ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

N 981-Ա

ՊԱՏՎԻՐԱԿՈՒԹՅՈՒՆ ՌՈՒՍԱՍՏԱՆԻ ԴԱՇՆՈՒԹՅՈՒՆ ԵՎ ՏԱՋԻԿՍՏԱՆԻ ՀԱՆՐԱՊԵՏՈՒԹՅՈՒՆ ԳՈՐԾՈՒՂԵԼՈՒ ՄԱՍԻՆ

Համաձայն «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 5-րդ մասի՝

1. Տաջիկստանի Հանրապետությունում (Դուշանբե) 2021 թվականի սեպտեմբերի 15-ին կայանալիք` Հավաքական անվտանգության պայմանագրի կազմակերպության (այսուհետ՝ ՀԱՊԿ) արտաքին գործերի նախարարների խորհրդի, պաշտպանության նախարարների խորհրդի և անվտանգության խորհուրդների քարտուղարների կոմիտեի համատեղ նիստին մասնակցելու և երկկողմ հանդիպումներ անցկացնելու նպատակով 2021 թվականի սեպտեմբերի 13-17-ը ներառյալ Ռուսաստանի Դաշնություն (Մոսկվա) և Տաջիկստանի Հանրապետություն (Դուշանբե) գործուղել պատվիրակություն՝ համաձայն հավելվածի:

2. Արմեն Գրիգորյանի, Հայկ Պետրոսյանի, Արամ Թարվերդյանի, Սևակ Ղահրամանյանի, Արմեն Աբրահամյանի՝ Տաջիկստանի Հանրապետություն (Դուշանբե) և Ռուսաստանի Դաշնություն (Մոսկվա) գործուղման ճանապարհածախսի (Ա. Գրիգորյանի Երևան-Մոսկվա ավիատոմսերը բիզնես դասի), օրապահիկի և գիշերավարձի հետ կապված ծախսերը և «COVID-19» ՊՇՌ նմուշառումների վճարները կատարել Հայաստանի Հանրապետության 2021 թվականի պետական բյուջեով Հայաստանի Հանրապետության վարչապետի աշխատակազմի պահպանման ծախսերում արտասահմանյան գործուղումների համար նախատեսված միջոցների, իսկ հուշանվերների ձեռքբերման ծախսերը՝ ներկայացուցչական ծախսերի համար նախատեսված միջոցների հաշվին:

3. Ընդունել ի գիտություն, որ`

1) պատվիրակության մեկնումը Մոսկվայից Դուշանբե իրականացվելու է ռուսական պատվիրակության հատուկ չվերթով, որի ծախսերը հոգում է ռուսական կողմը.

2) Արմեն Գրիգորյանի և Հայկ Պետրոսյանի վերադարձը Դուշանբեից Երևան նախատեսված է Հայաստանի Հանրապետության վարչապետի հատուկ չվերթով.

3) Արամ Թարվերդյանի, Սևակ Ղահրամանյանի և Արմեն Աբրահամյանի մեկնումը Դուշանբեից Մոսկվա իրականացվելու է ռուսական պատվիրակության հատուկ չվերթով, որի ծախսերը հոգում է ռուսական կողմը:

4. Հայաստանի Հանրապետության անվտանգության խորհրդի քարտուղար Արմեն Գրիգորյանին՝ ապահովել պատվիրակության՝ Ռուսաստանի Դաշնություն (Մոսկվա) և Տաջիկստանի Հանրապետություն (Դուշանբե) գործուղման արդյունքների մասին հաշվետվությունը Հայաստանի Հանրապետության վարչապետի աշխատակազմ ներկայացնելը:

Հայաստանի Հանրապետության վարչապետ	Ն. ՓԱՇԻՆՅԱՆ
Երևան

13.09.2021 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Հավելված ՀՀ վարչապետի N 981-Ա որոշման

Կ Ա Զ Մ

ՌՈՒՍԱՍՏԱՆԻ ԴԱՇՆՈՒԹՅՈՒՆ ԵՎ ՏԱՋԻԿՍՏԱՆԻ ՀԱՆՐԱՊԵՏՈՒԹՅՈՒՆ ՄԵԿՆՈՂ ՊԱՏՎԻՐԱԿՈՒԹՅԱՆ

Ա. Գրիգորյան	- Անվտանգության խորհրդի քարտուղար (պատվիրակության ղեկավար) (2021 թվականի սեպտեմբերի 13-14-ը Ռուսաստանի Դաշնություն (Մոսկվա), 2021 թվականի սեպտեմբերի 14-17-ը Տաջիկստանի Հանրապետություն (Դուշանբե)
Հ. Պետրոսյան	- Անվտանգության խորհրդի գրասենյակի ղեկավար (2021 թվականի սեպտեմբերի 13-14-ը Ռուսաստանի Դաշնություն (Մոսկվա), 2021 թվականի սեպտեմբերի 14-17-ը Տաջիկստանի Հանրապետություն (Դուշանբե)
Ա. Թարվերդյան	- Անվտանգության խորհրդի քարտուղարի մամուլի քարտուղար (2021 թվականի սեպտեմբերի 13-14-ը և սեպտեմբերի 16-17-ը Ռուսաստանի Դաշնություն (Մոսկվա), 2021 թվականի սեպտեմբերի 14-16-ը Տաջիկստանի Հանրապետություն (Դուշանբե)
Ս. Ղահրամանյան	- Անվտանգության խորհրդի քարտուղարի օգնական (2021 թվականի սեպտեմբերի 13-14-ը և սեպտեմբերի 16-17-ը Ռուսաստանի Դաշնություն (Մոսկվա), 2021 թվականի սեպտեմբերի 14-16-ը Տաջիկստանի Հանրապետություն (Դուշանբե)
Ա. Աբրահամյան	- Անվտանգության խորհրդի գրասենյակի ռազմական անվտանգության վարչության ռազմաքաղաքական համագործակցության բաժնի պետ (2021 թվականի սեպտեմբերի 13-14-ը և սեպտեմբերի 16-17-ը Ռուսաստանի Դաշնություն (Մոսկվա), 2021 թվականի սեպտեմբերի 14-16-ը Տաջիկստանի Հանրապետություն (Դուշանբե)

Հայաստանի Հանրապետության վարչապետի աշխատակազմի ղեկավար

Ա. Հարությունյան

13.09.2021 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ