտեսական միության անդամ պետության պետական լեզվով (պետական լեզուներով)» բառերով, «Մաքսային միության անդամ պետության (անդամ պետությունների) օրենսդրության (օրենսդրությունների)» բառերը փոխարինել «անդամ պետության (անդամ պետությունների) օրենսդրության» բառերով.

թ) 10-րդ կետում՝

10.1 ենթակետի երկրորդ պարբերությունը փոխարինել հետևյալ բովանդակությամբ պարբերություններով՝

«Տրակտորը պետք է սարքավորված լինի կցանքի արգելակների պնևմատիկ և (կամ) հիդրավլիկ շարժաբերներով: ТЗ կատեգորիայի տրակտորների մասով թույլատրվում է կցանքի արգելակների մեխանիկական շարժաբերի կիրառումը:

Արգելակների պնևմատիկ և (կամ) հիդրավլիկ շարժաբերով սարքավորված տրակտորի և կցանքների կառուցվածքով պետք է նախատեսվի տրակտորների և տրակտորի գործարկուի աշխատանքային տեղից տրակտորային գնացքի կազմում կցանքների նշված արգելակման համակարգերով կառավարման միասնական օրգան:».

10.2. ենթակետի առաջին պարբերության մեջ «ՄԱԿ-ի ԵՏՀ թիվ 13 (10) կանոններում/Վերանայում 6» բառերը փոխարինել «ՄԱԿ-ի թիվ 13 (10) կանոններում (մինչև 2022 թվականի հունվարի 1-ը) կամ ՄԱԿ-ի թիվ 13 (11) կանոններում (2022 թվականի հունվարի 1-ից)» բառերով.

ժ) 10.3.1 ենթակետի երկրորդ պարբերությունը շարադրել հետևյալ խմբագրությամբ՝

«Թույլատրվում է երկհաղորդալար հիդրավլիկ շարժաբերի կիրառումը:».

10.3.2. ենթակետում՝

առաջին պարբերությունից հետո լրացնել հետևյալ բովանդակությամբ պարբերություն՝

«Թույլատրվում է կցանքի միահաղորդալար պնևմատիկ շարժաբերի տեղակայումը տրակտորի միահաղորդալար պնևմատիկ շարժաբերին միացնելու համար:» .

երրորդ պարբերությունը հանել.

ժ) 11-րդ կետում՝

առաջին պարբերության միջից հանել «տրակտորների» բառը.

11.1. ենթակետում երկրորդ-չորրորդ պարբերությունները փոխարինել հետևյալ բովանդակությամբ պարբերությամբ՝

«Հետևի գրանցման համարանիշի տեղակայման համար տեղը պետք է լինի հարթ ուղղաձիգ մակերևույթ, որի չափսերն ապահովում են հետևի գրանցման համարանիշի տեղակայումը՝ անդամ պետություններում սահմանված պահանջներին համապատասխան:».

11.2.1-11.2.3 ենթակետերի տեքստում «տրակտորի» բառը փոխարինել «տրակտորի (կցանքի)» բառերով.

ժա) 12-րդ կետը շարադրել հետևյալ խմբագրությամբ՝

«12. Տրակտորների արգելակման համակարգերին ներկայացվող պահանջները

12.1. Գյուղատնտեսական անվավոր տրակտորների արգելակման համակարգերով պետք է ապահովվի՝

ըստ հետևյալ բանաձևի հաշվարկված արգելակման ուղի (սառը արգելակումների դեպքում տրակտորների համար)՝

որտեղ S0-ը՝ արգելակման ուղի, մ.

V0-ն՝ արգելակման սկզբի պահին արագությունը, կմ/ժ.

արգելակման ընթացքում շարժման անուղղագծությունը 0,5 մ-ից ոչ ավելի.

թեքության վրա տրակտորի կանգառքը և պահումը՝ 18 %:

12.2. Անտառատնտեսական անվավոր տրակտորների արգելակման համակարգերին ներկայացվող պահանջները պետք է համապատասխանեն ԳՕՍՏ ISO 11169-2011-ին:

12.3. Անվավոր տրակտորների հիմքով տրակտորային գնացքների արգելակման համակարգերով պետք է ապահովվի 12% թեքության վրա տրակտորային գնացքի կանգառքը և պահումը:

12.4. Անտառատնտեսական թրթուրավոր տրակտորների արգելակման համակարգերին ներկայացվող պահանջները պետք է համապատասխանեն ԳՕՍՏ ISO 11512-2011-ին:

Ըստ տրակտորների մասով փաստաթղթերի՝ գյուղատնտեսական թրթուրավոր տրակտորների արգելակման համակարգերին ներկայացվող պահանջները փորձարկումների ժամանակ պետք է համապատասխանեն ԳՕՍՏ 12.2.002.3-91-ին:».

ժբ) 13-րդ կետում՝ 13.1 ենթակետը հանել.

13.2. ենթակետի երկրորդ պարբերության մեջ «ՍՏԲ ԵՆ 13478-2006» բառերը փոխարինել «ԳՕՍՏ EN 13478-2012» բառերով.

13.3. ենթակետի երկրորդ պարբերության մեջ «ԳՕՍՏ 31177-2003» բառերը փոխարինել «ԳՕՍՏ ISO 4413-2016» բառերով. 13.4 ենթակետում՝ երկրորդ պարբերության մեջ՝

առաջին նախադասության մեջ «վտանգի» բառը փոխարինել «վտանգ» բառով.

երկրորդ նախադասության մեջ «ԳՕՍՏ Ռ 12.4.026-2001» բառերը փոխարինել «ԳՕՍՏ 12.4.026-2015» բառերով.

երրորդ պարբերությունը շարադրել հետևյալ խմբագրությամբ՝

Զոդակցման համար անհարմար կառուցվածք ունեցող տրակտորներն ու կցանքները և դրանց բաղադրամասերը պետք է ունենան վերհանման դեպքում զոդակցման, ապահովական շղթաների միակցան և ամբարձիկների տեղակայման համար սարքվածքներ կամ տեղեր: Զոդակցման և ապահովական շղթաների միակցման սխեմաները պետք է նշված լինեն տրակտորի և կցանքի վրա, ինչպես նաև շահագորման ձեռնարկում: Թրթուրավոր տրակտորների համար թույլատրվում է բերել զոդակցման սխեմաները և ապահովական շղթաների միակցման տեղերը միայն շահագործման ձեռնարկում: Ամբարձիկների տեղակայման և ապահովական շղթաների միակցման տեղերը մակնշում են տրակտորի և կցանքի վրա խորհրդանշաններով՝ համաձայն ԳՕՍՏ 26336-97-ի (խորհրդանիշ 2.30 «ամբարձման կետ» և խորհրդանիշ 2.31 «ամբարձման կամ հենման կետ):».

լրացնել հետևյալ բովանդակությամբ 13.7 ենթակետով՝

«13.7. Տրակտորների և կցանքների կայունությանը ներկայացվող պահանջները

Տրակտորների և կցանքների լայնական ստատիկ կայունության անկյունը՝ պայմանավորված դրանց կիրառման կատեգորիաներով և պայմաններով, սահմանվում է.

տրակտորների համար՝ ԳՕՍՏ 12.2.019-2015-ին համապատասխան.

կցանքների համար՝ ԳՕՍՏ 10000-2017-ին համապատասխան:

Տեխնիկական նկարագրությունների ձևը բերված է Մաքսային միության «Գյուղատնտեսական և անտառատնտեսական տրակտորների և դրանց կցանքների անվտանգության մասին» տեխնիկական կանոնակարգի (ՄՄ ՏԿ 031/2012) թիվ 2 հավելվածում:

Այն տրակտորները, որոնց շահագործումը նախատեսված է արտադրողի կողմից լեռնային տեղանքի պայմաններում կամ լեռնային տեղանքին հավասարեցված պայմաններում (բլրավորություն, բարձրությունների տարբերություններով պայմանավորված՝ տեղանքի բարդ լանդշաֆտ և այլն), պետք է սարքավորված լինեն սահմանային թույլատրելի կողաթեքման (սահմանային թույլատրելի կողաթեքումների) ազդանշանիչներով:

Սահմանային թույլատրելի կողաթեքման (սահմանային թույլատրելի կողաթեքումների) մասին տեղեկատվությունը բերվում է տրակտորի շահագործման ձեռնարկում:».

ժգ) 14-րդ կետը շարադրել հետևյալ խմբագրությամբ՝

«14. Տրակտորների շարժիչների բանած գազերում պարունակվող վնասակար նյութերի արտանետումներին ներկայացվող պահանջները

14.1. Դիզելային վառելիքով աշխատող՝ սեղմումից բոցավառմամբ շարժիչներ

Տրակտորների շարժիչների բանած գազերում պարունակվող վնասակար նյութերի արտանետումները չպետք է գերազանցեն 5.1 աղյուսակում բերված արժեքները՝

հզորության D, Е1, Е2, F, G ընդգրկույթներով շարժիչների համար՝ մինչև 2022 թվականի սեպտեմբերի 1-ը.

հզորության Н, I, J, К ընդգրկույթներով շարժիչների համար՝ 2022 թվականի սեպտեմբերի 1-ից:

Աղյուսակ 5.1

Թույլատրվում է սույն ենթակետի չորրորդ պարբերությամբ նախատեսված պահանջների կիրառումը մինչև 2022 թվականի սեպտեմբերի 1-ը:

14.2. Սեղմված բնական գազով (ՍԲԳ) կամ հեղուկացված նավթային գազով (ՀՆԳ) աշխատող հարկադիր վառքով շարժիչներ

Մինչև 2020 թվականի սեպտեմբերի 1-ը տրակտորների շարժիչների բանած գազերում պարունակվող ածխածնի օքսիդի, ածխաջրածինների և ազոտի օքսիդների արտանետումների արժեքները չպետք է գերազանցեն ըստ ՄԱԿ-ի թիվ 96 (02) կանոնների փորձարկումների ժամանակ ստացված՝ շարժիչի և տրակտորի մասով փաստաթղթերում (շահագործման ձեռնարկում) նշված արժեքները:

2022 թվականի սեպտեմբերի 1-ից ըստ ՄԱԿ-ի թիվ 96 (02) կանոնների փորձարկումների ժամանակ ստացված՝ տրակտորների շարժիչների բանած գազերում պարունակվող ածխածնի օքսիդի, ածխաջրածինների և ազոտի օքսիդների արտանետումների արժեքները չպետք է գերազանցեն 5.2 աղյուսակում բերված արժեքները:

Աղյուսակ 5.2

Թույլատրվում է 5.2 աղյուսակում բերված արժեքների կիրառումը մինչև 2022 թվականի սեպտեմբերի 1-ը:

14.3. Դիզելային վառելիքով և սեղմված բնական գազով (ՍԲԳ) կամ հեղուկացված նավթային գազով (ՀՆԳ) աշխատող՝ սեղմումից բոցավառմամբ երկվառելիքային շարժիչներ

Մինչև 2022 թվականի սեպտեմբերի 1-ը տրակտորների շարժիչների բանած գազերում պարունակվող վնասակար նյութերի արտանետումների արժեքները չպետք է գերազանցեն շարժիչի և տրակտորի մասով փաստաթղթերում (շահագործման ձեռնարկում) նշված և ըստ ՄԱԿ-ի թիվ 96 (02) կանոնների՝ փորձարկումների արդյունքում ստացված արժեքները:

2022 թվականի սեպտեմբերի 1-ից ըստ ՄԱԿ-ի թիվ 96 (02) կանոնների՝ փորձարկումների արդյունքում ստացված տրակտորների շարժիչների բանած գազերում պարունակվող վնասակար նյութերի արտանետումների արժեքները չպետք է գերազանցեն 5.3 աղյուսակում բերված արժեքները:

Աղյուսակ 5.3

Թույլատրվում է 5.3-աղյուսակում բերված արժեքների կիրառումը մինչև 2022 թվականի սեպտեմբերի 1-ը:».

ժդ) լրացնել հետևյալ բովանդակությամբ 15-րդ և 16-րդ կետերով՝

«15. Գազակերպ վառելիքով (սեղմված բնական գազով (ՍԲԳ), հեղուկացված նավթային գազով (ՀՆԳ)) շարժիչի սնուցման համար սարքավորումներին և դրա տեղակայմանը ներկայացվող պահանջները

15.1. Տրակտորների վրա թույլատրվում է տեղակայել միայն 1958 թվականի մարտի 20-ին Ժնևում կնքված՝ անվավոր տրանսպորտային միջոցների, սարքավորումների առարկաների և մասերի համար, որոնք կարող են տեղակայվել և (կամ) օգտագործվել անվավոր տրանսպորտային միջոցների վրա, միօրինակ տեխնիկական կարգադրագրերի ընդունման և այդ կարգադրագրերի հիման վրա տրվող պաշտոնական հաստատումների փոխճանաչման պայմանների մասին համաձայնագրին համապատասխան տրված՝ ըստ ՄԱԿ-ի թիվ 67 (01) կանոնների կամ ՄԱԿ-ի թիվ 110 (00) կանոնների տեսակի պաշտոնական հաստատմանը վերաբերող հաղորդագրությունների հիման վրա տրված համապատասխանության սերտիֆիկատ ունեցող գազաբալոնային սարքավորումներ:

15.1.1. Յուրաքանչյուր գազի բալոն պետք է ունենա՝ ըստ Եվրասիական տնտեսական հանձնաժողովի կոլեգիայի 2014 թվականի նոյեմբերի 18-ի թիվ 211 որոշմամբ հաստատված միասնական ձևի, գազի բալոն արտադրողի կողմից ձևակերպված անձնագիր:

15.1.2. Տրակտորի վրա տեղակայված յուրաքանչյուր գազի բալոնի վրա պետք է հստակ չջնջվող կերպով զետեղվեն դրա սերիական համարը և «ՀՆԳ» կամ «ՍԲԳ» նշագրերը:

15.2. Գազակերպ վառելիքով (սեղմված բնական գազով (ՍԲԳ), հեղուկացված նավթային գազով (ՀՆՎ)) շարժիչի սնուցման համակարգին (այսուհետ՝ սնուցման համակարգ), դրա տեղադրմանը և տեղակայմանը ներկայացվող պահանջները:

15.2.1. Սնուցման համակարգի բոլոր տարրերը պետք է պատշաճորեն (կոշտ) ամրակցվեն:

15.2.2. Սնուցման համակարգը պետք է տեղակայվի այնպես, որ ապահովվի դրա առավելագույն հնարավոր պաշտպանությունը վնասվածքներից:

15.2.3. Սնուցման համակարգին ոչ մի սարքվածք չպետք է միակցվի (բացառությամբ նրանց, որոնց առկայությունը խիստ անհրաժեշտ է տրակտորի շարժիչի պատշաճ աշխատանքի և խցիկի տաքացման համակարգի ապահովման համար):

15.2.4. Տրակտորները կարող են հանդերձվեն խցիկի տաքացման համակարգով, որը միացվում է սնուցման համակարգին: Խցիկի տաքացման համակարգի առկայությունը թույլատրվում է միայն այն դեպքում, երբ այն հրդեհաանվտանգ է և չի ազդում սնուցման համակարգի կանոնավոր աշխատանքի վրա:

15.2.5. Սնուցման համակարգի և ոչ մի տարր, այդ թվում՝ սնուցման համակարգի սարքավորումների մաս հանդիսացող ցանկացած պաշտպանիչ սարքվածք (նյութ), չպետք է ցցվի տրակտորի արտաքին եզրաչափքից դուրս:

15.2.6. Սնուցման համակարգի ոչ մի տարր չպետք է գտնվի շարժիչի կամ ջերմության համանման աղբյուրի բանած գազերի արտանետման համակարգից առնվազն 100 մմ հեռավորության վրա, եթե սնուցման համակարգի սարքավորումների այդպիսի տարրերը չունեն պատշաճ ջերմապաշտպանիչ պատյան:

15.2.7. Սնուցման համակարգը պետք է ունենա սարքավորումների հետևյալ տարրերը՝

բալոն (բալոններ).

մանոմետր կամ վառելիքի մակարդակի ցուցիչ.

ապահովիչ սարքվածք (որոշակի ջերմաստիճանում գործարկվող).

բալոնի ավտոմատ կափույր.

ձեռքով կառավարմամբ կափույր.

ճնշման կարգավորիչ.

գազի մատուցման կարգավորիչ.

սահմանափակիչ սարքվածք. գազաօդախառնիչ.

լցավորման բլոկ կամ հանգույց.

էլեկտրոնային կառավարման բլոկ (էլեկտրոնային համակարգերի համար).

ճկուն և կոշտ վառելիքամուղներ.

ամրան:

15.2.8. Լրացուցիչ ավտոմատ կափույրը կարող է կատարված լինել ճնշման կարգավորիչով մեկ հանգույցում:

Լրացուցիչ ավտոմատ կափույրը կարող է տեղակայվել վառելիքամուղում՝ ճնշման կարգավորիչից առավելագույն մոտ հեռավորության վրա:

15.2.9. Բալոնը տեղակայվում է այնպես, որ մետաղական մակերևույթների միջև շփում տեղի չունենա՝ բացառությամբ բալոնի (բալոնների) ամրակման հանգույցների հետ շփման:

15.2.10. Շահագործման պատրաստ տրակտորի վրա գազի բալոնի և հենարանային մակերևույթի (գրունտի) միջև հեռավորությունը պետք է կազմի առնվազն 200 մմ:

15.2.11. Ավտոմատ կափույրը տեղակայվում է անմիջականորեն յուրաքանչյուր բալոնի վրա:

Բալոնի ավտոմատ կափույրը պետք է գործարկվի այնպես, որ վառելիքի մատուցումը դադարի շարժիչը միացնելիս՝ անկախ վառքի բանալու դիրքից, և մնա փակ վիճակում չաշխատող շարժիչի դեպքում: Ախտորոշիչ նպատակներով թույլատրվում է երկու վայրկյանով պահում:

15.2.12. Սահմանափակիչ սարքվածքը տեղակայվում է վառելիքի բալոնում (վառելիքի բալոններում)՝ բալոնի ավտոմատ կափույրի վրա:

15.2.13. Ձեռքի փականը կոշտ ամրակվում է բալոնի վրա և կարող է ներկառուցվել ավտոմատ կափույրի մեջ:

15.2.14. Կոշտ վառելիքամուղները պետք է պատրաստված լինեն չժանգոտվող պողպատից կամ հակակոռոզիոն ծածկույթով պողպատից՝ ամբողջաձիգ խողովակների տեսքով անկար նյութից:

15.2.15. Կոշտ և ճկուն վառելիքամուղները պետք է ամրակվեն այնպես, որ դրանք չենթարկվեն թրթռման կամ արտաքին բեռնվածքների:

Ամրակման կետում ճկուն կամ կոշտ վառելիքամուղները պետք է տեղակայվեն այնպես, որ մետաղական դետալների միջև շփումներ չլինեն:

Կոշտ և ճկուն վառելիքամուղները չպետք է տեղադրվեն ամբարձիկով վերհանման կետերի տեղակայման տեղում:

Բաց տեղամասերում վառելիքամուղները պետք է ծածկվեն պաշտպանիչ նյութով:

15.2.16. Զոդամիացքներ կամ եռակցվածքներ, ինչպես նաև պարուրակավոր միացքներ հենակային մանեկներով չի թույլատրվում:

Միացքների քանակը պետք է լինի նվազագույն:

Բոլոր միացքները պետք է գտնվեն զննման համար մատչելի տեղերում:

15.2.17. Լցավորման բլոկը պետք է տեղադրվի տրակտորի արտաքին կողմից կամ շարժիչային հատվածամասում:

Լցավորման բլոկի ամրակցմամբ պետք է բացառվի դրա պտտման հավանականությունը և ապահովվի դրա պաշտպանությունը կեղտից և խոնավությունից:

15.2.18. Սնուցման համակարգի էլեկտրասարքավորումները պետք է պաշտպանված լինեն գերբեռնումներից:

Էլեկտրական միացումների և էլեկտրասարքավորումների տարրերի կառուցվածքով պետք է բացառվի էլեկտրական կայծի առաջացման հավանականությունը:

16. Լուսավորման սարքվածքներին և լուսային ազդանշանմանը ներկայացվող լրացուցիչ պահանջները

16.1. Կցանքների վրա, որոնց համար մշտապես բաց լուսային սարքերի տեղակայումը անհամատեղելի է դրանց նշանակության հետ, ցանկացած լուսային սարք կարող է կատարվել որպես բացվող, այդ թվում՝ ձեռքով:

Այդպիսի լուսային սարքերի օգտագործման կարգը սահմանվում է շահագործման ձեռնարկում:

16.2. Թույլատրվում է նարնջագույն կողային լուսանդրադարձիչների օգտագործումը:

16.3. Թույլատրվում է չտեղակայել «Դանդաղընթաց տրանսպորտային միջոց» նշանը անդամ պետության (անդամ պետությունների) օրենսդրությունում տվյալ պահանջի բացակայության դեպքում:»:

Պաշտոնական հրապարակման օրը՝ 22 հունիսի 2022 թվական: