ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

27 մարտի 2020 թվականի N 395-Ա

Հիմք ընդունելով Հայաստանի Հանրապետության կառավարության 2003 թվականի դեկտեմբերի 24-ի N 1937-Ն որոշման հավելվածի 38-րդ կետը՝

1. Կորոնավիրուսի (Covid19) տարածման կանխարգելմանն ուղղված դրամաշնորհային մրցույթի իրականացման նպատակով ստեղծել Կորոնավիրուսի (Covid19) տարածման կանխարգելմանն ուղղված դրամաշնորհներ հատկացնելու մրցութային հանձնաժողով և հաստատել դրա անհատական կազմը` համաձայն հավելվածի:

2. Կորոնավիրուսի (Covid19) տարածման կանխարգելմանն ուղղված դրամաշնորհի ընդհանուր գումարի չափը սահմանել 22 մլն դրամ, որը հատկացվում է Հայաստանի Հանրապետության բարձր տեխնոլոգիական արդյունաբերության նախարարության «1043 բարձր տեխնոլոգիաների արդյունաբերության էկոհամակարգի և շուկայի զարգացման ծրագրի» «11005 գաղափարից մինչև բիզնես» միջոցառման համար Հայաստանի Հանրապետության 2020 թվականի պետական բյուջեով նախատեսված միջոցներից: Ընդ որում, մրցույթի արդյունքներով յուրաքանչյուր կազմակերպությանը տրամադրվող ֆինանսավորման չափը կազմում է առաջին տեղի համար 10 մլն դրամ, երկրորդ տեղի համար` 5 մլն դրամ, երրորդ տեղի համար` 3 մլն դրամ, չորրորդ տեղի համար` 2 մլն դրամ, հինգերորդ տեղի համար` 2 մլն դրամ:

3. Մրցութային հանձնաժողովին՝ ընդունել ի գիտություն, որ`

1) մրցույթի մասին հայտարարությունը պետք է հրապարակվի Հայաստանի Հանրապետության բարձր տեխնոլոգիական արդյունաբերության նախարարության պաշտոնական ինտերնետային կայքում` մրցույթի հայտերը ներկայացնելու համար սահմանված վերջին օրվանից առնվազն 7 օր առաջ.

2) մրցույթի մասնակցության հայտերը ներկայացվում են էլեկտրոնային եղանակով՝ լրացնելով Հայաստանի Հանրապետության բարձր տեխնոլոգիական արդյունաբերության նախարարության պաշտոնական կայքում տեղադրված հարցաթերթիկը:

Հայաստանի Հանրապետության վարչապետ	Ն. Փաշինյան
2020 թ. մարտի 27 Երևան

Հավելված ՀՀ վարչապետի 2020 թ. մարտի 27-ի N 395-Ա որոշման

Արմեն Աբրոյան	- ՀՀ բարձր տեխնոլոգիական արդյունաբերության նախարարի տեղակալ (հանձնաժողովի նախագահ)
Ծաղկանուշ Սարգսյան	- ՀՀ առողջապահության նախարարության էլեկտրոնային առողջապահության ներդրման բաժնի ղեկավար, հանձնաժողովի անդամ
Սամվել Հովսեփյան	- ՀՀ ոստիկանության կապի և տեղեկատվական տեխնոլոգիաների վարչության պետ, ոստիկանության գնդապետ, հանձնաժողովի անդամ
Արթուր Դանիելյան	- ՀՀ ազգային անվտանգության ծառայության աշխատակից, բաժնի պետ, փոխգնդապետ, հանձնաժողովի անդամ
Կարեն Վարդանյան	- Առաջատար տեխնոլոգիաների ձեռնարկությունների միության գործադիր տնօրեն, հանձնաժողովի անդամ (համաձայնությամբ)
Արմեն Բալդրյան	- Տեղեկատվական և հաղորդակցության տեխնոլոգիաների գործատուների միության նախագահ, հանձնաժողովի անդամ (համաձայնությամբ)
Վարդան Ալեքսանյան	- Ինժեներական ասոցիացիայի գործադիր տնօրեն, հանձնաժողովի անդամ (համաձայնությամբ)
Հրանտ Խաչատրյան	- «YerevanNN» հիմնադիր, հանձնաժողովի անդամ (համաձայնությամբ)
Մարիամ Բաբայան	- Գերմանական միջազգային համագործակցության կազմակերպության ծրագրերի խորհրդատու, հանձնաժողովի անդամ (համաձայնությամբ)
Նարինե Ավետիսյան	- Ասիական զարգացման բանկի ներդրումային քաղաքականության պատասխանատու, հանձնաժողովի անդամ (համաձայնությամբ)
Արամայիս Հովհաննիսյան	- ՀՀ բարձր տեխնոլոգիական արդյունաբերության նախարարության թվայնացման վարչության պետ, հանձնաժողովի անդամ
Անուշ Ղազանչյան	- ՀՀ բարձր տեխնոլոգիական արդյունաբերության նախարարության բարձր տեխնոլոգիաների վարչության պետ (հանձնաժողովի քարտուղար):

Հայաստանի Հանրապետության վարչապետի աշխատակազմի ղեկավար

Է. Աղաջանյան