ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏ

Ո Ր Ո Շ ՈՒ Մ

N 607-Ա

Հիմք ընդունելով «Բարեգործության մասին» Հայաստանի Հանրապետության օրենքի 13-րդ հոդվածի 2-րդ մասի 1-ին և 3-րդ կետերը՝

1. Բարեգործական որակել «Վարդանյան ընտանիք» բարեգործական հիմնադրամի կողմից իրականացվող` 29,810,360 դրամ արժողությամբ «Ա. Թախտաջյանի անվան բուսաբանության ինստիտուտ» պետական ոչ առևտրային կազմակերպության տանիքի ամրացում և արևային պանելների համակարգի նվիրաբերում» ծրագիրը` համաձայն հավելվածի:

2. Սահմանել, որ «Վարդանյան ընտանիք» բարեգործական հիմնադրամի (ՀՎՀՀ` 02269952) կողմից «Շտիգեն» ՍՊԸ-ի հետ (ՀՎՀՀ` 01574905) 2021 թվականի հունիսի 15-ին կնքված՝ N 09062020/1 պայմանագրում նշված գործարքը, որով նախատեսվում է շինության տանիքի ամրացման ու արևային էլեկտրակայանի մատակարարման, տեղադրման և շահագործման հանձնման աշխատանքների իրականացում՝ 26,095,690 դրամի չափով, առանց ավելացված արժեքի հարկի, անմիջականորեն կապված է սույն որոշման 1-ին կետում նշված ծրագրի իրականացման հետ և դրա համար ունի զգալի նշանակություն:

3. «Վարդանյան ընտանիք» բարեգործական հիմնադրամին` նշված ծրագրի ավարտից հետո մեկամսյա ժամկետում` Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով ներկայացնել ամփոփ տեղեկություններ ծրագրի կատարման մասին:

Հայաստանի Հանրապետության փոխվարչապետի պաշտոնակատար	Տ. Ավինյան
Երևան

20.07.2021 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Հավելված ՀՀ փոխվարչապետի N 607-Ա որոշման

ԾՐԱԳԻՐ

1.	Ծրագրի նպատակը	«Ա. Թախտաջյանի անվան բուսաբանության ինստիտուտ» պետական ոչ առևտրային կազմակերպության - Բուսաբանական այգու (Հայաստանի Հանրապետության Գիտությունների ազգային ակադեմիա) համար արևային պանելների համակարգի ձեռքբերում, համապատասխան շինության տանիքի ամրացման աշխատանքների իրականացում և արևային համակարգի տեղադրում՝ նվիրաբերման նպատակով:
2.	Ծրագրի բարեգործական որակման նպատակը	Ակնկալվում է ծրագրի շրջանակներում օգտվել ՀՀ հարկերի, տուրքերի և պարտադիր վճարների գծով օրենքով սահմանված արտոնություններից:
3.	Բարեգործը	«Վարդանյան ընտանիք» բարեգործական հիմնադրամ (ՀՀ, քաղ. Երևան, Մասիսի 31, ՀՎՀՀ՝ 02269952)
4.	Ծրագիրը կատարողը	«Վարդանյան ընտանիք» բարեգործական հիմնադրամ (ՀՀ, քաղ. Երևան, Մասիսի 31, ՀՎՀՀ՝ 02269952)
5.	Ծրագրի իրականացման վայրը և բնագավառը	«Ա. Թախտաջյանի անվան բուսաբանության ինստիտուտ» պետական ոչ առևտրային կազմակերպություն - Բուսաբանական այգի (Հայաստանի Հանրապետության Գիտությունների ազգային ակադեմիա) (Հայաստան, 0040, Երևան, Աճառյան փող., 1 շենք (Ավան վարչ. շրջան)՝ բնապահպանության բնագավառ:
6.	Ծրագրի բյուջեն	29 810 360 (քսանինը միլիոն ութ հարյուր տասը հազար երեք հարյուր վաթսուն) ՀՀ դրամ
7.	Բարեգործություն ստացողը	«Ա. Թախտաջյանի անվան բուսաբանության ինստիտուտ» պետական ոչ առևտրային կազմակերպություն - Բուսաբանական այգի (Հայաստանի Հանրապետության Գիտությունների ազգային ակադեմիա) (Հայաստան, 0040, Երևան, Աճառյան փող., 1 շենք (Ավան վարչ. շրջան):
8.	Ծրագրի իրականացման տևողությունը	2021 թվականի հուլիսի 10-ից մինչև 2021 թ. հոկտեմբերի 01-ը:
9.	Միջոցառումների նկարագրությունը և ժամկետները, անհրաժեշտ ֆինանսական միջոցների ծավալը	Արևային էլեկտրասնուցման համակարգի միջոցով էլեկտրաէներգիա ստանալու նպատակով «Ա. Թախտաջյանի անվան բուսաբանության ինստիտուտ» ՊՈԱԿ-ին (Բուսաբանական այգի) նախատեսվում է նվիրաբերել արևային պանելների համակարգ՝ նախապես իրականացնելով նաև տվյալ շինության տանիքի ամրացման աշխատանքներ 29 810 360 (քսանինը միլիոն ութ հարյուր տասը հազար երեք հարյուր վաթսուն) ՀՀ դրամ ընդհանուր արժողությամբ: Միջոցառումը նախատեսվում է իրականացնել 2021 թվականի հուլիսի 10-ից մինչև 2021 թ. հոկտեմբերի 01-ն ընկած ժամանակահատվածում:
10.	Ձեռք բերվող (ներմուծվող) ապրանքների ու ծառայությունների համառոտ նկարագիրը, ծավալները և նախատեսվող գինը	Տվյալ ծրագրի շրջանակներում նախատեսվում է արևային պանելների համակարգի կառուցում՝ իրականացնելով նաև տվյալ շինության տանիքի ամրացման աշխատանքներ 29 810 360 (քսանինը միլիոն ութ հարյուր տասը հազար երեք հարյուր վաթսուն) ՀՀ դրամ ընդհանուր արժեքով:
11.	Ծրագրի իրականացման հետ կապված կազմակեր- պական ծախսերը	Կազմակերպական ծախսեր չեն նախատեսվում:
12.	Համագործակցությունը պետական կառավարման, տեղական ինքնակառավարման մարմինների, այլ կազմակերպությունների հետ	Չի նախատեսվում:
13.	Ծրագրի արդյունավետության նկատմամբ վերահսկողության մեխանիզմների նկարագրությունը	Ծրագրի արդյունավետության նկատմամբ վերահսկողությունն իրականացվելու է «Վարդանյան ընտանիք» բարեգործական հիմնադրամի հոգաբարձուների խորհրդի կողմից Հայաստանի Հանրապետության Կառավարության 2003 թ.-ի հունվարի 16-ի N 66-Ն որոշմամբ հաստատված «Բարեգործական ծրագրերը բարեգործական որակելու և գրանցելու կարգի» 25-րդ կետով սահմանված կարգով հաշվետվությունների ներկայացում լիազորված մարմնին:

Հայաստանի Հանրապետության փոխվարչապետի պաշտոնակատար

Տ. Ավինյան

20.07.2021 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ