ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏ
Ո Ր Ո Շ ՈՒ Մ
N 384-Ա
«ՎՈՐԼԴ ՎԻԺՆ ԻՆԹԵՐՆԵՅՇՆԼ» ՄԻՋԱԶԳԱՅԻՆ ԲԱՐԵԳՈՐԾԱԿԱՆ ԿԱԶՄԱԿԵՐՊՈՒԹՅԱՆ ՀԱՅԱՍՏԱՆՅԱՆ ՄԱՍՆԱՃՅՈՒՂԻ ԿՈՂՄԻՑ ԻՐԱԿԱՆԱՑՎՈՂ «ՓՈՍՏԱՅԻՆ ԾԱՌԱՅՈՒԹՅՈՒՆՆԵՐ ԵՐԵԽԱՆԵՐԻ ՀՈՎԱՆԱՎՈՐՈՒԹՅԱՆ ԾՐԱԳՐԻ ՇՐՋԱՆԱԿՆԵՐՈՒՄ» ԾՐԱԳՐԻ ՄԱՍԻՆ
Հիմք ընդունելով «Բարեգործության մասին» Հայաստանի Հանրապետության օրենքի 13-րդ հոդվածի 2-րդ մասի 1-ին և 3-րդ կետերը՝
1. Բարեգործական որակել «Վորլդ վիժն ինթերնեյշնլ» միջազգային բարեգործական կազմակերպության հայաստանյան մասնաճյուղի կողմից իրականացվող` 45,186,120 դրամ ընդհանուր արժողությամբ «Փոստային ծառայություններ երեխաների հովանավորության ծրագրի շրջանակներում» ծրագիրը` համաձայն հավելվածի:
2. Սահմանել, որ «Վորլդ վիժն ինթերնեյշնլ» միջազգային բարեգործական կազմակերպության հայաստանյան մասնաճյուղի կողմից (ՀՎՀՀ՝ 02528755) «Հայփոստ» ՓԲԸ-ի (ՀՎՀՀ` 02507464) հետ 2018 թվականի դեկտեմբերի 14-ին կնքված N PD-14-01-19 պայմանագրում նշված գործարքը, որով նախատեսվում է փոստային ծառայությունների մատուցում՝ 45,186,120 դրամի չափով, առանց ավելացված արժեքի հարկի, անմիջականորեն կապված է սույն որոշման 1-ին կետում նշված ծրագրի իրականացման հետ և դրա համար ունի զգալի նշանակություն:
3. «Վորլդ վիժն ինթերնեյշնլ» միջազգային բարեգործական կազմակերպությանը` մինչև յուրաքանչյուր եռամսյակին հաջորդող ամսվա 25-ը` Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով ներկայացնել տեղեկություններ տվյալ եռամսյակի ընթացքում` նշված ծրագրի շրջանակներում կազմակերպության կողմից կատարած աշխատանքների, ինչպես նաև կազմակերպությանը մատակարարված ապրանքների ու մատուցված ծառայությունների, իսկ ծրագրի ավարտից հետո մեկամսյա ժամկետում` ամփոփ տեղեկություններ ծրագրի կատարման մասին:
|
Հայաստանի Հանրապետության |
Տ. ԱվինՅԱՆ |
|
Երևան |
|
13.05.2021 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ |
|
Հավելված ՀՀ փոխվարչապետի N 384-Ա որոշման |
«Փոստային ծառայություններ երեխաների հովանավորության ծրագրի շրջանակներում»
ԾՐԱԳԻՐ
|
1 |
Ծրագրի նպատակը |
Ծրագրի հիմնական նպատակն է ստեղծել բարեկեցիկ միջավայր երեխաների համար` համայնքային զարգացման այնպիսի ծրագրեր իրականացնելու միջոցով, որոնցում մեծ դեր ունի երեխաների և նրանց հովանավորների միջև սերտ նամակագրությունը: | ||||||||||||||||||||||||||||||||||||||||||||
|
2 |
Ծրագրի բարեգործական որակավորման նպատակը |
Օգտվել Հայաստանի Հանրապետության հարկերի, տուրքերի, պարտադիր վճարների գծով օրենքով սահմանված արտոնություններից: | ||||||||||||||||||||||||||||||||||||||||||||
|
3 |
Բարեգործը |
1. «Վորլդ Վիժն» ԱՄՆ-ի աջակցող գրասենյակ հասցե՝ 34834 Weyerhaeuser Way So. Federal Way, WA 98001 հեռախոս՝ +1-888-511-6548 2. «Վորլդ Վիժն» Շվեյցարիայի աջակցող գրասենյակ հասցե` World Vision Switzerland, Kriesbachstrasse 30, CH-8600 Duebendorf, Switzerland, հեռ.`: +41-44-510-1579 3. «Վորլդ Վիժն» Ֆրանսիայի աջակցող գրասենյակ հասցե՝ 7 rue Pasquier - 75008 Paris, հեռախոս՝ +33-1-48-03-92-42 4. «Վորլդ Վիժն» Թայվանի աջակցող գրասենյակ հասցե՝ 6F, 133, Sec. 4, Min-Sheng East Road, Taipei 105, Taiwan հեռախոս՝ 886-2-2175-1995 | ||||||||||||||||||||||||||||||||||||||||||||
|
4 |
Ծրագիրը կատարողը |
«Վորլդ Վիժն Ինթերնեյշնլ» միջազգային բարեգործական կազմակերպության հայաստանյան մասնաճյուղ Հասցե` Երևան, Ռ. Մելիքյան փ. 1, ՀՎՀՀ` 02528755, հեռախոս` +37460491010 | ||||||||||||||||||||||||||||||||||||||||||||
|
5 |
Ծրագրի իրականացման վայրը և բնագավառը |
Իրականացման վայրն է հանդիսանում «Վորլդ Վիժն Ինթերնեյշնլ» միջազգային բարեգործական կազմակերպության հայաստանյան մասնաճյուղի Գյումրու, Ամասիայի, Իջևանի, Նոյեմբերյանի, Վարդենիսի, Գավառի, Ճամբարակի, Կապանի և Ապարանի տարածքային զարգացման ծրագրերում ընդգրկված համայնքները: Ծրագրի բնագավառը` սոցիալական: | ||||||||||||||||||||||||||||||||||||||||||||
|
6 |
Ծրագրի բյուջեն |
Ծրագրի ընդհանուր բյուջեն կազմում է 45,186,120 (քառասունհինգ միլիոն հարյուր ութսունվեց հազար հարյուր քսան) ՀՀ դրամ՝ առանց ԱԱՀ-ի: | ||||||||||||||||||||||||||||||||||||||||||||
|
7 |
Բարեգործություն ստացողը |
Բարեգործություն ստացող են հանդիսանում «Վորլդ Վիժն Ինթերնեյշնլ» միջազգային բարեգործական կազմակերպության հայաստանյան մասնաճյուղի Գյումրու, Ամասիայի, Իջևանի, Նոյեմբերյանի, Վարդենիսի, Գավառի, Ճամբարակի, Կապանի և Ապարանի Տարածքային Զարգացման Ծրագրերում ընդգրկված համայնքներում բնակվող երեխաները: Երեխաների տվյալների հավաքագրման ժամանակ կնքվում է երկկողմանի համաձայնագիր, որը հաստատում է տվյալ երեխայի ծնողի համաձայնությունը՝ երեխաներին ՎՎՀ-ի կողմից տվյալ համայնքում իրականացվող ծրագրերում ընգրկելու մասին: | ||||||||||||||||||||||||||||||||||||||||||||
|
8 |
Ծրագրի իրականացման տևողությունը |
15 մայիս, 2021 թ. - 14 մայիս, 2023 թ. | ||||||||||||||||||||||||||||||||||||||||||||
|
9 |
Միջոցառումների նկարագրությունը և ժամկետները, անհրաժեշտ ֆինանսական միջոցների ծավալը |
Ծրագրի նպատակին հասնելու համար սերտ նամակագրական կապ է հաստատվում համայնքներում բնակվող 18,000 երեխաների և ԱՄՆ-ի, Շվեյցարիայի, Ֆրանսիայի և Թայվանի անհատ հովանավորների միջև, որի արդյունքում Հայաստանի երեխաների համար ստեղծվում են հնարավորություններ շփվելու և ճանաչելու այլ երկրներում ապրող մարդկանց, ծանոթանալու նրանց մշակույթին և սովորույթներին, իսկ հովանավորների համար ստեղծվում են հնարավորություններ ֆինանսական աջակցություն ցուցաբերել այդ երեխաների բնակության համայնքներում՝ զարգացման ծրագրերի իրականացման միջոցով: «Վորլդ Վիժն Ինթերնեյշնլ» միջազգային բարեգործական կազմակերպության հայաստանյան մասնաճյուղի հովանավորության ծրագրի մեխանիզմը հանդիսանում է ոչ թե անհատական ֆինանսական աջակցություն անհատ երեխաներին, այլ հովանավորներից ստացված ֆինանսական ռեսուրսների միավորում` համայնքային զարգացման ծրագրերի իրականացման համար, որից կօգտվեն ոչ միայն երեխաները, ում անունով հովանավորները գումարներ են հատկացնում, այլև համայնքի բոլոր երեխաները: Հովանավորների կողմից ֆինանսավորված համայնքային ծրագրերի վերաբերյալ տեղեկություններ հովանավորները ստանում են հաշվետվություններից և ավելի հստակ պատկերացում են կազմում իրենց տրամադրած միջոցների շնորհիվ համայնքներում կատարված բարեփոխումների մասին: | ||||||||||||||||||||||||||||||||||||||||||||
|
Նամակագրության թարգմանությունը իրականացվում է Երեխաների հովանավորության ծրագրի աշխատակիցների կողմից: Այդ միջոցառումներն իրականացնելու համար տարեկան ծախսվում է 45,186,120 (քառասունհինգ միլիոն հարյուր ութսունվեց հազար հարյուր քսան) ՀՀ դրամ՝ առանց ԱԱՀ-ի: Ծրագրի ընդհանուր արժեքը երկու տարվա համար կազմում է 45,186,120 (քառասունհինգ միլիոն հարյուր ութսունվեց հազար հարյուր քսան) ՀՀ դրամ ՝ առանց ԱԱՀ-ի: | ||||||||||||||||||||||||||||||||||||||||||||||
|
10 |
Ձեռք բերվող (ներմուծվող) ապրանքների ու ծառայությունների համառոտ նկարագիրը, ծավալները և նախատեսվող գինը |
Ծրագիրը ներառում է հետևյալ աշխատանքները.
| ||||||||||||||||||||||||||||||||||||||||||||
|
11 |
Ծրագրի իրականացման հետ կապված կազմակերպական ծախսերը |
Ծրագրի իրականացման հետ կապված կազմակերպական ծախսեր ներկայացված ծրագրով նախատեսված չեն: | ||||||||||||||||||||||||||||||||||||||||||||
|
12 |
Համագործակցությունը պետական կառավարման, տեղական ինքնակառա- վարման և այլ մարմինների հետ |
Ներկայացված ծրագրի իրականացման շրջանակներում «Վորլդ Վիժն Ինթերնեյշնլ» միջազգային բարեգործական կազմակերպության հայաստանյան մասնաճյուղը համագործակցում է գյուղական և քաղաքային համայնքների տեղական ինքնակառավարման մարմինների հետ, ինչպես նաև համայնքներում գործող դպրոցների և մանկապարտեզների հետ: | ||||||||||||||||||||||||||||||||||||||||||||
|
13 |
Ծրագրի արդյունավետու- թյան նկատմամբ վերա- հսկողության մեխանիզմ- ների նկարագրությունը |
«Վորլդ Վիժն ինթերնեյշնլ» միջազգային բարեգործական կազմակերպության հայաստանյան մասնաճյուղը վերահսկվում է միջազգային աուդիտի, ինչպես նաև հարկային մարմինների կողմից: Ծրագրի ընթացքի և ավարտի մասին տարեկան հաշվետվությունները կներկայացվեն Բարեգործական ծրագրերի համակարգման խորհրդակցական հանձնաժողովին: | ||||||||||||||||||||||||||||||||||||||||||||
|
Հայաստանի Հանրապետության |
Տ. ԱվինՅԱՆ |
|
Երևան |
|
13.05.2021 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ |
| Փոփոխող ակտ | Համապատասխան ինկորպորացիան |
|---|
| Փոփոխող ակտ | Համապատասխան ինկորպորացիան |
|---|