Գլխավոր տեղեկություն

Համար

ՀՕ-139-Ն

Տիպ

Օրենք

Ակտի տիպ

Base act (16.07.2005-մինչ օրս)

Կարգավիճակ

Գործում է

Սկզբնաղբյուր

ՀՀՊՏ 2005.07.06/42(414) Հոդ.822

Ընդունող մարմին

ՀՀ Ազգային ժողով

Ընդունման ամսաթիվ

25.05.2005

Ստորագրող մարմին

ՀՀ Նախագահ

Ստորագրման ամսաթիվ

24.06.2005

Ուժի մեջ մտնելու ամսաթիվ

16.07.2005

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Օ Ր Ե Ն Ք Ը

Ընդունված է 2005 թվականի մայիսի 25-ին

«ՊԵՏԱԿԱՆ ՏՈՒՐՔԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄ ԿԱՏԱՐԵԼՈՒ ՄԱՍԻՆ

Հոդված 1. «Պետական տուրքի մասին» Հայաստանի Հանրապետության օրենքի (27 դեկտեմբերի 1997 թվականի, ՀՕ-186) 19-րդ հոդվածում՝

ա) 2.7-րդ կետը շարադրել նոր խմբագրությամբ և ավելացնել 2.7¹-րդ կետ հետևյալ բովանդակությամբ՝

«2.7. բժշկական միջին մասնագիտական կրթական ծրագրի իրականացման համար` տարեկան	բազային տուրքի 150-ապատիկի չափով».
2.7¹. բժշկական բարձրագույն մասնագիտական կրթական ծրագրի իրականացման համար` տարեկան	բազային տուրքի 300-ապատիկի չափով».
բ) 8-րդ կետը շարադրել հետևյալ խմբագրությամբ՝ «8. Կրթության բնագավառ
8.1. հիմնական ընդհանուր կրթական ծրագրի իրականացման համար	բազային տուրքի 25-ապատիկի չափով
8.2. միջնակարգ (լրիվ) ընդհանուր կրթական ծրագրի իրականացման համար	բազային տուրքի 25-ապատիկի չափով
8.3. հատուկ ընդհանուր կրթական ծրագրի իրականացման համար	բազային տուրքի 25-ապատիկի չափով
8.3¹. նախնական մասնագիտական (արհեստագործական) կրթական ծրագրի իրականացման համար	բազային տուրքի 30-ապատիկի չափով
8.4. միջին մասնագիտական կրթական ծրագրի (բացառությամբ բժշկական միջին մասնագիտական կրթական ծրագրի) իրականացման համար` տարեկան	բազային տուրքի 150-ապատիկի չափով
8.5. բարձրագույն մասնագիտական կրթական ծրագրի (բացառությամբ բժշկական միջին մասնագիտական կրթական ծրագրի) իրականացման համար՝ տարեկան	բազային տուրքի 300-ապատիկի չափով»։

Հոդված 2. Սույն օրենքն ուժի մեջ է մտնում պաշտոնական հրապարակմանը հաջորդող տասներորդ օրվանից։

Հոդված 3. Սույն օրենքի 1-ին հոդվածի 8.3¹-րդ կետն ուժի մեջ է մտնում պաշտոնական հրապարակումից վեց ամիս հետո։

Հայաստանի Հանրապետության Նախագահ	Ռ. Քոչարյան
2005 թ. հունիսի 24 Երևան ՀՕ-139-Ն