1.

Ծրագրի նպատակը

«Հայաստանի մանուկներ» բարեգործական հիմնադրամը (COAF) նախատեսում է իրականացնել ՀՀ Լոռու մարզի, Դեբետ համայնքի համայնքապետարանի շենքի արտաքին ջերմամեկուսացման և երեսպատման աշխատանքները։ Սկսած 2020 թվականի հոկտեմբեր ամսից, հիմնադրամը տարբեր ուղղություններով ներդրումներ է կատարել համայնքում։ Դրանցից ամենահատկանշականը համայնքապետարանի աշխատակազմի աշխատանքային տարածքի վերափոխումն էր։ Այս նույն շենքի երկրորդ հարկը ամբողջովին վերանորոգվել է։ Այժմ համայնքի երկրորդ հարկում գործում է գրադարան, ինչպես նաև այնտեղ է տեղակայված համայնքի ղեկավարի գրասենյակը և աշխատակազմի գրասենյակը։ Երկրորդ հարկում է գտնվում հանդիպումների սենյակը, որն ինչպես և մյուս նշված տարածքները կահավորվել են հիմնադրամի միջոցներով։ Հիմնադրամի հաջորդ ծրագրերը ներառում են համայնքապետարանի առաջին հարկի վերանորոգում, որտեղ տեղակայվելու է վարսավիրանոց, ցուցասրահ և Հայփոստի նոր գրասենյակը։

Այս ամենը ստիպեց մեզ մտածել շենքի արտաքին տեսքի և ջեռուցման վրա ծախսվող միջոցների մասին։ Երեսպատման ճարտարապետական նախագիծը իրականացրել է երիտասարդ ճարտարապետ Տիգրան Մելքոնյանը։

2.

Ծրագրի բարեգործական որակման նպատակը

Նախատեսվում է ծրագրի շրջանակներում օրենքով սահմանված կարգով օգտվել ՀՀ հարկերի, տուրքերի, պարտադիր վճարների գծով՝ օրենքով սահմանված արտոնություններից։

3.

Բարեգործը

«Չիլդրեն Օֆ Արմենիա ֆանդ Ինք.», Նյու Յորք, ԱՄՆ, 149 5րդ ավենյու, սենյակ 500 (Children of Armenia Fund Inc. 149 5th Ave., Suite 500, New York 10010, USA. և դոկտոր Գարօ Հ. Արմենը։

4.

Ծրագիրը կատարողը

«Հայաստանի մանուկներ» բարեգործական հիմնադրամ (ՀՀ քաղ. Երևան 0010, Մելիք Ադամյան 2/2, ՀՎՀՀ՝ 02569972)։

5.

Ծրագրի իրականացման վայրը և բնագավառը

● ՀՀ Լոռու մարզ, Դեբետ համայնք

● Համայնքային զարգացում

6.

Ծրագրի բյուջեն

Ծրագրի ընդհանուր բյուջեն կազմում է 21,737,439 (քսանմեկ միլիոն յոթ հարյուր երեսունյոթ հազար չորս հարյուր երեսունինը) ՀՀ դրամ։

7.

Բարեգործություն ստացողը

ՀՀ Լոռու մարզի Դեբետ համայնք։

8.

Ծրագրի իրականացման տևողությունը

2021 թվականի նոյեմբերի 25-ից մինչև 2022 թվականի ապրիլի
29-ը։

9.

Միջոցառումների նկարագրությունը և ժամկետները, անհրաժեշտ ֆինանսական միջոցների ծավալը

Դեբետ համայնքի համայնքապետարանի շենքի (ՀՀ, Լոռու մարզ, Դեբետ համայնք, 2-րդ փողոց, շենք 8) արտաքին ջերմամեկուսացման և երեսպատման կապալի աշխատանքներ ընդամենը՝ 21,737,439 ՀՀ դրամ, 2021 թվականի նոյեմբերի 25-ից մինչև 2022 թվականի ապրիլի 29-ը։

10.

Ձեռք բերվող (ներմուծվող) ապրանքների ու ծառայությունների համառոտ նկարագիրը, ծավալները և նախատեսվող գինը

Ծրագրի շրջանակներում ներմուծումներ չեն նախատեսվում։ Ծրագրի շրջանակներում կնքվելու են միայն շինարարական աշխատանքների կատարման կապալի պայմանագրեր 21,768,600 ՀՀ դրամի շրջանակներում։ Այդ պայմանագրի շրջանակներում կապալառուն պարտավորված է լինելու իր սեփական միջոցներով և նյութերով իրականացնել տանիքների վերակառուցումը։

11.

Ծրագրի իրականացման հետ կապված կազմակերպական ծախսերը

Կազմակերպական ծախսեր նախատեսված չեն։

12.

Համագործակցությունը պետական կառավարման, տեղական ինքնակառավարման մարմինների, այլ կազմակերպությունների հետ

Նախատեսվում է համագործակցել Հայաստանի Հանրապետության կառավարության, Լոռու մարզպետարանի, Դեբետի համայնքապետարանների հետ։

13.

Ծրագրի արդյունավետության նկատմամբ վերահսկողության մեխանիզմների

նկարագրությունը

Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով կներկայացվեն տեղեկություններ: