27.11.2020 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

Ո Ր Ո Շ ՈՒ Մ

26 նոյեմբերի 2020 թվականի N 1892-Ն

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 2020 ԹՎԱԿԱՆԻ ՊԵՏԱԿԱՆ ԲՅՈՒՋԵԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔՈՒՄ ՎԵՐԱԲԱՇԽՈՒՄ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2019 ԹՎԱԿԱՆԻ ԴԵԿՏԵՄԲԵՐԻ 26-Ի N 1919-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ԵՎ ԳՆՄԱՆ ԳՈՐԾԸՆԹԱՑԸ ԿԱԶՄԱԿԵՐՊԵԼՈՒ ՄԱՍԻՆ

Հիմք ընդունելով «Հայաստանի Հանրապետության բյուջետային համակարգի մասին» Հայաստանի Հանրապետության օրենքի 23-րդ հոդվածի 3-րդ մասը և Հայաստանի Հանրապետության 2017 թվականի մայիսի 4-ի N 526-Ն որոշման Ν 1 հավելվածի 3-րդ կետը` Հայաստանի Հանրապետության կառավարությունը որոշում է.

1. «Հայաստանի Հանրապետության 2020 թվականի պետական բյուջեի մասին» Հայաստանի Հանրապետության օրենքի N 1 հավելվածի N 2 աղյուսակում կատարել վերաբաշխում և Հայաստանի Հանրապետության կառավարության 2019 թվականի դեկտեմբերի 26-ի «Հայաստանի Հանրապետության 2020 թվականի պետական բյուջեի կատարումն ապահովող միջոցառումների մասին» N 1919-Ն որոշման NN 3, 4, 5, 9, 9.1 և 10 հավելվածներում կատարել փոփոխություններ և լրացումներ` համաձայն NN 1, 2, 3, 4 և 5 հավելվածների:

2. Սահմանել, որ 2020 թվականի օգոստոսի 4-ին Լիբանանի Հանրապետության մայրաքաղաք Բեյրութում տեղի ունեցած պայթյունի հետևանքով տուժած քաղաքացիներին տրամադրված օգնության շրջանակներում` առաջին անհրաժեշտության դեղորայքի, ախտահանիչ միջոցների, բժշկական նշանակության ապրանքների և հագուստի ձեռքբերումը Հայաստանի Հանրապետության առողջապահության նախարարության կողմից իրականացվելու է «Գնումների մասին» Հայաստանի Հանրապետության օրենքի 23-րդ հոդվածի 1-ին մասի 2-րդ կետի հիման վրա՝ մեկ անձից գնման ձևով, չկիրառելով Հայաստանի Հանրապետության կառավարության 2017 թվականի մայիսի 4-ի N 526-Ն որոշման Ν 1 հավելվածի 21-րդ կետի 1-ին ենթակետի և 71-րդ կետի 2-րդ ենթակետի «գ» պարբերության պահանջները:

3. Սահմանել, որ սույն որոշման պահանջները տարածվում են 2020 թվականի օգոստոսի 7-ից ծագած գործարքների վրա:

4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչպետ

Ն. Փաշինյան

Հավելված N 1 ՀՀ կառավարության 2020 թվականի նոյեմբերի 26-ի N 1892-Ն որոշման

Հավելված N 2 ՀՀ կառավարության 2020 թվականի նոյեմբերի 26-ի N 1892-Ն որոշման

Հավելված N 3 ՀՀ կառավարության 2020 թվականի նոյեմբերի 26-ի N 1892-Ն որոշման

Հավելված N 4 ՀՀ կառավարության 2020 թվականի նոյեմբերի 26-ի N 1892-Ն որոշման

Հավելված N 5 ՀՀ կառավարության 2020 թվականի նոյեմբերի 26-ի N 1892-Ն որոշման

Պաշտոնական հրապարակման օրը՝ 27 նոյեմբերի 2020 թվական: