ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏ

Ո Ր Ո Շ ՈՒ Մ

25 մայիսի 2020 թվականի N 276-Ա

«ԻՄ ՔԱՅԼԸ» ԲԱՐԵԳՈՐԾԱԿԱՆ ՀԻՄՆԱԴՐԱՄԻ ԿՈՂՄԻՑ ԻՐԱԿԱՆԱՑՎՈՂ «ԴՊՐՈՑԱԿԱՆՆԵՐԻ ՀԵՌԱՎԱՐ ԿՐԹՈՒԹՅԱՆ ՀՆԱՐԱՎՈՐՈՒԹՅՈՒՆՆԵՐԻ ԸՆԴԼԱՅՆՈՒՄ» ԾՐԱԳՐԻ ՄԱՍԻՆ

Հիմք ընդունելով «Բարեգործության մասին» Հայաստանի Հանրապետության օրենքի 13-րդ հոդվածի 2-րդ մասի 1-ին և 3-րդ կետերը՝

1. Բարեգործական որակել «Իմ քայլը» բարեգործական հիմնադրամի կողմից իրականացվող՝ 23,173,334 դրամ ընդհանուր արժողությամբ «Դպրոցականների հեռավար կրթության հնարավորությունների ընդլայնում» ծրագիրը՝ համաձայն հավելվածի:

2. Սահմանել, որ «Իմ քայլը» բարեգործական հիմնադրամի կողմից (ՀՎՀՀ՝ 01282864) «Վեգա Ուորլդ» ՍՊԸ-ի հետ (ՀՎՀՀ՝ 02704414) 2020 թվականի ապրիլի 29-ին կնքված N 140120 պայմանագրում նշված գործարքը, որով նախատեսվում է 320 հատ դյուրակիր համակարգչի ձեռքբերում՝ 23,173,334 դրամի չափով, առանց ավելացված արժեքի հարկի, անմիջականորեն կապված է սույն որոշման 1‑ին կետում նշված ծրագրի իրականացման հետ և դրա համար ունի զգալի նշանակություն:

3. «Իմ քայլը» բարեգործական հիմնադրամին` ծրագրի ավարտից հետո մեկամսյա ժամկետում` Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով ներկայացնել ամփոփ տեղեկություններ ծրագրի կատարման մասին:

Հայաստանի Հանրապետության փոխվարչապետ	Տ. Ավինյան
2020 թ. մայիսի 25 Երևան

Հավելված ՀՀ փոխվարչապետի 2020 թ. մայիսի 25-ի N 276-Ա որոշման

«ԴՊՐՈՑԱԿԱՆՆԵՐԻ ՀԵՌԱՎԱՐ ԿՐԹՈՒԹՅԱՆ ՀՆԱՐԱՎՈՐՈՒԹՅՈՒՆՆԵՐԻ ԸՆԴԼԱՅՆՈՒՄ» ԾՐԱԳԻՐ

1.	Ծրագրի նպատակը	Ներկայացվող ծրագրի նպատակն է նպաստի համակարգում ընդգրկված և ՍԱՏԲ-ում հաշվառված միակողմանի ու երկկողմանի ծնողազուրկ և (կամ) բազմազավակ ընտանիքների շուրջ 320 երեխաներին տրամադրել տեխնիկական սարքեր CՕVID-19 համավարակով պայմանավորված հեռավար կրթության պայմաններում նրանց կրթության հիմնարար իրավունքի իրացման համար:
2.	Ծրագրի բարեգործական որակման նպատակը	Նախատեսվում է ծրագրի շրջանակներում, օրենքով սահմանված կարգով, օգտվել ՀՀ հարկերի, տուրքերի, պարտադիր վճարների գծով օրենքով սահմանված արտոնություններից:
3.	Բարեգործը	«ԻՄ ՔԱՅԼԸ» բարեգործական հիմնադրամը, ֆիզիկական և իրավաբանական անձանց կողմից հանգանակված միջոցներով
4.	Ծրագիրը կատարողը	«ԻՄ ՔԱՅԼԸ» բարեգործական հիմնադրամ 0010 Երևան, Տերյան 1/1 ՀՎՀՀ՝ 01282864
5.	Ծրագրի իրականացման վայրը և բնագավառը	Հայաստանի Հանրապետության մարզեր, բնագավառը՝ կրթական
6.	Ծրագրի բյուջեն	Ծրագրի բյուջեն է 23,173,334 դրամ
7.	Բարեգործություն ստացողը	Խոցելի ընտանիքների 320 դպրոցահասակ երեխաներ, որոնց ցանկը կտրամադրի ՀՀ կրթության, գիտության, մշակույթի և սպորտի նախարարությունը։ Թիրախային կատեգորիայի ընտրությունը պայմանավորված է նրանով, որ հեռավար կրթության պայմաններում ամենից խոցելի կարգավիճակում են սոցիալապես անապահով ծնողազուրկ և բազմազավակ ընտանիքների դպրոցականները, որոնք տեխնիկայի բացակայության պայմաններում դուրս են մնում կրթությունից։
8.	Ծրագրի իրականացման տևողությունը	2020 թվականի մայիսի 8-ից մինչև 2020 թվականի մայիսի 30-ը
9.	Միջոցառումների նկարագրությունը և ժամկետները, անհրաժեշտ ֆինանսական միջոցների ծավալը	Ծրագրի շրջանակում նախատեսվում է՝ ● 27.04.2020-04.05.2020 շահառուների ցանկի հարցում, ճշգրտում և հաստատում ԿԳՄՍ նախարարության և մարզպետարանների հետ (ֆինանսական միջոցներ չեն պահանջվում), ● 08․05.2020-13.05.2020 շուկայի ուսումնասիրություն և տեխնիկական սարքերի ձեռքբերում՝ ըստ ԿԳՄՍ նախարարության սահմանած չափորոշիչների (23,173,334 դրամ), ● 08.05.2020-30․05․2020 բաշխման պլանավորում և իրականացում (ֆինանսական միջոցներ չեն պահանջվում)։
10.	Ձեռք բերվող (ներմուծվող) ապրանքների ու ծառայությունների համառոտ նկարագիրը, ծավալները և նախատեսվող գինը	Ծրագրի շրջանակներում նախատեսվում է ձեռք բերել 320 պլանշետ հետևյալ տեխնիկական պարամետրերով․ HՍAWEI MEDIAPAD T3 8 KՕB-L09 (GR) Էկրանի Չափս: 8 Էկրանի Տեսակ: IPS Կետայնություն: 800x1280 ՕS: Android 7.0 (Nougat) CPՍ: Q.C. Snapdragon 425 Հաճախականություն (ԳՀց): 1.4 GPՍ: Adreno 308 Օպերատիվ Հիշ. (ԳԲ): 2 Ներ.հիշող./Լրացուցիչ (ԳԲ): 16-up to 128 Կապ: 3G-4G Wi-Fi/Bluetooth: +-+ Տեսախցիկ (MP): 2-5 SIM: Nano Մարտկոց: 4800 mA-h Քաշ (գ): 350 Մեկ միավորի արժեքը 72,416.67 դրամ է
11.	Ծրագրի իրականացման հետ կապված կազմակերպական ծախսերը	Կազմակերպական ծախսեր նախատեսված չեն:
12.	Համագործակցությունը պետական կառավարման, տեղական ինքնակառավարման մարմինների, այլ կազմակերպությունների հետ	Ծրագրի ուղղակի շահառուներին սահմանելու հարցում Հիմնադրամը համագործակցում է ՀՀ ԿԳՄՍ նախարարության և մարզպետարանների հետ։ Սարքերի բաշխումն իրականացվելու է ՍԱՏԲ-ների և Հայկական կարմիր խաչի ընկերության հետ համագործակցությամբ։ Հայկական կարմիր խաչի ընկերության ներգրավումը պայմանավորված է վերջինիս մասնագիտական բազմամյա փորձով, հատուկ վերապատրաստում անցած կամավորների մեծ ցանցով և մարզային ներկայացվածությամբ։
13.	Ծրագրի արդյունավետության նկատմամբ վերահսկողության մեխանիզմների նկարագրությունը	Տրամադրված պլանշետների նպատակային օգտագործման և շահառուների՝ հեռավար կրթության մեջ ներգրավվածության մշտադիտարկումն իրականացնելու է ԿԳՄՍ նախարարությունը, ինչպես նաև Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու եւ գրանցելու կարգի 25-րդ կետով սահմանված կարգով կներկայացվեն տեղեկություններ։

Հայաստանի Հանրապետության փոխվարչապետ

Տ. Ավինյան