ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏ

Ո Ր Ո Շ ՈՒ Մ

14 հուլիսի 2020 թվականի N 381-Ա

Հիմք ընդունելով «Բարեգործության մասին» Հայաստանի Հանրապետության օրենքի 13-րդ հոդվածի 2-րդ մասի 1-ին կետը՝

1. Բարեգործական որակել «Հայաստանյայց առաքելական սուրբ եկեղեցի» կրոնական կազմակերպության կողմից (ՀՎՀՀ՝ 04703401) իրականացվող՝ 6,941,040 դրամ ընդհանուր արժողությամբ «Քյուրքչյան մանկատան պատուհանների և դռների ճաղավանդակներ» ծրագիրը՝ համաձայն հավելվածի:

2. «Հայաստանյայց առաքելական սուրբ եկեղեցի» կրոնական կազմակերպությանը՝ ծրագրի ավարտից հետո մեկամսյա ժամկետում Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով ներկայացնել ամփոփ տեղեկություններ ծրագրի կատարման մասին:

3. Սույն որոշման դրույթները տարածվում են 2019 թվականի նոյեմբերի 19-ից ծագած (ծագող) իրավահարաբերությունների վրա:

Հայաստանի Հանրապետության փոխվարչապետ	Տ. Ավինյան
2020 թ. հուլիսի 14 Երևան

Հավելված ՀՀ փոխվարչապետի 2020 թվականի հուլիսի 14-ի N 381-Ա որոշման

1.	Ծրագրի նպատակը	Ծրագրի նպատակն է Հայաստանյայց Առաքելական Սուրբ Եկեղեցու Սուրբ Գայանե Վանքի տարածքում գտնվող Քյուրքչյան մանկատան պատուհանների և դռների ճաղավանդակների տեղադրման աշխատանքները:
2.	Ծրագրի բարեգործական որակման նպատակները	Նախատեսվում է ծրագրի շրջանակներում, օրենքով սահմանված կարգով օգտվել ՀՀ հարկերի, տուրքերի, պարտադիր վճարների գծով օրենքով սահմանված արտոնություններից:
3.	Բարեգործը (բարեգործները)	Հայկական բարեգործական ընդհանուր միություն
4.	Ծրագրի կատարողը	Հայաստանյայց Առաքելական Սուրբ Եկեղեցի, ՀՎՀՀ 04703401:
5.	Ծրագրի իրականացման վայրը և բնագավառը	Հայաստանյայց Առաքելական Սուրբ Եկեղեցի: Հոգևոր:
6.	Ծրագրի բյուջեն	6.941.040 դրամ:
7.	Բարեգործություն ստացողը	Քյուրքչյան մանկատան սաներ:
8.	Ծրագրի իրականացման տևողությունը	01 նոյեմբեր, 2019 թ.- 31 դեկտեմբեր, 2020 թ.:
9.	Միջոցառումների նկարագրությունը և ժամկետները, անհրաժեշտ ֆինանսական միջոցների ծավալը	Ծրագրի իրականացման ընթացքում նախատեսվում է Հայաստանյայց Առաքելական Սուրբ Եկեղեցու Սուրբ Գայանե Վանքի տարածքում գտնվող Քյուրքչյան մանկատան պատուհանների և դռների ճաղավանդակների տեղադրման աշխատանքներ: Աշխատանքներն իրականացվելու են «Ռոբերտ Գրիգորյան» Ա/Ձ-ի կողմից ( ՀՀ, քաղ. Երևան, Դավթաշեն, 2 թաղ., 33 շ., 34 բն., ՀՎՀՀ 52193855):
10.	Ձեռք բերվող ապրանքների, ծառայությունների համառոտ նկարագիրը, ծավալները, նախատեսվող գինը	Նախատեսվում է Հայաստանյայց Առաքելական Սուրբ Եկեղեցու Սուրբ Գայանե Վանքի տարածքում գտնվող Քյուրքչյան մանկատան պատուհանների և դռների ճաղավանդակների տեղադրման աշխատանքներ՝ 6.941.040 դրամով՝ առանց ԱԱՀ-ի:
11.	Ծրագրի իրականացման հետ կապված կազմակերպական ծախսերը	Այլ ծախսեր նախատեսված չեն:
12.	Համագործակցությունը պետական կառավարման, տեղական ինքնակառա-վարման մարմինների և այլ կազմակերպությունների հետ	Չի նախատեսվում:
13.	Ծրագրի արդյունավետության նկատմամբ վերահսկողության մեխանիզմների նկարագրությունը	Նախատեսվում է տեխնիկական հսկողություն Հայաստանյայց Առաքելական Սուրբ Եկեղեցու ֆինանսական բաժնի հետ, ինչպես նաև ՀՀ բարեգործական ծրագրերի համակարգման խորհրդակցական հանձնաժողովի կողմից: Ծրագրի ավարտից հետո կտրվի ամփոփ տեղեկություն:

Հայաստանի Հանրապետության փոխվարչապետ

Տ. Ավինյան