ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Օ Ր Ե Ն Ք Ը

Ընդունված է 2005 թվականի դեկտեմբերի 8-ին

«ԼԻՑԵՆԶԱՎՈՐՄԱՆ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հոդված 1. «Լիցենզավորման մասին» Հայաստանի Հանրապետության օրենքի (30 մայիսի 2001 թվականի, ՀՕ-193) 8-րդ հոդվածի երկրորդ մասում՝

ա) առաջին և երկրորդ պարբերություններից հանել «Հայաստանի Հանրապետության արժեթղթերի հանձնաժողովի» բառերը.

բ) երրորդ պարբերությունից հանել «և արժեթղթերի շուկայի» և «և «Արժեթղթերի շուկայի կարգավորման մասին» բառերը, իսկ «օրենքներով և դրանց» բառերը փոխարինել «օրենքով և դրան» բառերով.

գ) ուժը կորցրած ճանաչել հինգերորդ պարբերությունը:

Հոդված 2. Օրենքի 10-րդ հոդվածի վեցերորդ մասն ուժը կորցրած ճանաչել:

Հոդված 3. Օրենքի 43-րդ հոդվածում՝

ա) լիցենզավորման ենթակա գործունեության տեսակների աղյուսակի 5-րդ բաժնի 1-ին և 2-րդ կետերի երրորդ սյունակում «ԱՀ» տառերը փոխարինել «ԿԲ» տառերով.

բ) լիցենզավորման ենթակա գործունեության տեսակների աղյուսակի վեցերորդ բաժնի 2-րդ, 3-րդ, 4-րդ, 4¹-րդ և 6-րդ կետերի երրորդ սյունակում «ԱՀ» և «ԿՄ» տառերը փոխարինել «ԿԲ» տառերով.

գ) 4-րդ կետից հանել «ԱՀ-Հայաստանի Հանրապետության արժեթղթերի հանձնաժողով.» բառերը:

Հոդված 4. Սույն օրենքն ուժի մեջ է մտնում 2006 թվականի հունվարի 1-ից: