ԵՎՐԱՍԻԱԿԱՆ ՏՆՏԵՍԱԿԱՆ ՀԱՆՁՆԱԺՈՂՈՎ

ԿՈԼԵԳԻԱ

Ո Ր Ո Շ ՈՒ Մ

Եվրասիական տնտեսական միության մաքսային օրենսգրքի 22-րդ հոդվածի 1-ին կետի երկրորդ պարբերությանը համապատասխան՝ Եվրասիական տնտեսական հանձնաժողովի կոլեգիան որոշեց.

1. Բեռնամբարձիչ մեքենա հանդիսացող, բարձրաբերձ աշխատանքների կատարման ժամանակ աշխատանքային հարթակի (կախալաստակի) վրա տեղակայված մարդկանց՝ գործիքներով և նյութերով բարձրացման համար նախատեսված և ինքնագնաց անվավոր ամրաշրջանակից (սայլակից), ներքին այրման շարժիչից, փոխագուցավոր, հոդակապային-մկրատաձև կամ ծնկաձև սլաքի տեսքով բեռնամբարձիչ սարքավորումից և աշխատանքային հարթակից (կախալաստակից) բաղկացած ինքնագնաց ամբարձիչը, Արտաքին տնտեսական գործունեության ապրանքային անվանացանկի մեկնաբանման 1-ին և 6-րդ հիմնական կանոններին համապատասխան, դասակարգվում է Եվրասիական տնտեսական միության արտաքին տնտեսական գործունեության միասնական ապրանքային անվանացանկի 8427 20 ենթադիրքում։

2. Սույն որոշումն ուժի մեջ է մտնում դրա պաշտոնական հրապարակման օրվանից 30 օրացուցային օրը լրանալուց հետո։

Եվրասիական տնտեսական հանձնաժողովի կոլեգիայի նախագահ՝

Մ. Մյասնիկովիչ

Պաշտոնական հրապարակման օրը՝ 22 հունիսի 2022 թվական: