ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏ

Ո Ր Ո Շ ՈՒ Մ

1 փետրվարի 2021 թվականի N 62-Ա

«ՆԱԶՔՈՄ» ԲԱՐԵԳՈՐԾԱԿԱՆ ՀԻՄՆԱԴՐԱՄԻ ՀԱՍՑԵՈՎ ՍՏԱՑՎԱԾ ԲԵՌԻ ՆԵՐՄՈՒԾՄԱՆ ԾՐԱԳՐԻ ՄԱՍԻՆ

Հիմք ընդունելով «Բարեգործության մասին» Հայաստանի Հանրապետության օրենքի 13-րդ հոդվածի 2-րդ մասի 1-ին և 3-րդ կետերը՝

1. Բարեգործական որակել ԱՄՆ-ի «Լոտրիջ ֆեմըլի» հիմնադրամի կողմից, «ՆԱԶՔՈՄ» բարեգործական հիմնադրամի հասցեով ուղարկված բեռի (388 տեղ, 8,520 կգ ընդհանուր քաշով, 4,000 ԱՄՆ-ի դոլարին համարժեք դրամ արժողությամբ, փոխադրման և այլ ծախսերը կազմել են 7,205 ԱՄՆ-ի դոլար, մաքսային ձևակերպումները կատարվելու են Արարատյան մաքսատուն-վարչություն) ներմուծման և բաշխման (բեռի և բաշխման ցանկը՝ համաձայն հավելվածի) ծրագիրը:

(1-ին կետը փոփ. 08.04.21 N 296-Ա)

2. «ՆԱԶՔՈՄ» բարեգործական հիմնադրամին՝ նշված բեռի համապատասխան ձևակերպումներն ու բաշխումը ավարտելուց հետո մեկամսյա ժամկետում` Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25‑րդ կետով սահմանված կարգով ներկայացնել ամփոփ տեղեկատվություն:

Հայաստանի Հանրապետության փոխվարչապետ	Տ. ԱվինՅԱՆ
2021 թ. փետրվարի 1 Երևան

Հավելված ՀՀ փոխվարչապետի 2021 թ. փետրվարի 1-ի N 62-Ա որոշման

     

ԲԱՇԽՄԱՆ ՑԱՆԿ

Ապրանքի անվանումը	Քանակը ըստ չափման միավորի /արկղ/	Բրուտտո քաշը /կգ/	Արժեքը /$/	Շահառուները
Տաք հագուստ օգտագործած	12 արկղ	2509.7	1162	● «Գեղեցիկ» բարեգործական հիմնադրամ – 1 արկղ ● «Առաքելություն Հայաստան» բարեգործական հասարակական կազմակերպություն – 4 արկղ ● «Դեպի Վեր» բարեգործական հիմնադրամ – 2 արկղ ● Եղվարդի համայնքապետարան – 2 արկղ ● «ՆԱԶՔՈՄ» բարեգործական հիմնադրամի շահառուներ – 3 արկղ
Օգտագործած վերարկու	12 արկղ	1971.3	846	● «Գեղեցիկ» բարեգործական հիմնադրամ – 1 արկղ ● «Առաքելություն Հայաստան» բարեգործական հասարակական կազմակերպություն – 4 արկղ ● «Դեպի Վեր» բարեգործական հիմնադրամ – 2 արկղ ● Եղվարդի համայնքապետարան – 2 արկղ ● «ՆԱԶՔՈՄ» բարեգործական հիմնադրամի շահառուներ – 3 արկղ
Հիգիենայի պարագա	360 արկղ	3668.5	1164	● ՀՀ աշխատանքի և սոցիալական հարցերի նախարարություն – 80 տուփ ● «Գեղեցիկ» բարեգործական հիմնադրամ – 20 տուփ ● «Առաքելություն Հայաստան» բարեգործական հասարակական կազմակերպություն – 167 տուփ ● «Դեպի Վեր» բարեգործական հիմնադրամ – 20 տուփ ● «Աջակցություն վիրավոր զինվորներին և զինվորական հաշմանդամներին» բարեգործական ՀԿ – 30 տուփ ● Դավիթաշենի վարչական շրջանի թաղապետարան – 30 տուփ ● «ՆԱԶՔՈՄ» բարեգործական հիմնադրամի շահառուներ – 13 տուփ
Բժշկական պարագաներ	4 արկղ՝ 13 անվասայլակ, 17 քայլակ, 4 ձեռնափայտ, 1 աթոռ, 2 հենափայտ	370.5	828	● «Աջակցություն վիրավոր զինվորներին և զինվորական հաշմանդամներին» բարեգործական հասարակական կազմակերպություն - 11 անվասայլակ, 15 քայլակ, 3 ձեռնափայտ, 1 աթոռ, 2 հենափայտ ● «ՆԱԶՔՈՄ» բարեգործական հիմնադրամի շահառուներ – 2 անվասայլակ, 2 քայլակ, 1 ձեռնափայտ
Ընդամենը	388 արկղ	8,520	4000

   (հավելվածը խմբ. 08.04.21 N 296-Ա)

Հայաստանի Հանրապետության փոխվարչապետ

Տ. ԱվինՅԱՆ