ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

Ո Ր Ո Շ ՈՒ Մ

23 մարտի 2021 թվականի

թիվ 33

քաղ. Մոսկվա

ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎԻ ԿՈԼԵԳԻԱՅԻ ՈՐՈՇ ՈՐՈՇՈՒՄՆԵՐՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

«Եվրասիական տնտեսական միության շրջանակներում տեխնիկական կանոնակարգման մասին» արձանագրության («Եվրասիական տնտեսական միության մասին» 2014 թվականի մայիսի 29-ի պայմանագրի թիվ 9 հավելված) 8-րդ կետին և Եվրասիական տնտեսական բարձրագույն խորհրդի 2014 թվականի դեկտեմբերի 23-ի թիվ 98 որոշմամբ հաստատված՝ Եվրասիական տնտեսական հանձնաժողովի աշխատանքի կանոնակարգի թիվ 2 հավելվածի 8-րդ կետին համապատասխան՝ Եվրասիական տնտեսական հանձնաժողովի կոլեգիայի 2012 թվականի դեկտեմբերի 25-ի թիվ 294 որոշմամբ հաստատված՝ «Մաքսային միության մաքսային տարածք այն արտադրանքի (ապրանքների) ներմուծման կարգի մասին, որի առնչությամբ Մաքսային միության շրջանակներում սահմանվում են պարտադիր պահանջներ» հիմնադրույթի 2-րդ կետի «գ» ենթակետի իրագործման նպատակով՝ Եվրասիական տնտեսական հանձնաժողովի կոլեգիան որոշեց.

1. Եվրասիական տնտեսական հանձնաժողովի կոլեգիայի որոշումներում կատարել փոփոխություններ՝ հավելվածի համաձայն:

2. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո։

Եվրասիական տնտեսական հանձնաժողովի կոլեգիայի նախագահ՝

Մ. Մյասնիկովիչ

ՀԱՎԵԼՎԱԾ Եվրասիական տնտեսական հանձնաժողովի կոլեգիայի 2021 թվականի մարտի 23-ի թիվ 33 որոշման

ՓՈՓՈԽՈՒԹՅՈՒՆՆԵՐ

Եվրասիական տնտեսական հանձնաժողովի կոլեգիայի որոշումներում կատարվող

1. Այն արտադրանքի ցանկում, որի վերաբերյալ մաքսային հայտարարագրի ներկայացումն ուղեկցվում է Եվրասիական տնտեսական հանձնաժողովի կոլեգիայի 2013 թվականի ապրիլի 24-ի թիվ 91 որոշմամբ հաստատված՝ «Ցածրավոլտ սարքավորումների անվտանգության մասին» (ՄՄ ՏԿ 004/2011) Մաքսային միության տեխնիկական կանոնակարգի պահանջներին համապատասխանության գնահատման վերաբերյալ փաստաթուղթը (համապատասխանության գնահատման վերաբերյալ փաստաթղթի մասին տեղեկությունները) ներկայացնելով՝ 2-րդ սյունակում 1-ին կետի 16-րդ ենթակետը «8539 31» թվերից հետո լրացնել «8539 50 000» թվերով։

2. Այն արտադրանքի ցանկում, որի վերաբերյալ մաքսային հայտարարագիրը ներկայացնելն ուղեկցվում է Եվրասիական տնտեսական հանձնաժողովի կոլեգիայի 2014 թվականի հունվարի 16-ի թիվ 2 որոշմամբ հաստատված՝ «Տեխնիկական միջոցների էլեկտրամագնիսական համատեղելիություն» (ՄՄ ՏԿ 020/2011) Մաքսային միության տեխնիկական կանոնակարգի պահանջներին համապատասխանության գնահատման վերաբերյալ փաստաթուղթը (համապատասխանության գնահատման վերաբերյալ փաստաթղթի մասին տեղեկությունները) ներկայացնելով՝ 2-րդ սյունակում 1-ին կետի 15-րդ ենթակետը «8539 31» թվերից հետո լրացնել «8539 50 000» թվերով։

3. Եվրասիական տնտեսական հանձնաժողովի 2018 թվականի հոկտեմբերի 16-ի «Այն արտադրանքի ցանկի հաստատման մասին, որի մասով մաքսային հայտարարագիրը ներկայացնելն ուղեկցվում է «Էլեկտրատեխնիկայի և ռադիոտեխնիկայի արտադրատեսակներում վտանգավոր նյութերի կիրառումը սահմանափակելու մասին» (ԵԱՏՄ ՏԿ 037/2016) Եվրասիական տնտեսական միության տեխնիկական կանոնակարգի պահանջներին համապատասխանության գնահատման մասին փաստաթուղթը ներկայացնելով» թիվ 167 որոշման մեջ՝

ա) անվանումը և 1-ին կետը «համապատասխանության գնահատման վերաբերյալ» բառերից հետո լրացնել «(համապատասխանության գնահատման վերաբերյալ փաստաթղթի մասին տեղեկությունների)»

բ) նշված որոշմամբ հաստատված՝ այն արտադրանքի ցանկի մեջ, որի մասով մաքսային հայտարարագիրը ներկայացնելն ուղեկցվում է «Էլեկտրատեխնիկայի և ռադիոտեխնիկայի արտադրատեսակներում վտանգավոր նյութերի կիրառումը սահմանափակելու մասին» (ԵԱՏՄ ՏԿ 037/2016) Եվրասիական տնտեսական միության տեխնիկական կանոնակարգի պահանջներին համապատասխանության գնահատման մասին փաստաթուղթը ներկայացնելով ՝

անվանումը «համապատասխանության գնահատման մասին» բառերից հետո լրացնել «(համապատասխանության գնահատման վերաբերյալ փաստաթղթի մասին տեղեկությունների)»

2-րդ սյունակում 6-րդ կետի 1-ին ենթակետը «8539 31» թվերից հետո լրացնել «8539 50 000» թվերով։

Պաշտոնական հրապարակման օրը՝ 17 հունիսի 2022 թվական: