Ո Ր Ո Շ ՈՒ Մ

30 հուլիսի 2020 թվականի N 1286-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2006 ԹՎԱԿԱՆԻ ՀՈՒԼԻՍԻ 13-Ի N 999-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Ղեկավարվելով «Նորմատիվ իրավական ակտերի մասին» Հայաստանի Հանրապետության օրենքի 34-րդ հոդվածով՝ Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2006 թվականի հուլիսի 13-ի «Հայաստանի Հանրապետության արդարադատության նախարարության քրեակատարողական ծառայության կարգապահական կանոնակարգը հաստատելու մասին» N 999-Ն որոշմամբ հաստատված հավելվածում կատարել հետևյալ փոփոխությունները և լրացումները՝

1) 1-ին կետում «և բարոյական» բառերը փոխարինել «բարոյականության, հանրությանը ծառայելու գիտակցման, հանրային շահին հավատարմության, բարեկրթության, հարգալիրության, բարեխղճության և օբյեկտիվության» բառերով.

2) 3-րդ կետի «համընդհանուր կանոնների» բառերը փոխարինել «վարքագծի կանոնների» բառերով.

3) 6-րդ կետի «դ» ենթակետը շարադրել հետևյալ խմբագրությամբ`

«դ) ծառայության ընթացքում պահպանել զգոնություն և չզբաղվել այնպիսի գործողություններով, որոնք կարող են շեղել ծառայության բնականոն ընթացքից՝ ապահովելով ծառայողական պարտականությունների պատշաճ կատարումը.».

4) 6-րդ կետի «ե» ենթակետը «ազնիվ» բառից հետո լրացնել «և բարեխիղճ» բառերով.

5) 6-րդ կետը լրացնել նոր՝ հետևյալ բովանդակությամբ «ժե» և «ժզ» ենթակետերով՝

«ժե) խստորեն պահպանել պետական և ծառայողական գաղտնիքը.

ժզ) դրսևորել քաղաքական զսպվածություն և չեզոքություն, ձեռնպահ մնալ ծառայողի համբավն արատավորող անվայել արարք կատարելուց:».

6) 6-րդ կետից հետո լրացնել նոր՝ հետևյալ բովանդակությամբ 6.1-ին կետով՝

«6.1. Եթե ծառայողը չի կողմնորոշվում` ինչպիսի վարքագիծ դրսևորել վարքագծի կանոնների առերևույթ անհամատեղելի իրավիճակներում, ապա նա պետք է դիմի համապատասխան մարմնի անձնակազմի կառավարման ստորաբաժանումում նախատեսված բարեվարքության հարցերով կազմակերպչին:».

7) 11-րդ կետի ««Քրեակատարողական ծառայության մասին» Հայաստանի Հանրապետության օրենքի 38-րդ հոդվածով» բառերը փոխարինել ««Հանրային ծառայության մասին» Հայաստանի Հանրապետության օրենքի 20-րդ հոդվածով:» բառերով:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Ն. Փաշինյան
2020 թ. օգոստոսի 3 Երևան

Պաշտոնական հրապարակման օրը՝ 4 օգոստոսի 2020 թվական: