ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

Ո Ր Ո Շ ՈՒ Մ

ԱՊՐԱՆՔՆԵՐԻ ՀԱՅՏԱՐԱՐԱԳՐԻ ԼՐԱՑՄԱՆ ԿԱՐԳՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Եվրասիական տնտեսական միության մաքսային օրենսգրքի 105-րդ հոդվածի 5-րդ կետին համապատասխան՝ Եվրասիական տնտեսական հանձնաժողովի կոլեգիան որոշեց.

1. Մաքսային միության հանձնաժողովի 2010 թվականի մայիսի 20-ի թիվ 257 որոշմամբ հաստատված՝ Ապրանքների հայտարարագրի լրացման կարգում կատարել փոփոխություններ՝ համաձայն հավելվածի:

2. Սույն որոշումն ուժի մեջ է մտնում 2022 թվականի հոկտեմբերի 1-ից:

Եվրասիական տնտեսական հանձնաժողովի կոլեգիայի նախագահ՝

Մ. Մյասնիկովիչ

ՀԱՎԵԼՎԱԾ Եվրասիական տնտեսական հանձնաժողովի կոլեգիայի 2021 թվականի դեկտեմբերի 28-ի թիվ 198 որոշման

ՓՈՓՈԽՈՒԹՅՈՒՆՆԵՐ

Ապրանքների հայտարարագրի լրացման կարգում կատարվող

1. 18-րդ կետում՝

ա) առաջին պարբերության մեջ «40» թիվը փոխարինել «40, 44» թվերով.

բ) 14-րդ ենթակետի տասներկուերորդ պարբերությունից հետո (աղյուսակից հետո) լրացնել հետևյալ բովանդակությամբ պարբերություններով.

«Ռուսաստանի Դաշնությունում՝ Ռուսաստանի Դաշնության անտառային օրենսդրությանը և անտառային հարաբերությունները կարգավորող Ռուսաստանի Դաշնության այլ նորմատիվ իրավական ակտերին համապատասխան՝ ըստ ԵԱՏՄ ԱՏԳ ԱԱ-ին համապատասխան ծածկագրերի ցանկի, հաշվառման ենթակա անտառանյութերը հայտարարագրելիս, 16 համարի տակ նշվում է բաղադրյալ ծածկագիրը հետևյալ սխեմայով՝

տարր 1՝ Արտադրանքի համառուսական դասակարգչին համապատասխան ծածկագիրը՝ ըստ տնտեսական գործունեության տեսակների (այսուհետ՝ ԱՀԴԳ 2)

տարր 2՝ անտառանյութերի արտահանվող ծավալները՝ հաշվի առնելով կեղևը (մ³).

տարր 3՝ անտառանյութերի արտահանվող ծավալները՝ առանց հաշվի առնելու կեղևը (մ³).

տարր 4՝ արտահանվող անտառանյութի խոնավությունը (տոկոսներով) մաթեմատիկական կանոններով ստորակետից հետո մինչև երկու նշանների ճշգրտությամբ ցուցանիշի կլորացմամբ.

տարր 5՝ պիտակների քանակը

տարր 6՝ պիտակների համարները։

Տվյալ տեղեկություններն էլեկտրոնային փաստաթղթի տեսքով ԱՀ-ում նշվում են ԱՀ-ի կառուցվածքի համապատասխան վավերապայմաններում, իսկ թղթային կրիչով փաստաթղթի տեսքով ներկայացվող ԱՀ-ում՝ «/» բաժանիչ նշանի միջոցով», տարրերի միջև բացատներ չեն թույլատրվում:

Այն դեպքում, երբ հայտարարագրվող ապրանքին համապատասխանում են մի քանի ԱՀԴԳ 2 ծածկագրեր, ապա նշվում են յուրաքանչյուր նման ծածկագրի վերաբերյալ տեղեկությունները՝ սխեմային համապատասխան։

5-րդ և 6-րդ տարրերը լրացվում են միայն այն անտառանյութերի առնչությամբ, որոնք, Ռուսաստանի Դաշնության անտառային օրենսդրությանը և անտառային հարաբերությունները կարգավորող Ռուսաստանի Դաշնության այլ նորմատիվ իրավական ակտերին համապատասխան, հատ-հատ ենթակա են պարտադիր մակնշման։ Մնացած անտառանյութերի առնչությամբ 5-րդ և 6-րդ տարրերը չեն լրացվում։

Պիտակների համարները նշվում են «.» բաժանիչ նշանի միջոցով։ Իրար անընդմեջ հաջորդող պիտակների համարները նշվում են համապատասխան ընդգրկույթի առաջին և վերջին համարները նշելու միջոցով՝ իրարից անջատելով «-» բաժանիչ նշանով։

գ) լրացնել հետևյալ բովանդակությամբ 151 ենթակետով՝

«151) վանդակ 44 «Լրացուցիչ տեղեկություններ/Ներկայացված փաստաթղթերը»

Տեղեկությունները գրանցվում են վանդակում՝ սույն կարգի 15-րդ կետի 42-րդ ենթակետին համապատասխան, ԱՀ-ի 44-րդ վանդակի լրացման համար սահմանված կարգով, հաշվի առնելով հետևյալ առանձնահատկությունները։

Ռուսաստանի Դաշնությունում անտառանյութերը հայտարարագրելիս բացի սույն կարգի 15-րդ կետի 42-րդ ենթակետի քառասունհինգերորդ պարբերությանը համապատասխան նշվող՝ փայտանյութի հետ կապված գործարքների վերաբերյալ հայտարարագրի համարից և ներկայացման ամսաթվից, լրացուցիչ նշվում են փայտանյութի և դրա վերամշակման արտադրանքի փոխադրման էլեկտրոնային ուղեկցող փաստաթղթի նույնականացման համարն ու ամսաթիվը։»։

2. Սույն կարգի թիվ 4 հավելվածում՝

ա) II բաժնի 3-րդ սյունակում ըստ տեքստի «առանց հաշվի առնելու կեղևը (մ³)», «հաշվի առնելով կեղևը (մ³)», «հաշվի առնելով անվանական չափսերը (մ³)» բառերից հետո լրացնել «***» նշանով

բ) լրացնել հետևյալ բովանդակությամբ 3-րդ ծանոթագրությամբ՝

«3. «***» նշանով նշված ապրանքների մասին տեղեկությունները Ռուսաստանի Դաշնությունում ենթակա են նշման այն ապրանքների առնչությամբ, որոնք ենթակա չեն հաշվառման Ռուսաստանի Դաշնության անտառային օրենսդրությանը և անտառային հարաբերությունները կարգավորող Ռուսաստանի Դաշնության այլ նորմատիվ իրավական ակտերին համապատասխան՝ ըստ ԵԱՏՄ ԱՏԳ ԱԱ-ին համապատասխան սահմանված ծածկագրերի ցանկի։»։

Պաշտոնական հրապարակման օրը՝ 17 հունիսի 2022 թվական: