ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

23 հունիսի 2022 թվականի N 929-Ն

Հիմք ընդունելով «Նորմատիվ իրավական ակտերի մասին» Հայաստանի Հանրապետության օրենքի 33-րդ և 34-րդ հոդվածները՝ Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2019 թվականի հունիսի 6-ի «Հայաստանի Հանրապետության կառավարության 2016 թվականի դեկտեմբերի 29-ի N 1387-Ն որոշումն ուժը կորցրած ճանաչելու և Հայաստանի Հանրապետության շուկայի վերահսկողության տեսչական մարմնի կողմից իրականացվող ոչ պարենային արտադրանքների և ծառայությունների նկատմամբ պետական վերահսկողության իրականացման ստուգաթերթերը հաստատելու մասին» N 730-Ն որոշման մեջ կատարել հետևյալ փոփոխությունները և լրացումները՝

1) N 3 հավելվածում՝ ստուգաթերթի և հարցաշարի անվանումներում «ԱՎՏՈՄՈԲԻԼԱՅԻՆ ԲԵՆԶԻՆԻ, ԴԻԶԵԼԱՅԻՆ ՎԱՌԵԼԻՔԻ ԵՎ ՄԱԶՈՒԹԻ» բառերը փոխարինել «ԱՎՏՈՄՈԲԻԼԱՅԻՆ ԵՎ ԱՎԻԱՑԻՈՆ ԲԵՆԶԻՆԻ, ԴԻԶԵԼԱՅԻՆ ԵՎ ՆԱՎԱՅԻՆ ՎԱՌԵԼԻՔԻ, ՌԵԱԿՏԻՎ ՇԱՐԺԻՉՆԵՐԻ ՀԱՄԱՐ ՆԱԽԱՏԵՍՎԱԾ ՎԱՌԵԼԻՔԻ ԵՎ ՄԱԶՈՒԹԻ» բառերով.

2) N 3 հավելվածի հարցաշարը լրացնել հետևյալ բովանդակությամբ նոր՝ 8-17-րդ կետերով՝

«

8. Արդյո՞ք ռեակտիվ շարժիչների համար նախատեսված վառելիքը համապատասխանում է ցանկ 5-ով սահմանված անվտանգության պահանջներին: կանոնակարգի 4-րդ հոդվածի 4.8-րդ կետ փորձա- քննություն 2.0                  9. Արդյո՞ք ավիացիոն բենզինը համապատասխանում է ցանկ 6-ով սահմանված անվտանգության պահանջներին: կանոնակարգի 4-րդ հոդվածի 4.10-րդ կետ փորձա- քննություն 2.0       10. Արդյո՞ք նավային վառելիքը համապատասխանում է ցանկ 7-ով սահմանված անվտանգության պահանջներին: կանոնակարգի 4-րդ հոդվածի 4.12-րդ կետ փորձա- քննություն 2.0       11. Արդյո՞ք հեղուկ վառելիքի մանրածախ առևտրի կետերում վաճառողն ունի 5 լ անվանական տարողությամբ ստուգաչափված տարա: «Առևտրի և ծառայությունների մասին» ՀՀ օրենքի (այսուհետ՝ օրենք) 9-րդ հոդվածի 17.2-րդ կետ, ՀՀ կառավարության 2022 թվականի ապրիլի 22-ի N 537-Ն որոշման հավելվածի (այսուհետ՝ որոշում) 7-րդ կետ տեսազննում 0.8       12. Արդյո՞ք հեղուկ վառելիքի մանրածախ առևտրի կետերում վաճառողը սպառողի պահանջով հեղուկ վառելիքի վաճառքն իրականացնում է 5 լ անվանական տարողությամբ ստուգաչափված տարայի միջոցով: օրենքի 6-րդ հոդվածի 17.2-րդ կետ, որոշման 7-րդ կետ տեսազննում 1,1       13. Արդյո՞ք չափանոթների հարաբերական սխալանքը 20 °С ±10 °С ջերմաստիճանի դեպքում չի գերազանցում ± 0,5%-ը: որոշման 8-րդ կետ տեսազննում 0.3       14. Արդյո՞ք վառելիքաբաշխիչ աշտարակի ցուցատախտակի վրա արտացոլված քանակության և չափանոթի անվանական տարողության նիշի տարբերությունը չի գերազանցում 1 %-ը: որոշման 9-րդ կետ տեսազննում 0.5       15. Արդյո՞ք չափանոթի բկանցքի թափանցիկ մասի սանդղակը զետեղված է այնպես, որ դրա դիրքը հնարավոր չէ փոփոխել առանց կապարակնիքի խախտման: որոշման 16-րդ կետ տեսազննում 0.1       16. Արդյո՞ք չափանոթի բկանցքի թափանցիկ մասը կամ թափանցիկ մակարդաչափ խողովակը պատրաստված է թափանցիկ և անգույն ապակուց և չունի հեղուկի մակարդակին հետևելուն խոչընդոտող թերություններ: որոշման 17-րդ կետ տեսազննում 0.1       17. Արդյո՞ք աստիճանավորված բկանցքով չափանոթների համար սանդղակի վրա նշագծերը կայուն են և հստակ տեսանելի, ընթեռնելի՝ ապահովելով դրա շահագործման ամբողջ ընթացքում սանդղակի և նշագծերի ամբողջականությունը, հստակությունն ու վերջինիս ջնջվելու (մաքրվելու) հնարավորության բացառումը: որոշման 19-րդ կետ տեսազննում 0.1

».

3) N 3 հավելվածի հարցաշարի 4-րդ, 5-րդ և 7-րդ կետերի 5-րդ սյունակներում «5.0» թվերը համապատասխանաբար փոխարինել «2.0» թվերով.

4) N 3 հավելվածի N 4 ցանկը շարադրել հետևյալ խմբագրությամբ՝

«Ցանկ N 4

Մազութի բնութագրերը Չափման միավորը Չափաքանակը՝ նավատորմային մազութի համար Չափաքանակը՝ ջեռուցման մազութի համար Ծծմբի զանգվածային մասը, ոչ ավելի % 2,0 3,5 Բռնկման ջերմաստիճանը բաց հալքանոթում, ոչ ցածր 0С - 90 Բռնկման ջերմաստիճանը փակ հալքանոթում, ոչ ցածր 0С 80 - Ծծմբաջրածնի պարունակությունը, ոչ ավելի մասնիկ/միլիոն ppm 10 10

».

5) N 3 հավելվածը լրացնել հետևյալ բովանդակությամբ նոր՝ NN 5, 6 և 7 ցանկերով՝

«Ցանկ N 5

Ցանկ N 6

Ցանկ N 7

Նշում. Մինչև 2023 թվականի դեկտեմբերի 31-ը ներքին ջրային փոխադրումներում մասնակցող նավերի համար թույլատրվում են 1,5%-ից ոչ ավելի ծծմբի զանգվածային մասով՝ նավերի համար նախատեսված վառելիքի արտադրությունն ու շրջանառության մեջ դնելը:».

6) N 3 հավելվածի «Տվյալ ստուգաթերթը կազմվել է հետևյալ նորմատիվ փաստաթղթերի հիման վրա՝» պարբերությունը լրացնել հետևյալ բովանդակությամբ նոր՝ 2-րդ և 3-րդ կետերով՝

«2. «Առևտրի և ծառայությունների մասին» օրենք

3. ՀՀ կառավարության 2022 թվականի ապրիլի 22-ի N 537-Ն որոշում:»:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից, բացառությամբ սույն որոշման 1-ին կետի 2-րդ ենթակետով N 3 հավելվածում լրացվող 11-17-րդ կետերի, որոնք ուժի մեջ են մտնում 2022 թվականի հոկտեմբերի 20-ից:

Հայաստանի Հանրապետության վարչապետ	Ն. ՓԱՇԻՆՅԱՆ
Երևան

23.06.2022 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Պաշտոնական հրապարակման օրը՝ 23 հունիսի 2022 թվական: