ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏ

Ո Ր Ո Շ ՈՒ Մ

5 փետրվարի 2020 թվականի N 67-Ա

«ՀԱՅԱՍՏԱՆՅԱՅՑ ԱՌԱՔԵԼԱԿԱՆ ՍՈՒՐԲ ԵԿԵՂԵՑԻ» ԿՐՈՆԱԿԱՆ ԿԱԶՄԱԿԵՐՊՈՒԹՅԱՆ ԿՈՂՄԻՑ ԻՐԱԿԱՆԱՑՎՈՂ «ԲԱԶՄԱԲՆԱԿԱՐԱՆ ՇԵՆՔԻ ՆՈՐՈԳՄԱՆ ԱՇԽԱՏԱՆՔՆԵՐ» ԾՐԱԳՐԻ ՄԱՍԻՆ

Հիմք ընդունելով «Բարեգործության մասին» Հայաստանի Հանրապետության օրենքի 13-րդ հոդվածի 2-րդ մասի 1-ին և 3-րդ կետերը՝

1. Բարեգործական որակել «Հայաստանյայց առաքելական սուրբ եկեղեցի» կրոնական կազմակերպության կողմից իրականացվող՝ 25,212,310 դրամ ընդհանուր արժողությամբ «Բազմաբնակարան շենքի նորոգման աշխատանքներ» ծրագիրը՝ համաձայն հավելվածի:

2. Սահմանել, որ «Հայաստանյայց առաքելական սուրբ եկեղեցի» կրոնական կազմակերպության կողմից (ՀՎՀՀ՝ 04703401)՝ Հայկական բարեգործական ընդհանուր միության (ՀՎՀՀ՝ 00006479) և «Միհրշին» ՍՊԸ-ի հետ (ՀՎՀՀ` 00930335) 2019 թվականի հունիսի 3-ին կնքված N 012Ա/019 եռակողմ պայմանագրում նշված գործարքը, որով նախատեսվում է Էջմիածին քաղաքի Մ. Խորենացի փողոցի թիվ 1 հասցեում գտնվող բազմաբնակարան շենքի երրորդ հարկի նորոգման աշխատանքների իրականացում՝ 25,212,310 դրամի չափով, առանց ավելացված արժեքի հարկի, անմիջականորեն կապված է սույն որոշման 1‑ին կետում նշված ծրագրի իրականացման հետ և դրա համար ունի զգալի նշանակություն:

3. «Հայաստանյայց առաքելական սուրբ եկեղեցի» կրոնական կազմակերպությանը՝ ծրագրի ավարտից հետո մեկամսյա ժամկետում, Հայաստանի Հանրապետության կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով, ներկայացնել ամփոփ տեղեկություններ ծրագրի կատարման մասին:

Հայաստանի Հանրապետության փոխվարչապետ	Տ. Ավինյան
2020 թ. փետրվարի 5 Երևան

Հավելված ՀՀ փոխվարչապետի 2020 թ. փետրվարի 5-ի N 67-Ա որոշման

Ծ Ր Ա Գ Ի Ր

«ԲԱԶՄԱԲՆԱԿԱՐԱՆԱՅԻՆ ՇԵՆՔԻ ՆՈՐՈԳՄԱՆ ԱՇԽԱՏԱՆՔՆԵՐ»

1.	Ծրագրի նպատակը	Ծրագրի նպատակն է ՀՀ, քաղ. Էջմիածնում, Մ. Խորենացի փ. թիվ 1 հասցեում գտնվող բազմաբնակարանային շենքի երրորդ հարկում կատարել նորոգման աշխատանքներ:
2.	Ծրագիրը բարեգործական որակելու նպատակները	Նախատեսվում է ծրագրի շրջանակներում օրենքով սահմանված կարգով օգտվել ՀՀ հարկերի, տուրքերի, պարտադիր վճարների գծով օրենքով սահմանված արտոնություններից:
3.	Բարեգործը (բարեգործները)	Հայկական բարեգործական ընդհանուր միություն
4.	Ծրագրի կատարողը	Հայաստանյայց առաքելական սուրբ եկեղեցի ՀՎՀՀ 04703401
5.	Ծրագրի իրականացման վայրը և բնագավառը	քաղ. Էջմիածին, Մ. Խորենացի փողոց թիվ 1 քաղաքաշինական
6.	Ծրագրի բյուջեն	25,212,310 դրամ
7.	Բարեգործություն ստացողը	Մ. Խորենացի փողոցի թիվ 1 հասցեում բազմաբնկարանային շենքի 3 հարկի բնակիչներ
8.	Ծրագրի իրականացման տևողությունը	2019 թվականի դեկտեմբերի 17-ից մինչև 2020 թվականի ապրիլի 3-ը
9.	Միջոցառումների նկարագրությունը և ժամկետները, անհրաժեշտ ֆինանսական միջոցների ծավալը	Ծրագրի իրականացման ընթացքում նախատեսվում է ՀՀ, քաղ. Էջմիածնում, Մ. Խորենացի փ. թիվ 1 հասցեում գտնվող բազմաբնակարանային շենքի երրորդ հարկում կատարել նորոգման աշխատանքներ: Աշխատանքներն իրականացվելու են «Միհրշին» ՍՊԸ-ի կողմից ( ՀՀ, ք. Երևան, Նորք - Մարաշ 17 փողոց, տուն 72, ՀՎՀՀ 00930335 ), պայմանագիր՝ N 012Ա/019, կնքված՝ 2019 թ. հունիսի 3-ին: Ծրագիրը նախատեսվում է իրականացնել 2019 թ. դեկտեմբերի 17-ից մինչև 2020 թ. ապրիլի 3-ը:
10.	Ձեռք բերվող ապրանքների, ծառայությունների համառոտ նկարագիրը, ծավալները, նախատեսվող գինը	Նախատեսվում է ՀՀ, քաղ. Էջմիածնում, Մ. Խորենացի փ. թիվ 1 հասցեում գտնվող բազմաբնակարանային շենքի երրորդ հարկում կատարել նորոգման աշխատանքներ՝ 25,212,310 դրամով: Ծրագիրը նախատեսվում է իրականացնել 2019 թ. դեկտեմբերի 17-ից մինչև 2020 թ. ապրիլի 3-ը:
11.	Ծրագրի իրականացման հետ կապված կազմակերպական ծախսերը	Այլ ծախսեր նախատեսված չեն:
12.	Համագործակցությունը պետական կառավարման, տեղական ինքնակառա-վարման մարմինների և այլ կազմակերպությունների հետ	Էջմիածնի քաղաքապետարանի հետ
13.	Ծրագրի արդյունավետության նկատմամբ վերահսկողության մեխանիզմների նկարագրությունը	Նախատեսվում է տեխնիկական հսկողություն Հայաստանյայց առաքելական սուրբ եկեղեցու ֆինանսական բաժնի հետ, ինչպես նաև ՀՀ կառավարության 2003 թվականի հունվարի 16-ի N 66-Ն որոշմամբ հաստատված բարեգործական ծրագրերը բարեգործական որակելու և գրանցելու կարգի 25-րդ կետով սահմանված կարգով կներկայացվեն տեղեկություններ:

Հայաստանի Հանրապետության փոխվարչապետ

Տ. Ավինյան