1.

Ծրագրի նպատակը

2.

Ծրագրի բարեգործական որակման նպատակը

Սահմանված կարգով օգտվել Հայաստանի Հանրապետության հարկերի, տուրքերի, պարտադիր վճարների օրենքներով նախատեսվող արտոնություններից։

3.

Բարեգործը

Ծրագրի ֆինանսական աղբյուր է հանդիսանում «ՍՕՍ-Կինդերդորֆ Ինտերնացիոնալ» կազմակերպությունը (Հերման-Գմայների փողոց 51 A-6020 Իննսբրուկ, Ավստրիա)

4.

Ծրագրի կատարողը

Ծրագիրն իրականացնում է «ՍՕՍ-մանկական գյուղեր» հայկական բարեգործական հիմնադրամը (ՀՎՀՀ՝ 03517269, ՀՀ, ք. Երևան, Հր. Քոչարի 8, բն. 18-19 ):

5.

Ծրագրի իրականացման վայրը և բնագավառը

ՀՀ, Տավուշի մարզ, ք. Իջևան, Երևանյան 10

ՍՕՍ-մանկական գյուղի «Իջևան» մասնաճյուղը գտնվում է Տավուշի մարզի Իջևան քաղաքի քաղաքապետարանի կողմից անհատույց օգտագործման համար հանձնված շուրջ 1.2 հեկտար ընդհանուր հողատարածքի վրա։ Այն բաղկացած է 14 ընտանեկան տներից, վարչատնտեսական և ուսումնական շինություններից։ Վերոնշյալ բոլոր շենքերն ու շինությունները, ինչպես նաև դրանցում օգտագործվող գույքը կազմակերպության սեփականությունն են և հիմնականում ձեռք են բերվել «ՍՕՍ-Կինդերդորֆ Ինտերնացիոնալ» կազմակերպության (Հերման-Գմայների փողոց 51 A-6020 Իննսբրուկ, Ավստրիա) կողմից հատկացված միջոցներով։

Ծրագիրն առնչվում է սոցիալական բնագավառին։

6.

Ծրագրի բյուջեն

01.01.2019 - 31.12.2021 թթ. ընդհանուր բյուջեն կազմում է 932 236 077 դրամ։

Ծրագրի ֆինանսական աղբյուր է հանդիսանում «ՍՕՍ-Կինդերդորֆ Ինտերնացիոնալ» կազմակերպությունը (Հերման-Գմայներ փողոց 51 A-6020 Իննսբրուկ, Ավստրիա)։

7.

Բարեգործություն ստացողը

Ծրագրի շահառուներ են հանդիսանում ծնողական խնամքից զրկված մինչև 18 տարեկան ընդհանուր թվով 91 երեխաներ, որոնք ՍՕՍ-մանկական գյուղ են ընդունվում տեղական ինքնակառավարման մարմինների համապատասխան հանձնաժողովների որոշումների և աշխատանքի ու սոցիալական հարցերի նախարարության ուղեգրի հիման վրա։

Սաների ընդունելությունն իրականացվում է տեղական համայնքների խնամակալության և հոգաբարձության հանձնաժողովների համապատասխան որոշմամբ, աշխատանքի ու սոցիալական հարցերի նախարարության ուղեգրի հիման վրա և հիմնականում ընդգրկվում են կամ երկկողմանի կամ միակողմանի ծնողական խնամքից զրկված երեխաներ, ինչպես նաև սոցիալապես որբացած և լքված երեխաներ։

8.

Ծրագրի իրականացման տևողությունը

Ծրագիրն իրականացվելու է 01.01.2019-31.12.2021 թթ. ընթացքում (և կրում է շարունակական բնույթ)։

9.

Միջոցառումների նկարագրությունը և ժամկետները, անհրաժեշտ ֆինանսական միջոցների ծավալը

1. Ընդհանուր թվով 91 երեխաների շարունակական խնամքի և դաստիարակության անընդմեջ իրականացում ՍՕՍ-ընտանիքի շրջանակներում (ընտանեկան բյուջե)՝ 3 տարվա համար կազմում է 213 606 090 դրամ (որից 61 609 620 դրամի չափով հարկային արտոնություն չի պահանջվում)՝

1.1. սնունդ՝ 97 164 900 դրամ.

1.2. լվացող նյութեր և հիգիենայի պարագաներ՝ 10 009 710 դրամ.

1.3. հագուստ և կոշիկ՝ 39 979 140 դրամ.

1.4. աջակցություն կենսաբանական ընտանիքին (հագուստ, հիգիենայի պարագաներ, դեղորայք, սնունդ)՝ 4 842 720 դրամ.

1.5. դպրոցական ծախսեր՝ 16 964 040 դրամ (հարկային արտոնություն չի պահանջվում).

1.6. գրպանի գումար՝ 7 542 060 դրամ (հարկային արտոնություն չի պահանջվում).

1.7. այլ ընտանեկան ծախսեր՝ 34 186 590 դրամ (հարկային արտոնություն չի պահանջվում).

1.8. չհիմնավորված փաստաթղթերով ձեռքբերումներից եկամտային հարկ՝ 2 916 930 դրամ (հարկային արտոնություն չի պահանջվում)։

2. Շուրջտարյա կրթադաստիարակչական ծրագրերի, մարզամշակութային միջոցառումների և ամառային հանգստի կազմակերպում՝ 3 տարվա համար կազմում է 89 505 840 դրամ (որից 23 686 200 դրամի չափով հարկային արտոնություն չի պահանջվում).

2.1. Նախասիրությունների խմբակների, ինչպես նաև մինչ ՍՕՍ-ՄԳ ծրագրի մեջ ներգրավվելը հանրակրթական դպրոցներ չհաճախած կամ թերհաճախած երեխաների համար, ինչպես նաև հատուկ դասընթացների և առանձնահատուկ ընդունակություններ ունեցող երեխաների արտադասարանային պարապմունքների կազմակերպում և ուսումնական հաստատություններում վճարովի հոսքերում սովորողների ուսման վարձեր (մասնագետների վարձավճար, անհրաժեշտ պարագաների և նյութերի ձեռքբերում)՝ 18 664 200 դրամ (տվյալ գումարի չափով հարկային արտոնություն չի պահանջվում).

2.2. Մարզամշակութային միջոցառումներ, մարզական խաղեր, օլիմպիադաներ, մրցաշարեր, համերգներ, թատերական և կրկեսային ներկայացումներ, էքսկուրսիաներ, մանկական դիսկոտեկներ, ազգային ավանդական և միջազգային տոնական միջոցառումներ 5 022 000 դրամ (տվյալ գումարի չափով հարկային արտոնություն չի պահանջվում).

2.3. 91 երեխաների ամառային հանգստի կազմակերպում ճամբարային և առողջարանային համալիրներում՝ 65 819 640 դրամ.

3. Շուրջտարյա առաջնային առողջության պահպանում և հոգեբանական աջակցություն երեխաներին՝ 3 տարվա համար կազմում է՝ 5 400 000 դրամ (որից 1 980 000 դրամի չափով հարկային արտոնություն չի պահանջվում)՝

3.1. Երեխաների համար դեղորայք, բժշկական օժանդակ սարքավորումներ՝ 3 420 000 դրամ.

3.2. Հոգեբանական աջակցություն երեխաներին՝ 1 980 000 դրամ (տվյալ գումարի չափով հարկային արտոնություն չի պահանջվում)։

4. Կոմունալ ծառայություններ (ծրագրային ծախսեր)՝ 3 տարվա համար կազմում է 36 259 500 դրամ։

5. Գույքի ձեռքբերում և վերանորոգում, այդ թվում՝ մանկական գյուղի տարածքի և շինությունների վերանորոգում և արդիականացում՝ 3 տարվա համար կազմում է 28 209 000 դրամ։

6. Ծրագրի մասնագիտական անձնակազմի (սաների հետ անմիջականորեն աշխատող անձնակազմի) աշխատավարձեր՝ 3 տարվա համար կազմում է 378 032 967 դրամ (տվյալ գումարի չափով հարկային արտոնություն չի պահանջվում)՝

6.1. ՍՕՍ-մայր դաստիարակներ՝ 191 277 036 դրամ, թվով 14 աշխատակից.

6.2. ՍՕՍ-մայր դաստիարակների օգնականներ՝ 94 383 555 դրամ, թվով 14 աշխատակից.

6.3. մանկավարժական անձնակազմ՝ 81 325 245 դրամ; թվով 7 աշխատակից

6.4. դպրոցական ավտոբուսի վարորդ՝ 11 047 131 դրամ, թվով 1 աշխատակից։

Կազմակերպական ծախսերը 3 տարվա համար կազմում են 181 222 680 դրամ՝

1. Աշխատակազմի ծախսեր.

2. Տրանսպորտային միջոցների (Opel Frontera, ՎԱԶ 21214 Նիվա, Hyundai Tucson մարդատար մեքենաներ, mini Hyundai H1 և Hyundai մակնիշի միկրոավտոբուսներ) նորոգում, տեխնիկական սպասարկում, շահագործում և վառելանյութ.

3. Հեռահաղորդակցություն և գրասենյակային պարագաներ.

4. Այլ ընթացիկ և չնախատեսված ծախսեր.

5. Աուդիտորական ծառայություն։

10.

Ձեռք բերվող (ներմուծվող) ապրանքների ու ծառայությունների համառոտ նկարագիրը, ծավալները և նախատեսվող գինը

1. Սննդի ձեռքբերում՝ 3 տարվա համար կազմում է 97 164 900 դրամ։

2. Լվացող նյութերի և հիգիենայի պարագաների ձեռքբերում՝ 3 տարվա համար կազմում է 10 009 710 դրամ։

3. Հագուստի և կոշիկի ձեռքբերում՝ 3 տարվա համար կազմում է 39 979 140 դրամ։

4. Աջակցություն կենսաբանական ընտանիքին (հագուստի, հիգիենայի պարագաների, դեղորայքի, սննդի ձեռքբերում)՝ 3 տարվա համար կազմում է 4 842 720 դրամ։

5. 91 երեխաների ամառային հանգստի կազմակերպում ճամբարային և առողջարանային համալիրներում՝ 3 տարվա համար կազմում է 65 819 640 դրամ։

6. Երեխաների համար դեղորայքի, բժշկական օժանդակ սարքավորումների ձեռքբերում 3 տարվա համար կազմում է 3 420 000 դրամ։

7. Մանկական գյուղի տարածքի և շինությունների (ընտանեկան տներ, ոռոգման, էլեկտրասնուցման, գազամատակարարման և ջրամատակարարման համակարգեր) վերանորոգում և արդիականացում՝ 3 տարվա համար կազմում է 19 335 000 դրամ։

8. Կահույքի, էլեկտրական սարքավորումների, գործիքների և այլ պարագաների (սառնարանների, գազօջախների, փոշեկուլների, լվացքի մեքենաների, համակարգիչների) ձեռքբերում՝ 3 տարվա համար կազմում է 5 784 000 դրամ։

9. Կահույքի, էլեկտրական սարքավորումների, գործիքների և այլ պարագաների (սառնարանների, գազօջախների, փոշեկուլների, լվացքի մեքենաների, համակարգիչների) վերանորոգում՝ 3 տարվա համար կազմում է 3 090 000 դրամ։

10. Հեռախոսի վարձավճար՝ 3 տարվա համար կազմում է 2 077 200 դրամ։

11. Ինտերնետի վարձավճար՝ 3 տարվա համար կազմում է 1 620 000 դրամ։

12. Փոստային առաքումների վարձավճար՝ 3 տարվա համար կազմում է 30 000 դրամ։

13. Գրասենյակային պարագաներ՝ 3 տարվա համար կազմում է 1 500 000 դրամ։

14. Տրանսպորտային միջոցների (Opel Frontera, ՎԱԶ 21214 Նիվա, Hyundai Tucson մարդատար մեքենաներ, mini Hyundai H1 և Hyundai մակնիշի միկրոավտոբուսներ) նորոգում, տեխնիկական սպասարկում, շահագործում՝ 3 տարվա համար կազմում է 9 979 500 դրամ։

15. Տրանսպորտային միջոցների (Opel Frontera, ՎԱԶ 21214 Նիվա, Hyundai Tucson մարդատար մեքենաներ, mini Hyundai H1 և Hyundai մակնիշի միկրոավտոբուսներ) վառելանյութ՝ 3 տարվա համար կազմում է 12 636 000 դրամ։

16. Աուդիտորական ծառայություն՝ 3 տարվա համար կազմում է 18 000 000 դրամ։

17. Կոմունալ ծառայություններ (ծրագրային ծախսեր)՝ 3 տարվա համար կազմում է 36 259 500 դրամ, այդ թվում՝

16.1. ջրամատակարարման վարձավճար՝ 3 768 120 դրամ.

16.2. էլեկտրաէներգիայի վարձավճար՝ 8 424 000 դրամ.

16.3. գազամատակարարման վարձավճար՝ 23 767 380 դրամ.

16.4. աղբահանության վարձավճար՝ 300 000 դրամ։

11.

Ծրագրի իրականացման հետ կապված կազմակերպական ծախսերը

Կազմակերպական ծախսերը՝ 01.01.2019-31.12.2021 թթ. համար, կազմում են 181 222 680 դրամ, որը համապատասխանաբար կազմում է բյուջեի 19.43 տոկոսը։

Այդ թվում՝

1. Աշխատակազմի ծախսեր՝ 3 տարվա համար կազմում են մոտ 120 130 980 դրամ, այդ թվում՝

1.1. ներկայացուցչական ծախսեր՝ 1 800 000 դրամ.

1.2. աշխատավարձ (վարչական և սպասարկող անձնակազմ)՝ 106 106 478 դրամ, թվով 10 աշխատակից.

1.3. աշխատակազմի վերապատրաստման ծախսեր՝ 9 452 502 դրամ.

1.4. ՍՕՍ-մայր դաստիարակների և նրանց օգնականների մասնագիտական խորհրդատվություն մասնագետ հոգեբանների կողմից՝ 2 772 000 դրամ։

2. Տրանսպորտային միջոցների (Opel Frontera, ՎԱԶ 21214 Նիվա, Hyundai Tucson մարդատար մեքենաներ, mini Hyundai H1 և Hyundai մակնիշի միկրոավտոբուսներ) նորոգում, տեխնիկական սպասարկում, շահագործում և վառելանյութ՝ 3 տարվա համար կազմում է 22 615 500 դրամ՝

2.1. Տրանսպորտային միջոցների (Opel Frontera, ՎԱԶ 21214 Նիվա, Hyundai Tucson մարդատար մեքենաներ, mini Hyundai H1 և Hyundai մակնիշի միկրոավտոբուսներ) նորոգում, տեխնիկական սպասարկում, շահագործում՝ 9 979 500 դրամ.

2.2. Տրանսպորտային միջոցների (Opel Frontera, ՎԱԶ 21214 Նիվա, Hyundai Tucson մարդատար մեքենաներ, mini Hyundai H1 և Hyundai մակնիշի միկրոավտոբուսներ) վառելանյութ՝ 12 636 000 դրամ։

3. Հեռահաղորդակցություն և գրասենյակային պարագաներ՝ 3 տարվա համար կազմում Է 5 227 200 դրամ, այդ թվում՝

3.1. հեռախոսի վարձավճար՝ 2 077 200 դրամ.

3.2. ինտերնետի վարձավճար՝ 1 620 000 դրամ.

3.3. փոստային առաքումների վարձավճար՝ 30 000 դրամ.

3.4. գրասենյակային պարագաներ՝ 1 500 000 դրամ։

4. Այլ ընթացիկ և չնախատեսված ծախսեր՝ 3 տարվա համար կազմում են 15 249 000 դրամ, այդ թվում՝

4.1. ապահովագրություն՝ 13 605 000 դրամ.

4.2. բանկային, չնախատեսված վարչական և ընթացիկ ծախսեր և այլն՝ 1 644 000 դրամ։

5. Աուդիտորական ծառայություն՝ 3 տարվա համար կազմում է 18 000 000 դրամ։

12.

Համագործակցությունը պետական կառավարման, տեղական ինքնակառավարման մարմինների, այլ կազմակերպությունների հետ

Ծրագրի իրականացման ընթացքում կազմակերպությունը համագործակցելու Է ՀՀ աշխատանքի և սոցիալական հարցերի, կրթության և գիտության, առողջապահության նախարարությունների, ՀՀ ոստիկանության, ինչպես նաև Տավուշի մարզպետարանի, տեղական ինքնակառավարման մարմինների, երեխաների պաշտպանության հարցերով զբաղվող տեղական և միջազգային հասարակական կազմակերպությունների լայն շրջանակների հետ։

13.

Ծրագրի արդյունավետության նկատմամբ վերահսկողության մեխանիզմների նկարագրությունը

Հայաստանի Հանրապետության կառավարության 2003 թվականի հունվարի 16-ի համար 66-Ն որոշմամբ հաստատված՝ բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով կներկայացվեն տեղեկություններ։