23.10.2020 ՀԱՎԱՍՏՎԱԾ Է ԷԼԵԿՏՐՈՆԱՅԻՆ ՍՏՈՐԱԳՐՈՒԹՅԱՄԲ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

21 հոկտեմբերի 2020 թվականի N 1173-Ա

ԾԱՌԱՅՈՂԱԿԱՆ ՔՆՆՈՒԹՅՈՒՆ ՆՇԱՆԱԿԵԼՈՒ ՄԱՍԻՆ

Ղեկավարվելով «Քաղաքացիական ծառայության մասին» Հայաստանի Հանրապետության օրենքի 22-րդ հոդվածով և հիմք ընդունելով Հայաստանի Հանրապետության կառավարության 2018 թվականի հուլիսի 19-ի N 814-Ն որոշումը՝

1. Նշանակել ծառայողական քննություն՝ Հայաստանի Հանրապետության վարչապետի աշխատակազմում «Ռազմական դրության» աշխատանքային ռեժիմից բխող ներքին շրջաբերական գրության համաձայն հերթապահության գրաֆիկով և հերթապահության կարգով սահմանված ծառայողական պարտականություններն առերևույթ անհարգելի պատճառով չկատարելու և (կամ) ոչ պատշաճ կատարելու դեպքի կապակցությամբ։

2. Ծառայողական քննությամբ պարզել «Ռազմական դրության» աշխատանքային ռեժիմից» բխող 2020 թվականի հոկտեմբերի 16-ին Հայաստանի Հանրապետության վարչապետի աշխատակազմի կառուցվածքային ստորաբաժանումներին տրված շրջաբերական գրության համաձայն հերթապահության գրաֆիկով և հերթապահության կարգով Հայաստանի Հանրապետության վարչապետի աշխատակազմի արձանագրային բաժնում (բաժնի ղեկավարի և (կամ) աշխատակիցների կողմից) սահմանված ծառայողական պարտականություններն առերևույթ անհարգելի պատճառով չկատարելու և (կամ) ոչ պատշաճ կատարելու հանգամանքները, պատճառները, հետևանքները, պատասխանատու անձանց շրջանակը և նրանց մեղավորության աստիճանը։

3. Ծառայողական քննության վարող նշանակել Հայաստանի Հանրապետության վարչապետի աշխատակազմի ղեկավարի տեղակալ Լիանա Ղալթաղչյանին:

Հայաստանի Հանրապետության վարչապետ

Ն. Փաշինյան