ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏ
Ո Ր Ո Շ ՈՒ Մ
14 ապրիլի 2020 թվականի N 215-Ա
«ԱՆՈՒՇԱՎԱՆ ԱԲՐԱՀԱՄՅԱՆ ԿՐԹԱԿԱՆ ՀԻՄՆԱԴՐԱՄ» ՀԱՅԱՍՏԱՆԻ ՄԱՍՆԱՃՅՈՒՂԻ ԿՈՂՄԻՑ ԻՐԱԿԱՆԱՑՎՈՂ «ԽՈՀԱՐԱՐԱԿԱՆ ԴԱՍԱՍԵՆՅԱԿՆԵՐԻ ՎԵՐԱԶԻՆՈՒՄ» ԾՐԱԳՐԻ ՄԱՍԻՆ
Հիմք ընդունելով «Բարեգործության մասին» Հայաստանի Հանրապետության օրենքի 13-րդ հոդվածի 2-րդ մասի 1-ին և 3-րդ կետերը՝
1. Բարեգործական որակել «Անուշավան Աբրահամյան կրթական հիմնադրամի» Հայաստանի մասնաճյուղի կողմից իրականացվող` 6,765,645 դրամ ընդհանուր արժողությամբ «Խոհարարական դասասենյակների վերազինում» ծրագիրը՝ համաձայն հավելվածի:
2. Սահմանել, որ «Անուշավան Աբրահամյան կրթական հիմնադրամի» Հայաստանի մասնաճյուղի կողմից (ՀՎՀՀ՝ 01238936) «ՔԱՄ ԵՆ ԳՈ» ՍՊԸ-ի հետ (ՀՎՀՀ` 00858165) 2020 թվականի մարտի 6-ին կնքված պայմանագրում նշված գործարքը, որով նախատեսվում է խոհանոցային սարքավորումների մատակարարում` 6,765,645 դրամի չափով` առանց ավելացված արժեքի հարկի, անմիջականորեն կապված է վերոգրյալ ծրագրի իրականացման հետ և դրա համար ունի զգալի նշանակություն:
3. «Անուշավան Աբրահամյան կրթական հիմնադրամի» Հայաստանի մասնաճյուղին` մինչև յուրաքանչյուր եռամսյակին հաջորդող ամսվա 25-ը՝ Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով ներկայացնել տեղեկություններ տվյալ եռամսյակի ընթացքում նշված ծրագրի շրջանակներում կազմակերպության կողմից կատարված աշխատանքների, ինչպես նաև կազմակերպությանը մատակարարված ապրանքների ու մատուցված ծառայությունների մասին, իսկ ծրագրի ավարտից հետո մեկամսյա ժամկետում` ամփոփ տեղեկություններ ծրագրի կատարման մասին:
|
Հայաստանի Հանրապետության |
Տ. Ավինյան |
|
2020 թ. ապրիլի 14 Երևան |
|
Հավելված ՀՀ փոխվարչապետի 2020 թ. ապրիլի 14-ի N 215-Ա որոշման |
ԾՐԱԳԻՐ
«Խոհարարական դասասենյակների վերազինում»
|
1. |
Ծրագրի նպատակը |
«Վայոց ձորի տարածաշրջանային պետական քոլեջ» ՊՈԱԿ-ում, «Արմավիրի ինդուստրիալ-մանկավարժական պետական քոլեջ» ՊՈԱԿ-ում և «Հրազդանի արհեստագործական պետական ուսումնարան» ՊՈԱԿ-ում «Անուշավան և Օֆիկ Աբրահամյան Կրթական Հիմնադրամ»-ի կողմից տարիներ առաջ ներդրված խոհարարական դասասենյակները վերազինել ժամանակակից պրոֆեսիոնալ խոհարարական սարքավորումներով։ |
|
2. |
Ծրագրի բարեգործական որակման նպատակը |
Օգտվել ՀՀ հարկերի, տուրքերի, պարտադիր վճարների գծով օրենքով սահմանված արտոնություններից: |
|
3. |
Բարեգործը |
«Անուշավան և Օֆիկ Աբրահամյան Կրթական Հիմնադրամ», հասցեն՝ ք. Նորթրիջ, 9003 Ռեսեդայի պողոտա, #205A, 91324, Կալիֆորնիա նահանգ, ԱՄՆ |
|
4. |
Ծրագիրը կատարողը |
«Անուշավան Աբրահամյան Կրթական Հիմնադրամ», Հայաստանի մասնաճյուղ, հասցեն՝ ք. Երևան, Ամիրյան 8/26, ՀՎՀՀ՝ 01238936 |
|
5. |
Ծրագրի իրականացման վայրը և բնագավառը |
ՀՀ Վայոց ձորի մարզ, ք. Եղեգնաձոր, փ․Սպանդարյան 3 |
|
6. |
Ծրագրի բյուջեն |
6,765,645 դրամ |
|
7. |
Բարեգործություն ստացողը |
«Վայոց ձորի տարածաշրջանային պետական քոլեջ» ՊՈԱԿ, ՀՎՀՀ՝ 01563256, |
|
8. |
Ծրագրի իրականացման տևողությունը |
23.04.2020 – 30.05.2020 |
|
9. |
Միջոցառումների նկարագրությունը և ժամկետները, անհրաժեշտ ֆինանսական միջոցների ծավալը |
«Անուշավան և Օֆիկ Աբրահամյան Կրթական Հիմնադրամ»-ի կողմից բարեգործություն ստացող հաստատություններում տարիներ առաջ հիմնվել են խոհարարական դասասենյակներ, որոնք այժմ գտնվում են անմխիթար վիճակում։ Ուստի, ուսումնական գործընթացի արդյունավետության բարձրացման համար անհրաժեշտ է դրանք վերազինել ժամանակակից պրոֆեսիոնալ խոհարարական սարքավորումներով։ |
|
10. |
Ձեռք բերվող (ներմուծվող) ապրանքների ու ծառայությունների համառոտ նկարագիրը, ծավալները և նախատեսվող գինը |
Նախատեսվում է՝ «ՔԱՄ ԵՆ ԳՈ» ՍՊԸ-ի հետ կնքված պայմանագրով ձեռք բերել ժամանակակից պրոֆեսիոնալ խոհարարական սարքավորումներ և դրանք մոնտաժել շահառու հաստատությունների համապատասխան դասասենյակներում: Ամբողջ սարքավորումների համար նախատեսված գինը կազմում է 6,765,645 դրամ՝ առանց ԱԱՀ-ի: |
|
11. |
Ծրագրի իրականացման հետ կապված կազմակերպական ծախսերը |
Ծրագրի իրականացման հետ կապված կազմակերպական ծախսեր չեն նախատեսվում: |
|
12. |
Համագործակցությունը պետական կառավարման, տեղական ինքնակառավարման մարմինների, այլ կազմակերպությունների հետ |
Համագործակցային աշխատանքներ նախատեսվում են՝ «Անուշավան Աբրահամյան Կրթական Հիմնադրամ»-ի Հայաստանի մասնաճյուղի, «Վայոց ձորի տարածաշրջանային պետական քոլեջ» ՊՈԱԿ-ի, «Արմավիրի ինդուստրիալ-մանկավարժական պետական քոլեջ» ՊՈԱԿ-ի և «Հրազդանի արհեստագործական պետական ուսումնարան» ՊՈԱԿ-ի միջև։ |
|
13. |
Ծրագրի արդյունավետության նկատմամբ վերահսկողության մեխանիզմների նկարագրությունը |
Ծրագրի ավարտից հետո «Անուշավան Աբրահամյան Կրթական Հիմնադրամ»-ի Հայաստանի մասնաճյուղը վերջնական հաշվետվություն կներկայացնի ՀՀ կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով: |
|
Հայաստանի Հանրապետության |
Տ. Ավինյան |