ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Օ Ր Ե Ն Ք Ը

Ընդունված է 2000 թվականի ապրիլի 19-ին

ԲՆԱՊԱՀՊԱՆԱԿԱՆ ՎՃԱՐՆԵՐԻ ԴՐՈՒՅՔԱՉԱՓԵՐԻ ՄԱՍԻՆ

Գ Լ ՈՒ Խ  1

ԲՆԱՊԱՀՊԱՆԱԿԱՆ ՎՃԱՐՆԵՐԻ ԴՐՈՒՅՔԱՉԱՓԵՐԸ

Սույն օրենքը սահմանում է բնապահպանական վճարների դրույքաչափերն ու դրանց հաշվարկման կարգը:

Հոդված 2.

ՇՐՋԱԿԱ ՄԻՋԱՎԱՅՐ ՎՆԱՍԱԿԱՐ ՆՅՈՒԹԵՐ ԱՐՏԱՆԵՏԵԼՈՒ ԴԻՄԱՑ ՎՃԱՐԻ ԴՐՈՒՅՔԱՉԱՓԵՐԸ

1. Սահմանել օդային ավազան վնասակար նյութերի արտանետման բնապահպանական վճարների հետևյալ դրույքաչափերը.

ա) ամրակայված աղբյուրներից օդային ավազան վնասակար նյութերի արտանետման յուրաքանչյուր տոննայի դիմաց`

փոշի	600 դրամ
ածխածնի մոնօքսիդ	80 դրամ
ազոտի օքսիդ և երկօքսիդ	7,400 դրամ
ծծմբային անհիդրիդ	600 դրամ
քլոր	6,000 դրամ
քլորոպրեն	45,000 դրամ
քրոմ և քրոմի միացություններ	18,957,000 դրամ
ֆորմալդեհիդ	23,400 դրամ
տոլուոլ	500 դրամ
քսիլոլ	1,500 դրամ.

բ) ֆիզիկական և իրավաբանական անձանց պատկանող` Հայաստանի Հանրապետությունում գրանցված և շահագործվող ավտոմեքենաներից և մեխանիզմներից վնասակար նյութերի արտանետման դիմաց` ըստ շարժիչի հզորության`

մինչև 50Ձ	10xՁ դրամ
50-80Ձ	20xՁ դրամ
81-100Ձ	30xՁ դրամ
101-150Ձ	40xՁ դրամ
151-200Ձ	50xՁ դրամ
201-250Ձ	60xՁ դրամ
251-300Ձ	70xՁ դրամ
300Ձ-ից ավելի	100xՁ դրամ

որտեղ Ձ-ն հզորությունն է` արտահայտված ձիաուժով.

գ) այլ պետություններում գրանցված Հայաստանի Հանրապետություն մուտք գործող կամ շահագործվող տրանսպորտային միջոցներից օդային ավազան վնասակար նյութերի արտանետման դիմաց` ըստ ավտոմեքենայի տեսակի և բեռնատարողության`

մարդատար
- թեթև մարդատար ավտոմեքենաներ	2,500 դրամ
- մինչև 12-տեղանոց ավտոբուսներ	5,000 դրամ
- 12 և ավելի տեղանոց ավտոբուսներ	10,000 դրամ

բեռնատար
- մինչև 8 տ բեռնատարողությամբ	5,000 դրամ
- 8-20 տ բեռնատարողությամբ	10,000 դրամ
- 20 և ավելի տ բեռնատարողությամբ	15,000 դրամ

2. Սահմանել ջրային ավազան վնասակար նյութերի և միացությունների յուրաքանչյուր տոննայի արտանետման հետևյալ դրույքաչափերը.

կախված նյութեր	5,300 դրամ
ազոտ ամոնիակային	5,100 դրամ
ացետոն	301,000 դրամ
թթվածնի կենսաբանական պահանջը	18,400 դրամ
նավթամթերք	204,600 դրամ
պղինձ	1,023,900 դրամ
սուլֆատներ	100 դրամ
ցինկ	1,023,000 դրամ
քլորիդներ	30 դրամ
եռավալենտ քրոմ	153,400 դրամ
ընդհանուր ֆոսֆոր	40,000 դրամ
ֆտոր	511,500 դրամ
թունաքիմիկատներ	18,200 դրամ
քացախաթթու	16,900 դրամ
ծծմբաթթու	16,900 դրամ
դետերգենտ (լվացող քիմիական նյութեր)	102,300 դրամ
մետաղական աղեր	511,500 դրամ
ցիան և ցիանի միացություններ	511,500 դրամ
ֆենոլներ	1,023,900 դրամ

Հոդված 3.

ՇՐՋԱԿԱ ՄԻՋԱՎԱՅՐ ԱՐՏԱԴՐՈՒԹՅԱՆ և ՍՊԱՌՄԱՆ ԹԱՓՈՆՆԵՐԻ ՍԱՀՄԱՆՎԱԾ ԿԱՐԳՈՎ ՏԵՂԱԴՐՄԱՆ ԴԻՄԱՑ ՎՃԱՐԻ ԴՐՈՒՅՔԱՉԱՓԵՐԸ

Սահմանել շրջակա միջավայր արտադրության և սպառման թափոնների սահմանված կարգով տեղադրման յուրաքանչյուր տոննայի բնապահպանական վճարների հետևյալ դրույքաչափերը.

առաջին դասի վտանգավորության	36,000 դրամ
երկրորդ դասի վտանգավորության	18,000 դրամ
երրորդ դասի վտանգավորության	3,600 դրամ
չորրորդ դասի վտանգավորության	1,200 դրամ
ոչ թունավոր և ոչ վտանգավոր թափոններ	600 դրամ

Լեռնաարդյունահանող իրավաբանական անձինք ոչ թունավոր թափոնների տեղադրման դիմաց չեն վճարում:

Հոդված 4.

ՇՐՋԱԿԱ ՄԻՋԱՎԱՅՐԻՆ ՎՆԱՍ ՊԱՏՃԱՌՈՂ ԱՊՐԱՆՔՆԵՐԻ ԴԻՄԱՑ ՎՃԱՐԻ ԴՐՈՒՅՔԱՉԱՓԵՐԸ

Սահմանել շրջակա միջավայրին վնաս պատճառող ապրանքների բնապահպանական վճարների հետևյալ դրույքաչափերը.

ասբոշիֆեր, ջերմամեկուսիչ ասբեստային սարքեր
(էկրաններ), ավտոմեքենայի արգելակներ	3 տոկոս
կապար պարունակող արտադրանքներ, ներկեր	3 տոկոս
լյումինեսցենտային լամպեր, ամալգամներ
(սնդիկային)	3 տոկոս
տպագրական նյութեր, ցինկի շապր (բելիլա)	3 տոկոս
նավթ, նավթամթերքներ (բացառությամբ բենզինի)	2 տոկոս
մայթաձյութ	2 տոկոս
վառելիքաքսուքային նյութեր	2 տոկոս
հանքային յուղեր	2 տոկոս
անտիֆրիզ	2 տոկոս
արգելակող հեղուկ	2 տոկոս
հիդրավլիկ հեղուկ	2 տոկոս
էլեկտրոդներ (եռակցման)	1,5 տոկոս
նավթալին (կարծր)	1,5 տոկոս
ավտոմեքենաների մարտկոցներ
(կապարային, լիթիումային)	1,5 տոկոս
տրանսֆորմատորային յուղ, էլեկտրոլիտիկ
կոնդենսատորներ	1,5 տոկոս
ավտոդողեր	0,8 տոկոս
կինո-ֆոտո ժապավեններ	0,8 տոկոս
ապակյա մանրաթելեր	0,8 տոկոս
չմաքրված դատարկ տարողություններ
(կոնտեյներներ,	0,8 տոկոս
ավտոցիստեռններ, կանիստրներ)
դետերգենտներ (լվացող նյութեր)	0,5 տոկոս
ֆրեոն պարունակող սարքեր և ապրանքներ
(սառնարաններ, դեզոդորանտներ)	0,5 տոկոս
պլաստիկ, պոլիէթիլային տարաներ և փաթեթներ	0,5 տոկոս:

Գ Լ ՈՒ Խ  2

ԲՆԱՊԱՀՊԱՆԱԿԱՆ ՎՃԱՐՆԵՐԻ ՀԱՇՎԱՐԿՄԱՆ ԿԱՐԳԸ

Հոդված 5.

ՇՐՋԱԿԱ ՄԻՋԱՎԱՅՐ ՎՆԱՍԱԿԱՐ ՆՅՈՒԹԵՐ ԱՐՏԱՆԵՏԵԼՈՒ ԴԻՄԱՑ ՎՃԱՐԻ ՀԱՇՎԱՐԿՄԱՆ ԿԱՐԳԸ

1. Ամրակայված աղբյուրներից օդային ավազան վնասակար նյութերի արտանետման դիմաց վճարը հաշվարկվում է «Բնապահպանական և բնօգտագործման վճարների մասին» Հայաստանի Հանրապետության օրենքին և սույն օրենքի 2 հոդվածի առաջին կետի «ա» ենթակետով սահմանված դրույքաչափերին համապատասխան:

2. Իրավաբանական և ֆիզիկական անձանց պատկանող` Հայաստանի Հանրապետությունում գրանցված և շահագործվող ավտոմեքենաներից ու մեխանիզմներից վնասակար նյութերի արտանետման դիմաց վճարը հաշվարկվում է սույն օրենքի 2 հոդվածի 1-ին կետի «բ» ենթակետով սահմանված դրույքաչափին համապատասխան և վճարվում է տարեկան մեկ անգամ` մինչև դրանց տարեկան տեխնիկական զննությունը:

3. Այլ պետություններում գրանցված տրանսպորտային միջոցներից օդային ավազան վնասակար նյութերի արտանետման դիմաց վճարը հաշվարկվում է սույն օրենքի 2 հոդվածի առաջին կետի «գ» ենթակետով սահմանված դրույքաչափերին համապատասխան:

4. Ջրային ավազան վնասակար նյութերի և միացությունների արտանետման դիմաց վճարը հաշվարկվում է «Բնապահպանական և բնօգտագործման վճարների մասին» Հայաստանի Հանրապետության օրենքին և սույն օրենքի 2 հոդվածի 2-րդ կետով սահմանված դրույքաչափերին համապատասխան:

Հոդված 6.

ՇՐՋԱԿԱ ՄԻՋԱՎԱՅՐ ԱՐՏԱԴՐՈՒԹՅԱՆ և ՍՊԱՌՄԱՆ ԹԱՓՈՆՆԵՐԻ ՍԱՀՄԱՆՎԱԾ ԿԱՐԳՈՎ ՏԵՂԱԴՐՄԱՆ ԴԻՄԱՑ ՎՃԱՐԻ ՀԱՇՎԱՐԿՄԱՆ ԿԱՐԳԸ

Շրջակա միջավայր արտադրության և սպառման թափոնների սահմանված կարգով տեղադրման դիմաց վճարը հաշվարկվում է «Բնապահպանական և բնօգտագործման վճարների մասին» Հայաստանի Հանրապետության օրենքին և սույն օրենքի 3 հոդվածով սահմանված դրույքաչափերին համապատասխան:

Հոդված 7.

ՇՐՋԱԿԱ ՄԻՋԱՎԱՅՐԻՆ ՎՆԱՍ ՊԱՏՃԱՌՈՂ ԱՊՐԱՆՔՆԵՐԻ ԴԻՄԱՑ ՎՃԱՐԻ ՀԱՇՎԱՐԿՄԱՆ ԿԱՐԳԸ

Շրջակա միջավայրին վնաս պատճառող ապրանքների դիմաց վճարը հաշվարկվում է «Բնապահպանական և բնօգտագործման վճարների մասին» Հայաստանի Հանրապետության օրենքին և սույն օրենքի 4 հոդվածով սահմանված դրույքաչափերին համապատասխան:

Գ Լ ՈՒ Խ  3

ԱՆՑՈՒՄԱՅԻՆ ԴՐՈՒՅԹՆԵՐ

Հոդված 8.

ՕՐԵՆՔԻ ՈՒԺԻ ՄԵՋ ՄՏՆԵԼԸ

1. Սույն օրենքն ուժի մեջ է մտնում 2000 թվականի մայիսի 1-ից, բացառությամբ 2 հոդվածի 1-ին կետի «բ» ենթակետի, որն ուժի մեջ է մտնում 2001 թվականի հունվարի 1-ից:

2. Սույն օրենքն ուժի մեջ մտնելու պահից մինչև 2000 թվականի դեկտեմբերի 31-ը ֆիզիկական և իրավաբանական անձանց պատկանող` Հայաստանի Հանրապետությունում գրանցված և շահագործվող ավտոմեքենաներից և մեխանիզմներից վնասակար նյութերի արտանետման դիմաց` ըստ օգտագործած վառելիքի և մակնիշի, վճարները հաշվարկվում են 2000 թվականի ապրիլի 30-ի դրությամբ գործող կարգով և դրույքաչափերով:

Հայաստանի Հանրապետության Նախագահ	Ռ. Քոչարյան
Երևան 29 ապրիլի 2000 թ. ՀՕ-49