ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

2 ապրիլի 2020 թվականի N 483-Ն

«ԱՐՇԱԼՈՒՅՍ» ԱՌՈՂՋԱՐԱՐԱԿԱՆ ՃԱՄԲԱՐ» ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅՈՒՆԸ ԼՈՒԾԱՐԵԼՈՒ, ԻՆՉՊԵՍ ՆԱԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2005 ԹՎԱԿԱՆԻ ՄԱՐՏԻ 3-Ի N 366-Ն ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

Հիմք ընդունելով Հայաստանի Հանրապետության քաղաքացիական օրենսգրքի 67-րդ հոդվածը, «Պետական ոչ առևտրային կազմակերպությունների մասին» Հայաստանի Հանրապետության օրենքի 13-րդ հոդվածի 2-րդ մասի «զ» կետը և 25-րդ հոդվածը՝ Հայաստանի Հանրապետության կառավարությունը որոշում է.

1․ Հայաստանի Հանրապետության օրենսդրությամբ սահմանված կարգով լուծարել «Արշալույս» առողջարարական ճամբար» պետական ոչ առևտրային կազմակերպությունը (այսուհետ՝ կազմակերպություն) «պետական գրանցման ամսաթիվը՝ 23.08.2005 թ., համարը՝ 85.210.01718, վկայականը՝ 03 Ա 068495, գտնվելու հասցեն՝ մարզ Կոտայք, համայնք Չարենցավան, գյուղ Արզական»:

(1-ին կետը փոփ. 10.06.21 N 937-Ն)

2․ Հայաստանի Հանրապետության տարածքային կառավարման և ենթակառուցվածքների նախարարության պետական գույքի կառավարման կոմիտեի նախագահին՝ սույն որոշումն ուժի մեջ մտնելուց հետո 15-օրյա ժամկետում ստեղծել լուծարման հանձնաժողով՝ կազմակերպության լուծարման աշխատանքներն իրականացնելու նպատակով, դրա կազմում ընդգրկելով՝ Հայաստանի Հանրապետության ֆինանսների նախարարության (մեկ անդամ), Հայաստանի Հանրապետության արդարադատության նախարարության (մեկ անդամ), Հայաստանի Հանրապետության ոստիկանության (մեկ անդամ), Հայաստանի Հանրապետության տարածքային կառավարման և ենթակառուցվածքների նախարարության պետական գույքի կառավարման կոմիտեի (երկու անդամ` հանձնաժողովի նախագահ և անդամ-քարտուղար), Հայաստանի Հանրապետության պետական եկամուտների կոմիտեի (մեկ անդամ), Հայաստանի Հանրապետության Կոտայքի մարզպետարանի (մեկ անդամ) ներկայացուցիչներին։

3․ Հայաստանի Հանրապետության ոստիկանության պետին՝

1) լուծարման հանձնաժողովի ստեղծումից հետո մեկամսյա ժամկետում ապահովել կազմակերպության համապատասխան փաստաթղթերի և գույքի, այդ թվում՝ դրամական միջոցների, արժեթղթերի և գույքային իրավունքների հանձնումը լուծարման հանձնաժողովին.

2) հաստատել լուծարման հանձնաժողովի կողմից կազմված լուծարման հաշվեկշիռը.

3) կազմակերպության լուծարման աշխատանքներն ավարտելուց հետո՝ մեկամսյա ժամկետում, սահմանված կարգով ապահովել կազմակերպության լուծարման պետական գրանցման համար անհրաժեշտ ֆինանսական միջոցները:

4․ Սահմանել, որ՝

1) կազմակերպության լուծարումից հետո մնացած դրամական միջոցներն ուղղվում են Հայաստանի Հանրապետության պետական բյուջե, Հայաստանի Հանրապետության տարածքային կառավարման և ենթակառուցվածքների նախարարության պետական գույքի կառավարման կոմիտեին է ամրացվում անշարժ գույքը՝ համաձայն հավելվածի, ինչպես նաև շարժական գույքը.

2) կազմակերպության լուծարման հաշվեկշռի կազմելու օրվա դրությամբ կազմակերպության դեբիտորական պարտքերի ստացման և այլ պահանջների իրավունքները փոխանցվում են Հայաստանի Հանրապետության ֆինանսների նախարարությանը:

(4-րդ կետը խմբ. 14.01.21 N 43-Ն)

5․ Հայաստանի Հանրապետության ոստիկանության պետին և Հայաստանի Հանրապետության տարածքային կառավարման և ենթակառուցվածքների նախարարության պետական գույքի կառավարման կոմիտեի նախագահին՝ սույն որոշումն ուժի մեջ մտնելուց հետո մեկամսյա ժամկետում ապահովել սույն որոշման 4-րդ կետի 1-ին ենթակետում նշված անշարժ գույքի հանձնում-ընդունումը:

6․ Հայաստանի Հանրապետության արդարադատության նախարարին՝ կազմակերպության լուծարման գործընթացն ավարտվելուց հետո լուծարման հանձնաժողովի կողմից ներկայացված դիմումի և անհրաժեշտ փաստաթղթերի հիման վրա օրենքով սահմանված կարգով ապահովել կազմակերպության լուծարման պետական գրանցումը։

7․ Ուժը կորցրած ճանաչել Հայաստանի Հանրապետության կառավարության 2005 թվականի մարտի 3-ի «Արշալույս» առողջարարական ճամբար» պետական ոչ առևտրային կազմակերպություն ստեղծելու մասին» N 366-Ն որոշումը։

Հայաստանի Հանրապետության վարչապետ	Ն. Փաշինյան
2020 թ. ապրիլի 6 Երևան

Հավելված N 1 ՀՀ կառավարության 2020 թվականի ապրիլի 2-ի N 483-Ն որոշման

Ց Ա Ն Կ

ՊԵՏԱԿԱՆ ԳՈՒՅՔԻ ԿԱՌԱՎԱՐՄԱՆ ԿՈՄԻՏԵԻՆ ԱՄՐԱՑՎՈՂ ՇԱՐԺԱԿԱՆ ԳՈՒՅՔԻ

(հավելվածն ուժը կորցրել է 14.01.21 N 43-Ն)

Հավելված ՀՀ կառավարության 2020 թվականի ապրիլի 2-ի N 483-Ն որոշման

 

Ց Ա Ն Կ

ՊԵՏԱԿԱՆ ԳՈՒՅՔԻ ԿԱՌԱՎԱՐՄԱՆ ԿՈՄԻՏԵԻՆ ԱՄՐԱՑՎՈՂ ԱՆՇԱՐԺ ԳՈՒՅՔԻ

NN ը/կ	Շինության անվանումը	Մակերեսը	Հասցեն	Շահագործման տարին	Հաշվեկշռային արժեքը (ՀՀ դրամ)
1.	Մասնաշենք 1	982.3 քառ. մ	Մարզ Կոտայք, համայնք Չարենցավան, գյուղ Արզական	1980	28 257 354
2.	Մասնաշենք 2	1004.6 քառ. մ	Մարզ Կոտայք, համայնք Չարենցավան, գյուղ Արզական	1980	28 218 908
3.	Քոթեջային 1	88.3 քառ. մ	Մարզ Կոտայք, համայնք Չարենցավան, գյուղ Արզական	1980	2 016 291
4.	Քոթեջային 2	79.5 քառ. մ	Մարզ Կոտայք, համայնք Չարենցավան, գյուղ Արզական	1980	1 992 284
5.	Էլ. ենթակայան	10.5 քառ. մ	Մարզ Կոտայք, համայնք Չարենցավան, գյուղ Արզական	1980	588 184
6.	Կաթսայատուն	67.8 քառ. մ	Մարզ Կոտայք, համայնք Չարենցավան, գյուղ Արզական	1980	3 541 230
7.	Զուգարան	15.4 քառ. մ	Մարզ Կոտայք, համայնք Չարենցավան, գյուղ Արզական	1980	487 933
8.	Բաղնիք	21.2 քառ. մ	Մարզ Կոտայք, համայնք Չարենցավան, գյուղ Արզական	1980	720 551
9.	Ջրավազան	30.2 քառ. մ	Մարզ Կոտայք, համայնք Չարենցավան, գյուղ Արզական	1980	380 520
10.	Զուգարան	9.5 քառ. մ	Մարզ Կոտայք, համայնք Չարենցավան, գյուղ Արզական	1980	328 361
11.	Հարթակ	853.6 քառ. մ	Մարզ Կոտայք, համայնք Չարենցավան, գյուղ Արզական	1980	537 768
12.	Պարիսպ	63.9 քառ. մ, 110.4 խոր. մ	Մարզ Կոտայք, համայնք Չարենցավան, գյուղ Արզական	1980	306 029
13.	Ծածկ	47.9 քառ. մ	Մարզ Կոտայք, համայնք Չարենցավան, գյուղ Արզական	1981	30 177
14.	Ծածկ	3.4 քառ. մ	Մարզ Կոտայք, համայնք Չարենցավան, գյուղ Արզական	1981	2142
15.	Ծածկ	7.6 քառ. մ	Մարզ Կոտայք, համայնք Չարենցավան, գյուղ Արզական	1981	4788
16.	Ծածկ	22.2 քառ. մ	Մարզ Կոտայք, համայնք Չարենցավան, գյուղ Արզական	1981	13 986
17.	Ծածկ	6.7 քառ. մ	Մարզ Կոտայք, համայնք Չարենցավան, գյուղ Արզական	1981	4221
18.	Հողամաս	2 հա	Մարզ Կոտայք, համայնք Չարենցավան, գյուղ Արզական	1980	660 000
	ԸՆԴԱՄԵՆԸ				68 090 727

(հավելվածը խմբ. 14.01.21 N 43-Ն, 10.06.21 N 937-Ն)

Հայաստանի Հանրապետության վարչապետի աշխատակազմի ղեկավար

Է. Աղաջանյան